ಮಹುವಾ ಮೊಯಿತ್ರಾ ವಿರುದ್ಧ ಬಿಜೆಪಿ ಸಂಸದರ ದೂರು ಲೋಕಸಭೆಯ ಎಥಿಕ್ಸ್ ಕಮಿಟಿ ಸುಪರ್ದಿಗೆ

ದೆಹಲಿ ಅಕ್ಟೋಬರ್ 17: ಸಂಸತ್​​ನಲ್ಲಿ ಪ್ರಶ್ನೆ ಕೇಳಲು ಹಣ ಪಡೆದಿದ್ದಾರೆ ಎಂದು ತೃಣಮೂಲ ಕಾಂಗ್ರೆಸ್‌ (TMC) ಸಂಸದೆ ಮಹುವಾ ಮೊಯಿತ್ರಾ (Mahua Moitra) ವಿರುದ್ಧ ಬಿಜೆಪಿ ಸಂಸದ ನಿಶಿಕಾಂತ್‌ ದುಬೆ (Nishikant Dubey) ನೀಡಿದ ದೂರನ್ನು ಲೋಕಸಭೆಯ ನೈತಿಕ ಸಮಿತಿಗೆ (Ethics committee)ನೀಡಲಾಗಿದೆ. ಅದಾನಿ ಗುಂಪು ಮತ್ತು ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಗುರಿಯಾಗಿಸಿ ಸಂಸತ್​​ನಲ್ಲಿ ಪ್ರಶ್ನೆ ಕೇಳಲು ಮಹುವಾ ಮೊಯಿತ್ರಾ ಉದ್ಯಮಿ ದರ್ಶನ್ ಹಿರಾನಂದಾನಿ ಅವರಿಂದ  ಲಂಚ ಪಡೆದಿದ್ದಾರೆ ಎಂದು ನಿಶಿಕಾಂತ್ ದುಬೆ ಆರೋಪಿಸಿದ್ದಾರೆ.

ಬಿಜೆಪಿ ಸಂಸದರು ಭಾನುವಾರ ಲೋಕಸಭೆಯ ಸ್ಪೀಕರ್ ಓಂ ಬಿರ್ಲಾ ಅವರಿಗೆ ಪತ್ರ ಬರೆದಿದ್ದು, ಮೊಯಿತ್ರಾ ಅವರು ಸಂಸತ್ ಸೌಲಭ್ಯಗಳನ್ನು ಉಲ್ಲಂಘಿಸಿದ್ದು, ಸದನದ ಅವಹೇಳನ ಮತ್ತು ಕ್ರಿಮಿನಲ್ ಪಿತೂರಿ ಮಾಡಿರುವುದಾಗಿ ಆರೋಪಿಸಿದ್ದಾರೆ. ಏತನ್ಮಧ್ಯೆ, ಯಾವುದೇ ರೀತಿಯ ವಿಚಾರಣೆಯನ್ನು ತಾನು ಸ್ವಾಗತಿಸುತ್ತೇನೆ ಎಂದು ಮೊಯಿತ್ರಾ ಹೇಳಿದ್ದಾರೆ.

ಹಿರಾನಂದಾನಿ ಗ್ರೂಪ್ ಈ ಆರೋಪವನ್ನು ನಿರಾಕರಿಸಿದ್ದು, ಅವರಿಗೆ ಯಾವುದೇ ಅರ್ಹತೆ ಇಲ್ಲ ಎಂದು ಹೇಳಿದೆ.

ನಾವು ಯಾವಾಗಲೂ ವ್ಯಾಪಾರದ ವ್ಯವಹಾರದಲ್ಲಿದ್ದೇವೆ ಮತ್ತು ರಾಜಕೀಯದ ವ್ಯವಹಾರದಲ್ಲಿಲ್ಲ . ನಮ್ಮ ಗುಂಪು ಯಾವಾಗಲೂ ರಾಷ್ಟ್ರದ ಹಿತಾಸಕ್ತಿಯಿಂದ ಸರ್ಕಾರದ ಜೊತೆ ಕೆಲಸ ಮಾಡಿದ್ದು ಅದನ್ನು ಮುಂದುವರಿಸುತ್ತದೆ ಎಂದು ಹಿರಾನಂದಾನಿ ಗ್ರೂಪ್‌ನ ವಕ್ತಾರರು ಹೇಳಿದರು.

