National Day of Giving 2022: ಇಂದು ರಾಷ್ಟ್ರೀಯ ದಾನ ದಿನ, ಇದರ ಇತಿಹಾಸ ಮತ್ತು ಮಹತ್ವ ಇಲ್ಲಿದೆ

ಅಮೆರಿಕದ ಶ್ರೇಷ್ಠ ಸಂಪ್ರದಾಯವಾದ ದಾನದ ಔದಾರ್ಯವನ್ನು ಆಚರಿಸುವ ಒಂದು ದಿನವನ್ನು ಮೀಸಲಿಡುವ ನಿಟ್ಟಿನಲ್ಲಿ ಪ್ರತಿವರ್ಷ ನವೆಂಬರ್ 29ರಂದು ರಾಷ್ಟ್ರೀಯ ದಾನ ದಿನ ಅಥವಾ ರಾಷ್ಟ್ರೀಯ ಕೊಡುಗೆ ದಿನವನ್ನು (National Day Of Giving) ಆಚರಿಸಲಾಗುತ್ತದೆ. ಇದು ಥ್ಯಾಂಕ್ಸ್ ಗಿವಿಂಗ್ (Thanks Giving) ನಂತರ ಬರುತ್ತದೆ. ಜಗತ್ತನ್ನು ಉತ್ತಮ ಸ್ಥಳವನ್ನಾಗಿ ಮಾಡಲು ಜನರು ಮತ್ತು ಸಮುದಾಯಗಳಲ್ಲಿ ದಾನ ಅಥವಾ ಕೊಡುಗೆ ನೀಡುವ ಅಭ್ಯಾಸವನ್ನು ಪ್ರೋತ್ಸಾಹಿಸಲು ಈ ದಿನವನ್ನು ಮೀಸಲಿಡಲಾಗಿದೆ. ಈ ವಿಶೇಷ ದಿನದಂದು ದಿನ ಇತಿಹಾಸ ಮತ್ತು ಮಹತ್ವ ತಿಳಿಯೋಣ.

ರಾಷ್ಟ್ರೀಯ ದಾನ ದಿನದ ಇತಿಹಾಸ ಮತ್ತು ಮಹತ್ವ (National Day of Giving History, Significance)

ಥ್ಯಾಂಕ್ಸ್‌ಗಿವಿಂಗ್‌ನ ಸುಮಾರು ಒಂದು ತಿಂಗಳ ಮೊದಲು 2012 ರಲ್ಲಿ 92ನೇ ಸ್ಟ್ರೀಟ್ ವೈ ಮತ್ತು ಯುನೈಟೆಡ್ ನೇಷನ್ಸ್ ಫೌಂಡೇಶನ್ ಎರಡು ಸಂಸ್ಥೆಗಳು ರಾಷ್ಟ್ರೀಯ ದಾನ ದಿನವನ್ನು ರಚಿಸಿತು. ಅಮೆರಿಕದ ಶ್ರೇಷ್ಠ ಸಂಪ್ರದಾಯವಾದ ದಾನದ ಔದಾರ್ಯವನ್ನು ಆಚರಿಸುವ ಒಂದು ದಿನವನ್ನು ಮೀಸಲಿಡುವುದು ಅವರ ಉದ್ದೇಶವಾಗಿತ್ತು. ಮಹತ್ವದ ಉದ್ದೇಶವನ್ನು ಇಟ್ಟುಕೊಂಡು ಆರಂಭಿಸಿದ ಹಿನ್ನೆಲೆ ಸಾಮಾಜಿಕ ಮಾಧ್ಯಮ, ಲೋಕೋಪಕಾರ ಕ್ಷೇತ್ರಗಳ ನಾಯಕರು ಮತ್ತು ತಳಹಂತದವರು ಒಟ್ಟಾಗಿ ಯುನೈಟೆಡ್ ನೇಷನ್ಸ್ ಫೌಂಡೇಶನ್, ಸಿಸ್ಕೊ, ಮಾಶಬಲ್, ಇರಾಕ್ ಮತ್ತು ಅಫ್ಘಾನಿಸ್ತಾನ್ ವೆಟರನ್ಸ್ ಆಫ್ ಅಮೇರಿಕಾ (IAVA), ಸೋನಿ, ಆಲ್ಡೊ, ಗ್ರೂಪನ್, ಯುನಿಸೆಫ್, ಗೂಗಲ್, ಸ್ಕೈಪ್, ಮೈಕ್ರೋಸಾಫ್ಟ್ ಮತ್ತು ಯೂನಿಲಿವರ್ ಸೇರಿದಂತೆ ಸಂಸ್ಥಾಪಕ ಪಾಲುದಾರರ ಗುಂಪನ್ನು ರಚಿಸಿದರು.

