ನುಹ್​​, ಮಣಿಪುರದಲ್ಲಿ ಆದಂತೆ ಸಮುದಾಯಗಳು ಜಗಳವಾಡಿದರೆ ಭಾರತ ಹೇಗೆ ವಿಶ್ವಗುರುವಾಗುತ್ತದೆ?: ಕೇಜ್ರಿವಾಲ್

ದೆಹಲಿ ಆಗಸ್ಟ್ 15: ದೆಹಲಿ ಮುಖ್ಯಮಂತ್ರಿ ಅರವಿಂದ ಕೇಜ್ರಿವಾಲ್ (Arvind Kejriwal) ಮಂಗಳವಾರ ತಮ್ಮ ಸ್ವಾತಂತ್ರ್ಯ ದಿನದ ಭಾಷಣದಲ್ಲಿ ಮಣಿಪುರ (Manipur) ಅಥವಾ ಹರ್ಯಾಣದಲ್ಲಿ (Haryana) ನಡೆದ ಘರ್ಷಣೆಯಿಂದ ಯಾರಿಗೆ ಲಾಭವಾಗಿದೆ ಮತ್ತು ಅಂತಹ ಸಂಘರ್ಷಗಳು ಮುಂದುವರಿದರೆ ಭಾರತ ಹೇಗೆ ವಿಶ್ವಗುರುವಾಗುತ್ತದೆ ಎಂದು ಕೇಳಿದ್ದಾರೆ. ಮಣಿಪುರ ಹೊತ್ತಿ ಉರಿಯುತ್ತಿದೆ, ಸಹೋದರನೊಬ್ಬ ಮತ್ತೊಬ್ಬ ಸಹೋದರನ ವಿರುದ್ಧ ಶಸ್ತ್ರ ಹಿಡಿದಿದ್ದಾನೆ, ಹರ್ಯಾಣದಲ್ಲೂ ಎರಡು ಕೋಮುಗಳು ಹೊಡೆದಾಡಿಕೊಂಡಿರುವುದನ್ನು ನೋಡಿದ್ದೇವೆ, ಇವೆಲ್ಲದರಿಂದ ಯಾರಿಗೆ ಲಾಭ? ಭಾರತ ವಿಶ್ವಗುರು ಆಗುವುದು ಹೇಗೆ?

ಭಾರತ ವಿಶ್ವಗುರುವಾಗುತ್ತದೆ ಎಂದು ನಾವು ದಿನವೂ ಹೇಳುತ್ತಿದ್ದೇವೆ. ತಂದೆಯ ಮರಣದ ನಂತರ ಅವರ ನಾಲ್ಕು ಮಕ್ಕಳು ತಂದೆಯ ಹಣಕ್ಕಾಗಿ ಹೋರಾಡುತ್ತಿದ್ದಾರೆ ಎಂದು ಭಾವಿಸೋಣ, ಈ ಕುಟುಂಬವು ಪ್ರಗತಿ ಹೊಂದಬಹುದೇ? ಇಲ್ಲ, ಅವರು ತಮ್ಮ ತಂದೆ ಸಂಪಾದಿಸಿದ್ದನ್ನು ಸಹ ಅವರು ಖಾಲಿ ಮಾಡುತ್ತಾರೆ. ನಾವು ವಿಶ್ವಗುರುವಾಗಬೇಕಾದರೆ, ನಂತರ ದೇಶದ 140 ಕೋಟಿ ಜನರು ಕುಟುಂಬದಂತೆ ಉಳಿಯಬೇಕು ಎಂದು ಕೇಜ್ರಿವಾಲ್ ಹೇಳಿದ್ದಾರೆ.

इस देश में पैदा होने वाले हर बच्चे को किसी भी प्राइवेट स्कूल से भी अच्छी और फ्री शिक्षा सरकारी स्कूल में मिल सकती है – मात्र पाँच साल में। pic.twitter.com/5v4LJCcBeh

— Arvind Kejriwal (@ArvindKejriwal) August 15, 2023

ಪ್ರಧಾನಿ ಮೋದಿಯವರು ತಮ್ಮ ಸ್ವಾತಂತ್ರ್ಯ ದಿನದ ಭಾಷಣದಲ್ಲಿ ದೇಶವಾಸಿಗಳನ್ನು ‘ಪರಿವಾರ್ಜನ್’ (ಕುಟುಂಬದ ಸದಸ್ಯರು) ಎಂದು ಸಂಬೋಧಿಸುವ ಮೂಲಕ ಏಕತೆಯ ಬಲವಾದ ಸಂದೇಶವನ್ನು ರವಾನಿಸಿದ್ದಾರೆ. ಮಣಿಪುರದಲ್ಲಿ ಶಾಂತಿ ಮರಳುತ್ತಿದೆ, ರಾಷ್ಟ್ರವು ಮಣಿಪುರದೊಂದಿಗೆ ಇದೆ ಎಂದು ಪ್ರಧಾನಿ ಮೋದಿ ಭರವಸೆ ನೀಡಿದರು.

