ಮಾಸ್ಕ್ ಖರೀದಿಸಿ ಹಣ ನೀಡದೆ ವಂಚಿಸಿದವರ ವಿರುದ್ಧ ದೂರು

ನೆಲಮಂಗಲ: ₹ 15 ಲಕ್ಷ ಮೌಲ್ಯದ ಮಾಸ್ಕ್​ ಖರೀದಿಸಿ ಹಣ ನೀಡದೆ ವಂಚಿಸಿದ್ದ ಆರೋಪಿಗಳ ವಿರುದ್ಧ ಬೆಂಗಳೂರಿನ ಸೋಲದೇವನಹಳ್ಳಿ ಪೊಲೀಸ್ ಠಾಣೆಯಲ್ಲಿ ಎಫ್ಐಆರ್ ದಾಖಲಾಗಿದೆ.

ಆರೋಪಿಗಳಾದ ವೀರೇಶ್ ಮತ್ತು ಮಧುಗೌಡ ಯುಟ್ಯೂಬ್ ಚಾನೆಲ್ ಒಂದನ್ನು ನಿರ್ವಹಿಸುತ್ತಾರೆ ಎಂದು ತಿಳಿದುಬಂದಿದೆ.

ಬೆಂಗಳೂರಿನ ಹೆಸರಘಟ್ಟ ರಸ್ತೆಯಲ್ಲಿರುವ ಚಿಕ್ಕಬಾಣವಾರದಲ್ಲಿ ಮಾಸ್ಕ್​ಗಳನ್ನು ಪೂರೈಕೆ ಮಾಡುವ ಉದ್ಯಮಿ ಸುರೇಂದ್ರ ಸಿಂಗ್ ಅವರಿಂದ ಮಾಸ್ಕ್​ಗಳನ್ನು ತರಿಸಿಕೊಂಡು ಆರೋಪಿಗಳು ಹಣ ಪಾವತಿಸದೇ ವಂಚಿಸಿದ್ದರೆ ಎಂದು ದೂರಿನಲ್ಲಿ ಹೇಳಲಾಗಿದೆ.

ವೆಲ್​ನೆಸ್​ ಸೆಂಟರ್​ನಿಂದ ಮಾಸ್ಕ್ ಪಡೆದಿದ್ದ ಆರೋಪಿಗಳು ಆನ್​ಲೈನ್ ಪೇಮೆಂಟ್ ಮಾಡಲು ಸರ್ವರ್ ಪ್ರಾಬ್ಲಂ ಇದೆ ಎಂದು ಹೇಳಿದ್ದರು. ನಾಳೆ ಕಚೇರಿಗೆ ಬನ್ನಿ ಹಣ ನೀಡುತ್ತೇವೆ ಎಂದು ಉದ್ಯಮಿ ಸುರೇಂದ್ರ ಸಿಂಗ್​ಗೆ ಆರೋಪಿಗಳಾದ ವೀರೇಶ್ ಮತ್ತು ಮಧುಗೌಡ ತಿಳಿಸಿದ್ದರು.

ನಂತರ ಉದ್ಯಮಿಗೆ ₹ 15 ಲಕ್ಷದ ಚೆಕ್ ನೀಡಿದ್ದರು. ಖಾತೆಯಲ್ಲಿ ಹಣವಿಲ್ಲದ ಕಾರಣ ಚೆಕ್ ಬೌನ್ಸ್ ಆಗಿತ್ತು. ಇದನ್ನು ಖರೀದಿದಾರರಿಗೆ ತಿಳಿಸಿ, ಹಣ ಪಾವತಿಸುವಂತೆ ಉದ್ಯಮಿ ಸೂಚಿಸಿದ್ದರು. ಆದರೆ ಅವರು ಬೆದರಿಕೆ ಹಾಕಿದ್ದರು. ಇದೀಗ ವೀರೇಶ್ ಮತ್ತು ಮಧುಗೌಡ ವಿರುದ್ಧ ಉದ್ಯಮಿ ಸುರೇಂದ್ರ ಸಿಂಗ್ ದೂರ ನೀಡಿದ್ದಾರೆ. ಈ ವ್ಯವಹಾರದಲ್ಲಿ ಮಧ್ಯವರ್ತಿಯಾಗಿ ಕೆಲಸ ಮಾಡಿದ ವಾಣಿ ವಿರುದ್ಧವು ಠಾಣೆಯಲ್ಲಿ ಎಫ್ಐಆರ್ ದಾಖಲಾಗಿದೆ.

ಅಮೆರಿಕದಲ್ಲಿ ಸಾವಿನ ಸಂಖ್ಯೆ 1.3 ಲಕ್ಷ: ಕೊನೆಗೂ MASK ಧರಿಸಿದ ದೊಡ್ಡಣ್ಣ!

Published On - 3:23 pm, Sun, 6 December 20