ಮಾಜಿ ಸಿಎಂನಿಂದ ಇದು ನಿರೀಕ್ಷಿಸಿರಲಿಲ್ಲ; ಮೋದಿ ಬಗ್ಗೆ ಅಖಿಲೇಶ್ ಯಾದವ್ ಟೀಕೆಗೆ ಅನುರಾಗ್ ಠಾಕೂರ್ ಪ್ರತಿಕ್ರಿಯೆ

ದೆಹಲಿ: ಜನರು ತಮ್ಮ ಅಂತಿಮ ದಿನಗಳಲ್ಲಿ ವಾರಣಾಸಿಗೆ (Varanasi) ಹೋಗುತ್ತಾರೆ ಎಂದು ಸಮಾಜವಾದಿ ಪಕ್ಷದ (Samajwadi Party) ಮುಖ್ಯಸ್ಥ ಅಖಿಲೇಶ್ ಯಾದವ್ (Akhilesh Yadav) ಪ್ರಧಾನಿ ನರೇಂದ್ರ ಮೋದಿ (Narendra Modi) ವಿರುದ್ಧ ವಾಗ್ದಾಳಿ ನಡೆಸಿದ ಒಂದು ದಿನದ ನಂತರ, ಕೇಂದ್ರ ಸಚಿವ ಅನುರಾಗ್ ಠಾಕೂರ್ (Anurag Thakur) ಅವರು ಮಾಜಿ ಮುಖ್ಯಮಂತ್ರಿಯಿಂದ ಇಂತಹ ಭಾಷೆಯನ್ನು ನಿರೀಕ್ಷಿಸಿರಲಿಲ್ಲ ಎಂದು ಪ್ರತಿಕ್ರಿಯಿಸಿದ್ದಾರೆ.  ” ಹಿರಿಯರಿಗೆ ಇಂತಹ ಪದಗಳನ್ನು ಬಳಸುವುದು ದುರದೃಷ್ಟಕರ. ಅವರು (ಸಮಾಜವಾದಿ ಪಕ್ಷ) ಕಾಶಿ ಮತ್ತು ರಾಮಮಂದಿರವನ್ನು ಹೇಗೆ ವಿರೋಧಿಸಿದ್ದಾರೆ ಎಂಬುದನ್ನು ತೋರಿಸುತ್ತದೆ” ಎಂದು ಠಾಕೂರ್ ಹೇಳಿದ್ದಾರೆ. ಕೆಲವು ಜನರಿಗೆ ಇಂತಹ ಕಾಮೆಂಟ್‌ಗಳನ್ನು ಮಾಡುವ ಮೊದಲು ನೀವು ಎರಡು ಬಾರಿ ಯೋಚಿಸಬೇಕು. ಮಾಜಿ ಮುಖ್ಯಮಂತ್ರಿಯಿಂದ ಇಂತಹ ಹೇಳಿಕೆಗಳನ್ನು ನಿರೀಕ್ಷಿಸಿರಲಿಲ್ಲ ಎಂದು ಠಾಕೂರ್ ಹೇಳಿದರು.  ಪ್ರಧಾನಿಯವರ ಸಂಸದೀಯ ಕ್ಷೇತ್ರವಾಗಿರುವ ವಾರಣಾಸಿಗೆ ಮೋದಿ ಭೇಟಿಯ ಕುರಿತು ಅಖಿಲೇಶ್ ಅವರ “ಕೊನೆಯ ದಿನ” ಟೀಕೆಗಳ ನಂತರ ಠಾಕೂರ್ ಅವರ ಹೇಳಿಕೆ ಬಂದಿದೆ. “ಬಹೋತ್ ಅಚ್ಚಿ ಬಾತ್ ಹೈ. ಏಕ್ ಮಹಿನಾ ನಹಿ, ದೋ ಮಹಿನಾ, ತೀನ್ ಮಹಿನಾ, ವಹಿನ್ ರಹೇಂ. ಅಚ್ಚಿ ಬಾತ್ ಹೈ. ವೋ ಜಗಹ್ ರೆಹನೆ ವಾಲಿ ಹೈ. ಆಖ್ರಿ ಸಮಯ್ ಪೆ ವಹೀಂ ರಹಾ ಜಾತಾ ಹೈ, ಬನಾರಸ್ ಮೇ (ಒಳ್ಳೆಯ ಸಂಗತಿ. ಅವರು ಎರಡು ತಿಂಗಳು, ಮೂರು ತಿಂಗಳು ಅಲ್ಲಿಯೇ ಇರಬೇಕು. ಇದು ತಂಗಲು ಯೋಗ್ಯವಾದ ಸ್ಥಳವಾಗಿದೆ. ಜನರು ತಮ್ಮ ಕೊನೆಯ ದಿನಗಳನ್ನು ಬನಾರಸ್‌ನಲ್ಲಿ ಕಳೆಯುತ್ತಾರೆ) ”ಎಂದು ಅಖಿಲೇಶ್ ಹೇಳಿದ್ದರು.

