ಭಾರತವನ್ನೂ ಒಳಗೊಂಡಂತೆ ವಿಶ್ವದ ಅತ್ಯಂತ ದುಬಾರಿ ಚಹ ಸಿಗುವ 7 ಸ್ಥಳಗಳು ಯಾವುದು ಗೊತ್ತಾ?

ಚಹಾ ಪ್ರಿಯರಿಗೆ ಚಹಾದ ರುಚಿ ಸವಿಯಲು ಸಮಯ ನಿದಗಿಯಾಗಬೇಕಂತಿಲ್ಲ. ಚಹಾದ ಅಂಗಡಿ ಕಂಡರೆ ಸಾಕು ಒಂದು ಕಪ್​ ಚಹಾವನ್ನು ಸುರ್​​… ಎಂದು ಸವಿದುಬಿಡೋದೇ! ಚಹದ ಸವಿಯನ್ನು ಹೇಳುವುದಕ್ಕಿಂತ ಅದನ್ನು ಅನುಭವಿಸಿದವರಿಗೇ ಗೊತ್ತು ಅದರ ರುಚಿ. ಗಮ್​… ಎಂದು ಪರಿಮಳ ಬರುತ್ತಿದ್ದಬೇಕು.. ಬಿಸಿ ಬಿಸಿಯಾಗಿ ಹೊಗೆ ಹಾರುತ್ತಿರಬೇಕು.. ಇದರ ಸವಿಯನ್ನು ವರ್ಣಿಸಲು ಸಾಧ್ಯವೇ? ಹಾಗಿರುವಾಗ ಅತ್ಯಂತ ದುಬಾರಿ ಚಹ ಎಲ್ಲಿ ಸಿಗುತ್ತದೆ ಎಂಬುದು ನಿಮಗೆ ತಿಳಿದಿದೆಯೇ? ಭಾರತ ಸೇರಿದಂತೆ ವಿಶ್ವದ 7 ಸ್ಥಳಗಳಲ್ಲಿ ಅತ್ಯಂತ ದುಬಾರಿ ಚಹ ಸಿಗುವ ಪಟ್ಟಿ ಇಲ್ಲಿದೆ.

ಚಹದ ಬೆಲೆ ಹೆಚ್ಚಿದೆ ಅಂದರೆ ಅದರರ್ಥ ಆ ಚಹ ಬಹಳ ಅಪರೂಪದ್ದಾಗಿರುತ್ತದೆ. ಅದರ ಮೌಲ್ಯವನ್ನಾಧರಿಸಿ ದರವನ್ನು ನಿಗದಿ ಮಾಡಲಾಗುತ್ತದೆ. ಅಷ್ಟು ರುಚಿಯಾಗಿರುವ ಚಹವನ್ನು ಜೀವನದಲ್ಲಿ ಒಂದು ಬಾರಿಯಾದರೂ ಸವಿಯಲೇ ಬೇಕು. ಭಾರತವನ್ನೂ ಒಳಗೊಂಡಂತೆ ವಿಶ್ವದ 7 ಸ್ಥಳಗಳಲ್ಲಿ ಅತ್ಯಂತ ದುಬಾರಿ ಚಹ ರಲ್ಲಿ ಸಿಗುತ್ತವೆ ಎಂಬುದನ್ನು ತಿಳಿಯಿರಿ.

ಚೀನಾದ ಡಾ ಹಾಂಗ್​ ಪಾವೊ ಡಾ ಹಾಂಗ್​ ಪಾವೊ ಎಂಬುದು ಒಂದು ಊಲಾಂಗ್​ ಚಹ. ಇದು ವಿಶ್ವದ ಅತ್ಯಂತ ದುಬಾರಿ ಚಹಗಳಲ್ಲಿ ಒಂದು. ಊಲಾಂಗ್​ ಚಹ ಮೂಲತಃ ಚೀನಾದ ಸಾಂಪ್ರದಾಯಿಕ ಚಹ. ಚಹದ ಎಲೆಗಳು ಆಗ್ನೇಯ ಪ್ರಾಂತ್ಯದ ಫುಜಿಯಾನ್​ನ ಪರ್ವತಗಳಲ್ಲಿನ ಮರಗಳಲ್ಲಿ ಕಂಡು ಬರುತ್ತದೆ ಹಾಗೂ ಈ ಎಲೆಗಳು ಅತ್ಯಂತ ಅಪರೂಪ. ಆದ್ದರಿಂದಲೇ ಇದರಿಂದ ತಯಾರಿಸಿದ ಚಹ ಅತ್ಯಂತ ದುಬಾರಿ. ಇದರ ಬೆಲೆ ಅಂದಾಜಿಗೆ 2,90,813 ರೂಪಾಯಿ ಹಾಗೂ ಒಂದು ಮಡಕೆಗೆ ಸುಮಾರು 7,30,569ರೂಪಾಯಿ.

