Financial Parenting: ಮಕ್ಕಳಿಗೆ ಹಣ ಹೇಗೆ? ಖರ್ಚು ಮಾಡಬೇಕು ಎನ್ನುವ ಮೊದಲು ಗಳಿಸುವ ಬಗ್ಗೆ ತಿಳಿಸಿ

ಪೋಷಕರು ತಮ್ಮ ಮಕ್ಕಳಿಗೆ ಜೀವನದಲ್ಲಿ ಸಾಧ್ಯವಾದಷ್ಟು ಉತ್ತಮ ಆರಂಭವನ್ನು ನೀಡಲು ಬಯಸುತ್ತಾರೆ. ಸಾಮಾನ್ಯವಾಗಿ ಕಡೆಗಣಿಸಲ್ಪಡುವ ಒಂದು ಕ್ಷೇತ್ರವೆಂದರೆ ಹಸಕಾಸಿನ ಪಾಲನೆ, ‘ಚಿಕ್ಕ ವಯಸ್ಸಿನಿಂದಲೇ ಹಣದ ನಿರ್ವಹಣೆ ಮತ್ತು ಹಣಕಾಸಿನ ಜವಬ್ದಾರಿಯ ಬಗ್ಗೆ ಮಕ್ಕಳಿಗೆ ತಿಳಿಹೇಳುವ ಪ್ರಕ್ರಿಯೆ.’ ಮಕ್ಕಳಿಗೆ ಚಿಕ್ಕಂದಿನಿಂದಲೇ ಹಣದ ಮೌಲ್ಯದ ಬಗ್ಗೆ ಹೇಳಿಕೊಡುವುದರಿಂದ ಜೀವನಪೂರ್ತಿ ಅವರನ್ನು ಆರ್ಥಿಕ ಯಶಸ್ಸಿಗೆ ಹೊಂದಿಸಬಹುದು. ಮನೆಯಲ್ಲಿ ಆರ್ಥಿಕ ಶಿಕ್ಷಣವನ್ನು ಪಡೆಯುವ ಮಕ್ಕಳು ವಯಸ್ಕರರಾಗಿ ಜವಬ್ದಾರಿಯುತ ಆರ್ಥಿಕ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಸಾಧ್ಯತೆಯಿದೆ ಎಂದು ಅಧ್ಯಯನಗಳು ಹೇಳುತ್ತವೆ. ಹಣಕಾಸಿನ ಪಾಲನೆಯು ಬಜೆಟ್, ಉಳಿತಾಯ ಮತ್ತು ಹಣವನ್ನು ಬುದ್ಧಿವಂತಿಕೆಯಿಂದ ಖರ್ಚು ಮಾಡುವ ಪ್ರಾಮುಖ್ಯತೆಯ ಬಗ್ಗೆ ಮಕ್ಕಳಿಗೆ ಕಲಿಸುವುದನ್ನು ಒಳಗೊಂಡಿರುತ್ತದೆ. ಈ ಹಣಕಾಸಿನ ಅಭ್ಯಾಸಗಳನ್ನು ಕಲಿಸುವ ಮೂಲಕ ಅವರ ಭವಿಷ್ಯವನ್ನು ಸುಭದ್ರವಾಗಿಡಬಹುದು.

ನಿಮ್ಮ ಮಕ್ಕಳಲ್ಲಿ ಉತ್ತಮ ಹಣಕಾಸಿನ ಅಭ್ಯಾಸಗಳನ್ನು ಕಲಿಸುವ ಮಾರ್ಗಗಳು:

ಮಗುವಿಗೆ ಆದಾಯದ ಅರ್ಥವನ್ನು ಕಲಿಸುವುದು: ನಿಮ್ಮ ಮಗುವಿಗೆ ವಾರಕ್ಕೊಮ್ಮೆ ಅಥವಾ ಮಾನಸಿಕ ಆಧಾರದ ಮೇಲೆ ಪಾಕೆಟ್ ಹಣವನ್ನು ನೀಡಿ. ಮತ್ತು ಹಣವನ್ನು ಖರ್ಚು ಮಾಡದೆ, ಅದು ಎಷ್ಟು ಮೌಲ್ಯಯುತವಾಗಿದೆ ಎಂಬುದನ್ನು ಅರ್ಥ ಮಾಡಿಸಿ. ಹಣದ ಮಿತಿಯನ್ನು ಅರ್ಥಮಾಡಿಕೊಳ್ಳುವುದು ಖರ್ಚು ಮಾಡುವಾಗ ಸ್ವತಂತ್ರ ನಿರ್ಧಾರ ತೆಗೆದುಕೊಳ್ಳಲು ಅನುಕೂಲಕರವಾಗುತ್ತದೆ.

ಹೇಗೆ ಖರ್ಚು ಮಾಡುವುದು ಎಂದು ಮಗುವಿಗೆ ತಿಳಿಸಿ: ಅಗತ್ಯತೆಗಳು ಮತ್ತು ಐಷಾರಾಮಿಗಳ ನಡುವಿನ ವ್ಯತ್ಯಾಸವನ್ನು ತಿಳಿದುಕೊಳ್ಳುವುದು, ಅಗತ್ಯತೆಗಳು ಮತ್ತು ಆಸೆಗಳನ್ನು ಖರ್ಚು ಮಾಡುವ ನಡವಳಿಕೆಯ ಬಗ್ಗೆ ತಿಳಿಸಿ. ಇದರರ್ಥ ಜಿಪುಣತನದಿಂದ ಖರ್ಚು ಮಾಡುವುದು ಎಂದಲ್ಲ. ಅಗತ್ಯಗಳಿಗೆ ಅನುಗುಣವಾಗಿ ಮಾತ್ರ ಖರ್ಚು ಮಾಡುವುದನ್ನು ಕಲಿಸಬೇಕು. ಇದರಿಂದ ಮಗು ಅನಗತ್ಯ ಹಣವನ್ನು ಖರ್ಚು ಮಾಡುವುದನ್ನು ತಪ್ಪಿಸಬಹುದು.

