ಇಲ್ಲಿ ಔರಂಗಜೇಬ್ ಬಂದಾಗಲೆಲ್ಲಾ ಶಿವಾಜಿಯೂ ಎದ್ದು ನಿಲ್ಲುತ್ತಾರೆ: ನರೇಂದ್ರ ಮೋದಿ

ವಾರಣಾಸಿ: ವಾರಾಣಸಿಯಲ್ಲಿ (Varanasi) ಸೋಮವಾರ ಕಾಶಿ ವಿಶ್ವನಾಥ ಕಾರಿಡಾರ್ (Kashi Vishwanath Corridor) ಅನ್ನು ಉದ್ಘಾಟಿಸಿ ಮಾತನಾಡಿದ ಪ್ರಧಾನಿ ನರೇಂದ್ರ ಮೋದಿ (Narendra Modi) ವಾರಣಾಸಿಯ ನಾಗರಿಕತೆಯ ಪರಂಪರೆಯನ್ನು ಶ್ಲಾಘಿಸಿದರು. ವರ್ಷಗಳಲ್ಲಿ ಸುಲ್ತಾನರು ಬೆಳೆದರು ಮತ್ತು ಪತನಗೊಂಡರು. ಆದರೆ ಪವಿತ್ರ ನಗರವಾದ ಕಾಶಿ ಸಮಯದ ಪರೀಕ್ಷೆಯನ್ನು ತಡೆದುಕೊಂಡಿದೆ ಎಂದು ಮೋದಿ ಹೇಳಿದ್ದಾರೆ. ಆಕ್ರಮಣಕಾರರು ಈ ನಗರದ ಮೇಲೆ ದಾಳಿ ಮಾಡಿದರು, ಅದನ್ನು ನಾಶಮಾಡಲು ಪ್ರಯತ್ನಿಸಿದರು. ಔರಂಗಜೇಬನ (Aurangzeb) ಕ್ರೌರ್ಯ, ಭಯೋತ್ಪಾದನೆಗೆ ಇತಿಹಾಸ ಸಾಕ್ಷಿಯಾಗಿದೆ. ಅವರು ಕತ್ತಿಯಿಂದ ನಾಗರಿಕತೆಯನ್ನು ಬದಲಾಯಿಸಲು ಪ್ರಯತ್ನಿಸಿದರು. ಅವರು ಮತಾಂಧತೆಯಿಂದ ಸಂಸ್ಕೃತಿಯನ್ನು ಹತ್ತಿಕ್ಕಲು ಪ್ರಯತ್ನಿಸಿದರು. ಆದರೆ ಈ ದೇಶದ ಮಣ್ಣು ಪ್ರಪಂಚದ ಇತರ ಭಾಗಗಳಿಗಿಂತ ಭಿನ್ನವಾಗಿದೆ. ಇಲ್ಲಿ ಒಬ್ಬ (ಮೊಘಲ್ ಚಕ್ರವರ್ತಿ) ಔರಂಗಜೇಬನು ಬಂದರೆ, ಒಬ್ಬ (ಮರಾಠ ಯೋಧ) ಶಿವಾಜಿ (Shivaji) ಕೂಡ ಎದ್ದು ನಿಲ್ಲುತ್ತಾನೆ. ಸಲಾರ್ ಮಸೂದ್ ಮುಂದೆ ಸಾಗಿದರೆ, ರಾಜಾ ಸುಹಲ್‌ದೇವ್‌ನಂತಹ ಯೋಧರು ನಮ್ಮ ಏಕತೆಯ ಶಕ್ತಿಯನ್ನು ಅವನಿಗೆ ತೋರಿಸುತ್ತಾರೆ ಎಂದು ಮೋದಿ ಹೇಳಿದ್ದಾರೆ. ಮುಂದಿನ ವರ್ಷ ಉತ್ತರ ಪ್ರದೇಶದಲ್ಲಿ ನಡೆಯಲಿರುವ ವಿಧಾನಸಭಾ ಚುನಾವಣೆಗೆ ಮುನ್ನ ಪ್ರಧಾನಿ ಮೋದಿ ಕಾಶಿ ವಿಶ್ವನಾಥ ಕಾರಿಡಾರ್ ಉದ್ಘಾಟಿಸಿದ್ದಾರೆ. ಇತ್ತೀಚೆಗೆ ಬಲರಾಂಪುರ ಜಿಲ್ಲೆಯಲ್ಲಿ ಸರಯೂ ಕಾಲುವೆ ರಾಷ್ಟ್ರೀಯ ಯೋಜನೆ ಮತ್ತು 341-ಕಿಮೀ ಪೂರ್ವಾಂಚಲ್ ಎಕ್ಸ್‌ಪ್ರೆಸ್‌ವೇಯನ್ನು ಮೋದಿ ಅನಾವರಣಗೊಳಿಸಿದ್ದರು. ಕಾಶಿ ವಿಶ್ವನಾಥ ಕಾರಿಡಾರ್ ಅನ್ನು ಪ್ರಧಾನಿ ಮೋದಿಯವರ ಕನಸಿನ ಯೋಜನೆ ಎಂದು ಹೇಳಲಾಗುತ್ತದೆ.  ಇದನ್ನು 5,000 ಹೆಕ್ಟೇರ್ ಪ್ರದೇಶದಲ್ಲಿ ನಿರ್ಮಿಸಲಾಗಿದೆ ಮತ್ತು ದಟ್ಟಣೆಯನ್ನು ಕಡಿಮೆ ಮಾಡಲು ಮಾತ್ರವಲ್ಲದೆ ದೇವಾಲಯದ ಸಂಕೀರ್ಣವನ್ನು ಪರಿವರ್ತಿಸಲು ಪ್ರಯತ್ನಿಸುತ್ತದೆ. ಆಧ್ಯಾತ್ಮಿಕ ಕೇಂದ್ರದ “ಕಳೆದುಹೋದ ವೈಭವವನ್ನು” ಮರುಸ್ಥಾಪಿಸುವ ಉದ್ದೇಶದಿಂದ ಮಾರ್ಚ್ 2019 ರಲ್ಲಿ ಮೋದಿಯವರು ತಮ್ಮ ಸಂಸದೀಯ ಕ್ಷೇತ್ರದಲ್ಲಿ 800 ಕೋಟಿ ರೂಪಾಯಿಗಳ ಯೋಜನೆಯನ್ನು ಪ್ರಾರಂಭಿಸಿದರು.

