Dating Tips: ಒಬ್ಬರೊಂದಿಗೆ ಸಂಬಂಧ ಬೆಳೆಸುವ ಮೊದಲು ಏನೆಲ್ಲಾ ತಿಳಿದುಕೊಳ್ಳಬೇಕು? ಇಲ್ಲಿದೆ ಮಾಹಿತಿ

ಪ್ರೀತಿಯ ವಿಷಯಕ್ಕೆ ಬಂದಾಗ, ನಾವು ಬೇರೆ ಯಾವುದರ ಬಗ್ಗೆಯೂ ಯೋಚಿಸುವುದಿಲ್ಲ. ನಮ್ಮ ಹೃದಯ ಬಯಸುವುದನ್ನೇ, ಒತ್ತಾಯಿಸುವದನ್ನೇ ಮಾಡುತ್ತೇವೆ. ಎಲ್ಲರ ಪ್ರೀತಿಯಲ್ಲಿ ಏರಿಳಿತಗಳು ಮತ್ತು ಸಂಬಂಧಗಳಲ್ಲಿ ಹೊಂದಾಣಿಕೆಯನ್ನು ಪರೀಕ್ಷಿಸುವ ಸಂದರ್ಭಗಳು ಬಂದೇ ಬರುತ್ತದೆ. ಸಂಬಂಧಗಳ ವಿಷಯಕ್ಕೆ ಬಂದಾಗ, ಪ್ರೀತಿಯ ವಿಶಿಷ್ಟ ಶೈಲಿಯ ಮೂಲಕ ತಮ್ಮ ತಮ್ಮ ಭಾವನೆಗಳನ್ನು ವ್ಯಕ್ತಪಡಿಸುವ ರೀತಿ ವಿಭಿನ್ನವಾಗಿರುತ್ತದೆ. ಅದರಲ್ಲಿಯೂ ಅಂತರ್ಮುಖಿಗಳಿಗೆ ತಮ್ಮ ಭಾವನೆಗಳನ್ನು ತಿಳಿಸಲು ಕಷ್ಟವಾಗುತ್ತದೆ, ಆದರೆ ಅವರ ಪ್ರೀತಿ ತುಂಬಾ ಅಮೂಲ್ಯವಾಗಿರುತ್ತದೆ. ನೀವು ಅಂತರ್ಮುಖಿಯನ್ನು ಪ್ರೀತಿಸುತ್ತಿದ್ದರೆ, ಅವರನ್ನು ಅರ್ಥಮಾಡಿಕೊಳ್ಳಲು ನೀವು ಸ್ವಲ್ಪ ಹೆಚ್ಚುವರಿ ಪ್ರಯತ್ನ ಮಾಡಬೇಕಾಗಬಹುದು. ಅಂತರ್ಮುಖಿಗಳ ಕೆಲವು ಗುಣಲಕ್ಷಣಗಳು ಇಲ್ಲಿವೆ, ಅವರೊಂದಿಗೆ ಸಂಬಂಧ ಬೆಳೆಸುವ ಮೊದಲು ಕೆಲವು ವಿಷಯಗಳನ್ನು ತಿಳಿದುಕೊಳ್ಳಬೇಕು.

-ಅಂತರ್ಮುಖಿಗಳಿಗೆ ಸಮಯದ ಅಗತ್ಯವಿರುತ್ತದೆ. ತಮ್ಮನ್ನು ತಾವು ರೀಚಾರ್ಜ್ ಮಾಡಿಕೊಳ್ಳಲು, ತಮ್ಮ ಬಗ್ಗೆ ವಿಷಯಗಳನ್ನು ಅನ್ವೇಷಿಸಲು ಅವರಿಗೆ ಆಗಾಗ ಸಮಯ ಬೇಕಾಗಬಹುದು. ಅಂತರ್ಮುಖಿಯಾದವರು ತನ್ನದೇ ಆದ ಕಟ್ಟಳೆಗಳಲ್ಲಿ ಇರುವುದು ಸಾಮಾನ್ಯ ವ್ಯಕ್ತಿತ್ವದ ಗುಣಲಕ್ಷಣಗಳಲ್ಲಿ ಒಂದಾಗಿದೆ. ಆದ್ದರಿಂದ, ಯಾವುದಾದರೂ ಒಂದು ವಿಷಯಕ್ಕೆ ಅವರನ್ನು ಒತ್ತಾಯಿಸುವ ಬದಲು, ಯಾವುದೇ ನಿರ್ಧಾರ ತೆಗೆದುಕೊಳ್ಳದೇ ಅವರಿಗೆ ಸಮಯ ನೀಡುವುದು ಯಾವಾಗಲೂ ಉತ್ತಮ.