ಅದಾನಿ ಗ್ರೂಪ್‌ಗೆ ಹಿರಾನಂದಾನಿ ಗ್ರೂಪ್ ವಿದ್ಯುತ್ ಮತ್ತು ಮೂಲಸೌಕರ್ಯ ಒಪ್ಪಂದವನ್ನು ಕಳೆದುಕೊಂಡಿದೆ. ಮೊಯಿತ್ರಾ ಅವರ ಪ್ರಶ್ನೆಗಳು ಹಿರಾನಂದಾನಿ ವ್ಯಾಪಾರ ಹಿತಾಸಕ್ತಿಗಳನ್ನು ಶಾಶ್ವತಗೊಳಿಸಲು ನಿರ್ದೇಶಿಸಲಾಗಿದೆ ಎಂದು ದುಬೆ ಅವರು ಬಿರ್ಲಾ ಅವರಿಗೆ ಬರೆದ ಪತ್ರದಲ್ಲಿ ಸೂಚಿಸಿದ್ದಾರೆ. ಹಿರಾನಂದಾನಿ ಅವರು ತೃಣಮೂಲ ಸಂಸದೆ ಮೊಯಿತ್ರಾ 2 ಕೋಟಿ ಚೆಕ್ ಮತ್ತು ದುಬಾರಿ ಐಫೋನ್‌ನಂತಹ ಉಡುಗೊರೆಗಳನ್ನು ನೀಡಿದ್ದಾರೆ. ಚುನಾವಣೆಯಲ್ಲಿ ಸ್ಪರ್ಧಿಸಲು ಅವರಿಗೆ 75 ಲಕ್ಷ ರೂಪಾಯಿ ಚೆಕ್ ನೀಡಿದ್ದಾರೆ ಎಂದು ಆರೋಪಿಸಿದ್ದಾರೆ.

2019 ಮತ್ತು 2023ರ ನಡುವೆ ತೃಣಮೂಲ ಸಂಸದರು ಕೇಳಿದ 61 ಪ್ರಶ್ನೆಗಳಲ್ಲಿ 50 ಪ್ರಶ್ನೆಗಳು ದರ್ಶನ್ ಹಿರಾನಂದಾನಿ ಅವರ ಸೂಚನೆಯ ಮೇರೆಗೆ ನಡೆದಿವೆ ಎಂದು ದುಬೆ ಆರೋಪಿಸಿದ್ದಾರೆ.

ಮೊಯಿತ್ರಾ ಅವರು ತಮ್ಮ ಲೋಕಸಭಾ ಖಾತೆಗೆ ಉದ್ಯಮಿಗೆ ಪ್ರವೇಶವನ್ನು ನೀಡಿದ್ದಾರೆ ಎಂದು ಅವರು ಹೇಳಿದರು, ಅಲ್ಲಿ ಪ್ರಶ್ನೆಗಳನ್ನು ಹಿರಾನಂದಾನಿ ಅಥವಾ ಮೊಯಿತ್ರಾ ನೇರವಾಗಿ ಪೋಸ್ಟ್ ಮಾಡಿದ್ದಾರೆ, ವಕೀಲ ಜೈ ಆನಂದ್ ದೇಹದ್ರಾಯ್ ಅವರು ಮಾಡಿದ ಹೇಳಿಕೆ ಉಲ್ಲೇಖಿಸಿ ಅವರ ಪತ್ರದಲ್ಲಿ ಹೇಳಲಾಗಿದೆ. ವಕೀಲರು ತಮ್ಮ ಕೆಲವು ಆರೋಪಗಳೊಂದಿಗೆ ಸಿಬಿಐ ಅನ್ನು ಸಂಪರ್ಕಿಸಿದ್ದಾರೆ.

ಪಾರಾದೀಪ್, ಧಮ್ರಾ ಬಂದರಿನಿಂದ ತೈಲ ಮತ್ತು ಅನಿಲ ಪೂರೈಕೆ, ಯೂರಿಯಾ ಸಬ್ಸಿಡಿ, ರಿಯಲ್ ಎಸ್ಟೇಟ್ ಮೇಲೆ ಪರಿಣಾಮ ಬೀರುವ ಉಕ್ಕಿನ ಬೆಲೆಗಳು ಮತ್ತು ಆದಾಯ ತೆರಿಗೆ ಇಲಾಖೆಯ ಅಧಿಕಾರಗಳ ಬಗ್ಗೆ ಮೊಯಿತ್ರಾ ಪ್ರಶ್ನೆಗಳನ್ನು ಕೇಳಿದ್ದಾರೆ. ವಿರೋಧ ಪಕ್ಷಗಳು ಅವರ ಸೂಚನೆಯನ್ನು ತೆಗೆದುಕೊಂಡಿವೆ ಎಂದು ಅವರು ಆರೋಪಿಸಿದ್ದಾರೆ.

