ಭಾಷಾ ಸಂವಹನಕ್ಕೆ G20 ಆ್ಯಪ್; ಟರ್ಕಿಯ ಪ್ರಥಮ ಮಹಿಳೆ ಜತೆ ಕೆಲಸ ಮಾಡಿದ ದೆಹಲಿ ಎಸ್ಐ ಅನುಭವದ ಮಾತು

ದೆಹಲಿ ಸೆಪ್ಟೆಂಬರ್ 23: ಸೆಪ್ಟೆಂಬರ್ 9 ಮತ್ತು 10 ರಂದು ದೆಹಲಿಯಲ್ಲಿ ನಡೆದ ಜಿ20 ಶೃಂಗಸಭೆಯಲ್ಲಿ (G20 Summit) ಭಾಗವಹಿಸಿದ ವಿದೇಶಿ ಗಣ್ಯರೊಂದಿಗೆ ಸುಲಭವಾಗಿ ಸಂವಹನ ಮಾಡಲು, ಸ್ಥಳದ ವಿವರಗಳನ್ನು  ತಿಳಿದುಕೊಳ್ಳಲು ಮತ್ತು ಜಿ20ಗೆ ಸಂಬಂಧಿಸಿದ ವಿಷಯಗಳನ್ನು ಅರಿಯಲು ನೆರವಾಗುವಂತೆ ಜಿ20 ಆ್ಯಪ್​​ನ್ನು (G20 App)  ಬಿಡುಗಡೆ ಮಾಡಲಾಗಿತ್ತು. ಭಾಷಾ ಸಂವಹನಕ್ಕಾಗಿ ಈಆ್ಯಪ್ ನ್ನು ಹೇಗೆ ಬಳಸಿದೆವು ಎಂಬುದರ ಬಗ್ಗೆ ದೆಹಲಿಯ ಸಬ್ ಇನ್ಸ್​​ಪೆಕ್ಟರ್ ಪ್ರಧಾನಿ ನರೇಂದ್ರ ಮೋದಿ (Narendra Modi) ಜತೆ ತಮ್ಮ ಅನುಭವಗಳನ್ನು ಹಂಚಿಕೊಂಡಿದ್ದಾರೆ. ಈ ರೀತಿ ತಮ್ಮ ಅನುಭವ ಹಂಚಿಕೊಂಡ ಪೊಲೀಸ್ ಎಸ್ಐ ಹೆಸರು ಪಿಂಕಿ ರಾಣಿ. ಆಕೆಯ ಮಾತುಗಳಲ್ಲೇ ಅವರ ಅನುಭವಗಳನ್ನು ಕೇಳೋಣ.

ನನ್ನ ಹೆಸರು ಪಿಂಕಿ ರಾಣಿ. ನಾನು ಹರ್ಯಾಣದ ಒಂದು ಪುಟ್ಟ ಹಳ್ಳಿ ಗೋಚಿ ಮೂಲದವಳು. ಈಗ ದೆಹಲಿ ಪೊಲೀಸ್ ಮುಖರ್ಜಿ ನಗರ್ ಠಾಣೆಯಲ್ಲಿ ಸಬ್ ಇನ್ಸ್ ಪೆಕ್ಟರ್ ಆಗಿದ್ದೇನೆ. ಜಿ 20 ಶೃಂಗಸಭೆ ವೇಳೆ ನನ್ನ ಕರ್ತವ್ಯ ಟರ್ಕಿ ದೇಶದ ಪ್ರಥಮ ಮಹಿಳೆ ಎಮಿನಿ ಎಡೋಗನ್ ಅವರ ಜತೆಗೆ ಆಗಿತ್ತು.  ಅವರು ದೆಹಲಿಯಲ್ಲಿ ತಂಗಿದ್ದಾಗ ನಾವು ದೆಹಲಿ ಯಲ್ಲಿನ ಅಂಗಡಿಗೆ ಕರೆದುಕೊಂಡು ಹೋಗಿದ್ದೆ. ಆಗ ಮೇಡಂ ಅವರು ಒಂದು ಬಟ್ಟೆಯನ್ನು ಮುಟ್ಟಿ ಈ ಬಟ್ಟೆ ಯಾವುದು? ಅದನ್ನು ಎಲ್ಲಿ ಎಲ್ಲ ಬಳಸಬಹುದು? ಎಂದ ಕೇಳಿದರು.