ಕಾಶಿ ವಿಶ್ವನಾಥ ಧಾಮದ ಸಂಪೂರ್ಣ ಹೊಸ ಸಂಕೀರ್ಣವು ಕೇವಲ ಭವ್ಯವಾದ ಕಟ್ಟಡವಲ್ಲ, ಆದರೆ ಭಾರತದ “ಸನಾತನ ಸಂಸ್ಕೃತಿ”, ನಮ್ಮ ಆಧ್ಯಾತ್ಮಿಕ ಆತ್ಮ ಮತ್ತು ಭಾರತದ ಪ್ರಾಚೀನತೆ ಮತ್ತು ಸಂಪ್ರದಾಯಗಳ ಸಂಕೇತವಾಗಿದೆ ಎಂದು ಮೋದಿ ಹೇಳಿದರು. ಕೇವಲ 3000 ಚದರ ಅಡಿ ಇದ್ದ ಇಲ್ಲಿನ ದೇವಾಲಯ ಪ್ರದೇಶ ಈಗ ಸುಮಾರು ಐದು ಲಕ್ಷ ಚದರ ಅಡಿಗಳಿಗೆ ವಿಸ್ತರಿಸಿದೆ ಈಗ 50-75 ಸಾವಿರ ಭಕ್ತರು ದೇವಸ್ಥಾನದ ಆವರಣಕ್ಕೆ ಬರಬಹುದು ಎಂದು ಮೋದಿ ಹೇಳಿದರು. “ಹೊಸ ಇತಿಹಾಸ” ಸೃಷ್ಟಿಯಾಗುತ್ತಿದೆ ಮತ್ತು “ನಾವು ಅದನ್ನು ವೀಕ್ಷಿಸಲು ಅದೃಷ್ಟವಂತರು” ಎಂದು ಅವರು ಹೇಳಿದರು. ಮೋದಿ ತಮ್ಮ ಭಾಷಣದ ವೇಳೆ ಸ್ಥಳೀಯ ಆಡುಭಾಷೆಯಲ್ಲೂ ಮಾತನಾಡಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್, ಮಹಾತ್ಮಾ ಗಾಂಧಿಯವರು ಭವ್ಯವಾದ ಕಾಶಿ ವಿಶ್ವನಾಥ ಧಾಮದ ಕನಸನ್ನು ಹೊಂದಿದ್ದರು, ಅದು ಪ್ರಧಾನಿ ನರೇಂದ್ರ ಮೋದಿ ಅವರ ನೇತೃತ್ವದಲ್ಲಿ ಮಾತ್ರ ಸಾಕಾರಗೊಳ್ಳಲು ಸಾಧ್ಯ ಎಂದು ಹೇಳಿದರು.

