ಗುರುವಾರವೇ ಸಂಪುಟ ವಿಸ್ತರಣೆ ಫಿಕ್ಸ್: ಆರಿದ್ರಾ ನಕ್ಷತ್ರದಲ್ಲಿ ಸಚಿವರ ಪ್ರತಿಜ್ಞಾವಿಧಿ!

ಬೆಂಗಳೂರು: ಸಂಪುಟ ವಿಸ್ತರಣೆಗೆ ಕಾದು ಕೂತಿದ್ದ ಬಿಎಸ್​​ವೈರನ್ನ ಬಿಜೆಪಿ ಹೈಕಮಾಂಡ್​​​​ ಇನ್ನಿಲ್ಲದಂತೆ ಸತಾಯಿಸಿಬಿಡ್ತು. ನಂತರ ಕೊನೆಗೂ ಸಿಎಂಗೆ ಗ್ರೀನ್​​ಸಿಗ್ನಲ್​​​​​ ಕೊಟ್ಟಿದೆ. ಇದೀಗ, ಅಳೆದು ತೂಗಿ, ಸಿಎಂ ಸಂಪುಟ ವಿಸ್ತರಣೆಗೆ ಮುಹೂರ್ತವನ್ನೂ ಫಿಕ್ಸ್​​​​​ ಮಾಡಿದ್ದಾರೆ. ಆದ್ರೆ, ಅದಕ್ಕೂ ಮೊದಲು, ಸಿಎಂ ನಿರ್ಧಾರ ಮಿತ್ರಮಂಡಳಿಯಲ್ಲಿ ಅಸಮಾಧಾನದ ಕಿಡಿ ಹೊತ್ತಿಸಿದೆ. ಹೀಗಾಗಿ, ಬಿಎಸ್​​ವೈಗೆ ಹೊಸ ಸಂಕಷ್ಟ ಎದುರಾಗಿದೆ.

ಗುರುವಾರ ಸಂಪುಟ ವಿಸ್ತರಣೆಗೆ ಸಿಎಂ ಮುಹೂರ್ತ: ಗುರುವಾರ.. ಇದೇ ಗುರುವಾರ.. ಕೊಟ್ಟ ಮಾತು ಉಳಿಸಿಕೊಳ್ಳೋಕೆ.. ಹೆಗಲ ಮೇಲಿನ ಭಾರ ಇಳಿಸೋಕೆ.. ಚಾತಕಪಕ್ಷಿಗಳ ಜಾತಕ ಬರೆಯೋಕೆ.. ಸರ್ಕಾರವನ್ನ ಟ್ರ್ಯಾಕ್​​​​​ಗೆ ಇಳಿಸೋಕೆ.. ಅಳೆದು-ತೂಗಿ, ಕಾದು-ಕಾಯಿಸಿ, ಸಂಪುಟ ವಿಸ್ತರಣೆ ಅನ್ನೋ ಸಂಕೋಲೆ ಬಿಡಿಸಲು ಗುರುವಾರದ, ಮೂಹರ್ತವನ್ನ ಸಿಎಂ ಫಿಕ್ಸ್​​​​​​​​​​​​​​ ಮಾಡಿದ್ದಾರೆ.

ಆದ್ರೆ, ಮುಖ್ಯಮಂತ್ರಿಯ ಸಂಪುಟ ಸೂತ್ರ, ಮಿತ್ರಮಂಡಳಿಯಲ್ಲಿ ತಲ್ಲಣ ಮೂಡಿಸಿದ್ರೆ, ಹಳೇ ತಲೆಗಳಿಗೂ ಆತಂಕ ಹುಟ್ಟಿಸಿದೆ. ಹೀಗಾಗಿ, ಬಾಕಿ ಇರೋ 3 ದಿನದೊಳಗೆ, ತಮ್ಮ ಕನಸುಗಳ ಸಾಕಾರಕ್ಕೆ ನಾಯಕರೆಲ್ಲ ರೇಸ್​​​​ಗೆ ಇಳಿದಿದ್ದಾರೆ. ಮಾತಲ್ಲೇ ಟಾಂಗ್​​ ಕೊಡ್ತಾ, ನಾಯಕರ ಜತೆ ಲಾಬಿ ಮಾಡ್ತಾ ಅಂತಿಮ ಹಂತದ ಕಸರತ್ತು ಮಾಡ್ತಿದ್ದಾರೆ. ಅದ್ರೆ, ಹೈಕಮಾಂಡ್ ಗೆರೆ ಒಳಗೆ ನಿಂತು, ಆಕಾಂಕ್ಷಿಗಳ ಸಾಲು ನೋಡ್ತಿರೋ ಬಿಎಸ್​​ವೈ ಸಚಿವರ ಪದಗ್ರಹಣಕ್ಕೆ ರೆಡಿಮಾಡ್ತಿದ್ದಾರೆ.

