Navjot Singh Sidhu ಹೈಕಮಾಂಡ್‌ಗೆ ಆಭಾರಿ, ಆದರೆ ರಾಜಿ ಮಾಡಿಕೊಳ್ಳುವುದಿಲ್ಲ: ನವಜೋತ್ ಸಿಂಗ್ ಸಿಧು

ದೆಹಲಿ: ಪಿಪಿಸಿಸಿ ಮುಖ್ಯಸ್ಥ ನವಜೋತ್ ಸಿಂಗ್ ಸಿಧು (Navjot Singh Sidhu) ಅವರು ಕೆ ಸಿ ವೇಣುಗೋಪಾಲ್ (K C Venugopal)  ಮತ್ತು ತಮ್ಮನ್ನು ಗುರುವಾರ ಭೇಟಿ ಮಾಡಲಿದ್ದಾರೆ ಎಂದು ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಹರೀಶ್ ರಾವತ್  (Harish Rawat) ಟ್ವೀಟ್ ಮಾಡಿದ ನಂತರ ಬುಧವಾರ ಫೇಸ್​​ಬುಕ್ ಲೈವ್​​ನಲ್ಲಿ ಮಾತನಾಡಿದ ಸಿಧು ತಮ್ಮ ರಾಜಕೀಯ ಜೀವನದಲ್ಲಿ ರಾಜಿ ಮಾಡಿಕೊಳ್ಳುವುದಿಲ್ಲ ಎಂದು ಹೇಳಿದ್ದಾರೆ. ತನಗೆ ಆದರ ಮತ್ತು ಗೌರವ ನೀಡಿರುವುದಕ್ಕೆ ಹೈಕಮಾಂಡ್​​ಗೆ ಧನ್ಯವಾದ ಸಲ್ಲಿಸಿದ ಸಿಧು ಇದೊಂದು ದೊಡ್ಡ ಹೋರಾಟವಾಗಿದೆ, ವ್ಯವಸ್ಥೆ ಬದಲಾಗಬೇಕು. ನನ್ನಂತವರು ಬಂದು ಹೋಗುತ್ತಾರೆ ಎಂದು ಹೇಳಿದರು. “ನೀವು ವ್ಯವಸ್ಥೆಯನ್ನು ಬದಲಿಸಲು ಹೊರಟಾಗ ನೀವು ವ್ಯಕ್ತಿಗಳ ವಿರುದ್ಧ ಹೋರಾಡುವುದಿಲ್ಲ ಎಂದು ವಿಡಿಯೊದಲ್ಲಿ ಮಾತನಾಡಿದ ಸಿಧು ಹೇಳಿದ್ದಾರೆ.

ಭ್ರಷ್ಟಾಚಾರವು ತಳದಿಂದ ಆರಂಭವಾಗುತ್ತದೆ. ಆದರೆ ಭ್ರಷ್ಟಾಚಾರವನ್ನು ಮೇಲಿನಿಂದ ಹೊಡೆಯಲಾಗುತ್ತದೆ. ನಂತರ ಅದು ಕೆಳಮುಖವಾಗಿ ಹರಡಲು ಆರಂಭಿಸುತ್ತದೆ. ಇಂತಹ ಭ್ರಷ್ಟ ವ್ಯವಸ್ಥೆಗಳನ್ನು ವಿರೋಧಿಸುವುದರಲ್ಲಿ ನನಗೆ ಸಂತೋಷವಿದೆ. ನಾನು ಎಂದಿಗೂ ರಾಜಿ ಮಾಡಿಲ್ಲ. ನನಗೆ ಆದರ ಮತ್ತು ಗೌರವವನ್ನು ನೀಡಿದ ಎಲ್ಲ ಜನರನ್ನು ನಾನು ಒಪ್ಪಿಕೊಳ್ಳುತ್ತೇನೆ. ಆದರೆ ಇದಕ್ಕಿಂತ ದೊಡ್ಡ ಹೋರಾಟವಿದೆ ಎಂದು ಹೇಳಿದ್ದಾರೆ.

