Fact Check ಕೊವಿಡ್ ರೂಪಾಂತರಿ ಯಾವಾಗ ಕಾಣಿಸಿಕೊಳ್ಳುತ್ತದೆ ಎಂದು ದಿನಾಂಕ ತೋರಿಸುವ ವೈರಲ್ ಪೋಸ್ಟ್ ಫೇಕ್

ಕೊರೊನಾವೈರಸ್ ರೂಪಾಂತರಗಳ ಪಟ್ಟಿಯೊಂದು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದೆ. ಕೊರೊನಾವೈರಸ್ ಮಾನವ ನಿರ್ಮಿತ ಎಂದು ಹೇಳುತ್ತಾರೆ .ಆದರೆ ಅದರ ರೂಪಾಂತರಿ ಪೂರ್ವ ಯೋಜಿತ ಎಂದು ಈ ಪಟ್ಟಿಗೆ ಶೀರ್ಷಿಕೆ ನೀಡಲಾಗಿದೆ . ಇದು ಆಸಕ್ತಿದಾಯಕವಾಗಿರಬಹುದು. ಇವುಗಳು ಯೋಜಿತ ಕೊವಿಡ್ -19 ರೂಪಾಂತರಗಳು. ಮಾಧ್ಯಮಗಳು ಇವುಗಳ ಬಗ್ಗೆ ಮಾಹಿತಿ ನೀಡುವಾಗ ಇಲ್ಲಿರುವ ದಿನಾಂಕ ನೋಡಿ ಎಂದು ಈ ಪಟ್ಟಿಯ ಜತೆಗೆ ಸಂದೇಶವೊಂದು ಹರಿದಾಡಿದೆ.

ಅಂದಹಾಗೆ ಕೊವಿಡ್ ರೂಪಾಂತರಿ ಯಾವ ದಿನಾಂಕದಲ್ಲಿ ಕಾಣಿಸಿಕೊಂಡಿದೆ, ಕಾಣಿಸಿಕೊಳ್ಳುತ್ತದೆ ಎಂಬ ಈ ಪಟ್ಟಿ ಅಪ್ಪಟ ಸುಳ್ಳು. ಫ್ಯಾಕ್ಟ್ ಚೆಕ್ ವೆಬ್‌ಸೈಟ್‌ನಿಂದ ವೈರಲ್ ಪಟ್ಟಿಯನ್ನು ಪಡೆಯಲಾಗಿದೆ ಎಂದು ಹೇಳಲು ವೈರಲ್ ಪೋಸ್ಟ್‌ಗಳಲ್ಲಿ  ಸೆಂಟರ್ ಫಾರ್ ಹೆಲ್ತ್ ಸೆಕ್ಯುರಿಟಿಯ ಲಿಂಕ್ ಅನ್ನು ಹಂಚಿಕೊಂಡಿದೆ. ಆದಾಗ್ಯೂ, ಇದರಲ್ಲಿ EVENT 201 ಕುರಿತು ಉಲ್ಲೇಖಿಸಲಾಗಿದೆ. ಜಾನ್ ಹಾಪ್ಕಿನ್ಸ್ ಸೆಂಟರ್ ಫಾರ್ ಹೆಲ್ತ್ ಸೆಕ್ಯುರಿಟಿ, ವರ್ಲ್ಡ್ ಎಕನಾಮಿಕ್ ಫೋರಂ ಮತ್ತು ಬಿಲ್ & ಮೆಲಿಂಡಾ ಗೇಟ್ಸ್ ಫೌಂಡೇಶನ್ ಅಕ್ಟೋಬರ್ 18, 2019 ರಂದು ಜಂಟಿಯಾಗಿ ಈ ಕಾರ್ಯಕ್ರಮ ನಡೆಸಿತ್ತು.

ಈ ಬಗ್ಗೆ ನ್ಯೂಸ್‌ಮೀಟರ್ ಫ್ಯಾಕ್ಟ್ ಚೆಕ್ ಮಾಡಿದ್ದು ವೆಬ್‌ಸೈಟ್ ಪುಟವು ಯಾವುದೇ ರೂಪಾಂತರಗಳ ಪಟ್ಟಿಯನ್ನು ಅಥವಾ ಅವು ಬಿಡುಗಡೆಯಾಗುವ ದಿನಾಂಕಗಳನ್ನು ಹೊಂದಿಲ್ಲ. ಆದಾಗ್ಯೂ, EVENT 201 ದೊಡ್ಡ ಪ್ರಮಾಣದ ಸಾಂಕ್ರಾಮಿಕ ರೋಗದಿಂದ ಉಂಟಾಗಬಹುದಾದ ದುರಂತ ಪರಿಣಾಮಗಳನ್ನು ತಪ್ಪಿಸಲು ಉದ್ಯಮ, ರಾಷ್ಟ್ರೀಯ ಸರ್ಕಾರಗಳು, ಪ್ರಮುಖ ಅಂತರಾಷ್ಟ್ರೀಯ ಸಂಸ್ಥೆಗಳು ಮತ್ತು ನಾಗರಿಕ ಸಮಾಜದಿಂದ ಪ್ರತಿಕ್ರಿಯೆಗಳು ಮತ್ತು ಸಹಕಾರದ ಮೇಲೆ ಕೇಂದ್ರೀಕರಿಸಿದೆ.

