ಮಣಿಪುರ ಹಿಂಸಾಚಾರಕ್ಕೆ ಹೆದರಿ ಮ್ಯಾನ್ಮಾರ್ಗೆ ಹೋಗಿದ್ದ 212 ಮಂದಿಯನ್ನು ಸುರಕ್ಷಿತವಾಗಿ ವಾಪಸ್ ಕರೆತಂದ ಸೇನೆ
ಮಣಿಪುರ(Manipur)ದಲ್ಲಿ ಕಳೆದ ಒಂದೆರಡು ತಿಂಗಳಿನಿಂದ ನಡೆಯುತ್ತಿರುವ ಹಿಂಸಾಚಾರ(Violence) ಕ್ಕೆ ಹೆದರಿ ಮ್ಯಾನ್ಮಾರ್ಗೆ ಹೋಗಿ ನೆಲೆಸಿದ್ದ ಮೈಥಿ ಸಮುದಾಯದ 212 ಮಂದಿಯನ್ನು ಭಾರತೀಯ ಸೇನೆಯು ಸುರಕ್ಷಿತವಾಗಿ ಮಣಿಪುರಕ್ಕೆ ವಾಪಸ್ ಕರೆತಂದಿದೆ. ಮೇ 3 ರಂದು ಜನಾಂಗೀಯ ಹಿಂಸಾಚಾರ ಭುಗಿಲೆದ್ದ ನಂತರ ಮಣಿಪುರದ ಮೊರೆಹ್ ಪಟ್ಟಣದಿಂದ ನೆರೆಯ ಮ್ಯಾನ್ಮಾರ್ಗೆ ಹೋಗಿದ್ದ, 212 ಭಾರತೀಯರು ಸುರಕ್ಷಿತವಾಗಿ ಮನೆಗೆ ಮರಳಿದ್ದಾರೆ ಎಂದು ಮುಖ್ಯಮಂತ್ರಿ ಬಿರೇನ್ ಸಿಂಗ್ ಮಾಹಿತಿ ನೀಡಿದ್ದಾರೆ.
Updated on:Aug 19, 2023 | 11:01 AM
ಮಣಿಪುರ(Manipur)ದಲ್ಲಿ ಕಳೆದ ಒಂದೆರಡು ತಿಂಗಳಿನಿಂದ ನಡೆಯುತ್ತಿರುವ ಹಿಂಸಾಚಾರ(Violence) ಕ್ಕೆ ಹೆದರಿ ಮ್ಯಾನ್ಮಾರ್ಗೆ ಹೋಗಿ ನೆಲೆಸಿದ್ದ ಮೈಥಿ ಸಮುದಾಯದ 212 ಮಂದಿಯನ್ನು ಭಾರತೀಯ ಸೇನೆಯು ಸುರಕ್ಷಿತವಾಗಿ ಮಣಿಪುರಕ್ಕೆ ವಾಪಸ್ ಕರೆತಂದಿದೆ. ಮೇ 3 ರಂದು ಜನಾಂಗೀಯ ಹಿಂಸಾಚಾರ ಭುಗಿಲೆದ್ದ ನಂತರ ಮಣಿಪುರದ ಮೊರೆಹ್ ಪಟ್ಟಣದಿಂದ ನೆರೆಯ ಮ್ಯಾನ್ಮಾರ್ಗೆ ಹೋಗಿದ್ದ, 212 ಭಾರತೀಯರು ಸುರಕ್ಷಿತವಾಗಿ ಮನೆಗೆ ಮರಳಿದ್ದಾರೆ ಎಂದು ಮುಖ್ಯಮಂತ್ರಿ ಬಿರೇನ್ ಸಿಂಗ್ ಮಾಹಿತಿ ನೀಡಿದ್ದಾರೆ.
ಜನರನ್ನು ಸುರಕ್ಷಿತವಾಗಿ ಕರೆತಂದ ಭಾರತೀಯ ಸೇನೆಗೆ ಬಿರೇನ್ ಸಿಂಗ್ ಧನ್ಯವಾದ ಸಲ್ಲಿಸಿದರು. ಇವರೆಲ್ಲರೂ ಮೈಥಿ ಸಮುದಾಯಕ್ಕೆ ಸೇರಿದವರು, ಈ ಜನರನ್ನು ಮನೆಗೆ ಕರೆತಂದ ಭಾರತೀಯ ಸೇನೆಗೆ ಧನ್ಯವಾದಗಳು ಎಂದು ಸಿಎಂ ಹೇಳಿದರು.
