ಕೇರಳ ಚಿನ್ನದ ಕಳ್ಳಸಾಗಣೆ ಪ್ರಕರಣ ಬಗೆದಷ್ಟೂ ತೆರೆದುಕೊಳ್ತಿದೆ, ಲೇಟೆಸ್ಟ್ ಏನು?

ಕೊಚ್ಚಿ: ಕೇರಳದ ಚಿನ್ನದ ಕಳ್ಳಸಾಗಣೆ ಪ್ರಕರಣದ ಪ್ರಮುಖ ಆರೋಪಿ ಸ್ವಪ್ನಾ ಸುರೇಶ್ ಅವರೊಂದಿಗೆ 2017 ಮತ್ತು 2018 ರ ಅವಧಿಯಲ್ಲಿ, ಅಮಾನತುಗೊಂಡ ಐಎಎಸ್ ಅಧಿಕಾರಿ ಎಂ. ಶಿವಶಂಕರ್ ಅವರು ಕೊಲ್ಲಿ ರಾಷ್ಟ್ರಗಳಿಗೆ ಮೂರು ಬಾರಿ ಪ್ರಯಾಣಿಸಿದ್ದಾರೆ ಎಂದು ತನಿಖೆ ನಡೆಸುತ್ತಿರುವ ಜಾರಿ ನಿರ್ದೇಶನಾಲಯ ಸೋಮವಾರ ಕೊಚ್ಚಿಯ ನ್ಯಾಯಾಲಯಕ್ಕೆ ತಿಳಿಸಿದೆ.

ಸ್ವಪ್ನಾ ಸುರೇಶ್, ಸರಿತ್ ಪಿ.ಎಸ್ ಮತ್ತು ಸಂದೀಪ್ ನಾಯರ್ ಅವರನ್ನು ಮತ್ತೆ ವಿಚಾರಣೆಗೆ ನೀಡುವಂತೆ ED ಅರ್ಜಿಯನ್ನು ಸಲ್ಲಿಸಿದ್ದರಿಂದ PMLA (ಮನಿ ಲಾಂಡರಿಂಗ್ ತಡೆ ಕಾಯ್ದೆ) ಪ್ರಕರಣಗಳಿಗೆ ಸಂಬಂಧಿಸಿದಂತೆ ವಿಶೇಷ ನ್ಯಾಯಾಲಯದ ಮುಂದೆ ಸಲ್ಲಿಕೆಗಳನ್ನು ಸಲ್ಲಿಸಲಾಯಿತು.

ಆಗಸ್ಟ್ 5 ರಿಂದ ಮೂವರು ED ಬಂಧನದಲ್ಲಿದ್ದಾರೆ.. ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರ ಮಾಜಿ ಪ್ರಧಾನ ಕಾರ್ಯದರ್ಶಿ ಶ್ರೀ ಶಿವಶಂಕರ್ ಅವರ ಪ್ರಶ್ನೆಯನ್ನು ಉಲ್ಲೇಖಿಸಿದ ಇಡಿ, 2017 ರ ಏಪ್ರಿಲ್ನಲ್ಲಿ ಸ್ವಪ್ನಾ ಸುರೇಶ್ ಅವರೊಂದಿಗೆ ಯುನೈಟೆಡ್ ಅರಬ್ ಎಮಿರೇಟ್ಸ್ (ಯುಎಇ)ಗೆ ಶಿವಶಂಕರ್ ಅವರು ಪ್ರಯಾಣ ಬೆಳಸಿದ್ದರು ಎಂದು ತಿಳಿದುಬಂದಿದೆ. ಮತ್ತೆ, ಏಪ್ರಿಲ್ 2018 ರಲ್ಲಿ ಆರೋಪಿ ಸ್ವಪ್ನಾ ಸುರೇಶ್ ಒಮಾನ್‌ಗೆ ತೆರಳಿದ್ದರು, ಜೊತೆಗೆ ಅಲ್ಲಿಯೇ ಶ್ರೀ ಶಿವಶಂಕರ್ ಅವರನ್ನು ಭೇಟಿಯಾಗಿದ್ದರು. ಮತ್ತು ಅವರಿಬ್ಬರು ಜೊತೆಯಲ್ಲಿಯೆ ಕೊಲ್ಲಿ ರಾಷ್ಟ್ರದಿಂದ ಭಾರತಕ್ಕೆ ಮರಳಿದರು ಎಂದು ED ಹೇಳಿದೆ.

“ಅಕ್ಟೋಬರ್ 2018 ರ ಸಮಯದಲ್ಲಿ ಎ-2(ಸ್ವಪ್ನಾ ಸುರೇಶ್) ಮತ್ತು ಶಿವಶಂಕರ್ ಒಟ್ಟಿಗೆ ಯುಎಇ ಗೆ ಪ್ರಯಾಣ ಬೆಳಸಿ, ಒಟ್ಟಿಗೆ ಅಲ್ಲಿಂದ ಮರಳಿದ್ದರು ಎಂದಿದ್ದಾರೆ. ಮತ್ತು ಪ್ರವಾಹ ಪರಿಹಾರಕ್ಕಾಗಿ ಅಲ್ಲಿನ ಭಾರತೀಯರ ನೆರವು ಕೋರಿ ಕೇರಳದ ಮುಖ್ಯಮಂತ್ರಿ ಯುಎಇಗೆ ಭೇಟಿ ನೀಡಿದ್ದರಿಂದ ಅವರಿಬ್ಬರ ನಿರ್ದಿಷ್ಟ ಪ್ರವಾಸವನ್ನು ಕೇರಳದ ಮುಖ್ಯಮಂತ್ರಿ ಪ್ರವಾಸದೊಂದಿಗೆ ಸೇರಿಸಲಾಗಿದೆ ಎಂದು ಇಡಿ ಹೇಳಿದೆ.