ಎಲ್ಲ ವೈರಲ್ ಪೋಸ್ಟ್‌ಗಳು ಜಾನ್ ಹಾಪ್ಕಿನ್ಸ್, ವಿಶ್ವ ಆರ್ಥಿಕ ವೇದಿಕೆ ಮತ್ತು ವಿಶ್ವ ಆರೋಗ್ಯ ಸಂಸ್ಥೆಯ ಲೋಗೊಗಳನ್ನು ಹೊಂದಿದ್ದು, ಈ ಪ್ರಮುಖ ಸಂಸ್ಥೆಗಳಿಂದ ಡೇಟಾವನ್ನು ಪಡೆಯಲಾಗಿದೆ ಎಂದು ತೋರಿಸುತ್ತದೆ. ಹೆಚ್ಚಿನ ಮಾಹಿತಿಯನ್ನು ಸಂಗ್ರಹಿಸಲು ಉಲ್ಲೇಖಿಸಿದ ಸಂಸ್ಥೆಗಳ ಸಾಮಾಜಿಕ ಮಾಧ್ಯಮ ಮತ್ತು ವೆಬ್‌ಸೈಟ್‌ಗಳನ್ನು ಪರಿಶೀಲಿಸಿದರೆ ಅಲ್ಲಿ ಈ ಬಗ್ಗೆ ಮಾಹಿತಿ ಇಲ್ಲ.

ಎರಡನೆಯದಾಗಿ ಜಾನ್ ಹಾಪ್ಕಿನ್ಸ್ ಪ್ರಕಾರ ರೂಪಾಂತರವಾದಾಗ ವೈರಸ್‌ಗಳ ವೈರಸ್‌ನ ವಂಶವಾಹಿಗಳಿಗೆ. ರೂಪಾಂತರಗಳು ಸಂಭವಿಸುತ್ತವೆ – SARS-CoV-2 ಕೊರೊನಾವೈರಸ್‌ನ ಬಹು ರೂಪಾಂತರಗಳು ಪತ್ತೆಯಾಗಿದ್ದು, ಇದು ಚೀನಾದಲ್ಲಿ ಮೊದಲು ವರದಿಯಾಗಿರುವುದಕ್ಕಿಂತ ಭಿನ್ನವಾಗಿದೆ.

ವಿಶ್ವ ಆರೋಗ್ಯ ಸಂಸ್ಥೆ (WHO)ಪ್ರಕಾರ SARS-CoV-2 ಸೇರಿದಂತೆ ಎಲ್ಲಾ ವೈರಸ್‌ಗಳು ಕಾಲಾನಂತರದಲ್ಲಿ ಅವುಗಳ ಅನುಕ್ರಮವನ್ನು ಬದಲಾಯಿಸುತ್ತವೆ. 2020 ರ ಅಂತ್ಯದಲ್ಲಿ ಕೊರೊನಾವೈರಸ್ ರೂಪಾಂತರಗಳು ಹೊರಹೊಮ್ಮಿವೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದೆ. ಈ ರೂಪಾಂತರಗಳು ಜಾಗತಿಕ ಸಾರ್ವಜನಿಕ ಆರೋಗ್ಯಕ್ಕೆ ಹೆಚ್ಚಿನ ಅಪಾಯವನ್ನುಂಟುಮಾಡುತ್ತವೆ ಮತ್ತು ನಿರ್ದಿಷ್ಟ ಆಸಕ್ತಿಗಳ (VOI ಗಳು) ಮತ್ತು ಕಾಳಜಿಯ ರೂಪಾಂತರಗಳ (VOCs) ಗುಣಲಕ್ಷಣಗಳಿಂದ ವರ್ಗೀಕರಿಸಲ್ಪಟ್ಟಿದೆ.

ಕೊರೊನಾವೈರಸ್‌ನ ರೂಪಾಂತರಗಳ ಪಟ್ಟಿಯನ್ನು ಉಲ್ಲೇಖಿಸುವ ಯಾವುದೇ ವರದಿಯನ್ನು ನಾವು ವಿಶ್ವ ಆರ್ಥಿಕ ವೇದಿಕೆಯಲಿಲ್ಲ. ವಿಶ್ವ ಆರೋಗ್ಯ ಸಂಸ್ಥೆ ಪ್ರಕಟಿಸಿದ ಪಟ್ಟಿಯೊಂದಿಗೆ ನಾವು ವೈರಲ್ ಪಟ್ಟಿಯನ್ನು ಹೋಲಿಸಿದ್ದೇವೆ ಮತ್ತು ಅದು ಸಂಪೂರ್ಣವಾಗಿ ವಿಭಿನ್ನವಾಗಿದೆ ಎಂದು ನಾವು ಕಂಡುಕೊಂಡಿದ್ದೇವೆ ಎಂದು ನ್ಯೂಸ್ ಮೀಟರ್ ವರದಿ ಮಾಡಿದೆ.