GOC ಈಸ್ಟರ್ನ್ ಕಮಾಂಡ್, ಲೆಫ್ಟಿನೆಂಟ್ ಜನರಲ್ RP ಕಲಿತಾ, GOC 3 ಕಾರ್ಪ್, ಲೆಫ್ಟಿನೆಂಟ್ ಜನರಲ್ HS ಸಾಹಿ ಮತ್ತು 5 AR ನ CO, ಕರ್ನಲ್ ರಾಹುಲ್ ಜೈನ್ ಅವರಿಗೆ ಧನ್ಯವಾದ ಸಲ್ಲಿಸಿದ್ದಾರೆ.
ಮಣಿಪುರದ ರಾಜಧಾನಿ ಇಂಫಾಲ್ನಿಂದ ಸುಮಾರು 110 ಕಿಮೀ ದೂರದಲ್ಲಿರುವ ಮೋರೆ ಹಿಂಸಾಚಾರದಿಂದ ಹೆಚ್ಚು ಹಾನಿಗೊಳಗಾದ ಪ್ರದೇಶಗಳಲ್ಲಿ ಒಂದಾಗಿದೆ.
ಮತ್ತಷ್ಟು ಓದಿ: ಮಣಿಪುರದಲ್ಲಿ ದ್ವೇಷದ ಬೀಜವನ್ನು ಬಿತ್ತಿದ್ದು ಯಾರು? ಕಾಂಗ್ರೆಸ್ ವಿರುದ್ಧ ಅನುರಾಗ್ ಠಾಕೂರ್ ವಾಗ್ದಾಳಿ
ಮೊರೆಹ್ ಕುಕಿಗಳು, ಮೈಥಿ ಮತ್ತು ತಮಿಳರ ಮಿಶ್ರ ಜನಸಂಖ್ಯೆಯನ್ನು ಹೊಂದಿದೆ. ಇಲ್ಲಿ ಬೇರೆ ಸಮುದಾಯದವರೂ ಇದ್ದಾರೆ. ಜಾತಿ-ಸಂಘರ್ಷದಿಂದ ನಲುಗಿರುವ ರಾಜ್ಯದಲ್ಲಿ ಶಾಂತಿ ಮತ್ತು ಸಹಜತೆಯನ್ನು ಮರುಸ್ಥಾಪಿಸುವುದು ಬಹಳ ಮುಖ್ಯ ಎಂದು ಮುಖ್ಯಮಂತ್ರಿ ಹೇಳಿದರು.
ಬಿರೇನ್ ಸಿಂಗ್ ಟ್ವೀಟ್
Relief and gratitude as 212 fellow Indian citizens (all Meiteis) who sought safety across the Myanmar border post the May 3rd unrest in Moreh town of Manipur, are now safely back on Indian soil.
A big shout-out to the Indian Army for their dedication in bringing them home.…
— N.Biren Singh (@NBirenSingh) August 18, 2023
ಗಮನಾರ್ಹವಾಗಿ, ಮೇ 3 ರಂದು, ಮೈಥಿ ಸಮುದಾಯಕ್ಕೆ ಪರಿಶಿಷ್ಟ ಪಂಗಡ (ಎಸ್ಟಿ) ಸ್ಥಾನಮಾನದ ಬೇಡಿಕೆಯನ್ನು ಪ್ರತಿಭಟಿಸಲು ಆಯೋಜಿಸಲಾದ ಬುಡಕಟ್ಟು ಮೆರವಣಿಗೆಯಲ್ಲಿ ಹಿಂಸಾಚಾರ ನಡೆಯಿತು. ಹಿಂಸಾಚಾರದಲ್ಲಿ ಇದುವರೆಗೆ 160 ಕ್ಕೂ ಹೆಚ್ಚು ಜನರು ಪ್ರಾಣ ಕಳೆದುಕೊಂಡಿದ್ದಾರೆ ಮತ್ತು ನೂರಾರು ಜನರು ನಿರಾಶ್ರಿತರಾಗಿದ್ದಾರೆ.
ಮಣಿಪುರದ ಒಟ್ಟು ಜನಸಂಖ್ಯೆಯಲ್ಲಿ, ಇಂಫಾಲ್ ಕಣಿವೆಯಲ್ಲಿ ವಾಸಿಸುವ ಮೈಥಿ ಸಮುದಾಯದ ಜನರ ಸಂಖ್ಯೆ ಸುಮಾರು 53 ಪ್ರತಿಶತದಷ್ಟಿದೆ, ಬುಡಕಟ್ಟು ನಾಗಾ ಮತ್ತು ಕುಕಿ ಸಮುದಾಯವು ಶೇಕಡಾ 40 ರಷ್ಟಿದೆ ಮತ್ತು ಅವರು ಹೆಚ್ಚಾಗಿ ಗುಡ್ಡಗಾಡು ಪ್ರದೇಶದಲ್ಲಿ ವಾಸಿಸುವವರಾಗಿದ್ದಾರೆ.
ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 10:57 am, Sat, 19 August 23
