ರಣ್​ಬೀರ್ ಕಪೂರ್​ನ್ನು ತುಂಬಾ ಮಿಸ್ ಮಾಡಿಕೊಳ್ಳುತ್ತಿದ್ದೇನೆ ಎಂದ ಬಾಲಿವುಡ್ ಬೆಡಗಿ ಆಲಿಯಾ ಭಟ್

ನವದೆಹಲಿ: ಬಾಲಿವುಡ್​ನ ಕ್ಯೂಟ್ ಬ್ಯೂಟಿ ಆಲಿಯಾ ಭಟ್ ಶುಕ್ರವಾರ ಬೆಳಗ್ಗೆ ಇನ್​​ಸ್ಟಾಗ್ರಾಮ್ ನಲ್ಲಿ Major Missing ಎಂಬ ಶೀರ್ಷಿಕೆಯಲ್ಲಿ ಫೋಟೊವೊಂದನ್ನು ಶೇರ್ ಮಾಡಿದ್ದಾರೆ. ತನ್ನ ಕೈಯೊಂದಿಗೆ ಇನ್ನೊಂದು ಕೈ ಬೆಸೆದಿರುವ ಚಿತ್ರ ಅದಾಗಿದ್ದು, ಅದು ಪ್ರಿಯಕರ ರಣ್​ಬೀರ್​​ನ ಕೈ ಎಂಬುದು ಸ್ಪಷ್ಟ. ರಣ್​ಬೀರ್ ಕಪೂರ್​ನ್ನು ಆಲಿಯಾ ತುಂಬಾ ಮಿಸ್ ಮಾಡಿಕೊಳ್ಳುತ್ತಿದ್ದಾರೆ. ಯಾಕೆಂದರೆ ಬಾಲಿವುಡ್​ನ ಚೆಲುವ ರಣ್​​ಬೀರ್​ಗೆ ಕೆಲವು ದಿನಗಳ ಹಿಂದೆಯಷ್ಟೇ ಕೊವಿಡ್ ದೃಢಪಟ್ಟಿತ್ತು. ಸದ್ಯ ಅವರು ಕ್ವಾರಂಟೈನ್​ನಲ್ಲಿದ್ದಾರೆ. ಹೀಗಿರುವಾಗ ರಣ್​​ಬೀರ್ ಕಪೂರ್​ನ್ನು ಆಲಿಯಾ ಮಿಸ್ ಮಾಡಿಕೊಳ್ಳದೇ ಇರ್ತಾರಾ ?

ಆಲಿಯಾ ಭಟ್ ಕೊವಿಡ್ ಪರೀಕ್ಷೆಗೊಳಪಟ್ಟಿದ್ದು ನೆಗೆಟಿವ್ ವರದಿ ಬಂದಿದೆ. ಬಾಲಿವುಡ್​ನ​ ಸೂಪರ್ ಕ್ಯೂಟ್ ಜೋಡಿ ಆಲಿಯಾ- ರಣ್​ಬೀರ್ ಅವರ ಪ್ರೀತಿಗೆ ನೆಟ್ಟಿಗರು ಫಿದಾ ಆಗಿದ್ದಾರೆ. ಆಲಿಯಾ -ರಣ್​ಬೀರ್ ಕಪೂರ್​ನ್ನು ಮಿಸ್ ಮಾಡಿಕೊಳ್ಳುತ್ತಿದ್ದೇನೆ ಎಂದು ಪೋಸ್ಟ್ ಮಾಡಿರುವ ಇನ್ನ್​ಸ್ಟಾಗ್ರಾಮ್ ಪೋಸ್ಟಿಗೆ ಅವರ ಅಭಿಮಾನಿಗಳು ಹಾರ್ಟ್ ಇಮೋಜಿಗಳನ್ನು ಹಾಕಿ ಸೋ ಕ್ಯೂಟ್ ಎಂದು ಕಾಮೆಂಟ್ ಮಾಡಿದ್ದಾರೆ.

View this post on Instagram

A post shared by Alia Bhatt ☀️ (@aliaabhatt)

