ಮ್ಯಾನ್ಮಾರ್ ಗಡಿಗೆ ಭಾರತ ಬೇಲಿ, ಮುಕ್ತ ಸಂಚಾರಕ್ಕೆ ನಿರ್ಬಂಧ: ಅಮಿತ್ ಶಾ

ದೆಹಲಿ ಜನವರಿ 20: ಭಾರತವು ಮ್ಯಾನ್ಮಾರ್‌ನೊಂದಿಗಿನ ಗಡಿಗೆ (Myanmar border) ಬೇಲಿ ಹಾಕಲಿದೆ ಎಂದು ಕೇಂದ್ರ ಗೃಹ ಸಚಿವ ಅಮಿತ್ ಶಾ(Amit Shah) ಅವರು ಶನಿವಾರ ಘೋಷಿಸಿದ್ದಾರೆ.ಬಾಂಗ್ಲಾದೇಶದ ಗಡಿಯಲ್ಲಿರುವಂತೆಯೇ ಭದ್ರತಾ ಕ್ರಮಗಳೊಂದಿಗೆ ಭಾರತವು ಪರಿಗಣಿಸುತ್ತಿದ್ದು ದೇಶದಲ್ಲಿ ಮುಕ್ತ ಸಂಚಾರವನ್ನು (restrict free movement )ನಿರ್ಬಂಧಿಸುತ್ತದೆ. ಅಸ್ಸಾಂನ ಗುವಾಹಟಿಯಲ್ಲಿ ರಾಜ್ಯ ಪೊಲೀಸ್ ಕಮಾಂಡೋಗಳ ಪಾಸಿಂಗ್ ಔಟ್ ಪರೇಡ್‌ನಲ್ಲಿ ಭಾಷಣ ಮಾಡುವಾಗ ಶಾ ಈ ಘೋಷಣೆ ಮಾಡಿದ್ದಾರೆ. ಈ ಹೇಳಿಕೆಯು ಮ್ಯಾನ್ಮಾರ್‌ನಲ್ಲಿ ಜುಂಟಾವನ್ನು ವಿರೋಧಿಸುವ ಶಸ್ತ್ರಸಜ್ಜಿತ ದಂಗೆಕೋರರಿಂದ ತಪ್ಪಿಸಿಕೊಳ್ಳಲು ನೂರಾರು ಮ್ಯಾನ್ಮಾರ್ ಸೈನಿಕರು ಭಾರತಕ್ಕೆ ದಾಟುತ್ತಿರುವ ವರದಿಗಳ ಹಿನ್ನಲೆಯಲ್ಲಿ ಬಂದಿದೆ.

“ಭಾರತ ಮತ್ತು ಮ್ಯಾನ್ಮಾರ್ ನಡುವಿನ ಗಡಿಯು ಮುಕ್ತವಾಗಿದೆ. ಭಾರತ-ಮ್ಯಾನ್ಮಾರ್ ಗಡಿಯನ್ನು ರಕ್ಷಿಸಲು ನರೇಂದ್ರ ಮೋದಿ ನೇತೃತ್ವದ ಸರ್ಕಾರ ಸಂಕಲ್ಪ ಮಾಡಿದೆ. ಬಾಂಗ್ಲಾದೇಶದೊಂದಿಗೆ ಹಂಚಿಕೊಂಡಿರುವ ಗಡಿಯಂತೆ ಮ್ಯಾನ್ಮಾರ್‌ನೊಂದಿಗಿನ ಸಂಪೂರ್ಣ ಗಡಿ ಪ್ರದೇಶದ ಉದ್ದಕ್ಕೂ ಬೇಲಿಯನ್ನು ನಿರ್ಮಿಸುವುದರ ಮೇಲೆ ನಮ್ಮ ಗಮನವಿದೆ. ಭಾರತ ಸರ್ಕಾರವು ಮ್ಯಾನ್ಮಾರ್‌ನೊಂದಿಗೆ ಮುಕ್ತ ಚಲನೆಯ ಆಡಳಿತ ಒಪ್ಪಂದದ ಬಗ್ಗೆ ಚರ್ಚೆಯಲ್ಲಿದೆ .ಉಭಯ ದೇಶಗಳ ನಡುವಿನ ಮುಕ್ತ ಚಲನೆಯನ್ನು ನಿಲ್ಲಿಸಲಾಗುವುದು ಎಂದು ಅಮಿತ್ ಶಾ ಹೇಳಿದ್ದಾರೆ