ಸುಮಾರು 100 ವರ್ಷಗಳ ಹಿಂದೆಯೇ ಇಲ್ಲಿ ಕಿರಿದಾದ ರಸ್ತೆಗಳು ಮತ್ತು ಕೊಳಕು ಕಂಡು ಗಾಂಧಿಯವರು ನೋವು ವ್ಯಕ್ತಪಡಿಸಿದ್ದರು. ಇಂದು ಬಾಬಾ ವಿಶ್ವನಾಥ್ ಅವರ ಧಾಮ ಹೊಸ ರೂಪದಲ್ಲಿದೆ. ಸುಮಾರು 100 ವರ್ಷಗಳ ಹಿಂದೆ ಕಿರಿದಾದ ರಸ್ತೆಗಳು ಮತ್ತು ಹೊಲಸುಗಳನ್ನು ನೋಡಿದ ಮಹಾತ್ಮ ಗಾಂಧಿಯವರ ಆ ನೋವನ್ನು ಹೋಗಲಾಡಿಸಲು ಇದು ಮಾಧ್ಯಮವಾಗಿದೆ ಎಂದು ಯೋಗಿ ಆದಿತ್ಯನಾಥ ಅವರು ಕಾಶಿ ವಿಶ್ವನಾಥ ಕಾರಿಡಾರ್‌ನ ಮೊದಲ ಹಂತದ ಉದ್ಘಾಟನಾ ಸಮಾರಂಭದಲ್ಲಿ ಹೇಳಿದರು.

ಗಾಂಧಿ ಹೆಸರನ್ನು ಬಳಸಿಕೊಂಡು ಅನೇಕ ಜನರು ಅಧಿಕಾರಕ್ಕೆ ಬಂದರು ಆದರೆ ಇದು ಮೊದಲ ಬಾರಿಗೆ ಅವರ ಭವ್ಯವಾದ ಕಾಶಿ ವಿಶ್ವನಾಥ ಧಾಮದ ಕನಸು ನನಸಾಗುತ್ತಿದೆ ಎಂದು ಆದಿತ್ಯನಾಥ ಹೇಳಿದರು. ಪ್ರಧಾನಿ ಮೋದಿಯನ್ನು ಶ್ಲಾಘಿಸಿದ ಸಿಎಂ, ಯೋಗದ ಸಂಪ್ರದಾಯವಾಗಲಿ ಅಥವಾ ಕುಂಭದ ಮಾನ್ಯತೆಯಾಗಲಿ, ಜಾಗತಿಕ ವೇದಿಕೆಯಲ್ಲಿ ಭಾರತದ ಸನಾತನ (ಶಾಶ್ವತ) ಮೌಲ್ಯಗಳು ಮತ್ತು ಸಂಸ್ಕೃತಿಯನ್ನು ಸ್ಥಾಪಿಸುವುದು ಪ್ರಧಾನಿ ನರೇಂದ್ರ ಮೋದಿ ಅವರ ಅಭಿಯಾನದ ಭಾಗವಾಗಿದೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ:  Narendra Modi: ವಾರಾಣಸಿಯ ಬೀದಿಯಲ್ಲಿ ಕಾರು ನಿಲ್ಲಿಸಿ, ಜನರಿಂದ ಉಡುಗೊರೆ ಸ್ವೀಕರಿಸಿದ ಪ್ರಧಾನಿ ಮೋದಿ

ಇದನ್ನೂ ಓದಿ: Video: ಕಾಶಿ ವಿಶ್ವನಾಥ ಕಾರಿಡಾರ್ ನಿರ್ಮಾಣ ಮಾಡಿದ ಕಾರ್ಮಿಕರ ಮೇಲೆ ಹೂಮಳೆ ಸುರಿಸಿದ ಪ್ರಧಾನಿ ಮೋದಿ; ಅವರೊಂದಿಗೇ ಕುಳಿತು ಊಟ ಸೇವನೆ