ಬೆಳಗ್ಗೆ 10.30ಕ್ಕೆ ಸಚಿವರ ಪ್ರತಿಜ್ಞಾವಿಧಿ ಕಾರ್ಯಕ್ರಮ: ಸರ್ಕಾರ ರಚನೆಗೆ ಕಾರಣವಾಗಿರೋ, ಮಿತ್ರಮಂಡಳಿ ಗೆಳೆಯರಿಗೆ ಮಂತ್ರಿಗಿರಿ ಕೊಡಲು ಸಿಎಂ ಮುಂದಾಗಿದ್ದಾರೆ. ಇದೇ ಗುರುವಾರ ಅಂದ್ರೆ, 6ನೇ ತಾರೀಖು ಸಂಪುಟ ವಿಸ್ತರಣೆಗೆ ಬಿಎಸ್​​ವೈ ಮುಹೂರ್ತ ಫಿಕ್ಸ್​​​​​​​​​​ ಮಾಡಿದ್ದಾರೆ. ಗೃಹ ಕಚೇರಿ ಕೃಷ್ಣಾದಲ್ಲಿಂದು ಮಾತನಾಡಿದ ಸಿಎಂ, ರಾಜಭವನದಲ್ಲಿ ಗುರುವಾರ ಬೆಳಗ್ಗೆ 10.30ಕ್ಕೆ ಸಚಿವರಿಗೆ ಪ್ರತಿಜ್ಞಾವಿಧಿ ಕಾರ್ಯಕ್ರಮ ನಡೆಯಲಿದೆ. ಸಂಪುಟ ವಿಸ್ತರಣೆಯೋ, ಪುನಾರಚನೆಯೋ ಅನ್ನೋದು ನಾಳೆ ನಿರ್ಧಾರ ಮಾಡ್ತೀವಿ ಅಂತಂದ್ರು.

ಸೋತ ವಿಶ್ವನಾಥ್​​​, ಎಂಟಿಬಿಗೆ ಬಿಎಸ್​​ವೈ ಶಾಕ್​​​! ಇನ್ನು, ಗೆದ್ದವ್ರಿಗೆ ಮಾತ್ರ ಮಂತ್ರಿಸ್ಥಾನ ಅಂತ ಮತ್ತೊಮ್ಮೆ ಸ್ಪಷ್ಟಪಡಿಸಿದ ಸಿಎಂ, ವಿಶ್ವನಾಥ್​​​​​​​ ಹಾಗೂ ಎಂಟಿಬಿ ನಾಗರಾಜ್​​​​​​ಗೆ ಶಾಕ್​​​​​​​​ ಕೊಟ್ರು. ಸುಪ್ರೀಂಕೋರ್ಟ್​​ ಆದೇಶದಂತೆ ಸೋತವ್ರಿಗೆ ಸಚಿವ ಸ್ಥಾನ ನೀಡಲು ಬರಲ್ಲ. ಹಾಗೆ, ಆರ್​​.ಶಂಕರ್​​ಗೆ ಭರವಸೆ ನೀಡಿದಂತೆ ಎಂಎಲ್​​ಸಿ ಮಾಡ್ತಿವಿ ಅಂತಂದ್ರು.

