ಹೋಂವರ್ಕ್​ ಮಾಡಿಲ್ಲವೆಂದು ವಿದ್ಯಾರ್ಥಿಯನ್ನು ವಿವಸ್ತ್ರಗೊಳಿಸಿ ಮರಕ್ಕೆ ನೇತು ಹಾಕಿದ ಶಿಕ್ಷಕಿಯರು

ರಾಯ್​ಪುರ, ನವೆಂಬರ್ 25: ಹೋಂವರ್ಕ್​ ಮಾಡಿಲ್ಲವೆಂದು ವಿದ್ಯಾರ್ಥಿ(Student)ಯನ್ನು ಶಿಕ್ಷಕರು ಮರಕ್ಕೆ ನೇತು ಹಾಕಿರುವ ಘಟನೆ ಛತ್ತೀಸ್​ಗಢದಲ್ಲಿ ನಡೆದಿದೆ. ಛತ್ತೀಸ್​ಗಢದ ಸೂರಜ್​​ಪುರ ಜಿಲ್ಲೆಯಲ್ಲಿ ಹನ್ಸ್ ವಾಹಿನಿ ವಿದ್ಯಾ ಮಂದಿರ ಶಾಲೆಯ ಇಬ್ಬರು ಶಿಕ್ಷಕಿಯರು ನಾಲ್ಕು ವರ್ಷದ ನರ್ಸರಿ ವಿದ್ಯಾರ್ಥಿಯೊಬ್ಬ ಹೋಂವರ್ಕ್​ ಪೂರ್ಣಗೊಳಿಸಿಲ್ಲವೆಂದು ಕ್ರೂರ ಶಿಕ್ಷೆ ನೀಡಿದ್ದಾರೆ.

ನಾಲ್ಕು ವರ್ಷದ ಬಾಲಕನನ್ನು ವಿವಸ್ತ್ರಗೊಳಿಸಿ ಹಗ್ಗದಿಂದ ಕಟ್ಟಿ ಶಾಲಾ ಆವರಣದಲ್ಲಿರುವ ಮರಕ್ಕೆ ನೇತು ಹಾಕಲಾಗಿತ್ತು. ಘಟನೆಯ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆದ ನಂತರ ಆಘಾತಕಾರಿ ಕೃತ್ಯ ಬೆಳಕಿಗೆ ಬಂದಿದ್ದು, ವ್ಯಾಪಕ ಆಕ್ರೋಶಕ್ಕೆ ಕಾರಣವಾಗಿದೆ. ಘಟನೆ ವಿಡಿಯೋದಲ್ಲಿ ಸೆರೆಯಾಗಿದೆ.ದದ

ಹತ್ತಿರದ ಮೇಲ್ಛಾವಣಿಯಿಂದ ಸ್ಥಳೀಯ ನಿವಾಸಿಯೊಬ್ಬರು ರೆಕಾರ್ಡ್ ಮಾಡಿದ ಈ ಭಯಾನಕ ವೀಡಿಯೊದಲ್ಲಿ, ಅಸಹಾಯಕ ಬಾಲಕ ಮರಕ್ಕೆ ನೇತಾಡುತ್ತಾ ಸಹಾಯಕ್ಕಾಗಿ ಅಳುತ್ತಿರುವುದನ್ನು ಕಾಣಬಹುದು. ಕಾಜಲ್ ಸಾಹು ಮತ್ತು ಅನುರಾಧಾ ದೇವಾಂಗನ್ ಎಂಬ ಇಬ್ಬರು ಶಿಕ್ಷಕರು ಹತ್ತಿರದಲ್ಲಿದ್ದರೂ ಸಹಾಯ ಮಾಡಲಿಲ್ಲ.

ಮತ್ತಷ್ಟು ಓದಿ: ಮಹಾರಾಷ್ಟ್ರ: ರೈಲಿನಲ್ಲಿ ಹಿಂದಿಯಲ್ಲಿ ಮಾತನಾಡಿದ್ದಕ್ಕೆ ಹಲ್ಲೆ, ಅವಮಾನ ತಾಳಲಾರದೆ ಆತ್ಮಹತ್ಯೆಗೆ ಶರಣಾದ ವಿದ್ಯಾರ್ಥಿ