ಅವರ ಪತ್ರದಲ್ಲಿ 2005 ರಲ್ಲಿ ಸುದ್ದಿಯಾಗಿ ಸದ್ದು ಮಾಡಿದ ಪ್ರಶ್ನೆಗಳಿಗೆ ಮೊಯಿತ್ರಾ ಹಣ ತೆಗೆದುಕೊಂಡಿದ್ದಾರೆ. ಇದರಲ್ಲಿ 11 ಸಂಸದರನ್ನು “23 ದಿನಗಳ ದಾಖಲೆಯ ಸಮಯದಲ್ಲಿ” ಅಮಾನತುಗೊಳಿಸಲಾಗಿದೆ. ಈಗಿನ ಪರಿಸ್ಥಿತಿಯೂ ಪ್ರಶ್ನೆಗಾಗಿ ಲಂಚ ಪರಿಸ್ಥಿತಿಗಿಂತ ಭಿನ್ನವಾಗಿಲ್ಲ ಎಂದು  ಹೇಳಿದ್ದಾರೆ.

ಇದನ್ನೂ ಓದಿ:  ಮಹುವಾ ಮೋಯಿತ್ರಾ ವಿರುದ್ಧದ ಆರೋಪದಲ್ಲಿ ಹೆಸರು ಕೇಳಿಬಂದ ಹೀರಾನಂದಾನಿ ಯಾರು? ಬೃಹತ್ ಅದಾನಿ ಬಿಸಿನೆಸ್ ಸಾಮ್ರಾಜ್ಯಕ್ಕೂ ಇವರಿಗೂ ಏನು ಸಂಬಂಧ?

ದುಬೆ ಅವರು ಮಾಡಿದ ಆರೋಪಗಳನ್ನು ನಿರಾಕರಿಸಿದ ಮೊಯಿತ್ರಾ, “ನಕಲಿ ಪದವಿ ಹೊಂದಿರುವರು ಮತ್ತು ಬಿಜೆಪಿ ಪಕ್ಷದ ಇತರ ಗಣ್ಯರ ವಿರುದ್ಧ ಬಾಕಿ ಉಳಿದಿರುವ ಸೌಲಭ್ಯ ಉಲ್ಲಂಘನೆ ಪ್ರಕರಣಗಳನ್ನು ತೆಗೆದುಕೊಳ್ಳಿ . ಸ್ಪೀಕರ್ ಅವುಗಳನ್ನು ವ್ಯವಹರಿಸಿದ ನಂತರ ನನ್ನ ವಿರುದ್ಧದ ಕ್ರಮವನ್ನು ನಾನು ಸ್ವೀಕರಿಸುತ್ತೇನೆ ಎಂದು ಹೇಳಿದ್ದಾರೆ.

ಮಾಹಿತಿ ತಂತ್ರಜ್ಞಾನದ ಕೇಂದ್ರ ಸಚಿವ ರಾಜೀವ್ ಚಂದ್ರಶೇಖರ್ ಅವರು ದತ್ತಾಂಶ ರಕ್ಷಣೆಯ ವಿಷಯದ ಕುರಿತು ಮೊಯಿತ್ರಾ ಕೇಳಿದ ಪ್ರಶ್ನೆಗಳನ್ನು ಉಲ್ಲೇಖಿಸಿದ್ದು, ಅವರು ಹಿರಾನಂದಾನಿ ಗ್ರೂಪ್‌ನಿಂದಲೂ ಪ್ರಶ್ನೆಗಳನ್ನು ಸ್ವೀಕರಿಸಿದ್ದಾರೆ ಎಂದು ಹೇಳಿದ್ದಾರೆ. ಚಂದ್ರಶೇಖರ್ ಅವರ ಹೇಳಿಕೆಗಳು ಅವರ ಬುದ್ಧಿವಂತಿಕೆಗೆ “ಅವಮಾನ” ಎಂದು ಮೊಯಿತ್ರಾ ಪ್ರತಿಕ್ರಿಯಿಸಿದ್ದು, ದತ್ತಾಂಶ ಸಂರಕ್ಷಣೆಯ ಜಂಟಿ ಸಂಸದೀಯ ಸಮಿತಿಯ ಸದಸ್ಯೆಯಾಗಿ ಅವರು ಕೇಳಿದ ಪ್ರಶ್ನೆಗಳು ಎಲ್ಲಾ ಭಾರತೀಯರಿಗೆ ಮಾನ್ಯವಾಗಿವೆ ಎಂದಿದ್ದಾರೆ.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