ಆರಿದ್ರಾ ನಕ್ಷತ್ರದಲ್ಲಿ ಕಾರ್ಯಕ್ರಮ: ಜ್ಯೋತಿಷಿಗಳ ಸಲಹೆ ಪಡೆದೇ ಸಿಎಂ, ಸಚಿವರ ಪದಗ್ರಹಣಕ್ಕೆ ಮುಹೂರ್ತ ನಿಗದಿ ಮಾಡಿದ್ದಾರೆ. ಬಿಎಸ್​ವೈ ಈಶ್ವರನ ಅನುಯಾಯಿಯಾಗಿದ್ದು, ಫೆಬ್ರವರಿ ಆರರ ಆರಿದ್ರಾ ನಕ್ಷತ್ರದಲ್ಲಿ ಕಾರ್ಯಕ್ರಮ ನಡೆಯಲಿದೆ. ಇನ್ನು, ಸಂಪುಟ ವಿಸ್ತರಣೆಗೆ ಕ್ಷಣಗಣನೆ ಶುರುವಾಗ್ತಿದ್ದಂತೆ, ಶಾಸಕರ ಅಸಮಾಧಾನ ಶಮನಕ್ಕೂ ಸಿಎಂ ಮುಂದಾಗಿದ್ದಾರೆ. ಸೋತವ್ರಿಗೆ ಸಚಿವ ಸ್ಥಾನವಿಲ್ಲ ಅನ್ನೋ ಬಿಎಸ್​​ವೈ ನಿರ್ಧಾರ ರಮೇಶ್​​​​​​​​ ಜಾರಕಿಹೊಳಿಗೆ ಬೇಸರ ಮೂಡಿಸಿತ್ತು. ಹೀಗಾಗಿ ಇಂದು ಧವಳಗಿರಿಯ ತಮ್ಮ ನಿವಾಸಕ್ಕೆ ಸಾಹುಕಾರ್​​ರನ್ನ ಕರೆಸಿಕೊಂಡಿದ್ರು. ಸಿ.ಪಿ.ಯೋಗೇಶ್ವರ್​​​​​ ಜತೆ ಸಿಎಂ ಮನೆಗೆ ಹಿಂಬಾಗಿಲ ಮೂಲಕ ಬಂದ ರಮೇಶ್​​​​​​​​​​​​​ ಜಾರಕಿಹೊಳಿ, ಕೆಲ ಹೊತ್ತು ಚರ್ಚೆ ನಡೆಸಿದ್ರು.

ಇನ್ನು, ಮಂತ್ರಿಗಿರಿ ಸಿಗಲ್ಲ ಅನ್ನೋದು ಗೊತ್ತಾಗ್ತಿದ್ದಂತೆ ಮಹೇಶ್​​​​​​​​​​​​ ಕುಮಟಳ್ಳಿ ಮಾತಿನ ಧಾಟಿ ಬದಲಾಗಿದೆ. ನನಗೆ ಸಚಿವ ಸ್ಥಾನ ಕೊಡದಿದ್ರೂ, ವಿಶ್ವನಾಥ್​​ಗೆ ಕೊಡಬೇಕು. ಒಂದೇ ಕ್ಷೇತ್ರದಲ್ಲಿ ಇಬ್ಬರಿಗೆ ಸಚಿವ ಸ್ಥಾನ ಕೊಡಲು ಆಗದಿದ್ರೆ, ಅದನ್ನ ಚುನಾವಣೆಗೂ ಮೊದಲೇ ಹೇಳಬೇಕಿತ್ತು ಅಂತ ಕಿಡಿಕಾರಿದ್ರು. ಇನ್ನು, ಸಚಿವ ಸ್ಥಾನದ ನಿರೀಕ್ಷೆಯಲ್ಲಿರೋ ಶಾಸಕ ಸೋಮಶೇಖರ್​​​​​​​​, ಬೆಂಗಳೂರು ಅಭಿವೃದ್ಧಿ ಖಾತೆಯನ್ನೇ ಮೊದಲು ಕೇಳ್ತೀನಿ ಅಂತಂದ್ರು. ಒಟ್ನಲ್ಲಿ, ಉಳಿದಿರೋ ಮೂರು ದಿನದಲ್ಲಿ ಎಲ್ಲರ ಕೋಪವನ್ನ ಸಿಎಂ ಶಮನ ಮಾಡ್ಬೇಕಿದ್ದು, ಇದು ನಿಜಕ್ಕೂ ದೊಡ್ಡ ಸವಾಲೇ ಸರಿ.

Published On - 9:07 pm, Sun, 2 February 20