ಆಕೆ ಕೇಳಿದ್ದು ಟರ್ಕಿ ಭಾಷೆಯಲ್ಲಿ. ಸರ್, ನನಗೆ ಟರ್ಕಿ ಭಾಷೆ ಬರುವುದಿಲ್ಲ , ಮೇಡಂಗೆ ಹಿಂದಿ ಭಾಷೆ ಬರುವುದಿಲ್ಲ. ಆಗ ನಾನು ಜಿ 20 ಆ್ಯಪ್ ಸಹಾಯ ಪಡೆದೆ. ನಾವು ಅದನ್ನು ಬಳಸಿಕೊಂಡು ಭಾಷೆ ಅನುವಾದ ಮಾಡಿದೆವು. ಆಮೇಲೆ ಅಂಗಡಿಯವನಲ್ಲಿ ಮೇಡಂಗೆ ಏನು ಬೇಕು ಎಂಬುದನ್ನು ಅರ್ಥ ಮಾಡಿಸಿದೆವು.

ಆಕೆಯ ಅನುಭವದ ಮಾತುಗಳನ್ನು ಕೇಳಿ ಖುಷಿಪಟ್ಟ ಮೋದಿ, ನಿಮ್ಮ ಆ್ಯಪ್ ಅನುವಾದದಿಂದ ಅವರು ತೃಪ್ತರಾಗಿದ್ದರೆ? ಆ ಆ್ಯಪ್ ಅನುವಾದದಿಂದ ಅವರಿಗೆ ಅರ್ಥ ವಾಗುತ್ತಿತ್ತೇ? ಎಂದು ಕೇಳಿದ್ದಾರೆ.

ಇದನ್ನೂ ಓದಿ: ಜಿ20ಗೆ ಹೇಗೆ ನಡೆದಿತ್ತು ತಯಾರಿ? ಎಡಬದಿಯ ಸ್ಟೇರಿಂಗ್​​ನಲ್ಲಿ ಚಾಲನೆ ಬಗ್ಗೆ ಮೋದಿ ಜತೆ ಅನುಭವ ಹಂಚಿಕೊಂಡ ಸಿಆರ್​​ಪಿಎಫ್ ಚಾಲಕ

ಅದಕ್ಕೆ ಉತ್ತರಿಸಿದ ಪಿಂಕಿ, ಮೇಡಂ ಏನು ಕೇಳುತ್ತಿದ್ದರೋ ನಾನು ಅದರ ಅನುವಾದ ಆ್ಯಪ್​​ನಿಂದ ಮಾಡುತ್ತಿದ್ದೆ ಎಂದು ಹೇಳಿದ್ದಾರೆ. ನಿಮಗೆ ಇದಕ್ಕಿಂತ ಮೊದಲು ಯಾವುದಾದರೂ ವಿದೇಶಿಗಳೊಂದಿಗೆ ಕೆಲಸ ಮಾಡುವ ಅವಕಾಶ ಸಿಕ್ಕಿತ್ತೇ? ಎಂದು ಪ್ರಧಾನಿ ಮೋದಿ ಕೇಳಿದಾಗ,  ಇಲ್ಲ ಸರ್, ಇದು ನನ್ನ ಮೊದಲ ಅನುಭವ. ನಾನು ಅವರನ್ನು ತುಂಬಾ ಪ್ರಭಾವಿತಗೊಳಿಸಿದೆ ಎಂದು ಹೇಳಿದ್ದಾರೆ.

ಅಭಿನಂದನೆಗಳು ನಿಮಗೆ. ನೀವು ತಂತ್ರಜ್ಞಾನವನ್ನು ಚೆನ್ನಾಗಿ ಬಳಸಿದ್ದೀರಿ. ನಮ್ಮಲ್ಲಿರುವ ತಂತ್ರಜ್ಞಾನ ಸಾಮರ್ಥ್ಯದಿಂದ ನಾವು ಜಗತ್ತಿನ ಮೇಲೆಪ್ರಭಾವ ಬೀರಬಹುದು ಎಂದು ಮೋದಿ ಖುಷಿ ವ್ಯಕ್ತಪಡಿಸಿದ್ದಾರೆ.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