ಮನೆ ಮುಂದೆ ಈ ಸಸ್ಯಗಳನ್ನು ನೆಟ್ಟರೆ ಇಲಿಗಳ ಕಾಟಕ್ಕೆ ಮುಕ್ತಿ ಗ್ಯಾರಂಟಿ

ಮನೆಗೆ ಕರೆದರೆ ಬರುವ ಅತಿಥಿಯೆಂದರೆ ಅದುವೇ ಈ ಇಲಿಗಳು. ಮನೆಯಲ್ಲಿ ಅತ್ತಿಂದ ಇತ್ತ, ಓಡಾಡುತ್ತ ಕಾಟ ಕೊಡುವ ಇಲಿಗಳನ್ನು ಓಡಿಸುವುದೇ ದೊಡ್ಡ ತಲೆನೋವು. ಒಂದೇ ಒಂದು ಇಲಿಯಿದ್ದು ಬಿಟ್ಟರೆ ಮನೆಯಲ್ಲಿ ರಾಶಿ ರಾಶಿ ಇಲಿಗಳು ಮನೆಯೊಳಗೆ ಎಂಟ್ರಿ ಕೊಡುತ್ತವೆ. ಕೆಲವೊಮ್ಮೆ ಬಟ್ಟೆ, ಅಗತ್ಯ ವಸ್ತುಗಳನ್ನೆಲ್ಲವನ್ನು ಸರ್ವನಾಶ ಮಾಡಿಬಿಟ್ಟಿರುತ್ತವೆ. ನೀವು ಕೂಡ ಈ ಇಲಿಗಳನ್ನು ಮನೆಯಿಂದ ಓಡಿಸಲು ನೀವು ಸಹ ಹಲವಾರು ಟ್ರಿಕ್ಸ್ ಗಳನ್ನು ಟ್ರೈ ಮಾಡಿರಬಹುದು. ಆದರೆ ಈ ಮನೆಯ ಮುಂದೆ ಈ ಗಿಡಗಳನ್ನು ನೆಟ್ಟರಂತೂ ಇಲಿಗಳು ಮನೆಯ ಹತ್ತಿರ ಸುಳಿಯುವುದೇ ಇಲ್ಲ.

• ರೋಸ್ಮರಿ ಸಸ್ಯ : ಇದೊಂದು ಆರೊಮ್ಯಾಟಿಕ್ ಸಸ್ಯವಾಗಿದ್ದು, ಇದು ಕೂದಲ ಆರೈಕೆಯಲ್ಲಿ ಪ್ರಮುಖ ಪಾತ್ರವಹಿಸುತ್ತದೆ. ಆದರೆ, ಈ ಗಿಡದ ಪರಿಮಳವು ಇಲಿಗಳಿಗೆ ಇಷ್ಟವಾಗೋದೇ ಇಲ್ಲ. ನಿಮ್ಮ ಮನೆಯ ಮುಂದೆ ಈ ಸಸ್ಯವನ್ನು ನೆಟ್ಟರೆ ಇಲಿಗಳು ನಿಮ್ಮ ಮನೆಯ ಹತ್ತಿರ ಕೂಡ ಸುಳಿಯಲ್ಲ.
• ಲ್ಯಾವೆಂಡರ್ ಸಸ್ಯ : ಇದೊಂದು ಪರಿಮಳಯುಕ್ತ ಸಸ್ಯವಾಗಿದ್ದು, ಇದನ್ನು ಮೇಣದ ಬತ್ತಿಗಳು ಮತ್ತು ಸಾರಭೂತ ತೈಲಗಳಲ್ಲಿ ಬಳಸಲಾಗುತ್ತದೆ. ಆದರೆ ಇಲಿಗಳು ಲ್ಯಾವೆಂಡರ್ ವಾಸನೆಯನ್ನು ಇಷ್ಟಪಡುವುದಿಲ್ಲ. ಆದ್ದರಿಂದ ಮನೆಯಲ್ಲಿ ಲ್ಯಾವೆಂಡರ್ ಗಿಡವನ್ನು ನೆಟ್ಟರೆ ಈ ಸಮಸ್ಯೆಗೆ ಮುಕ್ತಿ ಸಿಕ್ಕಂತಾಗುತ್ತದೆ.
• ಪುದೀನಾ ಸಸ್ಯ: ಪುದೀನಾ ಎಲೆಗಳಲ್ಲಿ ಕಟುವಾದ ಪರಿಮಳವು ಎಲ್ಲರಿಗೂ ಇಷ್ಟವಾಗುತ್ತದೆ. ಆದರೆ ಇಲಿಗಳು ಈ ಸುವಾಸನೆಯೂ ಇಷ್ಟವಾಗುವುದಿಲ್ಲ. ಹೀಗಾಗಿ ಇದನ್ನು ಮನೆಯ ಬಾಗಿಲಲ್ಲಿ ಅಥವಾ ಕಿಟಕಿಗಳ ಬಳಿ ಪುದೀನಾ ಸಸಿಗಳನ್ನು ನೆಡುವುದರಿಂದ ಇಲಿಗಳು ಮನೆಯ ಹತ್ತಿರವೇ ಬರುವುದಿಲ್ಲ.
• ಚೆಂಡು ಹೂವಿನ ಸಸ್ಯ : ಕೇಸರಿ ಹಾಗೂ ಹಳದಿ ಬಣ್ಣದ ಚೆಂಡು ಹೂವು ನೋಡುವುದಕ್ಕೆ ಎಷ್ಟು ಸುಂದರವೋ, ಇಲಿಗಳನ್ನು ಓಡಿಸಲು ಅಷ್ಟೇ ಪರಿಣಾಮಕಾರಿಯಾಗಿದೆ. ನಿಮ್ಮ ಮನೆಯ ಮುಂಭಾಗದಲ್ಲಿ ಈ ಸಸ್ಯಗಳನ್ನು ನೆಟ್ಟರೆ ಚೆಂಡು ಹೂವಿನ ವಾಸನೆಯು ಇಲಿಗಳಿಗೆ ಆಗಿ ಬರುವುದಿಲ್ಲ, ಹೀಗಾಗಿ ಈ ಕಾಟಕೊಡುವ ಇಲಿಗಳು ಬರುವುದಿಲ್ಲ.
• ಡ್ಯಾಫೋಡಿಲ್‌ ಗಿಡ : ಈ ಡ್ಯಾಫೋಡಿಲ್ ಸಸ್ಯದ ಹೂವಿನಿಂದ ಹೊರಹೊಮ್ಮುವ ವಿಷಕಾರಿ ವಾಸನೆಯು ಇಲಿಗಳು ಮನೆ ಬಳಿ ಬಾರದಂತೆ ತಡೆಯುತ್ತದೆ. ಹೀಗಾಗಿ ಈ ಗಿಡವನ್ನು ಮನೆಯ ಮುಂಭಾಗದಲ್ಲಿ ನೆಟ್ಟರೆ ಇಲಿಗಳ ಕಾಟವನ್ನು ಸುಲಭವಾಗಿ ತಡೆಯಬಹುದು.

ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