ನೀವು ಖಿನ್ನತೆಯಿಂದ ಬಳಲುತ್ತಿದ್ದರೆ ರನ್ನಿಂಗ್ ಬೆಸ್ಟ್​ ಥೆರಪಿ

ನಿಮ್ಮ ಜೀವನದಲ್ಲಿ ಕಂಡಿರುವ ನೋವು ಅಥವಾ ಮೇಲಿಂದ ಮೇಲೆ ಬೀಳುವ ಏಟು ನಿಮ್ಮನ್ನು ಖಿನ್ನತೆಯೆಡೆಗೆ ದೂಡಬಹುದು. ನೀವು ನಾಲ್ಕಾರು ಜನರೊಂದಿಗೆ ಮಾತನಾಡದೆ ಏಕಾಂತವಾಗಿರಲು ಬಯಸಿದರೆ ನಿಮ್ಮ ಮಾನಸಿಕ ಸ್ಥಿತಿ ಇನ್ನಷ್ಟು ಹದಗೆಡಬಹುದು. ಮಾನಸಿಕ ಖಿನ್ನತೆಯನ್ನು ಹೋಗಲಾಡಿಸಲು ರನ್ನಿಂಗ್ ಉತ್ತಮ ಮಾರ್ಗ. ಇತ್ತೀಚಿನ ಸಮೀಕ್ಷೆಗಳು ಭಾರತದ ಜನಸಂಖ್ಯೆಯ ಸುಮಾರು ಶೇ.14 ರಷ್ಟು ಜನ ಖಿನ್ನತೆಯಿಂದ ಬಳಲುತ್ತಿದ್ದಾರೆ ಎಂಬುದನ್ನು ತೋರಿಸುತ್ತಿದೆ. ಪ್ರತಿ 7 ಭಾರತೀಯರಲ್ಲಿ ಒಬ್ಬರು ಖಿನ್ನತೆಗೆ ಬಲಿಯಾಗುತ್ತಾರೆ.

ಇದು ದುಃಖ, ಹತಾಶೆ, ಆಯಾಸ ಮತ್ತು ಆತಂಕದಂತಹ ಲಕ್ಷಣಗಳನ್ನು ಉಂಟುಮಾಡುತ್ತದೆ. ಅನೇಕ ಬಾರಿ ಜನರು ಆತ್ಮಹತ್ಯೆಯ ಕೆಟ್ಟ ಆಲೋಚನೆಯನ್ನೂ ಕೂಡ ಮಾಡುತ್ತಾರೆ. ಭಾರತದಲ್ಲಿ ಖಿನ್ನತೆ ಹೆಚ್ಚುತ್ತಿದೆ ಏಕೆಂದರೆ ಅದರ ಬಗ್ಗೆ ಜನರಿಗೆ ಅರಿವಿಲ್ಲ. ಜನರು ಇದನ್ನು ಸಾಮಾನ್ಯ ಸಮಸ್ಯೆ ಎಂದು ಪರಿಗಣಿಸುವುದಿಲ್ಲ ಮತ್ತು ಸಕಾಲದಲ್ಲಿ ಚಿಕಿತ್ಸೆ ಪಡೆಯುವುದಿಲ್ಲ.

ಓಟವು ಖಿನ್ನತೆಯನ್ನು ಹೇಗೆ ನಿವಾರಿಸುತ್ತದೆ ಎಂದು ತಿಳಿಯಿರಿ ಓಟವು ಖಿನ್ನತೆಯನ್ನು ತಪ್ಪಿಸಲು ಮತ್ತು ಅದರಿಂದ ಹೊರಬರಲು ತುಂಬಾ ಪ್ರಯೋಜನಕಾರಿ ಎಂದು ಸಂಶೋಧನೆ ಕಂಡುಹಿಡಿದಿದೆ. ಓಡುವುದು ದೇಹ ಮತ್ತು ಮನಸ್ಸಿಗೆ ಒಳ್ಳೆಯದು. ಇದು ನಮ್ಮ ಮನಸ್ಥಿತಿಯನ್ನು ಸುಧಾರಿಸುತ್ತದೆ ಮತ್ತು ಒತ್ತಡವನ್ನು ಕಡಿಮೆ ಮಾಡುತ್ತದೆ. ನಾವು ಓಡಿದಾಗ, ಎಂಡಾರ್ಫಿನ್ ಎಂಬ ಹಾರ್ಮೋನ್ಗಳು ನಮ್ಮ ದೇಹದಲ್ಲಿ ಉತ್ಪತ್ತಿಯಾಗುತ್ತವೆ. ಇದು ನಮಗೆ ಸಂತೋಷ ಮತ್ತು ಧನಾತ್ಮಕ ಭಾವನೆಯನ್ನು ನೀಡುತ್ತದೆ.

