ಅಫ್ಘಾನ್​​ನಿಂದ ಸ್ಥಳಾಂತರ ಪ್ರಕ್ರಿಯೆ ಸ್ಥಗಿತಗೊಳಿಸಿದ ಭಾರತ; ತಜಕಿಸ್ತಾನದಿಂದ ವಾಪಸ್​ ಬಂದ ವಿಮಾನಗಳು

ಅಫ್ಘಾನಿಸ್ತಾನದಿಂದ, ಭಾರತೀಯ ನಾಗರಿಕರು, ಅಫ್ಘಾನ್​ ಪ್ರಜೆಗಳು, ಭಾರತೀಯ ವಿವಿಧ ಅಧಿಕಾರಿಗಳನ್ನು ಸ್ಥಳಾಂತರ ಮಾಡುವ ಕಾರ್ಯದಲ್ಲಿ ತೊಡಗಿದ್ದ c-17 ಮತ್ತು C-130ಜೆ ವಿಮಾನಗಳನ್ನು ಮತ್ತು ಅದರ ಸಿಬ್ಬಂದಿಯನ್ನು ಭಾರತೀಯ ವಾಯುಸೇನೆ ಇದೀಗ ವಾಪಸ್​ ಕರೆಸಿದೆ.  ಯುದ್ಧ ಸನ್ನಿವೇಶ ಇರುವ ಅಫ್ಘಾನಿಸ್ತಾನದಿಂದ ಜನರನ್ನು ರಕ್ಷಿಸಲು ಭಾರತದ ಯುದ್ಧ ವಿಮಾನಗಳನ್ನು ತಜಕಿಸ್ತಾನ ಮತ್ತು ಅಫ್ಘಾನಿಸ್ತಾನದಲ್ಲಿ ನಿಯೋಜಿಸಲಾಗಿತ್ತು. ಆ ಎಲ್ಲ ವಿಮಾನಗಳು ಮತ್ತು ಅದರ ಸಿಬ್ಬಂದಿಯನ್ನುತಜಕಿಸ್ತಾನ ಹಾಗೂ ಅಫ್ಘಾನ್​​ನಿಂದ ವಾಪಸ್​ ಕರೆಸಲಾಗಿದ್ದು, ಅವು ಭಾರತದಲ್ಲಿರುವ ತಮ್ಮ ತಮ್ಮ ವಾಯುನೆಲೆಗಳಿಗೆ ಮರಳಿವೆ ಎಂದು ಸರ್ಕಾರದ ಮೂಲಗಳು ತಿಳಿಸಿದ್ದಾಗಿ ಇಂಡಿಯಾ ಟುಡೆ ವರದಿ ಮಾಡಿದೆ.  

