ಕುಟುಂಬದಲ್ಲಿ ಹೆಣ್ಣುಮಗು ಹುಟ್ಟಿದ್ದಕ್ಕೆ ಸಂಭ್ರಮ; ಗ್ರಾಹಕರಿಗೆ ಉಚಿತ ಪೆಟ್ರೋಲ್​ ನೀಡಿದ ವ್ಯಕ್ತಿ

ಕುಟುಂಬದಲ್ಲಿ ಹೆಣ್ಣುಮಗು ಹುಟ್ಟಿದ್ದಕ್ಕೆ ಸಂಭ್ರಮ; ಗ್ರಾಹಕರಿಗೆ ಉಚಿತ ಪೆಟ್ರೋಲ್​ ನೀಡಿದ ವ್ಯಕ್ತಿ
ಸಾಂಕೇತಿಕ ಚಿತ್ರ

ಇಂದು ಕೂಡ ಪೆಟ್ರೋಲ್​-ಡೀಸೆಲ್​ ದರ ಏರಿಕೆಯಾಗಿದೆ. ದೆಹಲಿಯಲ್ಲಿ ಪೆಟ್ರೋಲ್​ ಮತ್ತು ಡೀಸೆಲ್​ ದರ ಇಂದು 35 ಪೈಸೆ ಏರಿಕೆಯಾಗಿದ್ದು, ಅಲ್ಲೀಗ ಒಂದು ಲೀಟರ್​ ಪೆಟ್ರೋಲ್​ ಬೆಲೆ 105.49 ರೂ. ಇದೆ.

TV9kannada Web Team

| Edited By: Lakshmi Hegde

Oct 16, 2021 | 12:19 PM

ಉಡುಗೊರೆಗಳು ಸಂಭ್ರಮದ ಭಾಗಗಳಾಗಿವೆ. ಯಾವುದೇ ಒಂದು ವಿಶೇಷ ಸಂದರ್ಭಗಳಲ್ಲಿ ಹೀಗೆ ಉಡುಗೊರೆ ತೆಗೆದುಕೊಳ್ಳುವುದು, ಕೊಡುವುದು ನಡೆಯುತ್ತಲೇ ಇರುತ್ತದೆ. ಉಡುಗೊರೆ ಅಂದರೆ ಸ್ವಲ್ಪ ದುಬಾರಿಯಾಗಿರುವ, ಚೆನ್ನಾಗಿರುವ ಏನಾದರೂ ವಸ್ತುಗಳನ್ನು ಕೊಡಲಾಗುತ್ತದೆ. ಆದರೆ ಇತ್ತೀಚೆಗೆ ಪೆಟ್ರೋಲ್​, ಡೀಸೆಲ್(Petrol Diesel​)ಗಳೂ ಗಿಫ್ಟ್​ ಸಾಲಿಗೆ ಸೇರಿವೆ ಎಂಬುದು ವಿಚಿತ್ರ ಸತ್ಯ.  ಸದ್ಯ ಪೆಟ್ರೋಲ್​, ಡೀಸೆಲ್​ ದರಗಳು ಗಗನಕ್ಕೆ ಏರಿವೆ. ದೇಶದ ಬಹುತೇಕ ಮಹಾನಗರಗಳಲ್ಲಿ 100 ರೂ.ಗಡಿ ದಾಟಿವೆ. ಈ ಮಧ್ಯೆ ವ್ಯಕ್ತಿಯೊಬ್ಬ ತನಗೆ ಹೆಣ್ಣು ಮೊಮ್ಮಗು ಹುಟ್ಟಿದ್ದಕ್ಕೆ ಜನರಿಗೆ ಉಡುಗೊರೆ ರೂಪದಲ್ಲಿ ಪೆಟ್ರೋಲ್​ನ್ನು ನೀಡಿದ್ದಾರೆ.