ಮತ್ತಷ್ಟು ಓದಿ: Mental Health: ಈ ಅಭ್ಯಾಸಗಳನ್ನು ಬದಲಿಸಿಕೊಂಡರೆ ನೀವು ಖಿನ್ನತೆ-ಆತಂಕ ಹಾಗೂ ಒತ್ತಡದಿಂದ ದೂರ ಇರಬಹುದು

ಇನ್ನೊಂದೆಡೆ, ಕಾರ್ಟಿಸೋಲ್ ಎಂಬ ಹಾರ್ಮೋನ್ ಕಡಿಮೆಯಾಗುತ್ತದೆ, ಇದು ಒತ್ತಡ ಮತ್ತು ಆತಂಕವನ್ನು ಹೆಚ್ಚಿಸುತ್ತದೆ. ದಿನವೂ ಓಡಿದರೆ ಆತ್ಮವಿಶ್ವಾಸ ಹೆಚ್ಚುತ್ತದೆ, ನೆಮ್ಮದಿಯೂ ಸಿಗುತ್ತದೆ. ನಮ್ಮ ನಿದ್ರೆ ಕೂಡ ಸುಧಾರಿಸುತ್ತದೆ ಮತ್ತು ನಮ್ಮ ಶಕ್ತಿಯ ಮಟ್ಟವು ಹೆಚ್ಚಾಗುತ್ತದೆ. ಓಟವು ನಿಮ್ಮ ಗಮನವನ್ನು ಕೇಂದ್ರೀಕರಿಸುವ ಸಾಮರ್ಥ್ಯವನ್ನು ಸುಧಾರಿಸುತ್ತದೆ.

ಆದ್ದರಿಂದ, ನೀವು ಖಿನ್ನತೆಗೆ ಒಳಗಾಗಿದ್ದೀರಿ ಎಂದು ನೀವು ಭಾವಿಸಿದರೆ ಓಡಲು ಪ್ರಾರಂಭಿಸಿ. ಓಡುವ ಸಮಯ ಮತ್ತು ದೂರವನ್ನು ಕ್ರಮೇಣ ಹೆಚ್ಚಿಸಿ. ಸ್ವಲ್ಪ ಸಮಯದ ನಂತರ ನೀವು ವ್ಯತ್ಯಾಸವನ್ನು ನೋಡುತ್ತೀರಿ ಮತ್ತು ನೀವು ಖಿನ್ನತೆಯಿಂದ ಚೇತರಿಸಿಕೊಳ್ಳಲು ಪ್ರಾರಂಭಿಸುತ್ತೀರಿ. ಖಿನ್ನತೆಯ ವಿರುದ್ಧ ಹೋರಾಡಲು ರನ್ನಿಂಗ್ ಸುಲಭ ಮತ್ತು ಪರಿಣಾಮಕಾರಿ ಮಾರ್ಗವಾಗಿದೆ.

ನೀವು ಖಿನ್ನತೆಯನ್ನು ಹೊಂದಿದ್ದರೆ ಅರ್ಥಮಾಡಿಕೊಳ್ಳುವುದು ಹೇಗೆ? ಸತತವಾಗಿ 2 ವಾರಗಳಿಗಿಂತ ಹೆಚ್ಚು ಕಾಲ ದುಃಖ ಅಥವಾ ಖಿನ್ನತೆಯ ಭಾವನೆ. ದೈನಂದಿನ ಕಾರ್ಯಗಳಲ್ಲಿ ಆಸಕ್ತಿಯ ಕೊರತೆ. ಹಸಿವಿನ ಬದಲಾವಣೆಗಳು – ಒಂದೋ ತುಂಬಾ ಹಸಿದ ಭಾವನೆ ಅಥವಾ ಹಸಿವೇ ಆಗದ ಭಾವನೆ ಉಮಟಾಗಬಹುದು.

ನಿದ್ರೆಯ ತೊಂದರೆಗಳು – ನಿದ್ರಾಹೀನತೆ ಅಥವಾ ಅತಿಯಾದ ನಿದ್ರೆ. ಆಯಾಸ ಮತ್ತು ಶಕ್ತಿಯ ಕೊರತೆಯ ಭಾವನೆ. ಯಾವುದೇ ಕಾರಣವಿಲ್ಲದೆ ಅಳುವುದು. ನಿರ್ಧಾರಗಳನ್ನು ತೆಗೆದುಕೊಳ್ಳುವಲ್ಲಿ ತೊಂದರೆ. ಯಾವುದೇ ಕಾರಣವಿಲ್ಲದೆ ಕೋಪಗೊಳ್ಳುವುದು. ಆತ್ಮ ವಿಶ್ವಾಸದ ಕೊರತೆ. ತನಗೆ ತಾನೇ ಹಾನಿ ಮಾಡಿಕೊಳ್ಳುವ ಆಲೋಚನೆಗಳು ಇತ್ಯಾದಿ.

ಜೀವನಶೈಲಿಗೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