ಕುಣಿದು ಕುಪ್ಪಳಿಸಿ ಹೊಸ ವರ್ಷ ಬರ ಮಾಡಿಕೊಳ್ಳುವ ಪ್ಲಾನ್ ಮಾಡಿದ್ದೀರಾ.. ವಿಶೇಷ ಆಚರಣೆಗೆ BBMP ಬ್ರೇಕ್

ಬೆಂಗಳೂರು: ಇನ್ನೇನು ನ್ಯೂ ಇಯರ್ ಬಂದೇ ಬಿಡ್ತು. ಆದರೆ, ಕೊರೊನಾ ಮಹಾಮಾರಿಯ ಆರ್ಭಟ ಮಾತ್ರ ಕಡಿಮೆ ಆಗಿಲ್ಲ. ಈ ನಿಟ್ಟಿನಲ್ಲಿ ನ್ಯೂ ಇಯರ್​ ಸ್ಪೆಷಲ್ ಸೆಲೆಬ್ರೇಷನ್​ನನ್ನು ಬ್ಯಾನ್ ಮಾಡುವಂತೆ ಬಿಬಿಎಂಪಿ ತೀರ್ಮಾನಿಸಿದೆ.

ಈ ಬಾರಿಯ ಹೊಸ ವರ್ಷದಲ್ಲಿ ಪಬ್​ಗಳಲ್ಲಿ ಗುಂಪು, ಗುಂಪಾಗಿ ಡ್ಯಾನ್ಸ್​ ಮಾಡುವುದನ್ನು ಬ್ಯಾನ್​ ಮಾಡಲು ತೀರ್ಮಾನ ಕೈಗೊಳ್ಳಲಾಗಿದೆ. ಕೊರೊನಾ ರೂಲ್ಸ್​ಗೆ ತಕ್ಕಂತೆ ಸಾಮಾಜಿಕ ಅಂತರ ಕಾಪಾಡಿಕೊಂಡು, ಹೆಚ್ಚಿನ ಜನ ಸೇರಿಸದೆ ಪಾರ್ಟಿ ನಡೆಸಲು ತಯಾರಿ ನಡೆಸಲಾಗಿದೆ.

ಪಬ್​ಗಳಲ್ಲಿ ಮೊದಲ ಆದ್ಯತೆ ಕಪಲ್ಸ್​ಗಳಿಗೆ ಎಂದು ತೀರ್ಮಾನಿಸಲಾಗಿದ್ದು, ಒಂದು ಟೇಬಲ್​ನಿಂದ ಮತ್ತೊಂದು ಟೇಬಲ್​ಗೆ ಅಂತರ ಕಾಯ್ದುಕೊಳ್ಳುವಂತೆ ಎಚ್ಚರ ವಹಿಸಲಾಗುತ್ತೆ. ನಿಂತು ಡ್ಯಾನ್ಸ್​ ಮಾಡಲು ಮಾರ್ಕಿಂಗ್ ವ್ಯವಸ್ಥೆ ಮಾಡಲಾಗಿದೆ. ಗುಂಪುಕಟ್ಟಿ ಡ್ಯಾನ್ಸ್ ಮಾಡುವುದು ಮತ್ತು ಡಿಜೆಗಳನ್ನು ಆಯೋಜನೆ ಮಾಡದಿರಲು ಪಬ್​ಗಳು ತೀರ್ಮಾನಿಸಿವೆ.