ನಾನು ಪಂಜಾಬ್​​ನ್ನು ಯಾವ ರೀತಿ ಪ್ರೀತಿಸುತ್ತೇನೆ ಎಂದು ಹೇಳಿದ ಸಿಧು “ನಾನು ಪಂಜಾಬಿನೊಂದಿಗೆ ‘ಇಷ್ಕ್’ ಹೊಂದಿದ್ದೇನೆ. ಇಷ್ಕ್ ಎಂದರೇನು? ಇದು ಎಲ್ಲಾ ಸಂಬಂಧಗಳು ಮತ್ತು ಎಲ್ಲಾ ಬಂಧಗಳಿಂದ ಮುಕ್ತವಾಗುವುದು. ನಾನು ಪಂಜಾಬಿನೊಂದಿಗೆ ಆ ರೀತಿಯ ‘ಇಷ್ಕ್’ ಹೊಂದಿದ್ದೇನೆ. ರಾಜ್ಯದ ಮೇಲಿನ ನನ್ನ ಪ್ರೀತಿಯನ್ನು ಅರ್ಥಮಾಡಿಕೊಳ್ಳುವವರು ನನ್ನನ್ನು ಯಾವುದಕ್ಕೂ ದೂಷಿಸುವುದಿಲ್ಲ. ನನ್ನ ಯೋಗ್ಯತೆಯನ್ನು ಎಲ್ಲೆಡೆ ಕಡೆಗಣಿಸಲಾಗಿದೆ. ಇದು ರಾಜಕೀಯದಲ್ಲಿ ನಡೆಯುತ್ತದೆ. ”

ಪಕ್ಷದ ಹೈಕಮಾಂಡ್ ಬಗ್ಗೆ ಮಾತನಾಡಿದ ಅವರು ಹೈಕಮಾಂಡ್ ಯಾವಾಗಲೂ ನನಗೆ ಅನುಕೂಲ ಮಾಡಿಕೊಟ್ಟಿದೆ. ನಾನು ಅವರಿಗೆ ಯಾವಾಗಲೂ ಆಭಾರಿಯಾಗಿದ್ದೇನೆ. ಆದರೆ ರಾಜಿ ಮಾಡಿಕೊಂಡು ನೀವು ಹೇಗೆ ಮುಂದೆ ಹೋಗುತ್ತೀರಿ? ಆ ಸಂದರ್ಭದಲ್ಲಿ ಈ ದೈತ್ಯಾಕಾರದ ವ್ಯವಸ್ಥೆಯು ನಿಮ್ಮನ್ನು ನುಂಗಿ ಬಿಡುತ್ತದೆ.

ಇಷ್ಕ್ ಜಿನ್ಕೊ ಹೈ ವತನ್ ಸೇ ಖುದೀ ಕೊ ಮಿಟಾತೇ ರಹೇಂಗೇ, ಶಮಾ ತೋ ಮೆಹಫಿಲ್ ಮೇ ಜಲ್ತೀ ರಹೇಗಿ, ಸಿಧು ಜೈ ಸೇ ಪರ್ವಾನೇ ಔರ್ ಭೀ ಆತೇ ರಹೇಂಗೇ (ತಾಯ್ನಾಡಿನ ಜತೆ ಪ್ರೀತಿಯಿದ್ದವರು ತಮ್ಮನ್ನು ತಾವೇ ಸಮರ್ಪಿಸಿಕೊಳ್ಳುತ್ತಿರುತ್ತಾರೆ, ವೇದಿಕೆಯಲ್ಲಿ ದೀಪ ಉರಿಯುತ್ತಲೇ ಇರುತ್ತದೆ, ಸಿಧುವಿನಂತ ಪ್ರೇಮಿಗಳು ಮತ್ತಷ್ಟು ಬರುತ್ತಲೇ ಇರುತ್ತಾರೆ ) ಎಂದು ಸಿಧು ಕಾವ್ಯಾತ್ಮಕವಾಗಿ ಹೇಳಿದ್ದಾರೆ.