ಜಪಾನ್ ಜ್ಯೋಕುರೊ

ಜಪಾನ್​ನಲ್ಲಿ ಕಂಡು ಬರುವ ಈ ಚಹವು ಹಸಿರು ಚಹ. ಇದನ್ನು ಹೆಚ್ಚಾಗಿ ನೆರಳಿನಲ್ಲಿ ಬೆಳೆಸಲಾಗುತ್ತದೆ ಮತ್ತು ಎಲೆಗಳ ಕೊಯ್ಲು ಪ್ರಾರಂಭದ ಕೆಲವು ವಾರಗಳ ಮೊದಲು ಸೂರ್ಯನ ಕಿರಣ ತಾಗದಂತೆ ನೋಡಿಕೊಳ್ಳಲಾಗುತ್ತದೆ. ಹೀಗೆ ಮಾಡುವುದರಿಂದ ಎಲೆಗಳಲ್ಲಿ ಅಮೈನೊ ಆಮ್ಲಗಳು ಉತ್ಪತ್ತಿಯಾಗುತ್ತದೆ. ಇದು ಆ ಎಲೆಗಳಲ್ಲಿ ಉತ್ತಮ ಪರಿಮಳವನ್ನು ನೀಡುತ್ತದೆ. ಅಂದಾಜಿಗೆ ಈ ಚಹದ ಬೆಲೆ 10,78,321 ರೂಪಾಯಿ.

ಅಸ್ಸಾಂ ಗೋಲ್ಡ್​ ಟೀ

ವಿಶ್ವದ ಅತ್ಯಂತ ದುಬಾರಿ ಚಹಗಳಲ್ಲಿ ಈ ಚಹವೂ ಒಂದು. ಮನೋಹರಿ ಗೋಲ್ಡ್​ ಟೀ ಇದು ಅಪರೂಪದಲ್ಲಿ ಅಪರೂಪದ ಚಹಾಗಳಲ್ಲಿ ಒಂದಾಗಿದೆ. ಔಷಧೀ ಗುಣಗಳನ್ನು ಹೊಂದಿರುವ ಈ ಚಹ ಆರೋಗ್ಯಕ್ಕೆ ಉತ್ತಮ. ಚಹದ ಮೊಗ್ಗನ್ನು ಬೆಳಿಗ್ಗೆ ತೆರಿದುಹಾಕುವುದರಿಂದ ಅವುಗಳ ಗುಣಮಟ್ಟ ಮತ್ತು ಸುವಾಸನೆ ಹಾಳಾಗುವುದಿಲ್ಲ. ವರಿಗಳ ಪ್ರಕಾರ 2018ರಲ್ಲಿ ಮನೋಹರಿ ಗೋಲ್ಡ್​ ಭಾತರದ ಅತ್ಯಂತ ದುಬಾರಿ ಚಹವಾಯಿತು. ಪ್ರತಿ ಕೆಜಿಗೆ 39,001 ರೂಪಾಯಿ, 2019ರಲ್ಲಿ ಕೆಜಿಗೆ 50,000 ರೂಪಾಯಿ ಹಾಗೂ 2020ರಲ್ಲಿ ಕೆಜಿಗೆ 75,000 ರೂಪಾಯಿಗೆ ಮಾರಾಟವಾಗಿದೆ.

ಪಾಂಡಾ ಡಂಗ್​ ಟೀ ರಾಯಿಟರ್ಸ್​ ವರದಿ ಪ್ರಕಾರ, ಪಾಂಡಾ ಸಗಣಿಯನ್ನು ಈ ಚಹಾದ ಎಲೆಗಳ ಸಮೃದ್ಧಿಗೆ ರಸಗೊಬ್ಬರವಾಗಿ ಬಳಸಲಾಗುತ್ತದೆ. ಮೂಲತಃ ಈ ಚಹಾವನ್ನು ನೈರುತ್ಯ ಚೀನಾದ ಉದ್ಯಮಿ ಯಾನ್ಶಿ ಎನ್ನುವವರು ಪ್ರಾರಂಭಿಸಿದರು. ಅವರು ಸಿಚುವಾನ್​ನ ಪರ್ವತ ಯಾನ್​ ಪ್ರದೇಶದಲ್ಲಿ ಚಹಾವನ್ನು ಬೆಳೆಯುತ್ತಾರೆ. ಕ್ಯಾನ್ಸರ್​ ತಡೆಗಟ್ಟುವ ಗುಣವನ್ನು ಈ ಚಹಾದ ಎಲೆಗಳು ಹೊಂದಿವೆ ಎಂಬುದು ತಿಳಿದು ಬಂದಿವೆ.

