ಮಳೆಯಲ್ಲಿ ಶೂಗಳು ನೆನೆದಿವೆಯೇ? ಈ ಸಲಹೆ ಪಾಲಿಸಿ ಶೂಗಳು ಬೇಗನೆ ಒಣಗುತ್ತವೆ

ಈ ಮಳೆಗೆ ಶೂ (dry shoes) ಹಾಕುವುದೇ ಒಂದು ದೊಡ್ಡ ತಲೆನೋವು, ಆದರೆ ಆಫೀಸ್​​, ಸ್ಕೂಲ್​​​​ಗೆ ಹೋಗುವಾಗ ಶೂ ಹಾಕಲೇಬೇಕು, ಬೇರೆ ದಾರಿಯೇ ಇಲ್ಲ. ಮಳೆಗೆ ಶೂ ಹಾಕಿಕೊಂಡು ಹೋದ್ರೆ, ಅದು ತಕ್ಷಣಕ್ಕೆ ಒಣಗುವುದಿಲ್ಲ. ಜತೆಗೆ ಕೆಟ್ಟ ವಾಸನೆಯನ್ನು ಸಹ ಬರಲು ಪ್ರಾರಂಭಿಸುತ್ತವೆ. ಆದರೆ ಇದಕ್ಕೆ ಒಂದು ಸುಲಭ ಪರಿಹಾರವನ್ನು ಫ್ಯಾಷನ್​​​​​​​ ಸಲಹೆಗಾರ ಶಶಾಂಕ್ ಅಲ್ಶಿ ಅವರು ತನ್ನ ಇನ್ಸ್ಟಾಗ್ರಾಮ್​​ನಲ್ಲಿ ವಿಡಿಯೋವೊಂದನ್ನು ಹಂಚಿಕೊಂಡಿದ್ದಾರೆ. ನೀವು ನಿಮ್ಮ ಬೂಟುಗಳನ್ನು ಬೇಗನೆ ಒಣಗಿಸುವುದು ಮಾತ್ರವಲ್ಲದೆ, ವಾಸನೆಯನ್ನು ಸಂಪೂರ್ಣವಾಗಿ ತೊಡೆದುಹಾಕಬಹುದು. ಅದು ಹೇಗೆ ಎಂಬುದನ್ನು ಇಲ್ಲಿ ಹೇಳಿದ್ದಾರೆ ನೋಡಿ.

ಬೂಟುಗಳು ಒದ್ದೆಯಾದರೆ ಹೀಗೆ ಮಾಡಿ

ಮೊದಲು ಇನ್ಸೋಲ್ ತೆಗೆದುಹಾಕಿ:

ಶೂ ಒಳಗಿನಿಂದ ಇನ್ಸೋಲ್ ಅನ್ನು ತಕ್ಷಣ ತೆಗೆದುಹಾಕಿ. ಇನ್ಸೋಲ್ ಕೊಳಕಾಗಿದ್ದರೆ, ಅದನ್ನು ಉಗುರು ಬೆಚ್ಚಗಿನ ನೀರು ಮತ್ತು ಸೋಪಿನಿಂದ ನಿಧಾನವಾಗಿ ಸ್ವಚ್ಛಗೊಳಿಸಿ ಮತ್ತು ಪ್ರತ್ಯೇಕವಾಗಿ ಒಣಗಲು ಬಿಡಿ. ಹೀಗೆ ಮಾಡುವುದರಿಂದ ಶೂಗಳು ಬೇಗನೆ ಒಣಗುತ್ತವೆ ಮತ್ತು ತೇವಾಂಶ ಕಡಿಮೆಯಾಗುತ್ತದೆ.

ಹಳೆಯ ನ್ಯೂಸ್​​​ ಪೇಪರ್ ಬಳಸಿ:

ಹಳೆಯ ವೃತ್ತಪತ್ರಿಕೆಗಳನ್ನು ಹರಿದು, ಅವುಗಳನ್ನು ಉಂಡೆಯಾಗಿ ಮಾಡಿ, ನಂತರ ನಿಮ್ಮ ಬೂಟುಗಳ ಒಳಗೆ ತುಂಬಿಸಿ. ವೃತ್ತಪತ್ರಿಕೆಗಳು ನೀರನ್ನು ಬೇಗನೆ ಹೀರಿಕೊಳ್ಳುತ್ತವೆ ಮತ್ತು ಬೂಟುಗಳನ್ನು ಒಳಗಿನಿಂದ ಒಣಗಿಸಲು ಸಹಾಯ ಮಾಡುತ್ತದೆ.

