National Superhero Day 2023: ಇಂದು ರಾಷ್ಟ್ರೀಯ ಸೂಪರ್ ಹೀರೋ ಡೇ, ನಿಮಗೆ ಒಳಿತು ಮಾಡಿದವರನ್ನು ಸ್ಮರಿಸಲು ಒಳ್ಳೆ ದಿನ
ಪ್ರತಿವರ್ಷ ಏಪ್ರಿಲ್ 28 ರಂದು "ಸೂಪರ್ ಹೀರೋ" ದಿನ ಎಂದು ಆಚರಿಸಲಾಗುತ್ತದೆ. ಅಷ್ಟಕ್ಕೂ ಈ ಸೂಪರ್ ಹೀರೋ ದಿನ ಯಾಕೆ ಆಚರಿಸಲಾಗುತ್ತದೆ ಮತ್ತು ಯಾವಾಗ ಆರಂಭವಾಯಿತು ಇಲ್ಲಿದೆ ಓದಿ
Updated on:Apr 28, 2023 | 8:20 AM
ಪ್ರತಿಯೊಬ್ಬ ವ್ಯಕ್ತಿಯ ಜೀವನದಲ್ಲಿ ಒಬ್ಬರಾದರು ಸೂಪರ್ ಹೀರೊ ಇದ್ದೇ ಇರುತ್ತಾರೆ. ಅದು ಜನ್ಮ ನೀಡಿದ ತಂದೆಯಾಗಿರಬಹುದು ಅಥವಾ ನಮ್ಮ ವ್ಯಕ್ತಿತ್ವದ ಮೇಲೆ ಅಥವಾ ಜೀವನದಲ್ಲಿ ಬಹಳ ಪ್ರಭಾವ ಬೀರಿದ ವ್ಯಕ್ತಿಯಾಗಿರಬಹುದು. ಇಂತಹ ಸೂಪರ್ ಹೀರೋಗಳನ್ನು ಸ್ಮರಿಸಲು ಮತ್ತು ಗೌರವಿಸಲು ಇಂದು (ಏ.28) ಸೂಕ್ತ ದಿನವಾಗಿದೆ. ಹೌದು ಪ್ರತಿವರ್ಷ ಏಪ್ರಿಲ್ 28 ರಂದು ” ರಾಷ್ಟ್ರೀಯ ಸೂಪರ್ ಹೀರೋ ಡೇ” (National Superhero Day) ದಿನ ಎಂದು ಆಚರಿಸಲಾಗುತ್ತದೆ. ಅಷ್ಟಕ್ಕೂ ಈ ಸೂಪರ್ ಹೀರೋ ದಿನ ಯಾಕೆ ಆಚರಿಸಲಾಗುತ್ತದೆ ಮತ್ತು ಯಾವಾಗ ಆರಂಭವಾಯಿತು ಇಲ್ಲಿದೆ ಓದಿ
ಏನಿದು ಸೂಪರ್ ಹೀರೋ ಡೇ
ಸ್ಪೈಡರ್ ಮ್ಯಾನ್, ಐರನ್ ಮ್ಯಾನ್, ಕ್ಯಾಪ್ಟನ್ ಅಮೇರಿಕಾ, ಥಾರ್, ಡಾಕ್ಟರ್ ಸ್ಟ್ರೇಂಜ್, ಹಲ್ಕ್, ಡೇರ್ಡೆವಿಲ್, ವೊಲ್ವೆರಿನ್, ಬ್ಲ್ಯಾಕ್ ಪ್ಯಾಂಥರ್ ಮತ್ತು ಕ್ಯಾಪ್ಟನ್ ಮಾರ್ವೆಲ್ ಈ ಹೆಸರುಗಳು ಯುವ ಜನತೆಯನ್ನು ಸಾಕಷ್ಟು ಆಕರ್ಷಿಸುತ್ತಿವೆ. ಇವು ಹಾಲಿವುಡ್ ಚಲನಚಿತ್ರಗಳು. ಈ ಚಲನಚಿತ್ರಗಳನ್ನು ನಿರ್ಮಾಣ ಮಾಡಿದ್ದು ಮಾರ್ವೆಲ್ ಎಂಬ ನಿರ್ಮಾಣ ಸಂಸ್ಥೆ. ಈ ಸಂಸ್ಥೆ ನಿರ್ಮಾಣ ಮಾಡಿದ ಚಿತ್ರಗಳಲ್ಲಿನ ಪಾತ್ರಗಳು, ಸದಾ ಒಳ್ಳೆಯದನ್ನು ಮಾಡುತ್ತಿರುತ್ತವೆ. ಇವರ ರೀತಿ ತೆರೆಯ ಹೊರಗೆ ಸಮಾಜದಲ್ಲಿ ಒಳ್ಳೆಯ ಕೆಲಸ ಮಾಡಿದ ನಿಜವಾದ ಹೀರೋಗಳನ್ನು ಸ್ಮರಿಸಲು ಈ ಸೂಪರ್ ಹೀರೋ ದಿನವನ್ನು ಆರಂಭಿಸಲಾಯಿತು.