ಅಫ್ಘಾನ್​ ತಾಲಿಬಾನ್ ವಶವಾಗುತ್ತಿದ್ದಂತೆ ಅಲ್ಲಿದ್ದ ಭಾರತೀಯ ನಾಗರಿಕರು, ಅಧಿಕಾರಿಗಳನ್ನು ವಾಪಸ್​ ಕರೆತರಲು ಭಾರತ ತಜಕಿಸ್ತಾನದ ದುಶಾಂಬೆಯ ಅಯ್ನಿ ವಾಯುನೆಲೆಯಲ್ಲಿ ಕೆಲವು ಯುದ್ಧ ವಿಮಾನಗಳನ್ನು ನಿಯೋಜಿಸಿತ್ತು. ಕಾಬೂಲ್​ನಿಂದ C-130J ವಿಮಾನಗಳ ಮೂಲಕ ತಜಕಿಸ್ತಾನಕ್ಕೆ ಜನರನ್ನು ಕರೆತಂದು, ಅಲ್ಲಿಂದ ಭಾರತಕ್ಕೆ ತಲುಪಿಸಲಾಗುತ್ತಿತ್ತು. ಹಾಗೇ, ಮಜರ್​ ಐ ಶರಿಫ್​ ಮತ್ತು ಕಂದಹಾರ್​ ಧೂತಾವಾಸದಲ್ಲಿ ಸಿಲುಕಿದ್ದ ಭಾರತೀಯ ಅಧಿಕಾರಿಗಳನ್ನೂ ಸಹ ವಿಮಾನಗಳ ಮುಖಾಂತರ ರಕ್ಷಿಸಲಾಗಿದೆ.  ಈ ರಕ್ಷಣಾ ಕಾರ್ಯಾಚರಣೆ ಸುಲಭದ್ದಾಗಿರಲಿ. ಬರೀ ಭಾರತವಷ್ಟೇ ಅಲ್ಲದೆ, ಯುಎಸ್​ ಸೇರಿ ಇನ್ನೂ ಕೆಲವು ರಾಷ್ಟ್ರಗಳು ಸ್ಥಳಾಂತರ ಪ್ರಕ್ರಿಯೆ ನಡೆಸುತ್ತಿದ್ದುದರಿಂದ ರನ್​ ವೇ ಸದಾ ಗಿಜಿಗುಡುತ್ತಿತ್ತು. ಅದರಲ್ಲೂ ವಿಮಾನ ಕಂಡರೆ ಸಾಕು, ಅಲ್ಲಿನ ಜನ ನೂಕು-ನುಗ್ಗಲು ಮಾಡುತ್ತ, ಹತ್ತಲು ಬರುತ್ತಿದ್ದರು. ಈ ಹೊತ್ತಲ್ಲಿ ಐಎಎಫ್​​ನ ಗರುಡ್​ ಕಮಾಂಡೋಗಳು ಮತ್ತು ಇಂಡೋ-ಟಿಬೆಟಿಯನ್​ ಪೊಲೀಸರು ಜಂಟಿಯಾಗಿ ಕಾರ್ಯಾಚರಣೆ ನಡೆಸಿದ್ದಾರೆ.

550 ಜನರ ಸ್ಥಳಾಂತರ ಭಾರತ ಅಫ್ಘಾನಿಸ್ತಾನದಿಂದ ಕೇವಲ ತನ್ನ ನಾಗರಿಕರನ್ನಷ್ಟೇ ಸ್ಥಳಾಂತರ ಮಾಡಿಲ್ಲ. ಬದಲಿಗೆ ಭಾರತಕ್ಕೆ ಬರಲು ಇಚ್ಛಿಸಿದ ಅಫ್ಘಾನ್​ ನಾಗರಿಕರನ್ನೂ ಕರೆತಂದಿದೆ. ಇಲ್ಲಿಯವರೆಗೆ ಆರು ಪ್ರತ್ಯೇಕ ವಿಮಾನಗಳ ಮೂಲಕ 550 ಜನರನ್ನು ಭಾರತಕ್ಕೆ ಸುರಕ್ಷಿತವಾಗಿ ಕರೆತರಲಾಗಿದೆ. ಈ ಸ್ಥಳಾಂತರ ಪ್ರಕ್ರಿಯೆ ಸಂಬಂಧ ನಾವು ಯುಎಸ್​, ತಜಕೀಸ್ತಾನ ಸೇರಿ ಹಲವು ರಾಷ್ಟ್ರಗಳೊಂದಿಗೆ ಸಂಪರ್ಕದಲ್ಲಿದ್ದೇವೆ ಎಂದು ಎರಡು ದಿನಗಳ ಹಿಂದೆ ಕೇಂದ್ರ ವಿದೇಶಾಂಗ ಇಲಾಖೆ ವಕ್ತಾರರೊಬ್ಬರು ತಿಳಿಸಿದ್ದರು.

ಇದನ್ನೂ ಓದಿ: ಮೈಸೂರು: ವೃತ್ತಿ‌ ವೈಷಮ್ಯದಿಂದ ದರೋಡೆಗೆ ಸುಪಾರಿ ನೀಡಿದ್ದ ಬೇರೊಂದು ಗೋಲ್ಡ್ ಅಂಗಡಿಯ ಮಾಲೀಕನ ಬಂಧನ

ಜೆಡಿಎಸ್ ಮುಳುಗುತ್ತಿದೆ, ಬಿಜೆಪಿ ಯಾರೊಂದಿಗೂ ಮೈತ್ರಿ ಮಾಡಿಕೊಳ್ಳಲ್ಲ: ಮೈಸೂರಿನಲ್ಲಿ ಬಿಜೆಪಿ ಉಸ್ತುವಾರಿ ಅರುಣ್ ಸಿಂಗ್

Published On - 10:50 am, Tue, 31 August 21