ಸೈಬರ್ ವಂಚನೆಗೆ ತುತ್ತಾಗುವುದನ್ನು ತಪ್ಪಿಸಿಕೊಳ್ಳುವುದು ಹೇಗೆ? ವೈಯಕ್ತಿಕ ಮಾಹಿತಿ ಕಾಪಾಡಲು ಈ ಮಾರ್ಗಗಳು ಸಾಕು

ಡೇಟಾ ಮೈನಿಂಗ್ (Data mining) ಅಂದರೆ ನಿಮ್ಮ ವೈಯಕ್ತಿಕ ಮಾಹಿತಿ ಇಂದಿನ ಸೈಬರ್​​ ಪ್ರಪಂಚದಲ್ಲಿ ಮೂರಾಬಟ್ಟೆಯಾಗಿ ಹಂಚಿಹೋಗಿದೆ. ಇದು ನಿಮ್ಮ ಖಾಸಗಿತನಕ್ಕೆ ಬಹಳಷ್ಟು ಪೆಟ್ಟುಕೊಡಬಲ್ಲದು. ಅದು ನಿಮ್ಮ ಗೌಪ್ಯತೆಯನ್ನು ಹಾಳುಮಾಡುತ್ತದೆ. ಸ್ವಲ್ಪವೇ ಮೈಮರೆತರೂ ನಿಮ್ಮ ಜುಟ್ಟು ಸೈಬರ್​ ಲೋಕದಲ್ಲಿ ಖದೀಮರ ಕೈಗೆ ನೀಡದಂತೆಯೇ ಸರಿ. ಮುಂದೆ ಅದು ದುರುಪಯೋಗವಾಗುವುದು ಖಚಿತ. ಆದರೆ ಕಟುವಾಸ್ತವವೆಂದರೆ ಇದನ್ನು ತಪ್ಪಿಸುವುದು ಅಸಾಧ್ಯವಾಗಿದೆ. ಆದರೆ ನಿಯಂತ್ರಣ ಕ್ರಮಗಳನ್ನು ಅಳವಡಿಸಿಕೊಂಡರೆ ಅದನ್ನು ಕಡಿಮೆ ಮಾಡಬಹುದು. ಇಂದಿನ ಸೈಬರ್​ ಲೋಕದಲ್ಲಿ ವೈಯಕ್ತಿಕ ಮಾಹಿತಿ, ಖಾಸಗಿತನ, ಗೌಪ್ಯತೆ ಎಂಬುದಕ್ಕೆ ಬೆಲೆಯಿಲ್ಲವಾಗಿದೆ. ಆ ಅಮೂಲ್ಯ ಸಂಗತಿಗಳು ನಿಮ್ಮ ಕೈತಪ್ಪಿವೆ. ಡಿಜಿಟಲ್​ ಪ್ರಪಂಚದಿಂದ ಅವೆಲ್ಲಾ ಕಣ್ಮರೆಯಾಗಿದೆ. ಜಾಹೀರಾತುದಾರರು ಸೇರಿದಂತೆ ಸೈಬರ್ ವಂಚಕರು ಖಂಡಿತವಾಗಿಯೂ ನಿಮ್ಮ ಬಗ್ಗೆ ಎಲ್ಲವನ್ನೂ ನಿಮಗಿಂತಲೂ ಚೆನ್ನಾಗಿ ವ್ಯಾಖ್ಯಾನಿಸುತ್ತಾರೆ/ತಿಳಿದುಕೊಳ್ಳುತ್ತಾರೆ ಎಂಬುದು ಎಲ್ಲರಿಗೂ ವೇದ್ಯವಾಗಿದೆ. ನಿಮ್ಮ ಮೊಬೈಲ್​ ಫೋನ್‌ ಎಂಬುದು ಮೈಕ್ರೊಫೋನ್ ಆಗಿಬಿಟ್ಟಿದೆ. ನೀವಾಗಿಯೇ ನಿಮ್ಮ ಬಗ್ಗೆ ಅಷ್ಟೂ ಮಾಹಿತಿಯನ್ನೂ ನಿಮಗೆ ಅರಿವಿಲ್ಲದಂತೆ ಹಂಚುತ್ತಿದ್ದೀರಿ. ಸೈಬರ್ ಆಟಗಾರರು ನಿಮ್ಮ ಪ್ರತಿಯೊಂದು ಗೊಣಗಾಟವನ್ನು ಸಕ್ರಿಯವಾಗಿ ದಾಖಲಿಸುತ್ತಿದ್ದಾರೆ, ಆಲಿಸುತ್ತಿದ್ದಾರೆ ಎಂಬುದನ್ನು ಮೊದಲು ಅರಿತುಕೊಳ್ಳಿ. ನೀವು ನೀಡುವ ಮಾಹಿತಿಯನ್ನು ನಿಖರವಾಗಿ ಅರ್ಥೈಸಿಕೊಂಡು ಜಾಹೀರಾತುಗಳನ್ನು ಒದಗಿಸುತ್ತಾರೆ. ಗ್ರಾಹಕ ದೇವರಿಗೆ ಸಮಾನ ಎಂದಿದ್ದ ಮಹಾತ್ಮ ಗಾಂಧಿಯ ನಾಡಿನಲ್ಲಿ ಅಸಲಿಗೆ ಸೈಬರ್​ ಗ್ರಾಹಕನಿಗೆ ಯಾಕಾಗಿ ಇಂತಹ ದುಃಸ್ಥಿತಿ? ಇದಕ್ಕೆ ಕಡಿವಾಣ ಹಾಕಲು ಸಾಧ್ಯವಿಲ್ಲವೇ? ಗಮನಿಸಿ, ಡೇಟಾ ಮೈನಿಂಗ್ ಎಂದು ಕರೆಯಲ್ಪಡುವ ಕಾರ್ಯದಲ್ಲಿ ಡಿಜಿಟಲ್​ ಬಳಕೆ ವೇಳೆ ಕ್ಷಣ ಕ್ಷಣದ ನಿಮ್ಮ ಪ್ರತಿಯೊಂದು ಚಟುವಟಿಕೆಯಿಂದಲೂ ಆಮೂಲಾಗ್ರವಾಗಿ, ಅಪಾರ ಪ್ರಮಾಣದ, ಅನಾಮಧೇಯ ಡೇಟಾವನ್ನು ಡಿಜಿಟಲ್​ ರೂಪದಲ್ಲಿ ಕ್ಷಣಾರ್ಧದಲ್ಲಿ ಸಂಗ್ರಹಿಸುವ...