ಮಹಿಳೆಯರಲ್ಲಿ ಹೆಚ್ಚಾದ ಒಬಿಸಿಟಿ ಹಾಗೂ ಹೈಪರ್ ಟೆನ್ಷನ್; ಚಿಕಿತ್ಸೆ ಪಡೆಯದಿದ್ದರೆ ಜೀವಕ್ಕೇ ಕುತ್ತು

ಬೆಂಗಳೂರು, ಜೂನ್.12: ರಾಜಧಾನಿ ಬೆಂಗಳೂರು ದಿನದಿಂದ ದಿನಕ್ಕೆ ಅಭಿವೃದ್ಧಿಯತ್ತ ಸಾಗುತ್ತಿದೆ.‌ ಜೊತೆಗೆ ನಮ್ಮ ಜೀವನ ಶೈಲಿ, ಊಟದ ಬಗೆ, ಬದಲಾಗುತ್ತಿರುವ ಹವ್ಯಾಸಗಳು ಜೀವಕ್ಕೆ ಕುತ್ತು ತರುವ ಮಟ್ಟಕ್ಕೆ ಬಂದು ತಲುಪಿವೆ. ಅದರಲ್ಲೂ ಮಹಿಳೆಯರಲ್ಲಿ ಅತಿಹೆಚ್ಚು ಆರೋಗ್ಯ ಸಮಸ್ಯೆ (Health Issue) ಕಂಡು ಬರುತ್ತಿದ್ದು, ಒಬಿಸಿಟಿ ಹಾಗೂ ಹೈಪರ್ ಟೆನ್ಷನ್ (Obesity, Hypertension) ಸಮಸ್ಯೆಗಳ ಕೇಸ್​ಗಳು ನಗರದ ಆಸ್ಪತ್ರೆಯಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ದಾಖಲಾಗುತ್ತಿವೆ.

ಮಹಿಳೆಯರಲ್ಲಿ ಇತ್ತೀಚೆಗೆ ಒಬಿಸಿಟಿ ಸಮಸ್ಯೆಗಳು ಹೆಚ್ಚಾಗಿದ್ದು, ಇದರಿಂದ ಮಹಿಳೆಯರು ಹೆಚ್ಚು ಸಫರ್ ಮಾಡುತ್ತಿದ್ದಾರೆ. ದಿನದಿಂದ ದಿನಕ್ಕೆ ಬದಲಾಗುತ್ತಿರುವ ಆಹಾರ ಪದ್ದತಿ ಹಾಗೂ ಜೀವನ ಶೈಲಿಗಳಿಂದಾಗಿ ವಯಸ್ಸಿನ ಮಿತಿ ಇಲ್ಲದ ರೀತಿಯಲ್ಲಿ ಒಬಿಸಿಟಿ ಸಮಸ್ಯೆ ಕಾಡುತ್ತಿದೆ. ಒಬಿಸಿಟಿಯಾದಾಗ ಮಹಿಳೆಯರಲ್ಲಿ ಹಾರ್ಮೋನ್ಸ್ ಹೆಚ್ಚು ಉತ್ಪದನೆಯಾಗುವುದು, ಹಾರ್ಮಾನ್ಸ್ ಕಡಿಮೆಯಾಗುವಂತಹ ಸಮಸ್ಯೆಗಳು ಹೆಚ್ಚಾಗುತ್ತಿವೆ.‌ ಸಧ್ಯ ನಗರದ ಪ್ರತಿ ಆಸ್ಪತ್ರೆಗಳಲ್ಲಿ 3 ರಿಂದ 4 ಒಬಿಸಿಟಿ ಕೇಸ್​ಗಳು ದಾಖಲಾಗುತ್ತಿವೆ. 100 ಕೆಜಿ ದಾಟಿದ ಮಹಿಳೆಯರು ಹೆಚ್ಚಾಗಿ ಕಂಡು ಬರುವುದು ಕೂಡ ಹೆಚ್ಚಾಗಿದೆ. ಸಧ್ಯ ಈ‌ ಕೇಸ್ ಗಳು ಅನುವಂಶೀಕವಾಗಿ ಅಥವ ಥೈರಾರ್ಡ್ ಇದ್ದವರಲ್ಲಿ, ಪಿಸಿಒಡಿ‌ ಇದ್ದವರಲ್ಲಿ ಒಬಿಸಿಟಿ ಕೇಸ್ ಗಳು ಜಾಸ್ತಿಯಾಗುತ್ತಿವೆ. ಜೊತೆಗೆ ಈ‌ ಒಬಿಸಿಟಿಯಿಂದಾಗಿ ಮಾನಸಿಕ ಖಿನ್ನತೆ ಹಾಗೂ ಒತ್ತಡಗಳಾಗಿ ಆತ್ಮಹತ್ಯೆ ಮಾಡಿಕೊಳ್ಳುವ ಸಂಗತಿಗಳು ಹೆಚ್ಚಾಗುತ್ತಿದೆ.

