ಉದ್ಯಮಿಯಾಗಲು ಇತರರಿಗೆ ಸ್ಫೂರ್ತಿ ಈ ಮಹಿಳೆ; ಭಾರತಕ್ಕೆ ಬಂದು ಬದಲಾಯಿತು ಸಿಂಥಿಯಾಳ ಬದುಕು

ದೆಹಲಿ ಫೆಬ್ರುವರಿ 21: ಶಿಕ್ಷಕಿ ಸಿಂಥಿಯಾ ಚಾಂಗೌಗೆ (Cynthia Changau) 39 ವರ್ಷ. ಮನುಸ್ ಮತ್ತು ಪೂರ್ವ ಸೆಪಿಕ್‌ನಲ್ಲಿ ತಮ್ಮ ಕುಟುಂಬದ ಬೇರುಗಳನ್ನು ಹೊಂದಿರುವ ಈಕೆಗೆ 18 ವರ್ಷಗಳ ಬೋಧನಾ ಅನುಭವವಿದೆ. ಐದು ಜನರ ಕುಟುಂಬವಿದೆ. ಹೀಗಿರುವಾಗ ಸಿಂಥಿಯಾ ಉದ್ಯಮ(entrepreneurship) ಜಗತ್ತಿನಲ್ಲಿ ಹೊಸ ಸಾಹಸವನ್ನು ಪ್ರಾರಂಭಿಸಿದ್ದಾರೆ. ಆನ್‌ಲೈನ್ ಶಾಪಿಂಗ್ (online shopping) ಕುರಿತು ಅವರು ನಡೆಸಿದ ತರಬೇತಿ ಅವಧಿಯಲ್ಲಿ ಆಕೆಯ ಪ್ರಯಾಣವು ಅನಿರೀಕ್ಷಿತವಾಗಿ ಪ್ರಾರಂಭವಾಯಿತು. ಈಕೆಯ ಸಾಮರ್ಥ್ಯವನ್ನು ಗುರುತಿಸಿದ ವ್ಯಕ್ತಿಯೊಬ್ಬರು  ಸಿಂಥಿಯಾಗೆ ಭಾರತೀಯ ತಾಂತ್ರಿಕ ಮತ್ತು ನಿಗಮದ ಪ್ರೋಗ್ರಾಂಗೆ ಅರ್ಜಿ ಸಲ್ಲಿಸಲು ಸಲಹೆ ನೀಡಿದ್ದರು. ಉದ್ಯಮಿಯಾಗಲಿರುವವರಿಗೆ ಮೂರು ವಾರಗಳ ಕೋರ್ಸ್ ಅನ್ನು ನೀಡಲಾಯಿತು. ಅವಕಾಶದ ಬಗ್ಗೆ ಆಸಕ್ತಿ ಹೊಂದಿದ ಆಕೆ ತನ್ನ ಪಾಸ್‌ಪೋರ್ಟ್ ಅನ್ನು ಪಡೆದುಕೊಳ್ಳಲು ಮತ್ತು ತನ್ನ ಅರ್ಜಿಯನ್ನು ಸಲ್ಲಿಸಲು ಸಮಯವನ್ನು ವ್ಯರ್ಥ ಮಾಡಲಿಲ್ಲ. ಎರಡು ವಾರಗಳ ನಂತರ, ಆಕೆಯ ಅರ್ಜಿಯೂ ಸ್ವೀಕರಿಸಿರುವುದಾಗಿ ಆಕೆಗೆ ಸಂದೇಶ ಸಿಕ್ಕಿತ್ತು.