ಸಿಲ್ವರ್​ ಟಿಪ್ಸ್​ ಇಂಪೀರಿಯರ್​ ಟೀ ಡಾರ್ಜಲಿಂಗ್​ನ ಸಿಲ್ವರ್​ ಟಿಪ್ಸ್​ ಇಂಪೀರಿಯಲ್​ ಚಹವನ್ನು ಭಾರತದಲ್ಲಿ ಪ್ರತಿ ವರ್ಷ ಸೀಮಿತ ಪ್ರಮಾಣದಲ್ಲಿ ತಯಾರಿಸಲಾಗುತ್ತದೆ. ಇದು ಒಂದು ರೀತಿಯ ಊಲಾಂಗ್​ ಚಹ. ಈ ಚಹ ವಿಶಿಷ್ಟವಾದ ಪರಿಮಳವನ್ನು ಹೊಂದಿರುತ್ತದೆ ಮತ್ತು ಕೊಂಚ ಬೆಳ್ಳಿ ಬಣ್ಣದಲ್ಲಿರುತ್ತದೆ. ಹುಣ್ಣಿಮೆಯ ಹಗಲು ರಾತ್ರಿಗಳಲ್ಲಿ ಮಾತ್ರ ಈ ಎಲೆಯನ್ನು ಕೊಯ್ಲು ಮಾಡಲಾಗುತ್ತದೆ. ಪ್ರತಿ ಕಿಲೋಗ್ರಾಂಗೆ 30,000 ರೂಪಾಯಿ ಇದೆ. 2014ರಲ್ಲಿ ಇದು ಭಾರತದಲ್ಲಿ ಅತ್ಯಂತ ದುಬಾರಿ ಚಹ ಎಂದು ಹೆಸರು ಪಡೆದುಕೊಂಡಿತು.

ಚೀನಾ ಟೈಗುವಾನಿನ್​ ಟೀ ಚೀನಾದ ಫುಜಿಯಾನ್​ ಪ್ರಾಂತ್ಯದಲ್ಲಿ ಹೆಚ್ಚು ಕಂಡು ಬರುತ್ತದೆ. ಈ ಚಹದ ಎಲೆಗಳು ಸೂರ್ಯನ ಕಿರಣಗಳು ತಾಗುವಲ್ಲಿ ಬಾಗಿಕೊಳ್ಳುತ್ತವೆ. ಇದು ಹಸಿರು ಮತ್ತು ಹೆಚ್ಚು ಕಪ್ಪು ಬಣ್ಣದಲ್ಲಿ ಗೋಚರವಾಗುತ್ತದೆ. ಆರೋಗ್ಯಕ್ಕೆ ಒಳ್ಳೆಯದು ಮತ್ತು ಅಪರೂಪದ ಎಲೆಗಳಾಗಿರುವುದರಿಂದ ಈ ಚಹ ಎಚ್ಚು ದುಬಾರಿಯಾಗಿದೆ. ವಿಶೇಷವೆಂದರೆ ಪರಿಮಳವನ್ನು ಕಳೆದುಕೊಳ್ಳುವ ಮೊದಲು ಏಳು ಬಾರಿ ಈ ಎಲೆಗಳನ್ನು ಬಳಸಬಹುದಾಗಿದೆ. ಇದರ ಬೆಲೆ ಪ್ರತಿ ಕೊಲೋಗ್ರಾಂಗೆ 30,968 ರೂಪಾಯಿ.

ಸಿಂಗಾಪುರ ಯೆಲ್ಲೋ ಗೋಲ್ಡ್​ ಬಡ್ಸ್​ ಯೆಲ್ಲೋ ಗೋಲ್ಡ್​ ಬಡ್ಸ್​ ಟೀ ಇದೂ ಸಹ ವಿಶ್ವದ ದುಬಾರಿ ಚಹಗಳಲ್ಲಿ ಒಂದಾಗಿದೆ. ಈ ಚಹದ ಎಲೆಗಳು ಸಿಂಗಾಪುರದಲ್ಲಿ ಮಾತ್ರ ಕಂಡು ಬರುತ್ತವೆ. ಇದರ ಎಲೆಗಳು ಹಳದಿ ಬಣ್ಣದ್ದಾಗಿದ್ದು ಅದು ಚಿನ್ನದ ಬಣ್ಣವನ್ನು ಹೊಂದಿದೆ. ಔಷಧೀ ಗುಣಗಳನ್ನೂ ಸಹ ಹೊಂದಿವೆ. ಇದರ ಬೆಲೆ ಸುಮಾರು ಕಿಲೋಗ್ರಾಂಗೆ 7,72,943 ರೂಪಾಯಿ.

ಇದನ್ನೂ ಓದಿ:

ಬಿಸಿಬಿಸಿ ಚಹಾದ ಜೊತೆ ಸವಿಯಲು ಗರಿಗರಿ ಸಮೋಸಾ ಮಾಡುವ ವಿಧಾನ ಕಲಿಯಿರಿ

ಚಹಾ ಕುಡಿಯುವಾಗ ಖದೀಮರ ಕೈಚಳಕ: ಸ್ಕೂಟಿಯಲ್ಲಿದ್ದ 1 ಲಕ್ಷದ 80 ಸಾವಿರ ಹಣ ಹೊತ್ತೊಯ್ದ ಕಳ್ಳರು