ಮೈಸೂರಿನಲ್ಲಿ ಇಬ್ಬರು ಯುವಕರಿಂದ ಮನೆಮನೆಗೆ ತೆರಳಿ ಸೇವೆ

ಮೈಸೂರಿನಲ್ಲಿ ಇಬ್ಬರು ಯುವಕರಿಂದ ಮನೆಮನೆಗೆ ತೆರಳಿ ಸೇವೆ
ಪ್ರಾತಿನಿಧಿಕ ಚಿತ್ರ

ಇದನ್ನರಿತ ಮಹದೇವ ಮತ್ತು ಸಿದ್ಧರಾಜು ದಲಿತರಿಗೆ ಕ್ಷೌರ ಸೇವೆ ನೀಡಲು ಮುಂದಾದರು. ಕಳೆದ 8 ವರ್ಷಗಳಿಂದ ದಲಿತರಿಗೆ ಎಂದೇ ಕ್ಷೌರ ಮಾಡುತ್ತಿದ್ದು, ಸರ್ಕಾರ ಆರ್ಥಿಕ ಸಹಾಯ ನೀಡಿದರೆ ಸ್ವಂತ ಸಲೂನ್ ತೆರೆಯುತ್ತೇವೆ ಎಂದು ಮಹದೇವ ಹೇಳುತ್ತಾರೆ.

guruganesh bhat

| Edited By: Ghanashyam D M | ಡಿ.ಎಂ.ಘನಶ್ಯಾಮ

Apr 19, 2021 | 9:49 PM

ಮೈಸೂರು: ದಲಿತ ಸಮುದಾಯದ ಕುಟುಂಬಗಳಿಗೆ ಕ್ಷೌರ ಸೇವೆ ಒದಗಿಸುವ ಮೂಲಕ ಮೈಸೂರಿನ ಇಬ್ಬರು ಯುವಕರು ಸಾಮಾಜಿಕ ಸಾಮರಸ್ಯ ಮೆರೆದಿದ್ದಾರೆ. ಮೈಸೂರಿನ ಕಪ್ಪಸೋಗೆ, ಕುರುಹುಂಡಿ, ಗೌಡರಹುಂಡಿ ಮತ್ತು ಮಾದನಹಳ್ಳಿಯಲ್ಲಿ ವಾಸವಿದ್ದ ದಲಿತ ಕುಟುಂಬಗಳು ಸ್ಥಳೀಯ ಕ್ಷೌರದಂಗಡಿಗಳಲ್ಲಿ ಸೇವೆ ಪಡೆಯುತ್ತಿರಲಿಲ್ಲ. ಇದನ್ನರಿತ ಕೆ. ಪಿ ಮಹಾದೇವ ಮತ್ತು ಅವರ ಸಹೋದರ ಕೆ.ಪಿ ಸಿದ್ಧರಾಜು ದಲಿತ ಕುಟುಂಬಗಳ ಸದಸ್ಯರಿಗೆ ಕ್ಷೌರ ಸೇವೆ ನೀಡುತ್ತಿದ್ದಾರೆ.

ದಲಿತ ಸಮುದಾಯದ ಜನರಿಗೆ ಕ್ಷೌರ ಮಾಡಿದರೆ ಮೇಲ್ವರ್ಗದ ಜನರು ತಮ್ಮ ಅಂಗಡಿಗೆ ಬರುವುದಿಲ್ಲ. ವ್ಯವಹಾರಕ್ಕೆ ಹೊಡೆತ ಬೀಳುತ್ತದೆ ಎಂಬ ಕಾರಣಕ್ಕೆ ದಲಿತರು ಕ್ಷೌರದ ಅಂಗಡಿಗಳಿಗೆ ಹೋಗುತ್ತಿರಲಿಲ್ಲ. ಇದನ್ನರಿತ ಮಹದೇವ ಮತ್ತು ಸಿದ್ಧರಾಜು ದಲಿತರಿಗೆ ಕ್ಷೌರ ಸೇವೆ ನೀಡಲು ಮುಂದಾದರು. ಕಳೆದ 8 ವರ್ಷಗಳಿಂದ ದಲಿತರಿಗೆ ಎಂದೇ ಕ್ಷೌರ ಮಾಡುತ್ತಿದ್ದು, ಸರ್ಕಾರ ಆರ್ಥಿಕ ಸಹಾಯ ನೀಡಿದರೆ ಸ್ವಂತ ಸಲೂನ್ ತೆರೆಯುತ್ತೇವೆ ಎಂದು ಮಹದೇವ ಹೇಳುತ್ತಾರೆ.

