ರಾಜ್ಯ ಕೊರೊನಾ ಮುಕ್ತವಾಗಲಿ ಎಂದು ಬೌದ್ದ ಬಿಕ್ಷುಗಳಿಂದ ಪಿರಿಯಾಪಟ್ಟಣ ಟಿಬೆಟ್​ ಕ್ಯಾಂಪಸ್‌ನಲ್ಲಿ ಸಾಂಪ್ರದಾಯಿಕ ವಿಶೇಷ ಪೂಜೆ

ಮೈಸೂರು: ರಾಜ್ಯವು ಕೊರೊನಾ ವೈರಸ್ ಮುಕ್ತವಾಗಲಿ ಎಂದು ಬೌದ್ದ ಬಿಕ್ಷುಗಳು ಸಾಂಪ್ರದಾಯಿಕ ವಿಶೇಷ ಪೂಜೆ ನೆರವೇರಿಸಿದ್ದಾರೆ. ಪಿರಿಯಾಪಟ್ಟಣದ ಟಿಬೆಟಿಯನ್ ಕ್ಯಾಂಪಸ್‌ನಲ್ಲಿ ಟಿಬೆಟಿಯನ್ ಅಗ್ರಿಕಲ್ಚರ್ ಸೊಸೈಟಿಯಿಂದ ಈ ಪೂಜಾ ಕೈಂಕರ್ಯ ನಡೆದಿದೆ. ಶಾಂತಿದೂತ ದಲೈಲಾಮಾ ಭಾವಚಿತ್ರವಿರಿಸಿ ಪೂಜೆ ಸಲ್ಲಿಸಲಾಗಿದೆ.

ಇದೇ ವೇಳೆ ಕೊರೊನಾ ಸೋಂಕಿನಿಂದ ಮೃತರಾದವರ ಆತ್ಮಕ್ಕೆ ಶಾಂತಿ, ಸದ್ಗತಿ ಕೋರಲಾಯಿತು. ಬೌದ್ದ ಗುರುವಿನ‌ ಪ್ರತಿಮೆ ಮುಂದೆ ಜ್ಯೂಸ್, ಧಾನ್ಯ, ಮೈದಾಹಿಟ್ಟು, ಗೋಧಿ ಹಿಟ್ಟು ಇಟ್ಟು ಪೂಜೆ ಸಲ್ಲಿಸಲಾಯಿತು. ಬೌದ್ದ ಭಿಕ್ಷುಗಳು ಕೈಯಲ್ಲಿ ಗೋಧಿ ಹಿಟ್ಟು ಹಿಡಿದು ಮಂತ್ರ ಜಪಿಸಿದರು.

ಪಿರಿಯಾಪಟ್ಟಣದ ಟಿಬೆಟಿಯನ್ ಕ್ಯಾಂಪಸ್‌ನಲ್ಲಿ ಕೊರೊನಾ ಹೋಗಲಾಡಿಸಲು ಸುದೀರ್ಘ ಕಾಲ ಲಾಕ್​ಡೌನ್ ಬಿಗಿಕ್ರಮಗಳನ್ನು ಕೈಗೊಳ್ಳಲಾಗಿತ್ತು

ಗಮನಾರ್ಹವೆಂದರೆ ಸುದೀರ್ಘ ಕಾಲ ಪಿರಿಯಾಪಟ್ಟಣದ ಟಿಬೆಟಿಯನ್ ಕ್ಯಾಂಪಸ್‌ನಲ್ಲಿ ಕೊರೊನಾ ಹೋಗಲಾಡಿಸಲು ಸುದೀರ್ಘ ಕಾಲ ಲಾಕ್​ಡೌನ್ ಬಿಗಿಕ್ರಮಗಳನ್ನು ಕೈಗೊಳ್ಳಲಾಗಿತ್ತು. ಟಿಬೆಟಿಯನ್ ಕ್ಯಾಂಪಸ್‌ ಈಗ ಕೊರೊನಾ ಮುಕ್ತವಾಗಿದೆ. ಭಾರತ ಸೇರಿದಂತೆ ಇಡೀ ವಿಶ್ವದಲ್ಲಿ ಕೋವಿಡ್ 19 ಹರಡುವುದನ್ನು ತಡೆಗಟ್ಟಲು ಲಗಸಂ ಮತ್ತು ಡೆಲರ್ ಟಿಬೆಟನ್ ಸೆಟ್ಲಮೆಂಟ್ಸ್​ನಿಂದ ವಿಶೇಷ ಪೂಜಾ ವಿಧಾನಗಳನ್ನು ಹಮ್ಮಿಕೊಳ್ಳಲಾಗಿತ್ತು.(special rituals to curb the the spread of covid 19 pandemic throughout the world and in india by lugsam and delar tibetan settlements)

ಕೋವಿಡ್ 19 ಹರಡುವುದನ್ನು ತಡೆಗಟ್ಟಲು ಲಗಸಂ ಮತ್ತು ಡೆಲರ್ ಟಿಬೆಟನ್ ಸೆಟ್ಲಮೆಂಟ್ಸ್​ನಿಂದ ವಿಶೇಷ ಪೂಜಾ ವಿಧಾನ

ಬೌದ್ದ ಭಿಕ್ಷುಗಳು ಕೈಯಲ್ಲಿ ಗೋಧಿ ಹಿಟ್ಟು ಹಿಡಿದು ಮಂತ್ರ ಜಪಿಸಿದರು.(special puja to get rid of coronavirus at Buddha bhikkhu Golden Temple tibetan camp Bylakuppe Periyapatna Mysuru district)