ಪೇಪರ್ ಬದಲಾಯಿಸಿ:

ಶೂಗಳು ತುಂಬಾ ಒದ್ದೆಯಾಗಿದ್ದರೆ, ನೀವು ವೃತ್ತಪತ್ರಿಕೆಯನ್ನು 2 ರಿಂದ 3 ಬಾರಿ ಬದಲಾಯಿಸಬಹುದು. ತಾಜಾ ವೃತ್ತಪತ್ರಿಕೆ ಮತ್ತೆ ತೇವಾಂಶವನ್ನು ಹೀರಿಕೊಳ್ಳುತ್ತದೆ ಮತ್ತು ವೇಗವಾಗಿ ಒಣಗಳು ಸಹಾಯ ಮಾಡುತ್ತದೆ.

ಇಲ್ಲಿದೆ ಪೋಸ್ಟ್ :

ಕಾಫಿ ಪುಡಿ ಬಳಸಿ:

ಶೂಗಳು ಕೆಟ್ಟ ವಾಸನೆ ಬರುತ್ತಿದ್ದರೆ, ಸ್ವಲ್ಪ ಕಾಫಿ ಪುಡಿಯನ್ನು ಟಿಶ್ಯೂ ಕಾಗದದಲ್ಲಿ ಹಾಕಿ ನಿಮ್ಮ ಶೂಗಳ ಒಳಗೆ ಇರಿಸಿ. ಕಾಫಿಯ ವಾಸನೆಯು ಕೆಟ್ಟ ವಾಸನೆಯನ್ನು ತೆಗೆದುಹಾಕುತ್ತದೆ ಮತ್ತು ನಿಮ್ಮ ಶೂಗಳು ತಾಜಾವಾಗಿರುತ್ತವೆ.

ಇದನ್ನೂ ಓದಿ: ಬೆಕ್ಕು, ಇಲಿ; ಈ ಚಿತ್ರದಲ್ಲಿ ನೀವು ಗಮನಿಸುವ ಮೊದಲ ಅಂಶ ನಿಮ್ಮ ವ್ಯಕ್ತಿತ್ವ ಹೇಗಿದೆಯೆಂದು ಹೇಳಬಲ್ಲದು

ಈ ವಿಷಯಗಳು ಕೂಡ ನೆನಪಿರಲಿ :

• ಮಳೆಗಾಲದಲ್ಲಿ, ಪ್ರತಿ 1-2 ವಾರಗಳಿಗೊಮ್ಮೆ ನಿಮ್ಮ ಬೂಟುಗಳನ್ನು ತೊಳೆಯಿರಿ. ಇದು ಧೂಳು, ಕೊಳಕು ಮತ್ತು ಬ್ಯಾಕ್ಟೀರಿಯಾಗಳು ಅವುಗಳಲ್ಲಿ ಸಂಗ್ರಹವಾಗುವುದನ್ನು ತಡೆಯುತ್ತದೆ, ವಾಸನೆಯ ಸಮಸ್ಯೆಯೂ ಇರುವುದಿಲ್ಲ.
• ಬೂಟುಗಳನ್ನು ಒಣಗಲು ದೀರ್ಘಕಾಲ ನೇರ ಸೂರ್ಯನ ಬೆಳಕಿನಲ್ಲಿ ಇಡಬೇಡಿ. ಹಾಗೆ ಮಾಡುವುದರಿಂದ ಅವುಗಳ ಬಣ್ಣ ಮತ್ತು ಗುಣಮಟ್ಟ ಹಾಳಾಗಬಹುದು. ಸೌಮ್ಯವಾದ ಸೂರ್ಯನ ಬೆಳಕು ಅಥವಾ ಗಾಳಿ ಇರುವ ಸ್ಥಳದಲ್ಲಿ ಅವುಗಳನ್ನು ಇರಿಸಿ.
• ಈ ಸುಲಭವಾದ ಮನೆ ಸಲಹೆಗಳ ಸಹಾಯದಿಂದ, ನೀವು ನಿಮ್ಮ ಒದ್ದೆಯಾದ ಬೂಟುಗಳನ್ನು 2 ರಿಂದ 3 ಗಂಟೆಗಳಲ್ಲಿ ಒಣಗಿಸಬಹುದು ಹಾಗೂ ದೀರ್ಘಕಾಲದವರೆಗೆ ಅವುಗಳನ್ನು ಉತ್ತಮ ಸ್ಥಿತಿಯಲ್ಲಿ ಇಡಬಹುದು.

ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