– ಆಳವಾಗಿ ಯೋಚಿಸುವ ಅಂತರ್ಮುಖಿಗಳು ಚಿಂತಕರಾಗಿರುತ್ತಾರೆ ಮತ್ತು ಆಗಾಗ ಸಣ್ಣ ವಿಷಯಗಳನ್ನು ಸಹ ಆಳವಾದ ವಿವರಗಳೊಂದಿಗೆ ವಿಶ್ಲೇಷಿಸಬಹುದು. ಹಾಗಾಗಿ ನೀವು ಅವರೊಂದಿಗೆ ಯಾವುದೇ ತೊಂದರೆಯಿಲ್ಲದೆ ಸಂಭಾಷಣೆ ನಡೆಸಬಹುದು. ಆದರೆ ಅವರು ಬಹುತೇಕ ಎಲ್ಲದರ ಬಗ್ಗೆ ಆಳವಾದ ಒಳನೋಟವನ್ನು ಹೊಂದಿರುತ್ತಾರೆ.

– ಕ್ರಿಯೆಗಳು ಪದಗಳಿಗಿಂತ ಜೋರಾಗಿ ಮಾತನಾಡುತ್ತವೆ ಎಂಬುದು ಎಲ್ಲರಿಗೂ ತಿಳಿದಿರುವ ವಿಚಾರ. ಹಾಗಾಗಿ ಅಂತರ್ಮುಖಿಯೊಂದಿಗೆ ಡೇಟಿಂಗ್ ಮಾಡುವಾಗ, ಅವರು ತಮ್ಮ ಹೆಚ್ಚಿನ ಭಾವನೆಗಳನ್ನು ಪದಗಳ ಮೂಲಕ ವ್ಯಕ್ತಪಡಿಸುವುದಿಲ್ಲ ಎಂದು ನೀವು ಗಮನಿಸಬಹುದು. ಅವರು ಸಾಮಾನ್ಯವಾಗಿ ಕ್ರಿಯೆಗಳ ಮೂಲಕ ತಮ್ಮನ್ನು ತಾವು ವ್ಯಕ್ತಪಡಿಸುತ್ತಾರೆ. ಅವರ ಪ್ರೀತಿಯ ಭಾಷೆ ಸನ್ನೆಗಳು ಮತ್ತು ಸಣ್ಣ ಕ್ರಿಯೆಗಳು, ಅದು ಸಂಬಂಧವನ್ನು ಮೂಲಭೂತವಾಗಿ ಬಲಪಡಿಸುತ್ತದೆ.

-ಇವರು ಪಾರ್ಟಿ ವ್ಯಕ್ತಿ ಅಲ್ಲ. ನೀವು ಪಾರ್ಟಿ ಮಾಡಲು ಇಷ್ಟಪಡುವ ವ್ಯಕ್ತಿಯಾಗಿದ್ದರೆ, ಬಹುಪಾಲು ಅಂತರ್ಮುಖಿಗಳು ಪಾರ್ಟಿ ಮಾಡಲು ಇಷ್ಟ ಪಡುವುದಿಲ್ಲ ಎಂಬುದನ್ನು ನೀವು ಗಮನಿಸಬೇಕು. ಅಂತರ್ಮುಖಿ ಜನರು ಸಾಮಾನ್ಯವಾಗಿ ಪಾರ್ಟಿಗಳಿಗೆ ಹೋಗುವುದನ್ನು ತಪ್ಪಿಸುತ್ತಾರೆ. ಅಲ್ಲದೆ ಪಾರ್ಟಿಗೆ ನಿಮ್ಮೊಂದಿಗೆ ಹೋಗದಿರಲು ಹಲವಾರು ಕಾರಣಗಳನ್ನು ಕೊಡಬಹುದು. ಆದರೆ ನೀವು ಈ ಗುಣಲಕ್ಷಣವನ್ನು ನೋಡಿ ಅವರನ್ನು ನೀರಸ ವ್ಯಕ್ತಿ ಎಂದು ನಿರ್ಣಯಿಸಿಕೊಳ್ಳಬಾರದು. ಬೇರೆ ಸಮಯದಲ್ಲಿ ನೀವು ಬೇಕಾದರೆ ಅವರೊಂದಿಗೆ ಒಂದು ದಿನ ಕಳೆದರೆ, ಆ ದಿನವು ನಿಮಗೆ ಅತ್ಯಂತ ಸೃಜನಶೀಲ ಮತ್ತು ಸ್ಮರಣೀಯ ದಿನಗಳಲ್ಲಿ ಒಂದಾಗಿರುತ್ತದೆ.