ಜೂನ್ 2021 ರಲ್ಲಿ ಡೆಲ್ಟಾ ರೂಪಾಂತರವನ್ನು ಬಿಡುಗಡೆ ಮಾಡಲಾಗುವುದು ಎಂದು ವೈರಲ್ ಪಟ್ಟಿಯಲ್ಲಿ ಉಲ್ಲೇಖಿಸಲಾಗಿದೆ. ಆದಾಗ್ಯೂ, ವಿಶ್ವ ಆರೋಗ್ಯ ಸಂಸ್ಥೆ ಡೆಲ್ಟಾ ರೂಪಾಂತರದ ಮೊದಲ ಪ್ರಕರಣವು ಭಾರತದಲ್ಲಿ ಅಕ್ಟೋಬರ್ 2020 ರಲ್ಲಿ ಪತ್ತೆಯಾಗಿದೆ ಎಂದು ಉಲ್ಲೇಖಿಸಿದೆ.

ಅದೇ ರೀತಿ, ಲಂಬ್ಡಾ ರೂಪಾಂತರವನ್ನು ಜನವರಿ 2022 ರಲ್ಲಿ ಬಿಡುಗಡೆ ಮಾಡಲಾಗುವುದು ಎಂದು ಪಟ್ಟಿ ಹೇಳುತ್ತದೆ. ಆದಾಗ್ಯೂ, ಲ್ಯಾಂಬ್ಡಾ ರೂಪಾಂತರದ ಮೊದಲ ಪ್ರಕರಣವು ಪೆರುವಿನಲ್ಲಿ ಡಿಸೆಂಬರ್ 2020 ರಲ್ಲಿ ವರದಿಯಾಗಿದೆ ಮತ್ತು ಜೂನ್ 14, 2021 ರಂದು ಆಸಕ್ತಿಯ ರೂಪಾಂತರಿ ಎಂದು ಇದನ್ನು ವರ್ಗೀಕರಿಸಿರುವುದಾಗಿ ವಿಶ್ವ ಆರೋಗ್ಯ ಸಂಸ್ಥೆ ಉಲ್ಲೇಖಿಸಿದೆ.

ಕೊರೊನಾವೈರಸ್​​ನ ಆಲ್ಫಾ, ಬೀಟಾ ಮತ್ತು ಗಾಮಾಗಳ ಇತರ ರೂಪಾಂತರಗಳು ಪಟ್ಟಿಯಲ್ಲಿಲ್ಲ. ಇವುಗಳ ಆರಂಭಿಕ ದಾಖಲಿತ ಮಾದರಿಗಳು ಸೆಪ್ಟೆಂಬರ್ 2020 (ಬ್ರಿಟನ್ ನಲ್ಲಿ), ಮೇ 2020 (ದಕ್ಷಿಣ ಆಫ್ರಿಕಾದಲ್ಲಿ), ಮತ್ತು ನವೆಂಬರ್ 2020 (ಬ್ರೆಜಿಲ್‌ನಲ್ಲಿ) ವರದಿ ಆಗಿವೆ ಈ ವೈರಸ್‌ಗಳನ್ನು ಕಾಳಜಿಯ ವೈರಸ್ ಎಂದು ಹೆಸರಿಸುವ ದಿನಾಂಕಗಳು ಆಲ್ಫಾ: ಡಿಸೆಂಬರ್ 18, 2020, ಬೀಟಾ: ಡಿಸೆಂಬರ್ 18, 2020, ಮತ್ತು ಗಾಮಾ: ಜನವರಿ 11, 2021.  ಆದ್ದರಿಂದ ವೈರಲ್ ಪೋಸ್ಟ್ ಸತ್ಯಕ್ಕೆ ದೂರವಾದುದು ಎಂಬುದು ಇಲ್ಲಿ ಸ್ಪಷ್ಟವಾಗಿದೆ.

ಇದನ್ನೂ ಓದಿ: Fact Check: ಅನಾಥ ಬಾಲಕಿಗೆ ಉತ್ತರಪ್ರದೇಶದ ಸಿಎಂ ಯೋಗಿ ಆದಿತ್ಯನಾಥ ಸಹಾಯ ಹಸ್ತ, ವೈರಲ್ ಚಿತ್ರದ ಸತ್ಯಾಸತ್ಯತೆ ಏನು?

(Fact Check viral post on social media about covid variant release date)