ಲಿಂಗೈಕ್ಯ ಡಾ.ಶಿವಕುಮಾರಶ್ರೀಗಳಿಗೆ ಭಾರತ ರತ್ನ ನೀಡಲೇಬೇಕು -ವಾಟಾಳ್​ ನಾಗರಾಜ್​ ‘ಏಕಾಂಗಿ’ ಸತ್ಯಾಗ್ರಹ

ತುಮಕೂರು: ನಡೆದಾಡುವ ದೇವರು, ತ್ರಿವಿಧ ದಾಸೋಹಿಗಳಾದ ಲಿಂಗೈಕ್ಯ ಸಿದ್ದಗಂಗಾ ಶ್ರೀಗಳಿಗೆ ಭಾರತ ರತ್ನ ಪ್ರಶಸ್ತಿ ಕೊಡಲೇಬೇಕೆಂದು ಒತ್ತಾಯಿಸಿ ಕನ್ನಡ ಪರ ಹೋರಾಟಗಾರ ವಾಟಾಳ್​ ನಾಗರಾಜ್​ ಇಂದು ಚಳುವಳಿಗೆ ಇಳಿದರು.

ಏಕಾಂಗಿ ಸತ್ಯಾಗ್ರಹ ಆರಂಭಿಸಿದ ವಾಟಾಳ್ ನಾಗರಾಜ್ ಜಿಲ್ಲೆಯ ಕ್ಯಾತಸಂದ್ರ ರೈಲ್ವೇ ನಿಲ್ದಾಣದಲ್ಲಿ ರೈಲು ಹಳಿ ಮೇಲೆ ಕೂತು ಪ್ರತಿಭಟನೆ ನಡೆಸಿದರು. ಈ ಕೂಡಲೇ ಲಿಂಗೈಕ್ಯರಾದ ಡಾ.ಶಿವಕುಮಾರಶ್ರೀಗಳಿಗೆ ಭಾರತ ರತ್ನ ನೀಡಬೇಕು ಎಂದು ವಾಟಾಳ್ ಆಗ್ರಹಿಸಿದರು. ಈ ವೇಳೆ, ರೈಲ್ವೇ ಹಳಿ ಮೇಲೆ‌ ಕುಳಿತು ಸತ್ಯಾಗ್ರಹ ನಡೆಸ್ತಿರೋ ವಾಟಾಳ್​ಗೆ ಕೆಲ ಅಭಿಮಾನಿಗಳು ಸಾಥ್ ಕೊಟ್ಟರು.