ಇದನ್ನೂ ಓದಿ: ನಿಮಗೂ ಆಫೀಸ್​ನಲ್ಲಿ ಊಟದ ನಂತರ ಸ್ವಲ್ಪ ನಿದ್ರೆ ಮಾಡಬೇಕು ಎಂದೆನಿಸುತ್ತಾ? ಕಾರಣ ತಿಳಿಯಿರಿ

ರಾಷ್ಟ್ರೀಯ ದಾನ ದಿನದ ಕುರಿತು ಮೊದಲ ಪ್ರಕಟಣೆಯನ್ನು ತಂತ್ರಜ್ಞಾನ ವೆಬ್‌ಸೈಟ್ Mashable ಮೂಲಕ ಮಾಡಲಾಯಿತು. ವಾಷಿಂಗ್ಟನ್ ಪೋಸ್ಟ್, ಹಫಿಂಗ್ಟನ್ ಪೋಸ್ಟ್, ಎಬಿಸಿ ನ್ಯೂಸ್, ಡೆಸೆರೆಟ್ ನ್ಯೂಸ್ ಮತ್ತು ಶ್ವೇತಭವನದ ಅಧಿಕೃತ ಬ್ಲಾಗ್‌ನಿಂದ ಮೊದಲ ರಾಷ್ಟ್ರೀಯ ಡೇ ಆಫ್ ಗಿವಿಂಗ್ ವ್ಯಾಪಕವಾಗಿ ಆವರಿಸಲ್ಪಟ್ಟಿತು. ಇದರಿಂದಾಗಿ ಯೋಜನೆಯು ಕಡಿಮೆ ಅವಧಿಯಲ್ಲಿ ಅಗಾಧವಾದ ಜನಪ್ರಿಯತೆಯನ್ನು ಗಳಿಸಿತು.

ಕಷ್ಟದಲ್ಲಿರುವ ಅಥವಾ ಇನ್ಯಾವುದೋ ಸ್ಥಿತಿಯಲ್ಲಿರುವವರಿಗೆ ದಾನ ಅಥವಾ ಕೊಡುಗೆ ನೀಡುವ ನಿಟ್ಟಿನಲ್ಲಿ ಪ್ರೋತ್ಸಾಹಿಸುವ ಸರಳ ಉದ್ದೇಶದಿಂದ ಪ್ರತಿ ವರ್ಷ ರಾಷ್ಟ್ರೀಯ ಕೊಡುಗೆಯ ದಿನವನ್ನು ಆಯೋಜಿಸುತ್ತಾ ಬರಲಾಗುತ್ತಿದೆ. ಒಂದು ವರ್ಷದ ನಂತರ 2013 ರಲ್ಲಿ ಫ್ಯಾಷನ್ ಡಿಸೈನರ್ ಕೆವಿನ್ ಕೋಲ್ ಸೇರಿದಂತೆ ಅನೇಕ ಸಂಸ್ಥೆಗಳು ಸೇರಿಕೊಂಡವು. ಇವುಗಳು ಜಾಗೃತಿ ID ಬ್ರೇಸ್‌ಲೆಟ್‌ಗಳನ್ನು ವಿನ್ಯಾಸಗೊಳಿಸಿ ಪ್ರಚಾರ ಮಾಡಿದವು. ಇದರಲ್ಲಿ ಬಂದ ಆದಾಯದ ಶೇ100ರಷ್ಟನ್ನು ರಾಷ್ಟ್ರೀಯ ಕೊಡುಗೆ ದಿನಕ್ಕೆ ನೀಡಲಾಯಿತು. ಮಹತ್ವದ ಉದ್ದೇಶವನ್ನು ಹೊಂದಿರುವ ಈ ರಾಷ್ಟ್ರೀಯ ದಾನ ದಿನವನ್ನು ಅನೇಕರು ಶ್ಲಾಘಿಸಿದ್ದಾರೆ.

