ಮೈಸೂರು: ಕಾಡಾನೆ ನೋಡಲು ಬಂದಿದ್ದಾತ ಸಲಗದ ದಾಳಿಗೆ ಬಲಿಯಾದ

ಮೈಸೂರು: ಜಿಲ್ಲೆಯ ನಂಜನಗೂಡು ತಾಲ್ಲೂಕಿನ ಕೆಲ್ಲೂಪುರ ಗ್ರಾಮದಲ್ಲಿ ಕಾಡಾನೆ ದಾಳಿಗೆ ದೇಪೇಗೌಡನಪುರದ ನಿವಾಸಿ ಚೆನ್ನಪ್ಪ (36) ಮೃತಪಟ್ಟಿದ್ದಾರೆ.

ಓಂಕಾರ ಅರಣ್ಯ ವಲಯದಿಂದ ಗ್ರಾಮಕ್ಕೆ ಆನೆಗಳು ಆಹಾರ ಅರಸಿಕೊಂಡು ಬಂದಿದ್ದವು. ಕಾಡಾನೆಗಳನ್ನು ನೋಡಲು ದೇಪೇಗೌಡನಪುರದಿಂದ ಚೆನ್ನಪ್ಪ ಎಂಬ ವ್ಯಕ್ತಿ ಬಂದಿದ್ದರು. ಆ ಸಂದರ್ಭದಲ್ಲಿ ಹಿಂಡಿನಲ್ಲಿದ್ದ ಸಲಗವೊಂದು ಏಕಾಏಕಿ ಚೆನ್ನಪ್ಪನ ಮೇಲೆ ದಾಳಿ ನಡೆಸಿದೆ. ಆನೆ ದಾಳಿಗೆ ಸಿಲುಕಿದ ಚೆನ್ನಪ್ಪ ಪ್ರಾಣಬಿಟ್ಟಿದ್ದಾರೆ.

ಈ ಬಗ್ಗೆ ಕೆಲ್ಲೂಪುರ, ಮಲ್ಲಹಳ್ಳಿ, ಮಲ್ಕುಂಡಿ ಗ್ರಾಮಸ್ಥರಿಂದ ಅರಣ್ಯ ಇಲಾಖೆ ವಿರುದ್ಧ ಆಕ್ರೋಶ ವ್ಯಕ್ತವಾಗಿದೆ.

ಆನೆ ದಾಳಿ ನಡೆದ ಸ್ಥಳದಲ್ಲಿ ಸೇರಿರುವ ಜನಸಮೂಹ