ಇದನ್ನೂ ಓದಿ: Gruha Lakshmi Scheme: ಮಂದಿನ ತಿಂಗಳಿನಿಂದ ತೃತೀಯ ಲಿಂಗಿಗಳಿಗೂ ಗೃಹಲಕ್ಷ್ಮಿ ಹಣ

ಇನ್ನು ಮತ್ತೊಂದೆಡೆ ಹೈಪರ್ ಟೆನ್ಷನ್ ಕೇಸ್​ಗಳು ಹೆಚ್ಚಾಗುತ್ತಿದ್ದು, ಇದರಿಂದ‌‌ ಕಿಡ್ನಿ ಸಮಸ್ಯೆ, ಪಾಶ್ವಾವಾಯು, ಹೃದಯಾಘಾತ ಹೆಚ್ಚಾಗುತ್ತಿದೆ.‌ ಈ ಹಿಂದೆ ಹೈಪರ್ ಟೆಕ್ಷನ್ ಕೇಸ್ ಗಳು ಪ್ರತಿದಿನ ಒಂದು ಕೇಸ್ ಬಂದ್ರೆ ಹೆಚ್ಚಿತ್ತು. ಆದ್ರೀಗಾ ಬದಲಾಗುತ್ತಿರುವ ಜೀವನ ಶೈಲಿಯಿಂದಾಗಿ ಹೈಪರ್ ಟೆನ್ಷನ್ ಕೇಸ್​ಗಳು ಹೆಚ್ಚಾಗಿವೆ. ಪ್ರತಿದಿನ 10 ರಿಂದ 20 ರಷ್ಟು ರೋಗಿಗಳು ಆಸ್ಪತ್ರೆಗೆ‌ ದಾಲಾಗುತ್ತಿದ್ದಾರೆ. ಹೈಪರ್ ಟೆನ್ಷನ್ ನಾ ಯಾವುದೇ ಲಕ್ಷಣಗಳು ಕಂಡು ಬಂದ್ರೂ ಆಸ್ಪತ್ರೆಗಳಿಗೆ ಹೋಗಿ ಚಿಕಿತ್ಸೆ ಪಡೆಯಿರಿ ಎಂದು ಗೈನಾಕಾಲಜಿಸ್ಟ್ ಶ್ರೀನಿವಾಸ್ ಜೋಯಿಸ್ ಸಲಹೆ ನೀಡಿದ್ದಾರೆ.‌ ಇನ್ನು ಒಂದು ಬಾರಿ ಗರ್ಭಿಣಿಯರಿಗೆ ಹೈಪರ್ ಟೆನ್ಷನ್ ಬಂದಿದ್ದೆ ಆದಲ್ಲಿ ಅವರ ಜೀವ ಹೋಗುವ ಸಾಧ್ಯತೆಗ ಇರುತ್ತದೆ. ಹೀಗಾಗಿ ನಿರ್ಲಕ್ಷ್ಯ ಬೇಡ.

ಒಟ್ನಲ್ಲಿ, ಮಹಿಳೆಯಲ್ಲಿ ಒಬಿಸಿಟಿ ಹಾಗೂ ಹೈಪರ್ ಟೆನ್ಷನ್ (ರಕ್ತದ ಒತ್ತಡ) ಹೆಚ್ಚಾಗುತ್ತಿದ್ದು, ಮಹಿಳೆಯರು ಆರೋಗ್ಯದ ಮೇಲೆ ನಿಗಾ ಇಡಬೇಕಿದೆ.

ರಾಜ್ಯದ ಪ್ರಮುಖ ಸುದ್ದಿಗಳನ್ನು ಓದಲು ಇದರ ಮೇಲೆ ಕ್ಲಿಕ್ ಮಾಡಿ

Published On - 7:26 am, Wed, 12 June 24