‘ನಮಗೆ 30 ಗುಂಟೆ ಒಣಭೂಮಿಯಿದೆ. ಅದರಲ್ಲಿ ಅಲ್ಪಸ್ವಲ್ಪ ಕೃಷಿ ಮಾಡುವ ಹಂಬಲ ಹೊಂದಿದ್ದೇವೆ, ಇತರರ ಕೃಷಿ ಭೂಮಿಯಲ್ಲೂ ಕೃಷಿ ಕಾರ್ಮಿಕರಾಗಿ ಕೆಲಸ ಮಾಡುತ್ತೇವೆ. ಕೆಲಸ ಇಲ್ಲದ ದಿನಗಳಲ್ಲಿ ಎಲೆಕ್ಟ್ರಿಶಿಯನ್ ಆಗಿಯೂ ಕೆಲಸ ಮಾಡುತ್ತೇವೆ’ ಎಂದು ಮಹದೇವ್ ಹೇಳುತ್ತಾರೆ. ಕೊರೊನಾ ಪಿಡುಗು ವ್ಯಾಪಕವಾಗಿ ಆವರಿಸಿದ ದಿನಗಳಲ್ಲೂ ದಲಿತ ಸಮುದಾಯದ ಜನರಿಗೆ ಕ್ಷೌರ ಸೇವೆ ಒದಗಿಸಿದ್ದೇವೆ. ಕ್ಷೌರಕ್ಕೆ ₹40 ಮತ್ತು ಶೇವಿಂಗ್​ಗೆ ₹20ನ್ನು ಅವರು ಪಡೆಯುತ್ತಾರೆ. ಅಲ್ಲದೇ ಅಗತ್ಯ ಇರುವವರಿಗೆ ಮನೆಮನೆಗೆ ತೆರಳಿ ಸೇವೆಯನ್ನೂ ನೀಡುತ್ತೇವೆ’ ಎಂದು ಮಹದೇವ್ ವಿವರಿಸುತ್ತಾರೆ.

ಹೀಗೆ ಮೈಸೂರು ಭಾಗದ ದಲಿತ ಸಂಕಥನಗಳು ಒಂದೊಂದಾಗಿಯೇ ತೆರೆದುಕೊಳ್ಳುತ್ತದೆ. ಕೆಲವರಾದರೂ ಈ ಗೋಡೆಗಳನ್ನು ಮುರಿಯುತ್ತಿರುವುದು ಕೊಂಚ ಸಮಾಧಾನಕರ ವಿಷಯವಾಗಿದೆ. ದಲಿತರಿಗೆ ನಿರಾಕರಿಸಲಾದ ಸೇವೆಯನ್ನು ಅವಕಾಶವೆಂದೇ ತಿಳಿದು ಹೊಸ ಬಗೆಯಲ್ಲಿ ಸಾಮಾಜಿಕ ಸೌಹಾರ್ದತೆಯನ್ನು ಸೃಷ್ಟಿಸುತ್ತಿದ್ದಾರೆ. ಮೈಸೂರಿನ ಕೆ ಪಿ ಮಹಾದೇವ ಮತ್ತು ಅವರ ಸಹೋದರ ಕೆ ಪಿ ಸಿದ್ಧರಾಜು ಅವರ ಸೇವೆ ಇನ್ನಷ್ಟು ಮುನ್ನೆಲೆಗೆ ಬರಬೇಕಿದೆ.

ಇದನ್ನೂ ಓದಿ: ಒಂದೇ ಬೆಡ್​ನಲ್ಲಿ ಇಬ್ಬರಿಗೆ ಚಿಕಿತ್ಸೆ, ಆಸ್ಪತ್ರೆ ಹೊರಗೆ ಹೆಣಗಳು; ಕೊರೊನಾದಿಂದ ಪರಿಸ್ಥಿತಿ ಭೀಕರ

ಭೀಮಾ-ಕೋರೆಗಾಂವ್ ಕದನಕ್ಕೆ 203 ವರ್ಷ; ಭಾರತದ ದಲಿತ ಕಥನದಲ್ಲಿ ಈ ಯುದ್ಧಕ್ಕೆ ಏಕಿಷ್ಟು ಪ್ರಾಮುಖ್ಯ?

(Two Dalit brothers offer doorstep haircut social harmony)

Follow us on

Related Stories

Most Read Stories

Click on your DTH Provider to Add TV9 Kannada