ಘಟನೆ ಏನು? ಸೋಮವಾರ ಬೆಳಗ್ಗೆ ನಾರಾಯಣಪುರ ಗ್ರಾಮದಲ್ಲಿ ಈ ಘಟನೆ ನಡೆದಿದೆ. ಶಿಕ್ಷಕಿ ಕಾಜಲ್ ಸಾಹು ನರ್ಸರಿ ತರಗತಿಯಲ್ಲಿ ಹೋಂವರ್ಕ್​ ಪರಿಶೀಲಿಸುತ್ತಿದ್ದಾಗ ಬಾಲಕ ನಿನ್ನೆ ಮನೆಗೆ ಹೋಗಿ ಏನನ್ನೂ ಬರೆದಿಲ್ಲ ಎಂಬುದು ಗೊತ್ತಾಗಿತ್ತು. ಕೋಪಗೊಂಡ ಅವರು ಬಾಲಕನನ್ನು ತರಗತಿಯಿಂದ ಹೊರಗೆ ಎಳೆದುಕೊಂಡು ಹೋಗಿ, ಟಿ-ಶರ್ಟ್ ಅನ್ನು ಹಗ್ಗದಿಂದ ಕಟ್ಟಿ, ಶಾಲಾ ಆವರಣದೊಳಗಿನ ಮರಕ್ಕೆ ನೇತು ಹಾಕಿದರು. ಪ್ರತ್ಯಕ್ಷದರ್ಶಿಗಳು ಬಾಲಕ ಅಳುತ್ತಿದ್ದ, ಕಿರುಚುತ್ತಿದ್ದ ಮತ್ತು ಪದೇ ಪದೇ ಕೆಳಗಿಳಿಸುವಂತೆ ಬೇಡಿಕೊಂಡಿದ್ದ, ಆದರೆ ಶಿಕ್ಷಕರು ಕಿವುಡಾಗಿದ್ದರು.

ಕುಟುಂಬ ಸದಸ್ಯರು ಶಾಲಾ ಆಡಳಿತ ಮಂಡಳಿಯ ತೀವ್ರ ನಿರ್ಲಕ್ಷ್ಯ ಮತ್ತು ಕ್ರೌರ್ಯದ ಬಗ್ಗೆ ಮಾತನಾಡಿದ್ದಾರೆ, ಯಾರು ಈ ತಪ್ಪು ಮಾಡಿದ್ದಾರೆ ಅವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕೆಂದು ಒತ್ತಾಯಿಸಿದ್ದಾರೆ.

ವೈರಲ್ ಆದ ವಿಡಿಯೋ ನೋಡಿ ಆಡಳಿತ ಮಂಡಳಿಯಿಂದ ತ್ವರಿತ ಪ್ರತಿಕ್ರಿಯೆ ದೊರೆಯಿತು. ಬ್ಲಾಕ್ ಶಿಕ್ಷಣ ಅಧಿಕಾರಿ (ಬಿಇಒ) ಡಿ.ಎಸ್. ಲಕ್ರಾ ಶಾಲೆಗೆ ಭೇಟಿ ನೀಡಿ ತನಿಖೆ ಆರಂಭಿಸಿದರು. ಮುಂದಿನ ಕ್ರಮಕ್ಕಾಗಿ ಹಿರಿಯ ಅಧಿಕಾರಿಗಳಿಗೆ ವಿವರವಾದ ವರದಿಯನ್ನು ಕಳುಹಿಸಲಾಗುವುದು ಎಂದು ಅವರು ಹೇಳಿದ್ದಾರೆ. ಜಿಲ್ಲಾ ಶಿಕ್ಷಣ ಅಧಿಕಾರಿ (ಡಿಇಒ) ಅಜಯ್ ಮಿಶ್ರಾ ಕೂಡ ಘಟನೆಯನ್ನು ಪರಿಶೀಲಿಸಿದರು ಮತ್ತು ಸೂಕ್ತ ಕ್ರಮ ಕೈಗೊಳ್ಳಲಾಗುವುದು ಎಂದು ಭರವಸೆ ನೀಡಿದರು.

 ತಪ್ಪು ಒಪ್ಪಿಕೊಂಡ ಶಾಲಾ ಆಡಳಿತ  ಕ್ಲಸ್ಟರ್ ಉಸ್ತುವಾರಿ ಮನೋಜ್ ಯಾದವ್ ಸ್ಥಳವನ್ನು ಪರಿಶೀಲಿಸಿದರು ಮತ್ತು ಶಿಕ್ಷಕರ ಕ್ರಮ ಸ್ವೀಕಾರಾರ್ಹವಲ್ಲ ಎಂದು ಶಾಲಾ ಆಡಳಿತ ಹೇಳಿದೆ.

ಇತ್ತೀಚಿನ ವರ್ಷಗಳಲ್ಲಿ, ಭಾರತದಾದ್ಯಂತ ಶಾಲೆಗಳಲ್ಲಿ ಇದೇ ರೀತಿಯ ಅತಿಯಾದ ಅಥವಾ ನಿಂದನೀಯ ಶಿಕ್ಷೆಯ ಹಲವಾರು ಪ್ರಕರಣಗಳು ವಿದ್ಯಾರ್ಥಿಗಳ ಸುರಕ್ಷತೆ ಮತ್ತು ಶಿಕ್ಷಕರ ಹೊಣೆಗಾರಿಕೆಯ ಕುರಿತು ರಾಷ್ಟ್ರವ್ಯಾಪಿ ಚರ್ಚೆಯನ್ನು ಹುಟ್ಟುಹಾಕಿವೆ.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ 

Published On - 1:34 pm, Tue, 25 November 25