ನ್ಯಾಯಾಲಯವು ಆರೋಪಿಗಳನ್ನು ಆಗಸ್ಟ್ 26 ರವರೆಗೆ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದೆ.. ಶ್ರೀ ಶಿವಶಂಕರ್ ಅವರ ಸೂಚನೆಯಂತೆ ಸ್ವಪ್ನಾ ಸುರೇಶ್ ಮೂರನೇ ವ್ಯಕ್ತಿಯೊಂದಿಗೆ ಜಂಟಿಯಾಗಿ ನಿರ್ವಹಿಸುತ್ತಿದ್ದ ಬ್ಯಾಂಕ್ ಲಾಕರ್‌ನಲ್ಲಿ ಅಪರಾಧದ ಆದಾಯವನ್ನು ಇಟ್ಟುಕೊಂಡಿದ್ದಾನೆ.ಜೊತೆಗೆ ಆರೋಪಿಗಳ ಜಾಮೀನು ಅರ್ಜಿಯನ್ನು ವಿರೋಧಿಸಿದ ಇಡಿ,ಈ ಅಂಶಗಳ ಬಗ್ಗೆ ಆಳವಾದ ತನಿಖೆ ನಡೆಸಬೇಕಾಗಿದೆ ಎಂದು ಹೇಳಿದೆ.

ಇಡಿ ಪ್ರಕರಣದಲ್ಲಿ ಜಾಮೀನು ಅರ್ಜಿ ಮಂಗಳವಾರ ವಿಚಾರಣೆಗೆ ಬರುವ ಸಾಧ್ಯತೆ ಇದೆ.. ಕಳೆದ ವಾರ, ಎನ್ಐಎ ವಿಶೇಷ ನ್ಯಾಯಾಲಯ ಮತ್ತು ಹೆಚ್ಚುವರಿ ಮುಖ್ಯ ನ್ಯಾಯಾಂಗ ಮ್ಯಾಜಿಸ್ಟ್ರೇಟ್, ಮೂವರ ಜಾಮೀನು ಅರ್ಜಿಯನ್ನು ವಜಾಗೊಳಿಸಿವೆ.

ಶಿವಶಂಕರ್ ಅವರನ್ನು ಎರಡನೇ ಬಾರಿಗೆ ಪ್ರಶ್ನಿಸಿದ ED. ಆರೋಪಿ ಸ್ವಪ್ನಾ ಸುರೇಶ್ ಅವರೊಂದಿಗಿನ ಸಂಪರ್ಕಗಳು ಹೊರಬಂದ ನಂತರ ಅಮಾನತುಗೊಂಡ ಅಧಿಕಾರಿ ಹಾಗೂ ಮಹಿಳೆಯ ಒಡನಾಟ ಸಂಶಯಾಸ್ಪದವಾಗಿದೆ ಎಂದು ಸಂಪೂರ್ಣವಾಗಿ ತಿಳಿದಿದೆ ಎಂದು ED ನ್ಯಾಯಾಲಯದಲ್ಲಿ ಲಿಖಿತ ಸಲ್ಲಿಕೆಯನ್ನು ಸಲ್ಲಿಸಿತ್ತು.

ಮೂವರು ಆರೋಪಿಗಳನ್ನು ರಾಷ್ಟ್ರೀಯ ತನಿಖಾ ಸಂಸ್ಥೆ (ಎನ್‌ಐಎ) ವಶದಲ್ಲಿರುವಾಗ ಔಪಚಾರಿಕವಾಗಿ ಬಂಧಿಸಿರುವುದನ್ನು ದಾಖಲಿಸಿದ ಸಂಸ್ಥೆ, ಶುಕ್ರವಾರ ನ್ಯಾಯಾಲಯಕ್ಕೆ ಮಾಹಿತಿ ನೀಡಿತ್ತು, ಆರೋಪಿ ಸ್ವಪ್ನಾ ಸುರೇಶ್ ಅವರು ಮುಖ್ಯಮಂತ್ರಿಯವರಲ್ಲಿ “ಸಾಕಷ್ಟು ಪ್ರಭಾವ” ಹೊಂದಿದ್ದಾರೆಂದು ED ತಿಳಿಸಿದೆ.

ತಿರುವನಂತಪುರಂನ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಮೂಲಕ ಯುಎಇ ರಾಜತಾಂತ್ರಿಕ ಮಾರ್ಗಗಳನ್ನು ಬಳಸಿಕೊಂಡು ಚಿನ್ನದ ಕಳ್ಳಸಾಗಣೆಗೆ ಸಂಬಂಧಿಸಿದ, ಪ್ರತ್ಯೇಕ ಪ್ರಕರಣಗಳನ್ನು ತನಿಖೆ ನಡೆಸುತ್ತಿರುವ ಶ್ರೀ ಶಿವಶಂಕರ್ ಅವರನ್ನು ಎನ್ಐಎ ಮತ್ತು ಕಸ್ಟಮ್ಸ್ (ಪ್ರಿವೆಂಟಿವ್) ಆಯುಕ್ತರು ಈ ಹಿಂದೆ ವಿಚಾರಣೆ ನಡೆಸಿದ್ದರು.