4 ಟ್ರಕ್​ಗಳನ್ನು ಧ್ವಂಸಗೊಳಿಸಿ, ಮೊಟ್ಟೆಗಳನ್ನು ಒಡೆದು ದಾಂಧಲೆ; ಅಸ್ಸಾಂ-ಮಿಜೋರಾಂ ಗಡಿ ಮತ್ತೆ ಉದ್ವಿಗ್ನ

ಅಸ್ಸಾಂ-ಮಿಜೋರಾಂ ಗಡಿ(Assam-Mizoram Border )ಯಲ್ಲಿ ತುಸು ಕಡಿಮೆಯಾಗಿದ್ದ ಉಗದ್ವಿಗ್ನತೆ ಶುಕ್ರವಾರ ರಾತ್ರಿಯಿಂದ ಮತ್ತೆ ಹೆಚ್ಚಾಗಿದೆ. ಮಿಜೋರಾಂನ ನಾಲ್ಕು ಟ್ರಕ್​ಗಳನ್ನು ಅಸ್ಸಾಂನ ಕಚಾರ್(Cachar District)​ ಜಿಲ್ಲೆಯಲ್ಲಿ ಧ್ವಂಸಗೊಳಿಸಲಾಗಿದ್ದು, ಅದರ ಬೆನ್ನಲ್ಲೇ ಮತ್ತೆ ಗಡಿಯಲ್ಲಿ ಸಂಘರ್ಷದ ವಾತಾವರಣ ಸೃಷ್ಟಿಯಾಗಿದೆ. ಅಸ್ಸಾಂ ಸರ್ಕಾರ ವಿಧಿಸಿದ್ದ ಪ್ರಯಾಣ ಸಲಹಾ ನೋಟಿಸ್​​​ನ್ನು ಹಿಂಪಡೆದು, ಮಿಜೋರಾಂನಿಂದ ಬರುವ ಸರಕು ವಾಹನಗಳಿಗೆ ಯಾವುದೇ ಅಡಚಣೆ ಉಂಟು ಮಾಡದಂತೆ ಸ್ಥಳೀಯರಿಗೆ ಸೂಚನೆ ನೀಡಿದ್ದಾಗ್ಯೂ, ಕಚಾರ್​ ಜಿಲ್ಲೆಯಲ್ಲಿ ಮಿಜೋರಾಂಗೆ ಸೇರಿದ್ದ ನಾಲ್ಕು ಟ್ರಕ್​ಗಳನ್ನು ಧ್ವಂಸ ಮಾಡಲಾಗಿದೆ.

ಈ ಟ್ರಕ್​ಗಳು ಕರೀಂಗಂಜ್​ನಿಂದ ಮಿಜೋರಾಂಗೆ ಮೊಟ್ಟೆಗಳನ್ನು ತೆಗೆದುಕೊಂಡು ಹೋಗುತ್ತಿದ್ದವು. ಕಚಾರ್​ನ ಭಾಗಾ ಬಜಾರ್​​ ಪ್ರದೇಶಕ್ಕೆ ಹೋಗುತ್ತಿದ್ದಂತೆ ಅಲ್ಲಿ ಕೆಲವರು ಟ್ರಕ್​ಗಳನ್ನು ತಡೆದಿದ್ದಾರೆ. ನೀವು ಎಲ್ಲಿಂದ ಬಂದಿದ್ದೀರಿ ಎಂದು ಟ್ರಕ್​ ಚಾಲಕರನ್ನು ಪ್ರಶ್ನಿಸಿದ್ದಾರೆ. ಮಿಜೋರಾಂನಿಂದ ಎಂದು ಹೇಳುತ್ತಿದ್ದಂತೆ, ಟ್ರಕ್​ಗಳನ್ನು ಧ್ವಂಸಗೊಳಿಸಿ, ಮೊಟ್ಟೆಗಳನ್ನೆಲ್ಲ ರಸ್ತೆಯ ಮೇಲೆ ಬಿಸಾಕಿ, ದಾಂಧಲೆ ಎಬ್ಬಿಸಿದ್ದಾರೆ.

ಬಳಿಕ ಸ್ಥಳಕ್ಕೆ ಆಗಮಿಸಿದ ಪೊಲೀಸರು ಪರಿಸ್ಥಿತಿಯನ್ನು ನಿಯಂತ್ರಣಕ್ಕೆ ತಂದಿದ್ದಾರೆ. ಜು.26ರಂದು ಮೊದಲು ಎರಡೂ ರಾಜ್ಯಗಳ ನಡುವೆ ಹಿಂಸಾಚಾರ ಶುರುವಾಯಿತು. ಈ ಸಂಘರ್ಷದಲ್ಲಿ ಅಸ್ಸಾಂನ ಆರು ಮಂದಿ ಪೊಲೀಸರು, ಓರ್ವ ನಾಗರಿಕ ಸೇರಿ 7 ಜನರು ಮೃತಪಟ್ಟಿದ್ದಾರೆ. 50ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ. ಆಗಸ್ಟ್​ 5ರಂದು ಅಸ್ಸಾಂ ಸಚಿವರಾದ ಅತುಲ್ ಬೋರಾ ಮತ್ತು ಅಶೋಕ್​ ಸಿಂಘಲ್​ ಐಜ್ವಾಲಕ್ಕೆ ಭೇಟಿ ನೀಡಿ, ಮಿಜೋರಾಂ ಸಚಿವರ ಬಳಿ ಪ್ರಸಕ್ತ ವಿಚಾರದ ಕುರಿತು ಚರ್ಚಿಸಿದ್ದರು. ಅಲ್ಲಿಂದ ಸ್ವಲ್ಪ ಉದ್ವಿಗ್ನತೆಯೂ ನಿಯಂತ್ರಣದಲ್ಲಿತ್ತು.

ಇದನ್ನೂ ಓದಿ: ಗಡಿ ವಿವಾದ ಚರ್ಚೆಗೆಂದು ಅಸ್ಸಾಂ, ಮೇಘಾಲಯ ಮುಖ್ಯಮಂತ್ರಿ ಸಭೆ: ಸಮಿತಿ ವರದಿ ಸಲ್ಲಿಕೆ ಶೀಘ್ರ

Explainer ಅಸ್ಸಾಂ- ಮಿಜೋರಾಂ ಗಡಿ ಸಂಘರ್ಷದಲ್ಲಿ 6 ಪೊಲೀಸರು ಬಲಿ, 80ಕ್ಕೂ ಹೆಚ್ಚು ಮಂದಿಗೆ ಗಾಯ; ಏನಿದು ಗಡಿ ವಿವಾದ?

4 truck carrying Egg to mizoram vandalised in Assam

Published On - 4:24 pm, Sat, 7 August 21