ಎಪಿಎಸ್ ಡಿಯೋಲ್ ಅವರನ್ನು ಎಜಿಯಾಗಿ ಮತ್ತು ಐಪಿಎಸ್ ಸಹೋತಾ ಅವರನ್ನು ಡಿಜಿಪಿಯಾಗಿ ನೇಮಿಸಿದ್ದಕ್ಕಾಗಿ ಪಂಜಾಬ್ ಸರ್ಕಾರದ ವಿರುದ್ಧ ಅಸಮಾಧಾನಗೊಂಡಿದ್ದ ಸಿಧು ಅವರ ಇತ್ತೀಚಿನ ವಿಡಿಯೋ ಕುತೂಹಲ ಹುಟ್ಟಿಸಿದೆ. ಹೊಸ ಡಿಜಿಪಿಯನ್ನು ನೇಮಕ ಮಾಡಲು ಸರ್ಕಾರ ಯುಪಿಎಸ್‌ಸಿಗೆ ಒಂದು ಪ್ಯಾನಲ್ ಅನ್ನು ಕಳುಹಿಸಿದೆ. ಸಿಧು ಈ ಎರಡು ವಿಷಯಗಳಿಗೆ ರಾಜೀನಾಮೆ ನೀಡಿದ್ದರು. ಪಕ್ಷವು ಸಮಸ್ಯೆಯನ್ನು ಪರಿಹರಿಸಲು ಪ್ರಯತ್ನಿಸಿತು ಆದರೆ ಸಿಧು ತಮ್ಮ ರಾಜೀನಾಮೆಯನ್ನು ಹಿಂಪಡೆದಿಲ್ಲ. ಅವರ ರಾಜೀನಾಮೆಯನ್ನು ಹಿಂತೆಗೆದುಕೊಳ್ಳುವುದಿಲ್ಲ ಎಂಬ ಊಹಾಪೋಹಕ್ಕೆ ಅವರ ಇತ್ತೀಚಿನ ವಿಡಿಯೊ ಕಾರಣವಾಗಿದೆ.

ರಾಜ್ಯಕ್ಕಾಗಿ ಅವರ ದೃಷ್ಟಿಕೋನವನ್ನು ವಿವರಿಸಿದ ಸಿಧು ಪಂಜಾಬ್ ಮಾದರಿಯು ಮೂಲಭೂತವಾಗಿ ಆರ್ಥಿಕವಾಗಿ ಸ್ವಾವಲಂಬನೆಯಾಗಿದೆ ಎಂದು ಹೇಳಿದರು.  “ಪಂಜಾಬ್‌ನ ಪ್ರತಿಯೊಂದು ಸಮಸ್ಯೆಗೆ ಪರಿಹಾರ ಹಣ. ರಾಜ್ಯವು ಸಾಲದ ಸುಳಿಯಲ್ಲಿ ಸಿಲುಕಿದೆ. ಸಾಲ ತೀರಿಸಲು ನಾವು ಸಾಲ ತೆಗೆದುಕೊಳ್ಳುತ್ತೇವೆ. ಪಿಪಿಎಗಳನ್ನು ರದ್ದುಗೊಳಿಸುವುದು ತಾಂತ್ರಿಕ ಸಮಸ್ಯೆಯಾಗಿರಬಹುದು ಆದರೆ ಕೊನೆಯಲ್ಲಿ ಅದು ಹಣಕಾಸಿನ ಸಮಸ್ಯೆಯಾಗಿದೆ. ಪೋಸ್ಟ್ ಮೆಟ್ರಿಕ್ ಸ್ಕಾಲರ್‌ಶಿಪ್, ಅಂಬೇಡ್ಕರ್ ಯೋಜನೆ ಪಂಜಾಬ್ ಸರ್ಕಾರವು ಕಳೆದ ವರ್ಷ ಆರಂಭಿಸಿತು ಆದರೆ ಎಂದಿಗೂ ಜಾರಿಗೆ ಬಂದಿಲ್ಲ ಏಕೆಂದರೆ ಹಣವಿಲ್ಲ.