ಜುಂಟಾ ವಿರುದ್ಧದ ದಂಗೆಕೋರರಿಂದ ತಪ್ಪಿಸಿಕೊಳ್ಳಲು ಸುಮಾರು 300 ಮ್ಯಾನ್ಮಾರ್ ಸೈನಿಕರು ಭಾರತವನ್ನು ದಾಟಿದ್ದಾರೆ ಎಂದು ಭಾರತೀಯ ಅರೆಸೈನಿಕ ಅಧಿಕಾರಿಯೊಬ್ಬರು AFP ಗೆ ಮಾಹಿತಿ ನೀಡಿದ ನಂತರ ಅಮಿತ್ ಶಾ ಅವರ ಹೇಳಿಕೆ ಬಂದಿದೆ. ಸೈನಿಕರಿಗೆ ಬೊಂಡುಕ್‌ಬಂಗ್‌ಸೋರಾ ಗ್ರಾಮದಲ್ಲಿ ಆಶ್ರಯ ನೀಡಲಾಯಿತು ಮತ್ತು ಅವರು ಅಗತ್ಯ ಬೆಂಬಲವನ್ನು ನೀಡುತ್ತಿದ್ದಾರೆ ಬಯೋಮೆಟ್ರಿಕ್ ಡೇಟಾವನ್ನು ಸಂಗ್ರಹಿಸುತ್ತಿದ್ದಾರೆ .ಅವರನ್ನು ಮ್ಯಾನ್ಮಾರ್‌ಗೆ ಹಿಂದಿರುಗಿಸಲು ರಕ್ಷಣಾ ಸಚಿವಾಲಯದಿಂದ ಅನುಮೋದನೆ ಪಡೆಯುತ್ತಿದ್ದಾರೆ ಎಂದು ಅಧಿಕಾರಿ ತಿಳಿಸಿದ್ದಾರೆ.

ನವೆಂಬರ್ 13 ರಿಂದ ಭಾರತದಲ್ಲಿ ಆಶ್ರಯ ಪಡೆಯುವ ಒಟ್ಟು ಮ್ಯಾನ್ಮಾರ್ ಸೈನಿಕರ ಸಂಖ್ಯೆಯನ್ನು 636ಕ್ಕೇರಿದೆ, ಅರಾಕನ್ ಆರ್ಮಿ (AA) ನವೆಂಬರ್‌ನಲ್ಲಿ ಭದ್ರತಾ ಪಡೆಗಳ ಮೇಲೆ ದಾಳಿ ಮಾಡಿದ ನಂತರ ಭಾರತೀಯ ಗಡಿಯ ಸಮೀಪ ಮ್ಯಾನ್ಮಾರ್‌ನಲ್ಲಿ ಘರ್ಷಣೆಗಳು ತೀವ್ರಗೊಂಡವು, 2021 ರ ಮಿಲಿಟರಿ ನಂತರ ಸ್ಥಾಪಿಸಲಾದ ಕದನ ವಿರಾಮವನ್ನು ಇದು ಕೊನೆಗೊಳಿಸಿತು. ನವೆಂಬರ್‌ನಲ್ಲಿ ಕದನ ವಿರಾಮ ಕೊನೆಗೊಂಡಾಗಿನಿಂದ ನಡೆಯುತ್ತಿರುವ ಸಂಘರ್ಷಕ್ಕೆ ಮ್ಯಾನ್ಮಾರ್ ಸೈನಿಕರ ಒಳನುಸುಳುವಿಕೆ ಕಾರಣವಾಗಿದೆ.

ಇದನ್ನೂ ಓದಿ: ಅಮಿತ್ ಶಾ, ಜೆಪಿ ನಡ್ಡಾ ಭೇಟಿಯಾದ ಕುಮಾರಸ್ವಾಮಿ: ಲೋಕಸಭೆ ಸೀಟು ಹಂಚಿಕೆ ಯಾವಾಗ ಫೈನಲ್?

ಎರಡು ಮ್ಯಾನ್ಮಾರ್ ಮಿಲಿಟರಿ ವಿಮಾನಗಳು ಮಿಜೋರಾಂ ರಾಜ್ಯದ ರಾಜಧಾನಿ ಐಜ್ವಾಲ್‌ಗೆ ಆಗಮಿಸಿದ್ದು, ಸಂಘರ್ಷದಿಂದ ಹಿಂದೆ ಸರಿದ ಸೈನಿಕರನ್ನು ಸಂಗ್ರಹಿಸಲು ಮತ್ತು ಸ್ವದೇಶಕ್ಕೆ ಕರೆತರಲು ಬಂದಿವೆ ಎಂದು ವರದಿಯಾಗಿದೆ. ಫೆಬ್ರವರಿ 2021 ರಲ್ಲಿ ಮಿಲಿಟರಿ ದಂಗೆಯಿಂದ ಮ್ಯಾನ್ಮಾರ್ ಬಿಕ್ಕಟ್ಟಿನಲ್ಲಿದೆ. ಮಿಲಿಟರಿ ಆಡಳಿತವು ನವೆಂಬರ್ 2023 ರಲ್ಲಿ ದಂಗೆ-ವಿರೋಧಿ ಪಡೆಗಳಿಂದ ಭಾರೀ ಆಕ್ರಮಣಗಳನ್ನು ಒಪ್ಪಿಕೊಂಡಿತು, ಇದು ಗಡಿ ಪ್ರದೇಶಗಳು ಮತ್ತು ಮಿಲಿಟರಿ ಹೊರಠಾಣೆಗಳಲ್ಲಿನ ಹಲವಾರು ಪಟ್ಟಣಗಳನ್ನು ಸ್ವಾಧೀನಪಡಿಸಿಕೊಳ್ಳಲು ಕಾರಣವಾಯಿತು.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