ಮಹತ್ವದ ದಿನವನ್ನು ಹೇಗೆ ಆಚರಿಸುವುದು?

ಇತರರಿಗೆ ಸಹಾಯ ಮಾಡುವ ಹಲವು ಮಾರ್ಗಗಳಿವೆ ಮತ್ತು ಕೇವಲ ಹಣದ ಹೊರತಾಗಿ ನೀಡಬಹುದಾದ ಅನೇಕ ಇತರ ಯೋಜನೆಗಳು ಕೂಡ ಇವೆ. ಇವುಗಳಲ್ಲಿ ಸ್ಥಳೀಯ ಆಸ್ಪತ್ರೆಗಳಿಗೆ ಕೆಲವು ನೆರವು ನೀಡಲು ರಕ್ತ ದಾನ ಮಾಡಬಹುದು, ಸ್ವಯಂಸೇವಕ ಮೇಳಗಳಲ್ಲಿ ವ್ಯಕ್ತಿಗಳು ಸಮುದಾಯ ಯೋಜನೆಗಳಿಗೆ ಸಮಯವನ್ನು ನೀಡಲು ಪ್ರತಿಜ್ಞೆ ಮಾಡಬಹುದು ಮತ್ತು ಕುಟುಂಬಗಳು ತಮ್ಮ ಮನೆಯ ನೆರೆಹೊರೆಯವರಿಗೆ ಆಹಾರ ವಿತರಿಸಬಹುದು. ನಿರ್ಗತಿಕರ ಬಗ್ಗೆ ಜಾಗೃತಿ ಮೂಡಿಸಲು ಮತ್ತು ದತ್ತಿಗಳಿಗೆ ದಾನ ನೀಡಲು ಜನರನ್ನು ಪ್ರೋತ್ಸಾಹಿಸಲು #GivingTuesday ಎಂಬ ಹ್ಯಾಶ್‌ಟ್ಯಾಗ್ ಅನ್ನು ರಚಿಸಲಾಗಿದೆ.

#GivingTuesday ಕುರಿತು ಪ್ರಚಾರ ಮಾಡಲು ಮತ್ತು ಮರಳಿ ನೀಡಲು ಸಹಕಾರಿ ಕ್ರಮವನ್ನು ಕೈಗೊಳ್ಳಲು ಮೀಸಲಾಗಿರುವ ಸಾಮಾಜಿಕ ಮಾಧ್ಯಮ ರಾಯಭಾರಿಗಳ ರಾಷ್ಟ್ರೀಯ ದಿನದ ತಂಡವನ್ನು ನೀವು ಸೇರಬಹುದು. ಪ್ರಪಂಚದಾದ್ಯಂತ ಸಾವಿರಾರು ಚಾರಿಟಿ ಸಂಸ್ಥೆಗಳಿವೆ. ಅವುಗಳು ನಿರ್ದಿಷ್ಟ ರೀತಿಯ ಕ್ಯಾನ್ಸರ್ ವಿರುದ್ಧ ಹೋರಾಡುತ್ತಿರುವರಿಗೆ, ಅತ್ಯಂತ ಬಡ ಕುಟುಂಬಗಳ ಮಕ್ಕಳಿಗೆ ಶಾಲಾ ಪುಸ್ತಕಗಳನ್ನು ಖರೀದಿಸಲು ಸಹಾಯ ಮಾಡುವ ಅಥವಾ ಪ್ರಾಣಿಗಳಿಗೆ ನೆರವು ನೀಡುವ ಮಹತ್ತರವಾದ ಉದ್ದೇಶವನ್ನು ಹೊಂದಿರುತ್ತದೆ.

ಮತ್ತಷ್ಟು ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