ಉಳಿತಾಯದ ಹವ್ಯಾಸ ಬೆಳೆಸಿಕೊಳ್ಳಿ: ತ್ವರಿತ ತೃಪ್ತಿಯ ಯುಗದಲ್ಲಿ ಉಳಿತಾಯದ ಅಭ್ಯಾಸಗಳನ್ನು ಬೆಳೆಸಿಕೊಳ್ಳುವುದು ಇಂದಿನ ಅಗತ್ಯವಾಗಿದೆ. ನೀವು ಮಕ್ಕಳಿಗೆ ಪಿಗ್ಗಿ ಬ್ಯಾಂಕ್​​​ಗಳನ್ನು ನೀಡಬಹುದು. ಇದರಿಂದ ಅವರು ತಮ್ಮ ಪಾಕೆಟ್ ಹಣಗಳನ್ನು ಮತ್ತು ಸಂಬಂಧಿಕರು ಪ್ರೀತಿಯಿಂದ ನೀಡಿದ ಹಣವನ್ನು ಅದರಲ್ಲಿ ಸಂಗ್ರಹಿಸಿಟ್ಟುಕೊಳ್ಳಬಹುದು. ಅನಗತ್ಯ ಖರ್ಚು ಮಾಡುವುದನ್ನು ತಪ್ಪಿಸಿ ಹಣದ ಉಳಿತಾಯ ಮೌಲ್ಯಗಳ ಬಗ್ಗೆ ಮಕ್ಕಳಿಗೆ ತಿಳಿಸಿ.

ಇದನ್ನೂ ಓದಿ:ಯಕೃತ್ತಿನ ಆರೋಗ್ಯಕ್ಕಾಗಿ ಆಹಾರದ ಸಲಹೆಗಳು, ಜೀವನಶೈಲಿಯ ಬದಲಾವಣೆಗಳು ಹೀಗೆ ಮಾಡಿಕೊಳ್ಳಿ

ಕೆಲಸಗಳು ಮತ್ತು ಭತ್ಯೆಗಳು: ಹಣವನ್ನು ಹೇಗೆ ಬುದ್ಧಿವಂತಿಕೆಯಿಂದ ಖರ್ಚು ಮಾಡಬೆಕೆಂದು ನಿಮ್ಮ ಮಕ್ಕಳಿಗೆ ಕಲಿಸುವ ಮೊದಲು, ಅವರು ಹಣವನ್ನು ಹೇಗೆ ಗಳಿಸಬೇಕೆಂಬುದನ್ನು ಕಲಿಸಿ. ಹಣ ಎಲ್ಲಿಂದ ಬರುತ್ತದೆ ಎಂಬುದನ್ನು ಮಕ್ಕಳು ತಿಳಿದುಕೊಳ್ಳಲು ಇರುವ ಏಕೈಕ ಮಾರ್ಗವೆಂದರೆ ಅವರೇ ಸ್ವಂತ ಗಳಿಸುವುದು. ಮನೆಯ ಕೆಲಸವನ್ನು ಮಾಡಿಸುವ ಮೂಲಕ ಅವರೆಗೆ ಪಾಕೆಟ್ ಹಣವನ್ನು ನೀಡಿದಾಗ ಮಕ್ಕಳು ತಮ್ಮ ಶ್ರಮದ ಮೌಲ್ಯವನ್ನು ಕಲಿಯುತ್ತಾರೆ.

ಮಾದರಿಯಾಗಿ: ಹಿರಿಯರನ್ನು ನೋಡಿ ಮಕ್ಕಳು ಬಹಳಷ್ಟು ಕಲಿಯುತ್ತಾರೆ. ಪೋಷಕರು ತಮ್ಮ ಮಕ್ಕಳಿಗೆ ಹಣದ ಮೌಲ್ಯವನ್ನು ಅರ್ಥಮಾಡಿಸಬೇಕು. ಆದರೆ ಅವರು ಹಣವನ್ನು ಖರ್ಚು ಮಾಡುವ ವಿಧಾನ, ಅವರು ಎಲ್ಲಿ ಖರ್ಚು ಮಾಡುತ್ತಿದ್ದಾರೆ ಮತ್ತು ತಿಂಗಳಿಗೆ ಎಷ್ಟು ಉಳಿತಾಯ ಅಥವಾ ಹೂಡಿಕೆ ಮಾಡುತ್ತಿದ್ದಾರೆ ಎಂಬುದರ ಬಗ್ಗೆ ಪೋಷಕರು ಹರಿಸಬೇಕು. ಚಿಕ್ಕ ವಯಸ್ಸಿನಲ್ಲಿ ಬೆಳೆಸಿದ ಅಭ್ಯಾಸಗಳು ದೀರ್ಘಕಾಲೀನ ಪರಿಣಾಮವನ್ನು ಬೀರುತ್ತವೆ.

ಜೀವನಶೈಲಿಗೆ ಸಂಬಂಧಿಸಿದ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