ಅಂಡರ್‌ ವೈಯರ್ ಬ್ರಾ ಧರಿಸುವುದರಿಂದ ಸ್ತನ ಕ್ಯಾನ್ಸರ್ ಬರಬಹುದೇ? ವೈದ್ಯರ ಸಲಹೆ ಏನು ತಿಳಿಯಿರಿ

ಬಹಳಷ್ಟು ಮಹಿಳೆಯರಲ್ಲಿ ಅಂಡರ್‌ ವೈಯರ್ ಬ್ರಾ ಧರಿಸುವ ಬಗ್ಗೆ ಸಾಕಷ್ಟು ಗೊಂದಲ ಹಾಗೂ ಅನುಮಾನಗಳು ಇದ್ದೇ ಇವೆ. ಅಂಡರ್‌ ವೈಯರ್ ಬ್ರಾ ಧರಿಸುವುದರಿಂದ ಸ್ತನ ಕ್ಯಾನ್ಸರ್ (Breast cancer), ಪಕ್ಕೆಲುಗಳ ಸೆಳೆತ, ಮೂಳೆ ಸವೆತ, ಬೆನ್ನು ನೋವು ಸೇರಿದಂತೆ ಇತರೆ ಆರೋಗ್ಯ ಸಮಸ್ಯೆ ಬರಬಹುದು ಎಂಬ ಭಯದಲ್ಲಿಯೇ ಇಂತಹ ಬ್ರಾಗಳನ್ನು ಖರೀದಿ ಮಾಡಲು ಮಹಿಳೆಯರು ಹಿಂದೇಟು ಹಾಕುತ್ತಾರೆ. ಸಾಕಷ್ಟು ಮಹಿಳೆಯರು ಈ ಬಗೆಗಿನ ಊಹಾಪೋಹಗಳನ್ನೇ ನಿಜವೆಂದು ನಂಬಿ ಇಂತಹ ಬ್ರಾಗಳ ಖರೀದಿಗೂ ಮುಂದಾಗುವುದಿಲ್ಲ. ಹಾಗಿದ್ದರೆ ಅಂಡರ್‌ ವೈಯರ್ ಬ್ರಾ (Underwire Bra) ಧರಿಸುವುದರಿಂದ ಇಷ್ಟೆಲ್ಲಾ ಆರೋಗ್ಯ ಸಮಸ್ಯೆ ಬರಲಿದೆಯೇ? ಇದಕ್ಕೆ ಫೋರ್ಟಿಸ್ ಆಸ್ಪತ್ರೆ ಸರ್ಜಿಕಲ್ ಆಂಕೋಲಜಿ ನಿರ್ದೇಶಕರಾದ ಡಾ.ಸಂದೀಪ್ ನಾಯಕ್ ಸೂಕ್ತ ಉತ್ತರ ನೀಡಿದ್ದಾರೆ. ಅವರ ಸಲಹೆಗಳ ಬಗ್ಗೆ ಗಮನಹರಿಸಿ.

ಅಂಡರ್‌ ವೈಯರ್ ಬ್ರಾ ಧರಿಸುವುದರಿಂದ ಸ್ತನ ಕ್ಯಾನ್ಸರ್ ಬರಲಿದೆಯೇ? ಖಂಡಿತ ಇಲ್ಲ. ಅಂಡರ್‌ವೈಯರ್ ಬ್ರಾ ಹಾಗೂ ಕ್ಯಾನ್ಸರ್‌ಗೂ ಯಾವುದೇ ಸಂಬಂಧವಿಲ್ಲ. ಕ್ಯಾನ್ಸರ್ ಎನ್ನುವುದು ನಮ್ಮ ಜೀವನ ಶೈಲಿಯಲ್ಲಿನ ಬದಲಾವಣೆ ಹಾಗೂ ಡಿಎನ್‌ಎ ಬದಲಾವಣೆ ಇದರಿಂದಾಗಿ ಕ್ಯಾನ್ಸರ್ ಬರಲಿದೆ. ಅಂಡರ್‌ ವೈಯರ್ ಬ್ರಾ ಧರಿಸುವುದರಿಂದ ಆ ಭಾಗದಲ್ಲಿ ರಕ್ತ ಕಟ್ಟುವುದರಿಂದ ಕ್ಯಾನ್ಸರ್ ಬರಬಹುದು ಎನ್ನುವುದು ಊಹಾಪೋಹಗಳಷ್ಟೇ. ಹೀಗಾಗಿ ಯಾವುದೇ ಸಂಕೋಚವಿಲ್ಲದೇ ಅಂಡರ್‌ ವೈಯರ್ ಬ್ರಾಗಳನ್ನು ನಿಮ್ಮ ಇಚ್ಚೆಗನುಗುಣವಾಗಿ ಹಾಗೂ ದೇಹಕ್ಕನುಗುಣವಾಗಿ ಧರಿಸಬಹುದು ಎಂದು ಡಾ.ಸಂದೀಪ್ ನಾಯಕ್ ಹೇಳಿದ್ದಾರೆ.