ದೆಹಲಿ ಸಿಎಂ ಅರವಿಂದ ಕೇಜ್ರಿವಾಲ್ ವಿರುದ್ಧ ವಾಗ್ದಾಳಿ ನಡೆಸಿದ ಅವರು, “ಕೇಜ್ರಿವಾಲ್ 16,000 ಮೊಹಲ್ಲಾ ಕ್ಲಿನಿಕ್ ಮತ್ತು ಉದ್ಯೋಗಗಳನ್ನು 25 ಲಕ್ಷಕ್ಕೆ ನೀಡುವುದಾಗಿ ಭರವಸೆ ನೀಡಿದರು. ನಾವು ಇದನ್ನು ಮಾಡಬಹುದು. ಆದರೆ ನಮಗೆ ಆದಾಯ ಬೇಕು. ಪಂಜಾಬ್​​ನಲ್ಲಿ 1 ಲಕ್ಷ ಹುದ್ದೆಗಳು ಖಾಲಿ ಇವೆ ಆದರೆ ಹಣವಿಲ್ಲದ ಕಾರಣ ಅವುಗಳನ್ನು ಭರ್ತಿ ಮಾಡಲು ನಮಗೆ ಸಾಧ್ಯವಾಗಲಿಲ್ಲ.

ಅವರು ತಮ್ಮ ಸರ್ಕಾರಕ್ಕೆ ಕ್ಯಾಬಿನೆಟ್ ಮಂತ್ರಿಯಾಗಿ ನೀತಿಗಳನ್ನು ಹೇಗೆ ಸೂಚಿಸಿದ್ದಾರೆ ಎಂಬುದನ್ನು ಅವರು ನೆನಪಿಸಿಕೊಂಡರು. “ನಾನು ನೀತಿಗಳನ್ನು ನೀಡುತ್ತಿದ್ದೆ. ನಾನು ಮದ್ಯ ನೀತಿ, ಮರಳು ಗಣಿಗಾರಿಕೆ ನೀತಿ ನೀಡಿದ್ದೇನೆ. ಅಕಾಲಿಗಳಿಗೆ ಸಂಬಂಧಿಸಿದ ಕೇಬಲ್ ನೆಟ್‌ವರ್ಕ್ ಸರ್ಕಾರಿ ಭೂಮಿಯಲ್ಲಿ ಹೇಗೆ ಇದೆ ಎಂದು ನಾನು ಎತ್ತಿದೆ. ವ್ಯಕ್ತಿಗಳು ಶ್ರೀಮಂತರಾಗುತ್ತಾರೆ ಆದರೆ ರಾಜ್ಯವು ನರಳುತ್ತದೆ.

ಸಿಧು ಅವರ ಪಂಜಾಬ್ ಮಾದರಿಯಂತೆ, ರಾಜ್ಯವು 3-4 ಕಾರ್ಪೊರೇಶನ್‌ಗಳನ್ನು ಮದ್ಯ ಮಾರಾಟ ಮಾಡಲು, ಜನರನ್ನು ನೇಮಿಸಿಕೊಳ್ಳಲು ಹೇಳಬೇಕು. ಪಂಜಾಬ್‌ನಲ್ಲಿ ಇದನ್ನು ಏಕೆ ಮಾಡಲು ಸಾಧ್ಯವಿಲ್ಲ? ನಾವು ವ್ಯಾಟ್ ಅನ್ನು ಏಕೆ ಹೊಂದಲು ಸಾಧ್ಯವಿಲ್ಲ. ಕೇವಲ ಒಂದು ಇಲಾಖೆಯಿಂದ ನಾವು ಇಡೀ ರಾಜ್ಯವನ್ನು ನಡೆಸಬಹುದು. ಈ ಇಲಾಖೆಯು ನಿಮಗೆ ತುಂಬಾ ಹಣವನ್ನು ನೀಡಬಹುದು.