#WATCH | “It’s good that the programmes are one-month long (for Kashi Vishwanath in Varanasi). They (PM Modi & other BJP leaders) should stay there for not only one, two or three months, people also spend their last moments in Banaras,” says SP Chief Akhilesh Yadav, in Saifai. pic.twitter.com/Sqs1AE2hoT

— ANI UP (@ANINewsUP) December 13, 2021

“ಆ ಸಮಯದಲ್ಲಿ, ನಾನು ಸಂಸತ್ತಿನಲ್ಲಿ (ಎಸ್‌ಪಿ ಸಂಸ್ಥಾಪಕ) ಮುಲಾಯಂ ಸಿಂಗ್ ಅವರ ಪಕ್ಕದಲ್ಲಿ ಕುಳಿತಿದ್ದೆ. ಅವರು ಒಬ್ಬರೇ ಕುಳಿತಿದ್ದರಿಂದ ನಾನು ಸಹ ಸಂಸದನಾಗಿ ಅವರೊಂದಿಗೆ ಕುಳಿತಿದ್ದೆ. ಮತ್ತೊಂದೆಡೆ, ಅಖಿಲೇಶ್ ಯಾದವ್ ಜಿ ಅಂತಹ ಕಾಮೆಂಟ್ ಅನ್ನು ನೀಡುತ್ತಾರೆ. ಅದು ಅವರ ಮನಸ್ಥಿತಿ ಮತ್ತು ಪಾಲನೆಯನ್ನು ತೋರಿಸುತ್ತದೆ. ಇಂತಹ ಭಾಷೆ ಮತ್ತು ಅದರ ಸದಸ್ಯರಲ್ಲಿರುವ ಆತಂಕವನ್ನು ತೋರಿಸುತ್ತದೆ ಎಂದು ಠಾಕೂರ್ ಮಂಗಳವಾರ ಹೇಳಿದ್ದಾರೆ.

#WATCH | The language used by Akhilesh Yadav shows his mindset. It also shows the level of anxiety prevalent in Samajwadi Party. It is unfortunate and not expected from a former chief minister: Union Minister Anurag Thakur in Delhi https://t.co/HWz1ybRbDZ pic.twitter.com/kCFuuLOwrV

— ANI UP (@ANINewsUP) December 14, 2021

ಯಾದವ್ ಅವರ ಹೇಳಿಕೆಗೆ ಕೇಂದ್ರ ಸಚಿವ ಪ್ರಹ್ಲಾದ್ ಜೋಶಿ ಕೂಡ ವಾಗ್ದಾಳಿ ನಡೆಸಿದ್ದಾರೆ. ಆದಾಗ್ಯೂ, ಎಸ್‌ಪಿ ವಕ್ತಾರ ರಾಜೇಂದ್ರ ಚೌಧರಿ, “ಬಿಜೆಪಿ ಹೇಳಿಕೆಯನ್ನು ತಿರುಚುತ್ತಿದೆ. ಅವರು ಯುಪಿ ಸರ್ಕಾರದ ಕೊನೆಯ ದಿನಗಳ ಬಗ್ಗೆ ಮಾತನಾಡುತ್ತಿದ್ದಾರೆ ಅವರು ನಿರ್ದಿಷ್ಟವಾಗಿ ಯಾರ ಬಗ್ಗೆಯೂ ಮಾತನಾಡಿಲ್ಲ ಎಂದಿದ್ದಾರೆ.

ಇದನ್ನೂ ಓದಿ: ಪ್ರಧಾನಿ ಮೋದಿ ಗಂಗಾನದಿಯಲ್ಲಿ ಪವಿತ್ರ ಸ್ನಾನ ಮಾಡಿದರೂ, ಯೋಗಿ ಆದಿತ್ಯನಾಥ್ ಮಾಡಲಿಲ್ಲ ಯಾಕೆ?-ಅಖಿಲೇಶ್ ಯಾದವ್ ಹೇಳಿದ ಕಾರಣ ಇದು