ಈ ಪ್ರಾಜೆಕ್ಟ್ ಖರ್ಚು ವೆಚ್ಚವನ್ನು ಸಂಪೂರ್ಣವಾಗಿ ಭಾರತ ಸರ್ಕಾರ ವಹಿಸುತ್ತದೆ. ಪ್ರಯಾಣದಿಂದ ವಸತಿಗೆ ಎಲ್ಲಾ ವೆಚ್ಚಗಳನ್ನು ಸರ್ಕಾರವೇ ಭರಿಸುತ್ತದೆ. ಸಿಂಥಿಯಾ ಅವರಂತಹ ಭಾಗವಹಿಸುವವರು ಕಲಿಕೆಯಲ್ಲಿ ಮಾತ್ರ ಕೇಂದ್ರೀಕರಿಸಿದರೆ ಸಾಕು. ಗುಜರಾತ್‌ನ ಅಹಮದಾಬಾದ್‌ನಲ್ಲಿ ನಡೆದ ತರಬೇತಿಯಲ್ಲಿ ವೈವಿಧ್ಯಮಯ ಹಿನ್ನೆಲೆಯ 28 ವ್ಯಕ್ತಿಗಳಲ್ಲಿ ಪಪುವಾ ನ್ಯೂಗಿನಿಯಾದ ಏಕೈಕ ಪ್ರತಿನಿಧಿಯಾಗಿದ್ದರು ಸಿಂಥಿಯಾ.

Glad to hear the inspirational story from PNG national Cynthia Changau, @ITECnetwork alumni who trained at Entrepreneurship Development Institute, Gujarat. She was inspired by Bapu & @narendramodi speech on Atmanirbar which transformed her life @MEAIndia @DrSJaishankar pic.twitter.com/KgubgXd51X

— India in PNG (@ind_png) February 21, 2024

ಹೊಸ ಜ್ಞಾನ ಮತ್ತು ಸ್ಫೂರ್ತಿಯೊಂದಿಗೆ ಮನೆಗೆ ಮರಳುತ್ತಿರುವ ಸಿಂಥಿಯಾ ತನ್ನ ಅನುಭವಗಳನ್ನು ಮತ್ತು ಒಳನೋಟಗಳನ್ನು ಉದ್ಯಮದಲ್ಲಿ ಆಸಕ್ತಿ ಹೊಂದಿರುವ ಇತರರೊಂದಿಗೆ ಹಂಚಿಕೊಳ್ಳಲು ಉತ್ಸುಕರಾಗಿದ್ದಾರೆ. ಈಕೆ ತನ್ನ ಫೇಸ್ ಬುಕ್ ಪೇಜ್ , ” Moin Online Trade” ಮೂಲಕ ಉದ್ಯಮ ಜಗತ್ತನ್ನು ಅನ್ವೇಷಿಸಲು ತನ್ನೊಂದಿಗೆ ಸೇರಲು ಆಹ್ವಾನ ನೀಡಿದ್ದಾರೆ. ಕಾರ್ಯಕ್ರಮವು ತಿಂಗಳಿಗೊಮ್ಮೆ ನಡೆಯುತ್ತದೆ.

ಪ್ರಧಾನಿ ಮೋದಿ ಬಗ್ಗೆ ಸಿಂಥಿಯಾ ಚಂಗೌ

“ಕೋಕೋವನ್ನು ಇಟ್ಟುಕೊಂಡು ದೇಶದಲ್ಲಿ ಸಂಸ್ಕರಿಸಿದರೆ, ಜನರಿಗೆ ಉದ್ಯೋಗಗಳನ್ನು ಸೃಷ್ಟಿಸಬಹುದು ಎಂದು ಪ್ರಧಾನಿ ಮೋದಿ ಅವರು ಭಾರತದ ಜನರಿಗೆ ಹೇಳಿದರು. ಅವರ ಮಾತು ನನ್ನನ್ನು ಪ್ರೇರೇಪಿಸಿತು. ಪ್ರತಿಯೊಬ್ಬರೂ ಅಂತಹ ಆಲೋಚನೆಯನ್ನು ಹೊಂದಿರಬೇಕು ಎಂದು ನಾನು ಭಾವಿಸುತ್ತೇನೆ.

ವಿದೇಶಕ್ಕೆ ಪ್ರಯಾಣಿಸಲು ಆರಂಭದಲ್ಲಿ ಇಷ್ಟವಿಲ್ಲದಿದ್ದರೂ, ಸಿಂಥಿಯಾಳ ಭಾರತಕ್ಕೆ ಪ್ರಯಾಣವು ಪರಿವರ್ತನೆಯ ಪಯಣವಾಗಿದೆ. ಅವರು ಭಾರತದ ಪ್ರಧಾನಿ ನರೇಂದ್ರ ಮೋದಿಯವರ ಸಂದೇಶದಿಂದ ಪ್ರೇರಿತರಾಗಿದ್ದಾರೆ ಎಂದು ಹೇಳಿದ್ದು, ಜನರು ದೊಡ್ಡ ಕನಸುಗಳನ್ನು ಕಾಣುವಂತೆ ಮತ್ತು ಆ ಕನಸುಗಳನ್ನು ನನಸಾಗಿಸಲು ಶ್ರಮಿಸುವಂತೆ ಒತ್ತಾಯಿಸಿದರು.

