Kerala Lockdown: ಕೇರಳದಲ್ಲಿ ಮೇ 23ರ ವರೆಗೆ ಲಾಕ್ಡೌನ್ ಮುಂದುವರಿಕೆ, ನಾಲ್ಕು ಜಿಲ್ಲೆಗಳಲ್ಲಿ ಟ್ರಿಪಲ್ ಲಾಕ್ಡೌನ್
Kerala Extended Lockdown: ಶುಕ್ರವಾರ ಸಂಜೆ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಕೇರಳದ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಕೇರಳದಲ್ಲಿ ಲಾಕ್ಡೌನ್ ಮುಂದುವರಿಸುವುದಾಗಿ ಹೇಳಿದ್ದಾರೆ. ಈ ಹಿಂದೆ ಇದ್ದ ಲಾಕ್ ಡೌನ್ ಮೇ16ಕ್ಕೆ ಮುಗಿಯಲಿದ್ದು, ಕೊವಿಡ್ ನಿಯಂತ್ರಣಕ್ಕಾಗಿ ಮೇ23ರವರೆಗೆ ಲಾಕ್ ಡೌನ್ ಮುಂದುವರಿಯಲಿದೆ
Updated on:May 14, 2021 | 6:54 PM
ತಿರುವನಂತಪುರಂ: ಕೇರಳದಲ್ಲಿ ಲಾಕ್ಡೌನ್ ಇನ್ನೊಂದು ವಾರ ಮುಂದುವರಿಸುವುದಾಗಿ ಸರ್ಕಾರ ಹೇಳಿದೆ. ಶುಕ್ರವಾರ ಸಂಜೆ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಕೇರಳದ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಕೇರಳದಲ್ಲಿ ಲಾಕ್ಡೌನ್ ಮುಂದುವರಿಸುವುದಾಗಿ ಹೇಳಿದ್ದಾರೆ. ಈ ಹಿಂದೆ ಇದ್ದ ಲಾಕ್ ಡೌನ್ ಮೇ16ಕ್ಕೆ ಮುಗಿಯಲಿದ್ದು, ಕೊವಿಡ್ ನಿಯಂತ್ರಣಕ್ಕಾಗಿ ಮೇ23ರವರೆಗೆ ಲಾಕ್ ಡೌನ್ ಮುಂದುವರಿಯಲಿದೆ. ಈಗಿರುವ ನಿಯಮ, ನಿರ್ಬಂಧ ಕ್ರಮಗಳು ಇದೇ ರೀತಿ ಮುಂದುವರಿಯಲಿದೆ. ಲಾಕ್ಡೌನ್ ಮುಂದುವರಿಸಬೇಕು ಎಂದು ಆರೋಗ್ಯ ವಿಭಾಗ ಮತ್ತು ಕೊವಿಡ್ ತಜ್ಞರ ಸಮಿತಿ ಸಲಹೆ ಮೇರೆಗೆ ಈ ನಿರ್ಧಾರ ಕೈಗೊಳ್ಳಲಾಗಿದೆ.
ರೆವೆನ್ಯೂ, ವಿಪತ್ತು ನಿರ್ವಹಣಾ ಪ್ರಾಧಿಕಾರ,ಪೊಲೀಸ್ ಮೊದಲಾದ ಇಲಾಖೆಗಳು ಲಾಕ್ ಡೌನ್ ಮುಂದುವರಿಸಬೇಕು ಎಂದು ಒತ್ತಾಯಿಸಿದ್ದವು.
ಸೋಂಕು ಪ್ರಕರಣಗಳ ಸಂಖ್ಯೆ ಕಡಿಮೆ ಆಗದೇ ಇರುವ ತಿರುವನಂತಪುರಂ,ಎರ್ನಾಕುಳಂ, ತ್ರಿಶ್ಶೂರ್, ಮಲಪ್ಪುರಂ ಜಿಲ್ಲೆಗಳಲ್ಲಿ ಮೇ 16ರ ನಂತರ ಟ್ರಿಪಲ್ ಲಾಕ್ಡೌನ್ ಇರಲಿದೆ. ಕೊವಿಡ್ ಎರಡನೇ ಅಲೆಯ ಸವಾಲು ಎದುರಿಸಲು ವಿಶೇಷ ಕ್ರಮಗಳನ್ನು ಕೈಗೊಳ್ಳಲಾಗುವುದು.ಆಹಾರದ ಕಿಟ್ ಮುಂದಿನ ತಿಂಗಳೂ ಮುಂದುವರಿಯಲಿದೆ. ಪಿಂಚಣಿ ವಿತರಣೆ ಶೀಘ್ರದಲ್ಲೇ ಪೂರ್ಣಗೊಳಿಸುತ್ತೇವೆ ಎಂದು ಮುಖ್ಯಮಂತ್ರಿ ಹೇಳಿದ್ದಾರೆ.
