ಜನವರಿ 1ರಿಂದ ನಾಲ್ಕು ಚಕ್ರದ ವಾಹನಗಳಿಗೆ ಫಾಸ್ಟ್ ಟ್ಯಾಗ್ ಕಡ್ಡಾಯ

ದೆಹಲಿ: ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯವು ಜನವರಿ 1, 2021ರಿಂದ ಎಲ್ಲಾ ನಾಲ್ಕು ಚಕ್ರ ವಾಹನಗಳಿಗೆ ಫಾಸ್ಟ್​ ಟ್ಯಾಗ್​ ಕಡ್ಡಾಯಗೊಳಿಸುವ ಅಧಿಸೂಚನೆಯನ್ನು ಹೊರಡಿಸಿದೆ. ಇದಕ್ಕೆ ಸಂಬಂಧಪಟ್ಟಂತೆ ಕೇಂದ್ರ ಮೋಟಾರು ವಾಹನ ನಿಯಮ 1989ಕ್ಕೆ ತಿದ್ದುಪಡಿಯನ್ನು ಮಾಡುವ ಮೂಲಕ ಸಚಿವಾಲಯ ಈ ನಿರ್ಧಾರವನ್ನು ತೆಗೆದುಕೊಂಡಿದೆ.

ಹೊಸದಾಗಿ ತೃತೀಯ ವಿಮೆಯನ್ನು (ಥರ್ಡ್​ ಪಾರ್ಟಿ ವಿಮೆ) ಪಡೆಯುವಾಗ ಮಾನ್ಯ ಫಾಸ್ಟ್​ ಟ್ಯಾಗ್ ಕಡ್ಡಾಯವಾಗಿದ್ದು, ಈ ಅಧಿಸೂಚನೆಯು ಎಲೆಕ್ಟ್ರಾನಿಕ್ ಹಣ ಪಾವತಿ ಪದ್ಧತಿ ಮೂಲಕ ಮಾತ್ರ ಟೋಲ್ ಪ್ಲಾಜಾನಲ್ಲಿ ಶೇಕಡಾ 100ರಷ್ಟು ಶುಲ್ಕವನ್ನು ಪಾವತಿ ಮಾಡಬೇಕು. ವಾಹನಗಳು ಮನಬಂದಂತೆ ಟೋಲ್ ಪ್ಲಾಜಾನಲ್ಲಿ ಹಾದುಹೋಗುವುದನ್ನು ಖಚಿತಪಡಿಸಿಕೊಳ್ಳಲು ಇದು ಒಂದು ಪ್ರಮುಖ ಹೆಜ್ಜೆಯಾಗಿರುತ್ತದೆ ಎಂದು ಸಚಿವಾಲಯ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ.

ಈ ಸಂಬಂಧ ಅನೇಕ ವಾಹಿನಿಗಳ ಮೂಲಕ ಫಾಸ್ಟ್ಟ್ ಟ್ಯಾಗ್ ಲಭ್ಯತೆಯನ್ನು ಖಾತರಿಪಡಿಸಿಕೊಳ್ಳುವ ಭೌತಿಕ ಸ್ಥಳಗಳು ಮತ್ತು ಆನ್​ಲೈನ್ ಕಾರ್ಯವಿಧಾನದ ಬಗ್ಗೆ ಮಾಹಿತಿಯನ್ನು ನೀಡಲಾಗುತ್ತಿದೆ. ಈ ಮೂಲಕ ನಾಗರೀಕರು ತಮ್ಮ ಅನುಕೂಲಕ್ಕೆ ತಕ್ಕಂತೆ ಮುಂದಿನ ಎರಡು ತಿಂಗಳಲ್ಲಿ ಈ ಫಾಸ್ಟ್ ಟ್ಯಾಗ್​ನ ತಮ್ಮ ವಾಹನಗಳಿಗೆ ಜೋಡಿಸಲು ಸಾಧ್ಯವಾಗುತ್ತದೆ.

ಡಿಸೆಂಬರ್ 1, 2017 ರಿಂದ, ಹೊಸ ನಾಲ್ಕು ಚಕ್ರ ವಾಹನಗಳ ಎಲ್ಲಾ ನೋಂದಣಿಗೆ ಫಾಸ್ಟ್ ಟ್ಯಾಗ್​ನ ಕಡ್ಡಾಯಗೊಳಿಸಲಾಗಿದ್ದು, ಇದನ್ನು ತಯಾರಕರು ಮತ್ತು ವಿತರಕರು ಪೂರೈಸುತ್ತಿದ್ದಾರೆ. ಕೇಂದ್ರ ಮೋಟಾರು ವಾಹನ ನಿಯಮ1989ರ ಪ್ರಕಾರ, ಡಿಸೆಂಬರ್ 1, 2017ರಿಂದ ಹೊಸ ನಾಲ್ಕು ಚಕ್ರ ವಾಹನಗಳ ಎಲ್ಲಾ ನೋಂದಣಿಗೆ ಫಾಸ್ಟ್ ಟ್ಯಾಗ್​ನ ಕಡ್ಡಾಯಗೊಳಿಸಲಾಗಿದೆ. ಸಾರಿಗೆ ವಾಹನಗಳಿಗೆ ಫಾಸ್ಟ್ ಟ್ಯಾಗ್​ ಅಳವಡಿಸಿದ ನಂತರವೇ ಫಿಟ್ ನೆಸ್ ಪ್ರಮಾಣಪತ್ರವನ್ನು ನವೀಕರಿಸಲಾಗುವುದು ಎಂದು ಆದೇಶಿಸಲಾಗಿದೆ. ಅದರಂತೆ ರಾಷ್ಟ್ರೀಯ ಪರವಾನಿಗೆ ಇರುವ ವಾಹನಗಳಿಗೆ ಫಾಸ್ಟ್ ಟ್ಯಾಗ್​ನ ಫಿಟ್​ಮೆಂಟ್​ನ ಅಕ್ಟೋಬರ್ 1, 2019ರಿಂದ ಕಡ್ಡಾಯಗೊಳಿಸಲಾಗಿದೆ ಎಂದು ಸಚಿವಾಲಯವು ಹೇಳಿದೆ.

ಫಾರ್ಮ್ 51(ವಿಮಾ ಪ್ರಮಾಣಪತ್ರ)ರ ತಿದ್ದುಪಡಿಯ ಮೂಲಕ ಹೊಸ 3ನೇ ವ್ಯಕ್ತಿಯು ವಿಮೆಯನ್ನು ಪಡೆಯುವಾಗ ಮಾನ್ಯ ಫಾಸ್ಟ್ ಟ್ಯಾಗ್ ಐಡಿಯ ವಿವರಗಳನ್ನು ಸೆರೆಹಿಡಿಯಲಾಗುತ್ತದೆ. ಈ ನಿಬಂಧನೆಯು ಏಪ್ರಿಲ್ 1, 2021ರಿಂದ ಅನ್ವಯವಾಗುತ್ತದೆ.

Published On - 4:51 pm, Mon, 9 November 20