ಗೌರಿ ಲಂಕೇಶ್​ ಹತ್ಯೆ ಪ್ರಕರಣ: ನುರಿತ ಬಾಂಬ್ ತಯಾರಕ ಅರೆಸ್ಟ್​

ಬೆಂಗಳೂರು: ಪತ್ರಕರ್ತೆ ಗೌರಿ ಲಂಕೇಶ್ ಹತ್ಯೆ ಪ್ರಕರಣ ಸಂಬಂಧ ಮತ್ತೋರ್ವ ಆರೋಪಿಯನ್ನು ಎಟಿಎಸ್ ಅಧಿಕಾರಿಗಳು ಬಂಧಿಸಿದ್ದಾರೆ. ಅಕ್ರಮ ಶಸ್ತ್ರಾಸ್ತ್ರ ಪ್ರಕರಣದಲ್ಲಿ ಆರೋಪಿ ಪ್ರತಾಪ್ ಹಜಾರ್​ನನ್ನು ಮಹಾರಾಷ್ಟ್ರ ಎಟಿಎಸ್​ ಪೊಲೀಸರು ಪಶ್ಚಿಮ ಬಂಗಾಳದಲ್ಲಿ ಅರೆಸ್ಟ್ ಮಾಡಿದ್ದಾರೆ.

ಆರೋಪಿ ಪ್ರತಾಪ್ ಹಜಾರ್, ಪತ್ರಕರ್ತೆ ಗೌರಿ ಲಂಕೇಶ್ ಮತ್ತು ಸಾಹಿತಿ ಎಂ.ಎಂ.ಕಲಬುರಗಿ ಹತ್ಯೆ ಪ್ರಕರಣದಲ್ಲಿ ಭಾಗಿಯಾಗಿದ್ದ ಎನ್ನಲಾಗಿದೆ. ನುರಿತ ಬಾಂಬ್ ತಯಾರಕನಾಗಿದ್ದ ಪ್ರತಾಪ್, ಬೆಳಗಾವಿಯಲ್ಲಿ ನಡೆದಿದ್ದ ಗನ್ ಟ್ರೈನಿಂಗ್​ನಲ್ಲಿ ಭಾಗಿಯಾಗಿದ್ದ. ಅಲ್ಲದೆ, ಉಳಿದ ಆರೋಪಿಗಳಿಗೂ ಗನ್ ಟ್ರೈನಿಂಗ್ ನೀಡಿದ್ದ ಎಂಬ ಮಾಹಿತಿ ಎಟಿಎಸ್​ ತನಿಖೆ ವೇಳೆ ಬಯಲಾಗಿದೆ.

ಸದ್ಯ ಮಹಾರಾಷ್ಟ್ರದ ಭಯೋತ್ಪಾದನಾ ನಿಗ್ರಹ ದಳದ ಅಧಿಕಾರಿಗಳನ್ನು ಕರ್ನಾಟಕ ಎಸ್​ಐಟಿ ಪೊಲೀಸರು ಸಂಪರ್ಕ ಮಾಡಿಲ್ಲ. ಮುಂದಿನ ಹಂತದಲ್ಲಿ ಆರೋಪಿ ಪ್ರತಾಪ್​ನನ್ನು ವಶಕ್ಕೆ ಪಡೆದು ಎಸ್​ಐಟಿ ಪೊಲೀಸರು ವಿಚಾರಣೆ ನಡೆಸುವ ಸಾಧ್ಯತೆಯಿದೆ.