ವಿದೇಶಕ್ಕೆ ಪ್ರಯಾಣಿಸಲು ಪತ್ರಕರ್ತೆ ರಾಣಾ ಅಯೂಬ್​​ಗೆ ಅನುಮತಿ ನೀಡಿದ ದೆಹಲಿ ಹೈಕೋರ್ಟ್

ದೆಹಲಿ: ದೆಹಲಿ ಹೈಕೋರ್ಟ್ (Delhi High Court) ಸೋಮವಾರ ಕೆಲವು ಷರತ್ತುಗಳೊಂದಿಗೆ ಪತ್ರಕರ್ತೆ ರಾಣಾ ಅಯೂಬ್​​ಗೆ (Rana Ayyub) ವಿದೇಶಕ್ಕೆ ಪ್ರಯಾಣಿಸಲು ಅನುಮತಿ ನೀಡಿದೆ. ಅಯೂಬ್ ಎಲ್ಲಿ ವಾಸಿಸುತ್ತಿದ್ದಾರೆ ಎಂಬುದನ್ನು ಏಜೆನ್ಸಿಗಳಿಗೆ ತಿಳಿಸಲು ಮತ್ತು ಸ್ವಲ್ಪ ಹಣವನ್ನು ಠೇವಣಿ ಮಾಡಲು ಕೇಳಲಾಯಿತು. ನ್ಯಾಯಮೂರ್ತಿ ಚಂದ್ರ ಧಾರಿ ಸಿಂಗ್, “ರಿಟ್ ಅನುಮತಿಸಲಾಗಿದೆ, ಅರ್ಜಿಯನ್ನು ವಿಲೇವಾರಿ ಮಾಡಲಾಗಿದೆ, ವಿವರವಾದ ಆದೇಶವನ್ನು ರವಾನಿಸುತ್ತದೆ” ಎಂದು ಹೇಳಿದರು. ಅಕ್ರಮ ಹಣ ವರ್ಗಾವಣೆ ಪ್ರಕರಣದಲ್ಲಿ ಆಕೆಯ ವಿರುದ್ಧ ಜಾರಿ ನಿರ್ದೇಶನಾಲಯ (ಇಡಿ) ಹೊರಡಿಸಿದ ಲುಕ್‌ಔಟ್ ಸುತ್ತೋಲೆ (LOC) ಆಧಾರದ ಮೇಲೆ ವಲಸೆ ಅಧಿಕಾರಿಗಳು ಈ ಹಿಂದೆ ಮುಂಬೈ ವಿಮಾನ ನಿಲ್ದಾಣದಲ್ಲಿ ಅಯೂಬ್ ಅವರನ್ನು ತಡೆದಿದ್ದರು.  ಎಲ್‌ಒಸಿ ಕುರಿತು ಇಡಿ ವಕೀಲರನ್ನು ಪ್ರಶ್ನಿಸಿದ ನ್ಯಾಯಾಧೀಶರು “ನಿಮ್ಮ ಲುಕ್‌ಔಟ್ ಸುತ್ತೋಲೆಯನ್ನು ನೀವು ಹೇಗೆ ಸಮರ್ಥಿಸಿಕೊಳ್ಳುತ್ತೀರಿ? ಸಮನ್ಸ್ ಜಾರಿಯಾದಾಗಲೆಲ್ಲಾ ಉತ್ತರಿಸಿ ಅಧಿಕಾರಿಗಳ ಮುಂದೆ ಹಾಜರುಪಡಿಸಿದ್ದು ಒಪ್ಪಿತ ಸತ್ಯ. ಅವರು ತನಿಖೆಯಿಂದ ತಪ್ಪಿಸಿಕೊಳ್ಳುತ್ತಿದ್ದಾರೆ ಎಂದು ಹೇಗೆ ಹೇಳುತ್ತೀರಿ? ಏಕೆಂದರೆ ಎಲ್​​ಒಸಿಗಾಗಿ, ಸಾಕ್ಷ್ಯ ಸರಿಯಾಗಿರಬೇಕು ಎಂದಿದ್ದಾರೆ.ಇಡಿ ಪರ ಹಾಜರಾದ ಹೆಚ್ಚುವರಿ ಸಾಲಿಸಿಟರ್ ಜನರಲ್ (ಎಎಸ್‌ಜಿ) ಎಸ್‌ವಿ ರಾಜು, ಏಜೆನ್ಸಿಯು ಅಯೂಬ್‌ನಿಂದ ಸಲ್ಲಿಸದ ದಾಖಲೆಗಳನ್ನು ಕೇಳಿದೆ ಎಂದು ಹೇಳಿದರು. “ಅವರು ಬಾಂಬೆ ಕಚೇರಿಯಿಂದ ಪಡೆದದ್ದು ಎಂದು ಅವರು ಹೇಳುತ್ತಿದ್ದಾರೆ ಅದು ಸರಿಯಾಗಿಲ್ಲ. ಇದು ಗಂಭೀರವಾದ ವಿಷಯವಾಗಿದೆ. ಅವರು ಹೊರಗೆ ಹೋಗಬಹುದು. ಆದರೆ ಹಿಂತಿರುಗಿ ಬರದಿದ್ದರೆ ಎಂಬುದು ನಮ್ಮ ಆತಂಕ” ಎಂದು ಅವರು ಹೇಳಿದರು.

ನಕಲಿ ಬಿಲ್ ನೀಡಲಾಗಿದ್ದು, ಮೇಲ್ನೋಟಕ್ಕೆ ವಂಚನೆ ಪ್ರಕರಣವಿದೆ. ಆದ್ದರಿಂದ ಓಡಿ ಹೋಗುವ ಸಾಧ್ಯತೆಗಳಿದ್ದು, ಹಿಂತಿರುಗಿ ಬಾರದೇ ಇರಬಹುದು. ಆದ್ದರಿಂದ ನಾವು ವಿವರವಾಗಿ ಹೇಳಿ, ನಮ್ಮೊಂದಿಗೆ ಕುಳಿತುಕೊಳ್ಳಿ, ಹೇಳಿಕೆ ನೀಡಿ ನಂತರ ಹೋಗಿ ಎಂದಿದ್ದು ಎಂಬುದಾಗಿ ಎಸ್‌ವಿ ರಾಜು ನ್ಯಾಯಾಲಯದಲ್ಲಿ ಹೇಳಿದರು.

ಫೆಬ್ರವರಿ 10 ರಂದು, ಅಯೂಬ್ ಅವರ ಬ್ಯಾಂಕ್ ಖಾತೆಗಳಿಂದ ₹ 1.77 ಕೋಟಿ ಮೌಲ್ಯದ ಹಣದ ದುರುಪಯೋಗದ ಆರೋಪವನ್ನು ಇಡಿ ಮಾಡಿದ್ದು, ಅಯೂಬ್ ಆರೋಪಗಳನ್ನು ನಿರಾಕರಿಸಿದ್ದರು.

ಇದನ್ನೂ ಓದಿ: ಲಂಡನ್​ಗೆ ಹೊರಟಿದ್ದ ಪತ್ರಕರ್ತೆ ರಾಣಾ ಅಯೂಬ್​​​ಗೆ ಏರ್​ಪೋರ್ಟ್​​ನಲ್ಲಿ ತಡೆ; ಆ ಕ್ಷಣದಲ್ಲಿ ಬಂತು ಇ.ಡಿ.ಯಿಂದ ಸಮನ್ಸ್​