How To: ಈಗ ವಾಟ್ಸಾಪ್ ಮೂಲಕ ಕೇವಲ 3 ಹಂತಗಳಲ್ಲಿ ಸುಲಭವಾಗಿ ಲಸಿಕೆ ಪ್ರಮಾಣಪತ್ರ ಪಡೆಯಿರಿ! ಇಲ್ಲಿದೆ ವಿವರ

ಕೊರೊನಾ ಲಸಿಕೆ ಪಡೆದವರು ಸುಲಭವಾಗಿ ಲಸಿಕೆ ಪ್ರಮಾಣಪತ್ರ ಪಡೆಯಲು ನೂತನ ಮಾರ್ಗ ಅಥವಾ ಅವಕಾಶ ಒಂದನ್ನು ಕೇಂದ್ರ ಆರೋಗ್ಯ ಸಚಿವಾಲಯ ಮಾಡಿಕೊಟ್ಟಿದೆ. ಆರೋಗ್ಯ ಸಚಿವ ಮನ್​ಸುಖ್ ಮಾಂಡವಿಯಾ ಭಾನುವಾರ (ಆಗಸ್ಟ್ 8) ವಾಟ್ಸಾಪ್ ಮೂಲಕವೇ ಲಸಿಕೆ ಪ್ರಮಾಣಪತ್ರ ಪಡೆಯುವ ಸೌಲಭ್ಯದ ಬಗ್ಗೆ ಮಾಹಿತಿ ನೀಡಿದ್ದಾರೆ. ಆ ಮೂಲಕ, ಕೆಲವೇ ಸೆಕೆಂಡ್​ಗಳಲ್ಲಿ ಲಸಿಕೆ ಪಡೆದ ನಾಗರಿಕರು ತಮ್ಮ ಲಸಿಕೆ ಪ್ರಮಾಣಪತ್ರವನ್ನು ಪಡೆಯಬಹುದಾಗಿದೆ.

ಲಸಿಕೆ ಪ್ರಮಾಣಪತ್ರ ಪಡೆಯಲು ಇಚ್ಛಿಸುವ ಯಾರೇ ಆದರೂ ಕೇವಲ ವಾಟ್ಸಾಪ್ ಮೆಸೇಜ್ ಹಾಗೂ ಒಂದು ಒಟಿಪಿ ನಮೂದಿಸುವ ಮೂಲಕ ಈ ಕೆಲಸವನ್ನು ಮಾಡಬಹುದು ಎಂದು ಆರೋಗ್ಯ ಇಲಾಖೆ ಕಚೇರಿ ತಿಳಿಸಿದೆ. ಸಾಮಾನ್ಯ ನಾಗರಿಕನ ಜೀವನವನ್ನು ತಂತ್ರಜ್ಞಾನದ ಮೂಲಕ ಮತ್ತೊಂದು ಹಂತಕ್ಕೆ ಕೊಂಡೊಯ್ಯುವ ಪ್ರಯತ್ನ ಇದು. MyGov Corona Helpdesk ಮೂಲಕ 3 ಹಜ್ಜೆಗಳಲ್ಲಿ ಲಸಿಕೆ ಪ್ರಮಾಣಪತ್ರ ಪಡೆಯಬಹುದಾಗಿದೆ ಎಂದು ಆರೋಗ್ಯ ಇಲಾಖೆ ಟ್ವೀಟ್ ಮಾಡಿದೆ.

ವಾಟ್ಸಾಪ್ ಮೂಲಕ ಸುಲಭವಾಗಿ ಲಸಿಕೆ ಪ್ರಮಾಣ ಪಡೆಯುವುದು ಹೇಗೆ?

• ಮೊದಲಿಗೆ MyGov Corona Helpdesk ಸಂಪರ್ಕ ಸಂಖ್ಯೆಯನ್ನು ಸೇವ್ ಮಾಡಿಕೊಳ್ಳಿ. ಆ ನಂಬರ್: +91 9013151515
• Covid Certificate ಎಂದು ಟೈಪ್ ಮಾಡಿ, ಮೇಲೆ ಸೂಚಿಸಿರುವ ನಂಬರ್​ಗೆ ವಾಟ್ಸಾಪ್ ಮೂಲಕ ಮೆಸೇಜ್ ಮಾಡಿ.
• ಆಗ ನಿಮ್ಮ ಮೊಬೈಲ್​ಗೆ ಒಂದು ಒಟಿಪಿ ಮೆಸೇಜ್ ಬರುತ್ತದೆ. ಅದನ್ನು ವಾಟ್ಸಾಪ್ ಚಾಟ್​ನಲ್ಲಿ ಟೈಪ್ ಮಾಡಿ, ಸೆಂಡ್ ಮಾಡಿ.
• ಈ ಮೂರು ಹಂತಗಳನ್ನು ಪೂರೈಸಿದರೆ ನಿಮಗೆ ಲಸಿಕೆ ಪ್ರಮಾಣಪತ್ರ ಲಭಿಸುತ್ತದೆ. ಆದರೆ, ಒಂದು ಅಂಶವನ್ನು ನೀವು ನೆನಪಿಡಬೇಕು. ಅದೇನೆಂದರೆ, ನೀವು ಲಸಿಕೆ ಪಡೆಯುವಾಗ ಯಾವ ಮೊಬೈಲ್ ನಂಬರ್ ನೋಂದಣಿ ಮಾಡಿದ್ದೀರೋ ಅದೇ ನಂಬರ್​ನಿಂದ ಇಲ್ಲಿ ಮೆಸೇಜ್ ಮಾಡಬೇಕು.
• ನೀವು ಲಸಿಕೆ ಪಡೆಯುವಾಗ ರಿಜಿಸ್ಟರ್ ಮಾಡಿರುವ ಮೊಬೈಲ್ ಸಂಖ್ಯೆಯಿಂದಲೇ ಈ ವಾಟ್ಸಾಪ್ ಮೆಸೇಜ್ ಮಾಡಿದರೆ, ನಿಮಗೆ ನಿಮಿಷಗಳಲ್ಲಿ ಲಸಿಕೆ ಪ್ರಮಾಣಪತ್ರ ಸಿಗುತ್ತದೆ.

ಇದನ್ನೂ ಓದಿ: ಭಾರತಕ್ಕೆ ಮತ್ತೊಂದು ಕೊವಿಡ್ ಲಸಿಕೆ ಲಭ್ಯ; ಜಾನ್ಸನ್ ಆ್ಯಂಡ್ ಜಾನ್ಸನ್ ಸಿಂಗಲ್ ಡೋಸ್ ಲಸಿಕೆ ಬಳಕೆಗೆ ಅನುಮತಿ

ಮೂರನೇ ಅಲೆ ಭೀತಿ: ಕೋವಿಡ್ ಲಸಿಕೆ ಅಭಾವ ನೀಗಿಸಲು ಕೇಂದ್ರ ಸರ್ಕಾರದ ಭಗೀರಥ ಪ್ರಯತ್ನ

(How to download Coronavirus Covid19 Vaccination Certificate through Whatsapp Explained)

Published On - 5:59 pm, Sun, 8 August 21