ಈ ವ್ಯಕ್ತಿಯ ಹೆಸರು ರಾಜೇಂದ್ರ ಸೈನಾನಿ ಎಂದಾಗಿದ್ದು, ಬೇತುಲ್​​ನಲ್ಲಿ ಪೆಟ್ರೋಲ್​ ಪಂಪ್​ ಒಂದರ ಮಾಲೀಕರಾಗಿದ್ದಾರೆ. ಇವರ ಸೊಸೆಗೆ ಮಾತು ಬರುವುದಿಲ್ಲ ಮತ್ತು ಕಿವಿಯೂ ಕೇಳುವುದಿಲ್ಲ. ಆಕೆ ಅಕ್ಟೋಬರ್​ 9ರಂದು ಹೆಣ್ಣುಮಗುವಿಗೆ ಜನ್ಮ ನೀಡಿದ್ದಾರೆ. ಇದರಿಂದ ಸಿಕ್ಕಾಪಟೆ ಖುಷಿಗೊಂಡ ರಾಜೇಂದ್ರ ಸೈನಾನಿ ಹೀಗೆ ಹೆಚ್ಚುವರಿ ಪೆಟ್ರೋಲ್​ ನೀಡಿದ್ದಾರೆ. ನನ್ನ ಕುಟುಂಬದಲ್ಲಿ ಹೆಣ್ಣು ಮಗು ಹುಟ್ಟಿದ್ದಕ್ಕೆ ತುಂಬ ಸಂತೋಷವಾಗಿದೆ. ಈ ಖುಷಿಯ ಆಚರಣೆಗಾಗಿ ನಾನು ಅಕ್ಟೋಬರ್​  13ರಿಂದ 15ರವರೆಗೆ, ಬೆಳಗ್ಗೆ 9 ರಿಂದ 11ರವರೆಗೆ ಮತ್ತು ಸಂಜೆ 5ಗಂಟೆಯಿಂದ 7ಗಂಟೆವರೆಗೆ ನನ್ನ ಪಂಪ್​​ಗೆ ಬಂದ ಗ್ರಾಹಕರಿಗೆ ಹೆಚ್ಚುವರಿ ಪೆಟ್ರೋಲ್​ ನೀಡಿದ್ದೇನೆ. ಈ ವೇಳೆಯಲ್ಲಿ ಬಂದು 100 ರೂ.ಪೆಟ್ರೋಲ್​ ಹಾಕಿಸಿದ ಗ್ರಾಹಕರಿಗೆ ಶೇ.5ರಷ್ಟು ಹೆಚ್ಚು ಉಚಿತ ಪೆಟ್ರೋಲ್​ ನೀಡಿದ್ದೇನೆ ಮತ್ತು 200 ರೂ.-500 ರೂ.ವರೆಗಿನ ಪೆಟ್ರೋಲ್​ ಹಾಕಿಸಿದವರಿಗೆ ಶೇ.10ರಷ್ಟು ಹೆಚ್ಚು ಪೆಟ್ರೋಲ್​​​ ನೀಡಿದ್ದೇನೆ. ಈ ಹೆಚ್ಚುವರಿಯಾಗಿ ನೀಡಿದ ಪೆಟ್ರೋಲ್​​ಗೆ ಹಣ ಪಡೆದಿಲ್ಲ ಎಂದು ತಿಳಿಸಿದ್ದಾರೆ.

ಅಂದಹಾಗೆ ಇಂದು ಕೂಡ ಪೆಟ್ರೋಲ್​-ಡೀಸೆಲ್​ ದರ ಏರಿಕೆಯಾಗಿದೆ. ದೆಹಲಿಯಲ್ಲಿ ಪೆಟ್ರೋಲ್​ ಮತ್ತು ಡೀಸೆಲ್​ ದರ ಇಂದು 35 ಪೈಸೆ ಏರಿಕೆಯಾಗಿದ್ದು, ಅಲ್ಲೀಗ ಒಂದು ಲೀಟರ್​ ಪೆಟ್ರೋಲ್​ ಬೆಲೆ 105.49 ರೂ. ಇದೆ. ಹಾಗೇ, ಡೀಸೆಲ್​ ದರ 94.22 ರೂ.ನಿಗದಿಯಾಗಿದೆ.  ಮುಂಬೈನಲ್ಲಿ ಲೀಟರ್​ ಪೆಟ್ರೋಲ್​​ಗೆ 111.43 ರೂ.ಇದ್ದು, ಡೀಸೆಲ್​ ದರ 102.15ರಷ್ಟಿದೆ. ಹಾಗೇ, ಮಧ್ಯಪ್ರದೇಶದ ಬೇತುಲ್​​ನಲ್ಲಿ ಲೀಟರ್​ಗೆ 113 ರೂ.ಇದೆ.

ಇದನ್ನೂ ಓದಿ: Meghana Raj: 45 ವರ್ಷ ಹಳೇ ಗೊಂಬೆಗಳ ಜತೆ ರಾಯನ್​ ರಾಜ್​ ಸರ್ಜಾ; ಮೇಘನಾ ರಾಜ್-ಚಿರು ಪುತ್ರನಿಗೆ ಮೊದಲ ದಸರಾ

ಭದ್ರತಾ ಪಡೆ ಬಳಿ ಸಿಕ್ಕಿಬಿದ್ದ ಲಷ್ಕರ್​ ಇ ತೊಯ್ಬಾ ಕಮಾಂಡರ್​; ಇಬ್ಬರು ಪೊಲೀಸರ ಹತ್ಯೆ ಮಾಡಿದ್ದ ಉಗ್ರ

Follow us on

Related Stories

Most Read Stories

Click on your DTH Provider to Add TV9 Kannada