Bigg Boss Kannada Voice: ‘ಬಿಗ್​ ಬಾಸ್​ ಧ್ವನಿ ಚೇಂಜ್​ ಮಾಡ್ರೋ, ಕೇಳೋಕೆ ಆಗ್ತಿಲ್ಲ’; ಆಕ್ರೋಶ ಹೊರ ಹಾಕಿದ ವೀಕ್ಷಕರು!

ಬಿಗ್​ ಬಾಸ್​ ಮನೆಯಲ್ಲಿ ಯಾರೆಲ್ಲ ಸ್ಪರ್ಧಿಗಳು ಹೋಗುತ್ತಾರೆ ಎನ್ನುವುದು ಎಷ್ಟು ಮುಖ್ಯವೋ ಅದೇ ರೀತಿ, ಬಿಗ್​ ಬಾಸ್​ ಮನೆಯ ವಿನ್ಯಾಸ, ಅದರಲ್ಲಿ ಬರುವ ಬಿಗ್​ ಬಾಸ್​ ಧ್ವನಿ, ವೀಕೆಂಡ್​ನಲ್ಲಿ ಸುದೀಪ್​ ತೊಡುವ ಬಟ್ಟೆ ಎಲ್ಲವೂ ತುಂಬಾನೇ ಮುಖ್ಯ. ಇದನ್ನು ಪ್ರೇಕ್ಷಕರು ಸೂಕ್ಷ್ಮವಾಗಿ ಗಮನಿಸುತ್ತಾರೆ. ಇದರಲ್ಲಿ ಸ್ವಲ್ಪ ಬದಲಾವಣೆ ಆದರೂ ಪ್ರೇಕ್ಷಕ ಮಹಾಶಯ ಇದನ್ನು ಸಹಿಸಿಕೊಳ್ಳುವುದಿಲ್ಲ. ಈ ಬಾರಿಯೂ ಹಾಗೆಯೇ ಆಗಿದೆ! ಬಿಗ್​ ಬಾಸ್​-8ರಲ್ಲಿ ಆದ ಮಹತ್ವದ ಬದಲಾವಣೆ ಬಗ್ಗೆ ಆಕ್ರೋಶ ವ್ಯಕ್ತವಾಗಿದೆ.

ಬಿಗ್​ ಬಾಸ್​​-8 ಸಂಪೂರ್ಣ ಹೊಸ ರೀತಿಯಲ್ಲಿ ಬರಲಿದೆ ಎಂದು ಕಲರ್ಸ್​ ಕನ್ನಡ ವಾಹಿನಿ ಹೇಳಿಕೊಂಡಿತ್ತು. ಅದೇ ರೀತಿ ಬಿಗ್​ ಬಾಸ್​ ಮನೆಯ ವಿನ್ಯಾಸ ಬದಲಾಗಿದೆ. ಗಾರ್ಡನ್​ ಏರಿಯಾ, ಬಿಗ್​ ಬಾಸ್​ ಮನೆ ಒಳಭಾಗದಲ್ಲಿ ಸಾಕಷ್ಟು ಬದಲಾವಣೆ ಮಾಡಲಾಗಿದೆ. ಹೀಗಾಗಿ, ಬಿಗ್​ ಬಾಸ್​ ಮನೆ ಮತ್ತಷ್ಟು ರಿಚ್​ ಆಗಿ ಕಾಣುತ್ತಿದೆ.

ಪ್ರೊಮೋ ಸಂದರ್ಭದಲ್ಲೂ ಕಿಚ್ಚ ಸುದೀಪ್​ ಜ್ಯೋತಿಷ್ಯ ಹೇಳುವವರ ಅವತಾರ ಎತ್ತಿದ್ದರು. ಈ ಮೂಲಕ ಭಿನ್ನ ರೂಪದಲ್ಲಿ ಕಾಣಿಸಿಕೊಂಡಿದ್ದರು. ಇದು ಪ್ರೇಕ್ಷಕರಿಗೆ ಇಷ್ಟವಾಗಿತ್ತು. ಹೀಗೆ ಪ್ರತಿ ಹಂತದಲ್ಲೂ ಹೊಸ ವಿಚಾರವನ್ನು ತೋರಿಸಲಾಗಿತ್ತು.

ಈಗ ಬಿಗ್​ ಬಾಸ್​-8ರಲ್ಲಿ ಮಾಡಿದ ಮಹತ್ವದ ಬದಲಾವಣೆಯೊಂದರ ಬಗ್ಗೆ ಪ್ರೇಕ್ಷಕರು ಸಿಟ್ಟಾಗಿದ್ದಾರೆ. ಅದುವೇ ಧ್ವನಿಯ ವಿಚಾರ. ಸ್ಪರ್ಧಿಗಳು ಮನೆಯಲ್ಲಿ ಕೂತಿದ್ದಾಗ ‘ಇದು ಬಿಗ್​ ಬಾಸ್​​…’ ಎಂದು ಕಮಾಂಡ್​ ನೀಡುವ ಧ್ವನಿ ಬರುತ್ತಿತ್ತು. ಆದರೆ, ಈ ಬಾರಿ ಆ ಧ್ವನಿ ಬದಲಾಗಿದೆ. ಬೇರೆಯದೇ ವಾಯ್ಸ್​ ಈ ಬಾರಿ ಕಮಾಂಡ್​ ನೀಡುತ್ತಿದೆ. ಇದು ಪ್ರೇಕ್ಷಕರಿಗೆ ಇಷ್ಟವಾಗಿಲ್ಲ. ಈ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಆಕ್ರೋಶ ಹೊರ ಹಾಕಿದ್ದಾರೆ.

ಬಿಗ್​ ಬಾಸ್​ ವಾಯ್ಸ್​ನಲ್ಲಿ ಗತ್ತು-ಖದರ್​ ಎರಡೂ ಇಲ್ವಲ್ಲ ಗುರೂ. ಹಳೆಯ ಬಿಗ್​ ಬಾಸ್​ ಧ್ವನಿ ಬೇಕು ನಮಗೆ. ಹೊಸ ಬಿಗ್​ ಬಾಸ್​ಗೆ ಗಂಟಲು ಕಿರಿಕಿರಿ ಆಗಿರುವ ರೀತಿಯಲ್ಲಿ ಲೋ ಟೋನ್​ನಲ್ಲಿ ವಾಯ್ಸ್​ ನೀಡುತ್ತಿದ್ದಾರೆ. ಇದರಲ್ಲಿ ಕಮಾಂಡಿಂಗ್​ ಇಲ್ಲವೇ ಇಲ್ಲ ಎಂದು ಕೆಲವರು ಬೇಸರ ಹೊರ ಹಾಕಿದರೆ, ಇನ್ನೂ ಕೆಲವರು ಬಿಗ್​ ಬಾಸ್​ ಧ್ವನಿ ಚೇಂಜ್​ ಮಾಡ್ರೋ, ಕೇಳೋಕೆ ಆಗ್ತಿಲ್ಲ ಎಂದು ಆಗ್ರಹಿಸಿದ್ದಾರೆ.

ಇದನ್ನೂ ಓದಿ: Bigg Boss Kannada Day 1: ಬ್ರೋ ಗೌಡಗೆ ದಿವ್ಯಾ ಸುರೇಶ್ ಮೇಲೆ ಪ್ರೀತಿ?; ಬಿಗ್​ ಬಾಸ್​ ಮನೆಯಲ್ಲಿ ತ್ರಿಕೋನ ಪ್ರೇಮ ಕಥೆ!