ಇದನ್ನೂ  ಓದಿ: WITT Speaker Gallery Day 2: ವಾಟ್ ಇಂಡಿಯಾ ಥಿಂಕ್ಸ್ ಟುಡೇ’ ಕಾರ್ಯಕ್ರಮದಲ್ಲಿ ಅಶ್ವಿನಿ ವೈಷ್ಣವ್ ಮೆಗಾ ಸಂವಾದ

ಸಿಂಥಿಯಾ ತನ್ನ ಬೋಧನಾ ವೃತ್ತಿಯನ್ನು ಲೇಯಲ್ಲಿರುವ ಬುಬಿಯಾ ಲುಥೆರನ್ ಪ್ರೈಮರಿ ಸ್ಕೂಲ್‌ನಲ್ಲಿ ಮುಂದುವರಿಸುತ್ತಿದ್ದಾರೆ. ಡಿಜಿಟಲ್ ಯುಗದಲ್ಲಿ ಅಭಿವೃದ್ಧಿ ಹೊಂದಲು ಅಗತ್ಯವಿರುವ ಕೌಶಲ್ಯ ಮತ್ತು ಜ್ಞಾನದೊಂದಿಗೆ ಇತರರನ್ನು ಸಬಲೀಕರಣಗೊಳಿಸಲು ಈಕೆ ಶ್ರಮಿಸುತ್ತಿದ್ದಾರೆ. 2012 ರಲ್ಲಿ ಪ್ರಾರಂಭವಾದ ಆಕೆಯ ಸೈಡ್-ಹಸ್ಲ್, ಆನ್‌ಲೈನ್ ಶಾಪಿಂಗ್‌ನ ಸಂಕೀರ್ಣತೆಗಳನ್ನು ನ್ಯಾವಿಗೇಟ್ ಮಾಡಲು ಮತ್ತು ಇ-ಕಾಮರ್ಸ್‌ನ ಶಕ್ತಿಯನ್ನು ಬಳಸಿಕೊಳ್ಳುವಲ್ಲಿ ಇತರರಿಗೆ ಸಹಾಯ ಮಾಡುವ ಅವಳ ಉತ್ಸಾಹಕ್ಕೆ ಸಾಕ್ಷಿಯಾಗಿದೆ.

ಸಿಂಥಿಯಾ ಅವರ ದೃಷ್ಟಿಯಲ್ಲಿ, ಉದ್ಯಮಶೀಲತೆ ಒಂದು ನಿರ್ದಿಷ್ಟ ಕ್ಷೇತ್ರಕ್ಕೆ ಸೀಮಿತವಾಗಿಲ್ಲ. ಆದರೆ ನಾವೀನ್ಯತೆ, ಸಮರ್ಪಣೆ ಮತ್ತು ಇತರರ ಜೀವನಕ್ಕೆ ಮೌಲ್ಯವನ್ನು ಸೇರಿಸುವ ಬದ್ಧತೆಯಿಂದ ನಿರೂಪಿಸಲ್ಪಟ್ಟ ಮನಸ್ಥಿತಿಯಾಗಿದೆ. ಅವರ ಉದಾಹರಣೆ ಮತ್ತು ಪ್ರೋತ್ಸಾಹದ ಮೂಲಕ, ಇತರರು ತಮ್ಮ ಉದ್ಯಮಶೀಲತೆಯ ಮನೋಭಾವವನ್ನು ಸ್ವೀಕರಿಸಲು ಮತ್ತು ಕನಸುಗಳನ್ನು ನನಸಾಗಿಸಲು ಅವರು ಆಶಿಸಿಸುತ್ತಾರೆ.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