ಸೂಪರ್ ಹೀರೋ ಡೇಗೂ ಮತ್ತು ಮಾರ್ವೆಲ್ ಸಂಸ್ಥೆಗು ಏನು ಸಂಬಂಧ
ಇನ್ನು ಈ ಸೂಪರ್ ಹೀರೋ ಡೇ ಥೀಮ್ ಅನ್ನು ಕೂಡ ಪ್ರಾರಂಭಿಸಿದವರು ಮಾರ್ವೆಲ್ ಎಂಬ ನಿರ್ಮಾಣ ಸಂಸ್ಥೆಯಲ್ಲಿ ಕೆಲಸ ಮಾಡುವ ಉದ್ಯೋಗಿಗಳು. ಹೌದು ಏಪ್ರಿಲ್ 28, 1995 ರಂದು, ಮಾರ್ವೆಲ್ ಉದ್ಯೋಗಿಗಳು ಸೂಪರ್ ಹೀರೋ ಡೇಯನ್ನು ಆರಂಭಿಸಿದರು.
ಸೂಪರ್ ಹೀರೋ ಡೇ ಉದ್ದೇಶ
ದುಷ್ಟಶಕ್ತಿಯನ್ನು ಸಂಹರಿಸಿ, ಜನರನ್ನು ರಕ್ಷಿಸುವ, ಸಮಾಜಕ್ಕಾಗಿ ಸದಾ ಸೇವೆ, ತ್ಯಾಗ ಮತ್ತು ನಮ್ಮ ಜೀವನದ ಮೇಲೆ ಪ್ರಭಾವ ಬೀರಿದ ವ್ಯಕ್ತಿಗಳಾಗಲಿ ಅಥವಾ ದೇವರಾಗಲಿ ಅವರನ್ನು ಸ್ಮರಿಸಲು ಮತ್ತು ಗೌರವಿಸಲು ಮಾರ್ವೆಲ್ ಚಿತ್ರ ಸಂಸ್ಥೆಯ ಉದ್ಯೋಗಿಗಳು ಈ ದಿನವನ್ನು ಆರಂಭಿಸಿದರು.
ರಾಷ್ಟ್ರೀಯ ಸೂಪರ್ ಹೀರೋ ದಿನ ಯಾವಾಗ?
ಪ್ರತಿವರ್ಷ ಏಪ್ರಿಲ್ 28 ರಂದು, ಸೂಪರ್ಹೀರೋ ದಿನವಾಗಿ ಆಚರಿಸಲಾಗುತ್ತದೆ. ಈ ದಿನ ನಮ್ಮ ಸೂಪರ್ ಹೀರೋಗಳನ್ನು ಸ್ಮರಿಸಬೇಕು.
ರಾಷ್ಟ್ರೀಯ ಸೂಪರ್ಹೀರೋ ದಿನದ ಇತಿಹಾಸ
1995 ರಲ್ಲಿ ಮಾರ್ವೆಲ್ ಸಂಸ್ಥೆಯಿಂದ ಸೂಪರ್ಹೀರೋ ದಿನ ಆರಂಭವಾಯಿತು. ಏಪ್ರಿಲ್ 28, 1995 ರಂದು ಪ್ರಾರಂಭವಾದಾಗಿನಿಂದ, ಮಾರ್ವೆಲ್ ಚಿತ್ರ ಸಂಸ್ಥೆಯ ಉದ್ಯೋಗಿಗಳು ಮತ್ತು ಇನ್ನು ಅನೇಕ ಜನರು ಈ ತಮ್ಮ ನೆಚ್ಚಿನ ನಾಯಕರನ್ನು ಸ್ಮರಿಸಲು ಈ ದಿನ ಮೀಸಲಿಡುತ್ತಾರೆ. ನಿಮ್ಮ ಸೂಪರ್ ಹೀರೋಗಳು ಕಾಲ್ಪನಿಕವಾಗಿರಲಿ ಅಥವಾ ನೈಜವಾಗಿರಲಿ, ಇಂದು ಅವರಿಗೆ ಕೃತಜ್ಞತೆಯನ್ನು ವ್ಯಕ್ತಪಡಿಸಿ.
Published On - 7:59 am, Fri, 28 April 23
