ಲಾರಿ ಪಲ್ಟಿಯಾಗಿ 4 ಕಾರ್ಮಿಕರ ಸಾವು, 7 ಮಂದಿಗೆ ಗಾಯ

ಹೈದರಾಬಾದ್: ಕಾರ್ಮಿಕರಿದ್ದ ಲಾರಿ‌ ಪಲ್ಟಿಯಾಗಿ ಸ್ಥಳದಲ್ಲೆ 4 ಕಾರ್ಮಿಕರು ಮೃತಪಟ್ಟಿರುವ ಘಟನೆ ತೆಲಂಗಾಣದ ಮೆಹಬೂಬಾಬಾದ್ ಜಿಲ್ಲೆ ಚಿಕಟಾಯಪಾಲೆಂ ಗ್ರಾಮದ ಬಳಿ ನಡೆದಿದೆ. ಘಟನೆಯಲ್ಲಿ ನಾಲ್ವರು ಕಾರ್ಮಿಕರ ಸಾವಾಗಿದ್ದು, 7 ಜನರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ.

ಲೋಡ್ ತುಂಬಿದ ಲಾರಿ ಕೆರೆಯ ಬ್ರಿಡ್ಜ್ ಮೇಲೆ ಹೋಗುತ್ತಿದ್ದಾಗ ಚಾಲಕನ ನಿಯಂತ್ರಣ ತಪ್ಪಿ ಪಲ್ಟಿಯಾಗಿದೆ. ಈ ಪರಿಣಾಮ ಇಷ್ಟೆಲ್ಲಾ ಅವಾಂತರಕ್ಕೆ ಕಾರಣವಾಗಿದೆ. ಲಾರಿಯಲ್ಲಿ 11 ಜನ ಕಾರ್ಮಿಕರಿದ್ದರು ಎನ್ನಲಾಗಿದೆ.

ಈ ಪೈಕಿ ನಾಲ್ವರು ಸ್ಥಳದಲ್ಲೇ ಸಾವನ್ನಪ್ಪಿದ್ದು, 7 ಜನ‌ ಕಾರ್ಮಿಕರಿಗೆ ಸಣ್ಣ ಪುಟ್ಟ ಗಾಯಗಳಾಗಿವೆ. ಮೃತರನ್ನು ರಂಗಾರೆಡ್ಡಿ‌ ಜಿಲ್ಲೆಯ ಅಂಬೋತುಲಾ ತಾಂಡಾಗೆ ಸೇರಿದ ಅಂಬೋತು ಹರ್ಯಾ, ಅಂಬೋತು ಗೋವಿಂದರ್, ಅಂಬೋತು ಮಧು, ರಾಟ್ಲ ದೂತಿಯಾ ಎಂದು‌ ಗುರುತಿಸಲಾಗಿದೆ. ತೌರೌರು ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.