ತಾನು ವೈದ್ಯರನ್ನು ಸಂಪರ್ಕಿಸಿದ ನಂತರ ಕೆಲಸಕ್ಕೆ ಮರಳಿದ್ದೇನೆ ಎಂದು ಆಲಿಯಾ ಗುರುವಾರ ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಸ್ಟೋರಿ ಅಪ್​ಡೇಟ್ ಮಾಡಿದ್ದರು. ನಾನು ನಿಮ್ಮ ಎಲ್ಲ ಸಂದೇಶಗಳನ್ನು ಓದುತ್ತಿದ್ದೇನೆ. ನಿಮ್ಮ ಕಾಳಜಿಗೆ ಧನ್ಯವಾದಗಳು. ನನಗೆ ಕೊವಿಡ್ ನೆಗೆಟಿವ್ ವರದಿ ಬಂದಿದೆ. ಐಸೋಲೇಟ್ ಆಗಿ ಆಮೇಲೆ ವೈದ್ಯರ ಜತೆ ಮಾತನಾಡಿದ ಕೆಲಸಕ್ಕೆ ವಾಪಸ್ ಆಗಿದ್ದೇನೆ. ನಿಮ್ಮ ಹಾರೈಕೆಗಳಿಗೆ ಧನ್ಯವಾದಗಳು. ನಾನು ಆರಾಮವಾಗಿ, ಸುರಕ್ಷಿತವಾಗಿದ್ದೇನೆ. ನೀವು ಆರಾಮವಾಗಿರಿ ಎಂದು ಆಲಿಯಾ ತಮ್ಮ ಸ್ಟೋರಿಯಲ್ಲಿ ಬರೆದುಕೊಂಡಿದ್ದಾರೆ.

ಆಲಿಯಾ ಭಟ್ಇನ್​ಸ್ಟಾಗ್ರಾಮ್ ಸ್ಟೋರಿ

ಕಳೆದ ವರ್ಷ ಸಂದರ್ಶನವೊಂದರಲ್ಲಿ ರಣ್​ಬೀರ್ ಕಪೂರ್ ಆಲಿಯಾ ಜತೆಗಿನ ಪ್ರೇಮ ಸಂಬಂಧವನ್ನು ಬಹಿರಂಗಪಡಿಸಿದ್ದರು. ಆಕೆ ನನ್ನ ಗರ್ಲ್ ಫ್ರೆಂಡ್, ಕೊವಿಡ್ ಸಾಂಕ್ರಾಮಿಕ ಇಲ್ಲದಿದ್ದರೆ ನಾವೀಗ ಮದುವೆ ಆಗುತ್ತಿದ್ದೆವು ಎಂದಿದ್ದರು ರಣ್​ಬೀರ್. ಆಲಿಯಾ ಮತ್ತು ರಣ್​ಬೀರ್ ಜತೆಯಾಗಿ ನಟಿಸುವ ಅಯಾನ್ ಮುಖರ್ಜಿ ಅವರ ಬ್ರಹ್ಮಾಸ್ತ್ರ ಶೀಘ್ರದಲ್ಲೇ ತೆರೆ ಕಾಣಲಿದೆ.

ಸಂಜಯ್ ಲೀಲಾ ಬನ್ಸಾಲಿ ಅವರ ಗಂಗೂಬಾಯಿ ಕಾಥಿಯಾವಾಡಿ ಮತ್ತು ಎಸ್.ಎಸ್. ರಾಜಮೌಳಿ ಅವರ ಆರ್​ಆರ್​ಆರ್ ಚಿತ್ರದಲ್ಲಿ ಆಲಿಯಾ ಭಟ್ ಕಾಣಿಸಿಕೊಳ್ಳುತ್ತಿದ್ದಾರೆ. ರಣ್​ಬೀರ್ ಕಪೂರ್ ಮುಂದಿನ ಚಿತ್ರ ಶಂಶೇರಾದಲ್ಲಿ ವಾಣಿ ಕಪೂರ್ ಮತ್ತು ಸಂಜಯ್ ದತ್ ಜತೆ ಕಾಣಿಸಿಕೊಳ್ಳಲಿದ್ದಾರೆ. ಶ್ರದ್ದಾ ಕಪೂರ್ ಜತೆ ನಟಿಸುತ್ತಿರುವ ಚಿತ್ರವೊಂದರ ಹೆಸರು ಇನ್ನೂ ಅಂತಿಮವಾಗಿಲ್ಲ. ಸಂದೀಪ್ ರೆಡ್ಡಿ ವಂಗಾ ಅವರ ಆ್ಯನಿಮಲ್ ಚಿತ್ರದಲ್ಲಿ ರಣ್​ಬೀರ್ ಕಪೂರ್, ಅನಿಲ್ ಕಪೂರ್ ಮತ್ತು ಪರಿಣಿತಿ ಚೋಪ್ರಾ ಜತೆ ನಟಿಸುತ್ತಿದ್ದಾರೆ.

ಇದನ್ನೂ ಓದಿ: Brahmastra: ಬ್ರಹ್ಮಾಸ್ತ್ರ ಚಿತ್ರೀಕರಣ ಪೂರ್ಣ; ಆಲಿಯಾ ಮತ್ತು ರಣ್​ಬೀರ್ ಜತೆ ಫೋಟೊ ಹಂಚಿಕೊಂಡ ನಾಗಾರ್ಜುನ