10 ವರ್ಷಗಳ ಕಾಲ ಪರೀಕ್ಷಕರಿಗೆ ಪ್ರತಿ ವರ್ಷ 40 ಕೋಟಿ ರೂ ಖರ್ಚು ಮಾಡಿದ್ದೇವೆ ಎಂದು ಮರುಳು ಬಗ್ಗೆ ಅಕಾಲಿದಳ-ಬಿಜೆಪಿ ಹೇಳಿಕೆ ವಿರುದ್ಧ ಗುಡುಗಿದ ಸಿಧು “ನಾವು ಅದನ್ನು 250 ಕೋಟಿಗೆ ಏರಿಸಿದ್ದೇವೆ. ತೆಲಂಗಾಣ ಒಂದು ಉದಾಹರಣೆ. ಅವರು ಮೂರು ವರ್ಷಗಳಲ್ಲಿ 2,400 ಕೋಟಿ ರೂ ಸಂಪಾದಿಸಿದ್ದಾರೆ. ಅವರಿಗಿರುವುದು ಒಂದೇ ನದಿ ಆದರೆ ನಾವು ಮೂರು ನದಿಗಳನ್ನು ಹೊಂದಿದ್ದೇವೆ.

ಕೆಲವು ದಿನಗಳ ಹಿಂದೆ ಮುಖ್ಯಮಂತ್ರಿ ಚರಣ್​​ಜಿತ್ ಸಿಂಗ್ ಚನ್ನಿ ಅವರು ಮರಳು ಗಣಿಗಾರಿಕೆಯನ್ನು ಉಚಿತವಾಗಿ ನೀಡುವುದಾಗಿ ಘೋಷಿಸಿದ ಮೇಲೆ, ಸಿಧು, “ನಾವು ಉಚಿತ ಮರಳು ನೀಡುವುದಾಗಿ ಏಕೆ ಹೇಳುತ್ತೇವೆ? ಇದು ಗಣಿಗಾರಿಕೆ ಮಾಡುವ ಜನರಿಗಾಗಿ, ಮತ್ತು ಅದನ್ನು ಗಣಿಗಾರಿಕೆ ಮಾಡಲು ಸಾಮಾನುಗಳನ್ನು ಹೊಂದಿದೆ. ಒಬ್ಬ ಸಾಮಾನ್ಯ ಮನುಷ್ಯ ಹೇಗೆ ಪ್ರಯೋಜನ ಪಡೆಯುತ್ತಾನೆ? ಯಾವಾಗ ದರ ಮತ್ತು ಪೂರೈಕೆ ನಿಗದಿಯಾಗಿಲ್ಲವೋ ಆಗ ಗಣಿಗಾರನು ತನಗೆ ಇಷ್ಟವಾದ ಬೆಲೆಗೆ ಅದನ್ನು ಮಾರಾಟ ಮಾಡಬಹುದು. ನಾವು ರಾಜ್ಯದಿಂದ ಮಾಫಿಯಾ ರಾಜ್ ಅನ್ನು ತೆಗೆದುಹಾಕಬೇಕು.

“ಉದ್ದೇಶ ಒಳ್ಳೆಯದಾಗಿದ್ದರೆ ಯಾವುದೇ ನೀತಿಯನ್ನು ಜಾರಿಗೊಳಿಸಬಹುದು. 4.5 ವರ್ಷಗಳಲ್ಲಿ ಏಕೆ ಮಾಡಲಿಲ್ಲ? ಇದನ್ನು 4-5 ತಿಂಗಳಲ್ಲಿ ಏಕೆ ಮಾಡಲಾಗುತ್ತಿದೆ? “ಎಂದು ಸಿಧು ಪ್ರಶ್ನಿಸಿದ್ದಾರೆ.

ಇದನ್ನೂ ಓದಿ: ಪಂಜಾಬ್ ಸಿಎಂ ಚರಣ್​ಜಿತ್ ಸಿಂಗ್ ಚನ್ನಿ ಮಗನ ಸರಳ ವಿವಾಹ; ಮದುವೆಗೆ ಗೈರಾದ ನವಜೋತ್ ಸಿಂಗ್ ಸಿಧು