ಕೇರಳದಲ್ಲಿ 34,694 ಜನರಿಗೆ ಕೊವಿಡ್ ದೃಢ ಕೇರಳದಲ್ಲಿ ಶುಕ್ರವಾರ 34,694 ಜನರಿಗೆ ಕೊವಿಡ್ -19 ದೃಢಪಟ್ಟಿದೆ. ತಿರುವನಂತಪುರಂ- 4567, ಮಲಪ್ಪುರಂ -3997, ಎರ್ನಾಕುಲಂ -3855, ತ್ರಿಶೂರ್- 3162, ಕೊಲ್ಲಂ- 2992, ಪಾಲಕ್ಕಾಡ್ -2948, ಕೋಯಿಕ್ಕೋಡ್- 2760, ಕಣ್ಣೂರು- 2159, ಆಲಪ್ಪುಳ- 2149, ಕೊಟ್ಟಾಯಂ – 2043, ಇಡುಕ್ಕಿ -1284, ಪತ್ತನಂತಿಟ್ಟ-1204, ಕಾಸರಗೋಡು 1092 ಮತ್ತು ವಯನಾಡ್- 482 ಹೊಸ ಪ್ರಕರಣಗಳು ಪತ್ತೆಯಾಗಿದೆ
ಕಳೆದ 24 ಗಂಟೆಗಳಲ್ಲಿ 1,31,375 ಮಾದರಿಗಳನ್ನು ಪರೀಕ್ಷಿಸಲಾಯಿತು. ಪರೀಕ್ಷಾ ಪಾಸಿಟಿವಿಟಿ ದರವು 26.41 ಆಗಿದೆ. 93 ಸಾವುಗಳು ವರದಿಯಾಗಿದ್ದು ಒಟ್ಟು ಸಾವಿನ ಸಂಖ್ಯೆಯನ್ನು 6243 ಕ್ಕೇರಿದೆ. ಇಂದು,ರೋಗ ಪತ್ತೆಯಾದವರಲ್ಲಿ 258 ಜನರು ರಾಜ್ಯದ ಹೊರಗಿನವರು. ಸಂಪರ್ಕದ ಮೂಲಕ ಒಟ್ಟು 32,248 ಜನರಿಗೆ ಸೋಂಕು ತಗುಲಿದೆ. 2076 ಪ್ರಕರಣಗಳಲ್ಲಿ ಸಂಪರ್ಕ ಮೂಲ ಸ್ಪಷ್ಟವಾಗಿಲ್ಲ.
ತಿರುವನಂತಪುರಂ- 4346, ಮಲಪ್ಪುರಂ -3775, ಎರ್ನಾಕುಳಂ- 3739, ತ್ರಿಶ್ಶೂರ್- 3148, ಕೊಲ್ಲಂ -2978, ಪಾಲಕ್ಕಾಡ್- 1578, ಕೋಯಿಕ್ಕೋಡ್- 2693, ಕಣ್ಣೂರು- 2014, ಆಲಪ್ಪುಳ- 2145, ಕೊಟ್ಟಾಯಂ- 1901, ಇಡುಕ್ಕಿ- 1245, ಪತ್ತನಂತಿಟ್ಟ- 1163, ಕಾಸರಗೋಡು-1060 ವಯನಾಡ್ – 463 ಮಂದಿಗೆ ಸಂಪರ್ಕದಿಂದ ಕೊವಿಡ್ ತಗುಲಿದೆ .
ರಾಜ್ಯದ ವಿವಿಧ ಜಿಲ್ಲೆಗಳಲ್ಲಿ ಪ್ರಸ್ತುತ 10,14,454 ಜನರು ಕಣ್ಗಾವಲಿನಲ್ಲಿದ್ದಾರೆ. ಈ ಪೈಕಿ 9,77,257 ಮನೆ / ಸಾಂಸ್ಥಿಕ ಸಂಪರ್ಕತಡೆಯನ್ನು ಮತ್ತು 37,197 ಆಸ್ಪತ್ರೆಗಳಲ್ಲಿವೆ. 4018 ಜನರನ್ನು ಹೊಸದಾಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಇಂದು 9 ಹೊಸ ಹಾಟ್‌ಸ್ಪಾಟ್‌ಗಳಿವೆ. ಯಾವುದೇ ಪ್ರದೇಶವನ್ನು ಹಾಟ್‌ಸ್ಪಾಟ್‌ನಿಂದ ಹೊರಗಿಡಲಾಗಿಲ್ಲ. ಪ್ರಸ್ತುತ ಒಟ್ಟು 844 ಹಾಟ್‌ಸ್ಪಾಟ್‌ಗಳಿವೆ.
ಇದನ್ನೂ ಓದಿ: ಕೇರಳಕ್ಕೆ ಕೊವಿಡ್ ಲಸಿಕೆ ಯಾವಾಗ ಕೊಡುತ್ತೀರಿ: ಕೇಂದ್ರ ಸರ್ಕಾರಕ್ಕೆ ಕೇರಳ ಹೈಕೋರ್ಟ್ ಪ್ರಶ್ನೆ
Published On - 6:25 pm, Fri, 14 May 21