ಇದನ್ನೂ ಓದಿ: ಸುಪ್ರೀಂಕೋರ್ಟ್ ಬಗ್ಗೆ ಮೋದಿ ಶ್ಲಾಘನೆ; ಅತಿಥಿಗಳು ಚಪ್ಪಾಳೆ ತಟ್ಟುತ್ತಿರುವಾಗ ವಿನೀತರಾಗಿ ಕೈ ಮುಗಿದ ಸಿಜೆಐ ಚಂದ್ರಚೂಡ್

ನಿಮ್ಮಿಂದ ಕಿತ್ತುಕೊಂಡ ಹಕ್ಕುಗಳನ್ನು ಮರಳಿ ಪಡೆಯುತ್ತೇವೆ ಎಂದು ನಾನು ದೆಹಲಿಯ ಜನರಿಗೆ ಭರವಸೆ ನೀಡಲು ಬಯಸುತ್ತೇನೆ. ನಾವು ಸುಪ್ರೀಂಕೋರ್ಟ್‌ನಲ್ಲಿ ಹೋರಾಟ ನಡೆಸುತ್ತಿದ್ದೇವೆ. ಉತ್ತಮ ಶಿಕ್ಷಣ, ಆರೋಗ್ಯ ಸೌಲಭ್ಯಗಳನ್ನು ಒದಗಿಸುವ ಕೆಲಸ ಮುಂದುವರಿಯುತ್ತದೆ. ವೇಗವು ನಿಧಾನವಾಗಬಹುದು, ಆದರೆ ಕೆಲಸ ಮುಂದುವರಿಯುತ್ತದೆ ಎಂದು ಕೇಜ್ರಿವಾಲ್ ದೆಹಲಿ ಸೇವಾ ಕಾಯ್ದೆಯನ್ನು ಉಲ್ಲೇಖಿಸಿ ಹೇಳಿದ್ದಾರೆ.

ಪ್ರಧಾನಿ ಮೋದಿಯವರ ಸ್ವಾತಂತ್ರ್ಯ ದಿನಾಚರಣೆ ಭಾಷಣಕ್ಕೆ ವಿರೋಧ ಪಕ್ಷದ ನಾಯಕರ ಟೀಕೆ

ಪ್ರಧಾನಿ ಮೋದಿಯವರ ಸ್ವಾತಂತ್ರ್ಯ ದಿನದ 2023 ರ ಭಾಷಣವು 2024 ರ ಚುನಾವಣೆಗೆ ಮುಂಚಿತವಾಗಿರುವ ಭಾಷಣದಂತಿತ್ತು. ಯಾಕೆಂದರೆ ಮೋದಿ ಅವರು ಆಗಸ್ಟ್ 15, 2024 ರಂದು ಕೆಂಪು ಕೋಟೆಯಿಂದ ಮತ್ತೆ ರಾಷ್ಟ್ರಧ್ವಜವನ್ನು ಹಾರಿಸುವುದಾಗಿ ಹೇಳಿದ್ದಾರೆ. 2024 ರ ಪ್ರಧಾನಿ ಮೋದಿಯವರ ಹೇಳಿಕೆ ಅವರ ದುರಹಂಕಾರವನ್ನು ತೋರಿಸುತ್ತದೆ ಕಾಂಗ್ರೆಸ್ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಹೇಳಿದ್ದಾರೆ. ಸ್ವಾತಂತ್ರ್ಯ ದಿನಾಚರಣೆಯ ಭಾಷಣದಲ್ಲೂ ಅವರು ವಿರೋಧ ಪಕ್ಷದವರ ಬಗ್ಗೆ ಟೀಕೆ ಮಾಡುತ್ತಿದ್ದಾರೆ, ಇದು ಸರಿಯಲ್ಲ ಎಂದು ಖರ್ಗೆ ಹೇಳಿದರು. ವಿರೋಧ ಪಕ್ಷ ಭಾರತ ಅಧಿಕಾರಕ್ಕೆ ಬರಲಿರುವುದರಿಂದ ಮುಂದಿನ ವರ್ಷ ಕೆಂಪು ಕೋಟೆಯಿಂದ ಪ್ರಧಾನಿ ಮೋದಿ ರಾಷ್ಟ್ರಧ್ವಜಾರೋಹಣ ಮಾಡುವುದಿಲ್ಲ ಎಂದು ಆರ್‌ಜೆಡಿ ಮುಖ್ಯಸ್ಥ ಲಾಲು ಪ್ರಸಾದ್ ಯಾದವ್ ಹೇಳಿದ್ದಾರೆ.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