ಬೆನ್ನು ನೋವಿಗೆ ಅಂಡರ್‌ ವೈಯರ್ ಬ್ರಾ ಕಾರಣವಾಗಬಹುದೇ? ಕೆಲವೊಮ್ಮೆ ನೀವು ಧರಿಸುವ ಬ್ರಾ ಹೆಚ್ಚು ಬಿಗಿಯಾಗಿದ್ದರೆ, ನಿಮ್ಮ ಸೈಜಿಗೆ ಹೊಂದಿಕೆಯಾಗದೇ ಇರುವ ಬ್ರಾಗಳಾದರೆ ಅದರಿಂದ ಬಿಗಿತ ಉಂಟಾಗಿ ಬೆನ್ನು ನೋವಿಗೆ ಕಾರಣವಾಗಬಹುದೇ ಹೊರತು ಅಂಡರ್‌ ವೈಯರ್ ಬ್ರಾಗಳಿಂದಲೇ ಬೆನ್ನು ನೀವು ಬರಲಿದೆ ಎನ್ನುವುದಕ್ಕೆ ಯಾವುದೇ ಪುರಾವೆಗಳಿಲ್ಲ ಎಂದು ಡಾ.ಸಂದೀಪ್ ನಾಯಕ್ ತಿಳಿಸಿದ್ದಾರೆ.

ಅಂಡರ್‌ ವೈಯರ್ ಬ್ರಾ ದೀರ್ಘಾವಧಿಯವರೆಗೆ ಧರಿಸಲು ಒಳ್ಳೆಯದೇ? ಬ್ರಾ ಧರಿಸುವುದು ಅವರವರ ಕಂಫರ್ಟಬಲ್​ಗೆ ಸಂಬಂಧಿಸಿದ್ದು, ರಾತ್ರಿ ಮಲಗುವ ಹೊತ್ತು ಮನೆಯಲ್ಲಿ ಇರುವ ಸಂದರ್ಭದಲ್ಲಿ ಬ್ರಾ ಧರಿಸದೇ ಇದ್ದರೆ ರಕ್ತ ಸಂಚಲನ ಸರಾಗವಾಗಿ ಆಗಲು ಸಹಕಾರಿಯಾಗುತ್ತದೆ. ಹೊರಗಡೆ ಹೋಗುವ ಸಂದರ್ಭದಲ್ಲಿ ಯಾವುದೇ ರೀತಿಯ ಬ್ರಾಗಳನ್ನಾದರೂ ಧರಿಸಬಹುದು. ಅಂಡರ್‌ ವೈಯರ್ ಬ್ರಾಗಳಿಂದಲೇ ಆರೋಗ್ಯ ಸಮಸ್ಯೆ ಬರಬಹುದು ಎನ್ನುವ ಕಲ್ಪನೆ ತಪ್ಪು ಎಂದು ಡಾ.ಸಂದೀಪ್ ನಾಯಕ್ ಹೇಳಿದ್ದಾರೆ.

ಅಂಡರ್‌ ವೈಯರ್ ಬ್ರಾ ಧರಿಸುವುದರಿಂದ ಆರೋಗ್ಯ ಸಮಸ್ಯೆ ಬರಬಹುದೇ? ಯಾವುದೇ ರೀತಿಯ ಸಮಸ್ಯೆ ಇಲ್ಲ. ಯಾವ ವಸ್ತು ಅಥವಾ ಉಡುಪಾಗಲಿ ಅಗತ್ಯಕ್ಕಿಂತ ಹೆಚ್ಚಾಗಿ ಬಳಸುವುದು ಯೋಗ್ಯವಲ್ಲ. ಆದರೆ ಅಗತ್ಯಕ್ಕೆ ತಕ್ಕಂತೆ ಬಳಸುವುದು ಉತ್ತಮ. ಅಂಡರ್‌ ವೈಯರ್ ಬ್ರಾಗಳು ಸ್ತನಗಳು ಸಮತಟ್ಟಾಗಿ ಕೂರಲು ಸಹಾಯವಾಗಲಿ ಎಂಬ ಕಾರಣಕ್ಕಷ್ಟೇ ವೈಯರ್ ಬಳಕೆ ಮಾಡಲಾಗಿದೆ.ಇದರಿಂದ ಸ್ತನಕ್ಕಾಗಲಿ ಅಥವಾ ಇತರೆ ಭಾಗಗಳಿಗೆ ಸಮಸ್ಯೆ ಉಂಟುಮಾಡುವುದಿಲ್ಲ ಎಂದು ಡಾ.ಸಂದೀಪ್ ನಾಯಕ್ ತಿಳಿಸಿದ್ದಾರೆ.

ಇದನ್ನೂ ಓದಿ:

Women Health: ಹೆರಿಗೆಯ ನಂತರ ತಲೆ ಕೂದಲು ಉದುರುವ ಸಮಸ್ಯೆ ಎದುರಾಗಿದೆಯೇ; ಇಲ್ಲಿದೆ ಸೂಕ್ತ ಪರಿಹಾರ

Women Health: ಒಂದೇ ತಿಂಗಳಲ್ಲಿ ಎರಡು ಬಾರಿ ಮುಟ್ಟಾಗುತ್ತಿದೆಯೇ? ಅಪಾಯದ ಬಗ್ಗೆ ಇರಲಿ ಎಚ್ಚರ