ಪುಲ್ವಾಮಾದಲ್ಲಿ ಇಬ್ಬರು ಉಗ್ರರ ಹತ್ಯೆ; ಕಾರ್ಯಾಚರಣೆ ಮುಂದುವರಿದಿದೆ ಎಂದ ಪೊಲೀಸ್​​

ಇಂದು ಬೆಳಗ್ಗೆ ಜಮ್ಮು-ಕಾಶ್ಮೀರ (Jammu-Kashmir) ದ ಪುಲ್ವಾಮಾದಲ್ಲಿ ಇಬ್ಬರು ಉಗ್ರರನ್ನು ಭದ್ರತಾ ಪಡೆಗಳೂ(Security Forces)  ಹತ್ಯೆ ಮಾಡಿವೆ. ದಕ್ಷಿಣ ಕಾಶ್ಮೀರದ ಪುಲ್ವಾಮಾದ ನಾಗಬೇರನ್-ಟಾರ್ಸರ್ ಅರಣ್ಯ ಪ್ರದೇಶದಲ್ಲಿ ಇಂದು ಭದ್ರತಾ ಪಡೆಗಳು ಉಗ್ರರ ವಿರುದ್ಧ ಕಾರ್ಯಾಚರಣೆ ನಡೆಸಿದ್ದವು. ಭದ್ರತಾ ಪಡೆಗಳು ಉಗ್ರರನ್ನು ಹುಡುಕುತ್ತಿದ್ದಾಗ, ಭಯೋತ್ಪಾದಕರು ಒಮ್ಮೆಲೇ ಗುಂಡಿನ ದಾಳಿ ನಡೆಸಲು ಶುರು ಮಾಡಿದ್ದಾರೆ. ಇದರಿಂದ ಅನಿವಾರ್ಯವಾಗಿ ಎನ್​ಕೌಂಟರ್ (Encounter) ಶುರುವಾಯಿತು ಎಂದು ಸ್ಥಳೀಯ ಪೊಲೀಸ್​ ಅಧಿಕಾರಿಯೊಬ್ಬರು ಹೇಳಿದ್ದಾರೆ.

ಈ ಎನ್​ಕೌಂಟರ್​ ಬಗ್ಗೆ ಮಾತನಾಡಿದ, ಕಾಶ್ಮೀರ ವಲಯ ಪೊಲೀಸ್​ ಅಧಿಕಾರಿಯೊಬ್ಬರು, ಎನ್​ಕೌಂಟರ್ ನಡೆದ ನಿಖರವಾದ ಪ್ರದೇಶ ದಾಚಿಗಮ್​ ಅರಣ್ಯಪ್ರದೇಶದ ನಂಬಿಯಾನ್​ ಮತ್ತು ಮಾರ್ಸಾರ್​ ಮಧ್ಯೆ. ಮೃತರಾದ ಉಗ್ರರ ಗುರುತು ಇನ್ನೂ ಪತ್ತೆಯಾಗಿಲ್ಲ. ಶೀಘ್ರವೇ ಗುರುತು ಪತ್ತೆಹಚ್ಚಲಾಗುತ್ತದೆ. ಅವರಿಂದ ಈಗಾಗಲೇ ಶಸ್ತ್ರಾಸ್ತ್ರಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ತಿಳಿಸಿದ್ದಾರೆ.

#EncounterUpdate: Exact location of #encounter is between Namibian & Marsar, general area #Dachigam forest. 02 unidentified #terrorists killed. Army and Police on job. Search is still going on. @JmuKmrPolice https://t.co/MBpKAleHcZ

— Kashmir Zone Police (@KashmirPolice) July 31, 2021

2 terrorists Killed in encounter in Pulwama Of Jammu and Kashmir