ಇದನ್ನೂ ಓದಿ;Dating tips for new year: ಸಿಂಗಲ್ಸ್ ಆಗಿರುವ ನೀವು ಮಿಂಗಲ್ ಆಗೋಕೆ ಬಯಸುತ್ತಿರುವಿರಾ? ಈ 5 ಸಲಹೆ ಪಾಲಿಸಿ

– ಅಂತರ್ಮುಖಿಗಳ ಮತ್ತೊಂದು ಸಾಮಾನ್ಯ ಲಕ್ಷಣವೆಂದರೆ ಅವರು ಉತ್ತಮ ವೀಕ್ಷಕರು. ಅವರು ನಿಮ್ಮ ಬಗ್ಗೆ ಸಣ್ಣ ಸಣ್ಣ ವಿಷಯಗಳನ್ನು ಸಹ ಗಮನಿಸುತ್ತಾರೆ. ಅವರು ಅತ್ಯುತ್ತಮ ವೀಕ್ಷಕರು ಮಾತ್ರವಲ್ಲ, ಅವರ ಅವಲೋಕನಗಳು ಹೆಚ್ಚಿನ ಸಮಯದಲ್ಲಿ ಸರಿಯಾಗಿರುತ್ತವೆ.

– ಅಂತರ್ಮುಖಿಯೊಂದಿಗೆ ಡೇಟಿಂಗ್ ಮಾಡುವಾಗ, ಅವರೊಂದಿಗೆ ಸಂಭಾಷಣೆ ನಡೆಸಲು ನೀವು ಸರಿಯಾದ ಕಾರ್ಯವಿಧಾನವನ್ನು ಬಳಸಬೇಕಾಗುತ್ತದೆ. ಬಹುಪಾಲು ಸಮಯ, ನಿಮ್ಮ ರಹಸ್ಯಗಳು ಮತ್ತು ವಿಷಯಗಳನ್ನು ಕೇಳದೆ ಹೇಳುವವರು ನೀವೇ ಆಗಿರಬಹುದು. ಆದರೆ ಅಂತರ್ಮುಖಿ ವ್ಯಕ್ತಿತ್ವದ ವಿಷಯಕ್ಕೆ ಬಂದಾಗ, ಅವರು ನಿಮ್ಮೊಂದಿಗೆ ಪ್ರಾಮಾಣಿಕ ಮತ್ತು ಮುಕ್ತ ಸಂಭಾಷಣೆ ನಡೆಸುವಂತೆ ಮಾಡಲು ನೀವು ಆಗಾಗ್ಗೆ ಪ್ರಶ್ನೆಗಳನ್ನು ಕೇಳಬೇಕಾಗುತ್ತದೆ. ಹಾಗಾಗಿ ಉತ್ತಮ ಸಂಬಂಧಕ್ಕಾಗಿ ನಮ್ಮನ್ನು ಅವರು ಅರ್ಥ ಮಾಡಿಕೊಳ್ಳುವುದರ ಜೊತೆಗೆ ನಾವು ಅವರನ್ನು ಅರ್ಥ ಮಾಡಿಕೊಳ್ಳಬೇಕಾಗುತ್ತದೆ.

ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ: