I ticket, E ticket: ಐ-ಟಿಕೆಟ್, ಇ-ಟಿಕೆಟ್ -IRCTC ರೈಲು ಟಿಕೆಟ್ ಕಾಯ್ದಿರಿಸುವ ಮೊದಲು, ಈ ಎರಡು ಏನೆಂದು ತಿಳಿಯಿರಿ
ಇ-ಟಿಕೆಟ್ ಎಂದರೆ ಎಲೆಕ್ಟ್ರಾನಿಕ್ ಮುದ್ರಿತ ಟಿಕೆಟ್. ಪ್ರಯಾಣಿಕರು ತಮ್ಮ ಅನುಕೂಲಕ್ಕೆ ಅನುಗುಣವಾಗಿ ಈ ಟಿಕೆಟ್ ಅನ್ನು ಮುದ್ರಿಸಿಕೊಳ್ಳಬಹುದು ಅಂದರೆ ಕಾಪಿ ಡೌನ್ಲೋಡ್ ಮಾಡಿಕೊಳ್ಳಬಹುದು. ಇ-ಟಿಕೆಟ್‌ಗಳನ್ನು ಆನ್‌ಲೈನ್‌ನಲ್ಲಿ ಮನೆಯಿಂದ ಅಥವಾ ಯಾವುದೇ ಕಂಪ್ಯೂಟರ್ ಸೆಂಟರ್ನಿಂದ ಬುಕ್ ಮಾಡಬಹುದು.
Updated on: Apr 27, 2023 | 5:38 PM
ಈ ಡಿಜಿಟಲ್ ಯುಗದಲ್ಲಿ ಈಗ ಬಹಳಷ್ಟು ರೈಲ್ವೆ ಪ್ರಯಾಣಿಕರು ಆನ್‌ಲೈನ್‌ನಲ್ಲಿ ಟಿಕೆಟ್‌ಗಳನ್ನು ಬುಕ್ ಮಾಡಲು ಬಯಸುತ್ತಾರೆ. ಭಾರತೀಯ ರೈಲ್ವೆ ಇಲಾಖೆಯೂ (Indian Railways) ಪ್ರಯಾಣಿಕರಿಗೆ ಆನ್‌ಲೈನ್‌ನಲ್ಲಿ ರೈಲು ಟಿಕೆಟ್‌ಗಳನ್ನು (train ticket) ಕಾಯ್ದಿರಿಸುವ (reservation) ಅವಕಾಶವನ್ನು ನೀಡಿದೆ ( ticket booking). ಅದುವೇ ಇ-ಟಿಕೆಟ್ ಅಥವಾ ಐ-ಟಿಕೆಟ್ ಆಗಿದೆ. ಇಂದು ನಾವು ಎರಡರ ನಡುವಿನ ವ್ಯತ್ಯಾಸವನ್ನು ಗಮನಿಸೋಣ . ನೀವು ರೈಲಿನಲ್ಲಿ ಪ್ರಯಾಣಿಸುವವರಾಗಿದ್ದರೆ ಇ-ಟಿಕೆಟ್, ಐ-ಟಿಕೆಟ್ ಬಗ್ಗೆ ಕೇಳಿರಬೇಕು. ಆದರೆ ಅನೇಕ ಜನರಿಗೆ ಇ-ಟಿಕೆಟ್ ಮತ್ತು ಐ-ಟಿಕೆಟ್ ಎಂದರೇನು ಮತ್ತು ಅವುಗಳ ನಡುವಿನ ವ್ಯತ್ಯಾಸವೇನು? ಎಂಬುದರ ಬಗ್ಗೆ ಅನೇಕ ಜನರಿಗೆ ತಿಳಿದಿರುವುದಿಲ್ಲ. ಈ ಬಗ್ಗೆ ಗೊಂದಲಗಳೂ ಇರುತ್ತವೆ. ಹಾಗಾದರೆ ಇಂದು ಇ-ಟಿಕೆಟ್ ಮತ್ತು ಐ-ಟಿಕೆಟ್ ಎಂದರೇನು ಎಂದು ತಿಳಿಯೋಣ. ಭಾರತೀಯ ರೈಲ್ವೆಯಲ್ಲಿ ಪ್ರಯಾಣಿಸಲು ಆನ್‌ಲೈನ್‌ನಲ್ಲಿ ರೈಲು ಟಿಕೆಟ್‌ಗಳನ್ನು ಬುಕ್ ಮಾಡುವ ಆಯ್ಕೆಯನ್ನು ಪ್ರಯಾಣಿಕರು ಪಡೆಯುತ್ತಾರೆ. ಸಾಮಾನ್ಯವಾಗಿ, ಇ-ಟಿಕೆಟ್ ಮುದ್ರಿತ ಟಿಕೆಟ್ ಆಗಿದ್ದು, ಐ-ಟಿಕೆಟ್ ಅನ್ನು ಭಾರತೀಯ ರೈಲ್ವೆಯ ಪರವಾಗಿ ಪ್ರಯಾಣಿಕರಿಗೆ ಕೊರಿಯರ್ ಮಾಡಲಾಗುತ್ತದೆ.
IRCTC: ಇ-ಟಿಕೆಟ್ ಎಂದರೇನು?
ಇ-ಟಿಕೆಟ್ ಎಂದರೆ ಎಲೆಕ್ಟ್ರಾನಿಕ್ ಮುದ್ರಿತ ಟಿಕೆಟ್. ಪ್ರಯಾಣಿಕರು ತಮ್ಮ ಅನುಕೂಲಕ್ಕೆ ಅನುಗುಣವಾಗಿ ಈ ಟಿಕೆಟ್ ಅನ್ನು ಮುದ್ರಿಸಿಕೊಳ್ಳಬಹುದು ಅಂದರೆ ಕಾಪಿ ಡೌನ್ಲೋಡ್ ಮಾಡಿಕೊಳ್ಳಬಹುದು. ಇ-ಟಿಕೆಟ್‌ಗಳನ್ನು ಆನ್‌ಲೈನ್‌ನಲ್ಲಿ ಮನೆಯಿಂದ ಅಥವಾ ಯಾವುದೇ ಕಂಪ್ಯೂಟರ್ ಸೆಂಟರ್ನಿಂದ ಬುಕ್ ಮಾಡಬಹುದು. ಇದರ ಸಿಂಧುತ್ವವು ರೈಲ್ವೆ ಬುಕಿಂಗ್ ಕೌಂಟರ್‌ನಿಂದ ನೀಡಲಾದ ಟಿಕೆಟ್‌ನಂತೆಯೇ ಇರುತ್ತದೆ. ಪ್ರಯಾಣಿಕರು ಇ-ಟಿಕೆಟ್ ಮೂಲಕ ಪ್ರಯಾಣಿಸಲು ತಮ್ಮ ಸರ್ಕಾರಿ ಗುರುತಿನ ಚೀಟಿಯನ್ನು (ಆಧಾರ್ ಕಾರ್ಡ್) ಇಟ್ಟುಕೊಳ್ಳಬೇಕು.
IRCTC: ಐ-ಟಿಕೆಟ್ ಎಂದರೇನು?
ಐ-ಟಿಕೆಟ್ ಅನ್ನು ಭಾರತೀಯ ರೈಲ್ವೆಯ ಪರವಾಗಿ ಪ್ರಯಾಣಿಕರ ವಿಳಾಸಕ್ಕೆ ಕೊರಿಯರ್ ಮಾಡಲಾಗುತ್ತದೆ. ಅಂದರೆ, ಈ ಟಿಕೆಟ್ ಅನ್ನು ಇಂಟರ್‌ನೆಟ್ ಮೂಲಕ ಬುಕ್ ಮಾಡಿದರೂ ಮುದ್ರಿಸಲು ಸಾಧ್ಯವಿಲ್ಲ. IRCTC ವೆಬ್‌ಸೈಟ್‌ನಲ್ಲಿ ನೋಂದಣಿ ಸಮಯದಲ್ಲಿ ನೀವು ನೀಡಿದ ವಿಳಾಸಕ್ಕೆ ರೈಲ್ವೆ ಕೊರಿಯರ್ ಮೂಲಕ ಕಳುಹಿಸಲಾಗುತ್ತದೆ. ಈ ಟಿಕೆಟ್ ಪ್ರಯಾಣಿಕರನ್ನು ತಲುಪಲು ಕನಿಷ್ಠ 48 ಗಂಟೆಗಳು ತೆಗೆದುಕೊಳ್ಳುತ್ತದೆ. ವಿಶೇಷವೆಂದರೆ ಐ-ಟಿಕೆಟ್‌ಗಳನ್ನು ಪ್ರಯಾಣದ ಎರಡು ದಿನಗಳ ಮೊದಲು ಕಾಯ್ದಿರಿಸಬೇಕು. ಟಿಕೆಟ್ ಸ್ವೀಕರಿಸಲು ಮನೆಯಲ್ಲಿಯೇ ಯಾರಾದರೂಬ್ಬರು ಇರಬೇಕು. ಇಲ್ಲದಿದ್ದರೆ ಪ್ರಕ್ರಿಯೆ ವಿಳಂಬವಾಗಬಹುದು.
IRCTC: ಇದೇ ಎರಡರ ನಡುವಿನ ವ್ಯತ್ಯಾಸ:
ಇ-ಟಿಕೆಟ್‌ಗಳು ಐ-ಟಿಕೆಟ್‌ಗಿಂತ ಸ್ವಲ್ಪ ಅಗ್ಗವಾಗಿದೆ. ಕೊರಿಯರ್ ವೆಚ್ಚವನ್ನು ಸರಿದೂಗಿಸಲು ಐ-ಟಿಕೆಟ್ ವಿತರಣಾ ಶುಲ್ಕವನ್ನು ಸಹ ಭರಿಸಬೇಕಾಗುತ್ತದೆ. ನೀವು ಕ್ಷಣಾರ್ಧದಲ್ಲಿ ಇ-ಟಿಕೆಟ್ ಬುಕ್ ಮಾಡಬಹುದು. ಆದರೆ ಐ-ಟಿಕೆಟ್‌ಗಳನ್ನು ಎರಡು ದಿನ ಮುಂಚಿತವಾಗಿ ಕಾಯ್ದಿರಿಸಬೇಕು. ಇ-ಟಿಕೆಟ್‌ಗಳನ್ನು ರದ್ದುಗೊಳಿಸುವುದು ಸುಲಭ. ಇದನ್ನು ಆನ್‌ಲೈನ್‌ನಲ್ಲಿ ಮಾತ್ರ ರದ್ದುಗೊಳಿಸಬಹುದು. ಆದರೆ ಐ-ಟಿಕೆಟ್ ಅನ್ನು ಆನ್‌ಲೈನ್‌ನಲ್ಲಿ ರದ್ದು ಮಾಡಲು ಸಾಧ್ಯವಿಲ್ಲ. ಇನ್ನು ಐ-ಟಿಕೆಟ್ ಗಾಗಿ ರೈಲ್ವೆ ನಿಲ್ದಾಣದಲ್ಲಿರುವ ಸೂಕ್ತ ಕೌಂಟರ್‌ಗೆ ಹೋಗಿ, ಫಾರ್ಮ್ ಅನ್ನು ಭರ್ತಿ ಮಾಡಿ ಪಡೆಯಬೇಕು.
