ರಾಯಚೂರು: ನೀರು ಕುಡಿಯಲು ಯೋಗ್ಯವಾಗಿಲ್ಲ ಎಂದು ವರದಿ ನೀಡಿದ್ದಕ್ಕೆ ವೈದ್ಯರ ಮೇಲೆ ಪಿಡಿಓ ಗರಂ

ರಾಯಚೂರು, (ಆಗಸ್ಟ್ 11): ಜಿಲ್ಲೆಯ ಲಿಂಗಸುಗೂರು ತಾಲೂಕಿನ ಚಿತ್ತಾಪುರ ಗ್ರಾಮದಲ್ಲಿ ಕಲುಷಿತ ನೀರು (contaminated water)ಪ್ರಕರಣಕ್ಕೆ ಸಂಬಂಧಿಸಿದಂತೆ ತಾಲೂಕು ಮಟ್ಟದ ವೈದ್ಯರ ತಂಡ ನೀರಿನ ವರದಿ ನೀಡಿದೆ. ಒಟ್ಟು 24 ವಾಟರ್ ಸ್ಯಾಂಪಲ್​​ ಪೈಕಿ 3 ವಾಟರ್​ ಸ್ಯಾಂಪಲ್ ಅನ್​ಫಿಟ್ ಎಂದು ಲಿಂಗಸುಗೂರು ತಾಲೂಕು ಮಟ್ಟದ ವೈದ್ಯರ ತಂಡ ವರದಿ ನೀಡಿದೆ. ಆದ್ರೆ, ಈ ವರದಿಯನ್ನು ಚಿತ್ತಾಪುರ ಗ್ರಾಮಪಂಚಾಯಿತಿ ಪಿಡಿಓ ಶಶಿಕಲಾ ಪಾಟೀಲ್ ಒಪ್ಪುತ್ತಿಲ್ಲ. ಇದರೊಂದಿಗೆ ತಾಲೂಕು ಮಟ್ಟದ ಅಧಿಕಾರಿ, ಪಿಡಿಓ ಸೇರಿಕೊಂಡು ಸತ್ಯ ಮುಚ್ಚಿಡುವ ಯತ್ನ ಮಾಡಿದ್ರಾ ಎನ್ನುವ ಅನುಮಾನಗಳು ವ್ಯಕ್ತವಾಗಿವೆ.

ಇದನ್ನೂ ಓದಿ: ರಾಯಚೂರು ಜಿಲ್ಲೆಯಲ್ಲಿ ಮತ್ತೊಂದು ಕಲುಷಿತ ನೀರು ದುರಂತ ಪ್ರಕರಣ ಬೆಳಕಿಗೆ, 80ಕ್ಕೂ ಹೆಚ್ಚು ಜನ ಅಸ್ವಸ್ಥ

ವೈದ್ಯರ ವರದಿ ಒಪ್ಪ. ನಮ್ಮ ಇಲಾಖೆ ನೀಡುವ ವರದಿಯನ್ನು ಮಾತ್ರ ಒಪ್ಪುತ್ತೇನೆ ಎಂದಿರುವ PDO ಶಶಿಕಲಾ, ಅಧಿಕಾರಿ ಅಮರೇಶ್​ ಯಾದವ್, ತಾಲೂಕು ವೈದ್ಯರ ತಂಡ ನೀಡಿರುವ ವರದಿ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ವರದಿ ಬಗ್ಗೆ ಮಾಧ್ಯಮಗಳಿಗೆ ಮಾಹಿತಿ ನೀಡಿದ್ದು ಏಕೆ ಎಂದು ಟಿಹೆಚ್​ಒ ಅಮರೇಗೌಡ ವಿರುದ್ಧ ಪಿಡಿಒ, ಹಿರಿಯ ಅಧಿಕಾರಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿರುವ ಟಿಹೆಚ್​ಒ ಅಮರೇಗೌಡ , ನಮ್ಮ ವರದಿಯಲ್ಲಿ ಬಂದಿರುವ ಅಂಶಗಳ ಬಗ್ಗೆ ಮಾಹಿತಿ ನೀಡಿದ್ದೇನೆ. ಸತ್ಯ ಹೇಳಿದ್ದೇನೆ. ನಮ್ಮ ವರದಿ ಸರಿ ಇದೆ ಎಂದಿದ್ದಾರೆ.

ತಾಲ್ಲೂಕು ವೈದ್ಯರ ತಂಡದ ವರದಿ ಬಿಲ್ ಕುಲ್ ಒಪ್ಪಲ್ಲ ಎಂದು ಹಿರಿಯ ಅಧಿಕಾರಿ ಎಂದು ಲೆಕ್ಕಿಸದೇ ಟಿಎಚ್​ಓ ಮೇಲೆ ದರ್ಪ ಮೆರೆದಿದ್ದಾರೆ. ಮತ್ತೊಂದೆಡೆ ಪಂಚಾಯಿತಿ ತಮ್ಮ ತಪ್ಪು ಬೆಳಕಿಗೆ ಬರತ್ತೆ ಎಂದು ಪಿಡಿಓ ಮೇಡಂ ಗರಂ ಆಗಿದ್ದಾರೆ ಎಂದು ಸ್ಥಳೀಯರು ಮಾತನಾಡಿಕೊಳ್ಳುತ್ತಿದ್ದಾರೆ. ಈ ಮೂಲಕ ಪಂಚಾಯಿತಿ ಅಧಿಕಾರಿಗಳು ಹಾಗೂ ವೈದ್ಯರ ಜಟಾಪಟಿಯಿಂದಾಗಿ ಚಿತ್ತಾಪುರ ಗ್ರಾಮಸ್ಥರು ಹೈರಾಣಾಗಿದ್ದಾರೆ.

ರಾಯಚೂರು ಜಿಲ್ಲೆ ಲಿಂಗಸುಗೂರು ತಾಲೂಕಿನ ಚಿತ್ತಾಪುರ ಗ್ರಾಮದಲ್ಲಿ ಲುಷಿತ ನೀರು ಸೇವಿಸಿ 80ಕ್ಕೂ ಹೆಚ್ಚು ಜನ ಅಸ್ವಸ್ಥಗೊಂಡಿದ್ದಾರೆ. ಕುಡಿಯುವ ನೀರಿಗೆ ಚರಂಡಿ ನೀರು ಮಿಶ್ರಣವಾಗಿದ್ದು ಗ್ರಾಮಸ್ಥರು ಅಸ್ವಸ್ಥಗೊಂಡಿದ್ದಾರೆ. ಚರಂಡಿ ಬಂದ್ ಮಾಡಿಸಿ ಎಂದು ಟಿವಿ9 ಕ್ಯಾಮೆರಾ ಎದುರು ಅಳಲು ತೋಡಿಕೊಂಡಿದ್ದರು.

ರಾಯಚೂರಿಗೆ ಸಂಬಂಧಿಸಿದ ಸುದ್ದಿಗಳನ್ನು ಓದಲು ಇದರ ಮೇಲೆ ಕ್ಲಿಕ್ ಮಾಡಿ

Published On - 9:25 am, Fri, 11 August 23