ಕಾರು ಇಲ್ಲ; ₹ 700 ಕೋಟಿ ಮೌಲ್ಯದ ಆಸ್ತಿ ಘೋಷಿಸಿದ ಕಮಲ್ ನಾಥ್ ಪುತ್ರ ನಕುಲ್ ನಾಥ್
ಎಡಿಆರ್ ಪ್ರಕಾರ, ಛಿಂದ್ವಾರದಿಂದ ಯಶಸ್ವಿಯಾಗಿ ಸ್ಪರ್ಧಿಸಿದ್ದ ಕಮಲ್ ನಾಥ್ ಅವರು ಕಳೆದ ವರ್ಷದ ವಿಧಾನಸಭಾ ಚುನಾವಣೆಗೆ ಮುನ್ನ ತಮ್ಮ ಚುನಾವಣಾ ಅಫಿಡವಿಟ್‌ನಲ್ಲಿ ₹ 134 ಕೋಟಿ ಮೌಲ್ಯದ ಆಸ್ತಿಯನ್ನು ಘೋಷಿಸಿದ್ದರು. ನಕುಲ್ ನಾಥ್ ಅವರು ಆಗಾಗ್ಗೆ ವಿಮಾನ ಬಳಸುತ್ತಾರೆ. ಆದರೆ ಅವರ ಅಫಿಡವಿಟ್ ಪ್ರಕಾರ ಕಾರು ಇಲ್ಲ.
Updated on:Mar 28, 2024 | 8:29 PM
ಭೋಪಾಲ್ ಮಾರ್ಚ್ 28 : ಮಧ್ಯಪ್ರದೇಶದ (Madhya Pradesh) ಏಕೈಕ ಕಾಂಗ್ರೆಸ್ (Congress) ಸಂಸದ ನಕುಲ್ ನಾಥ್ ಅವರು ತಮ್ಮ ಪಕ್ಷದಿಂದ ಛಿಂದ್ವಾರಾದಿಂದ (Chhindwara) ಕಣಕ್ಕಿಳಿದಿದ್ದು, ತಮ್ಮ ಚುನಾವಣಾ ಅಫಿಡವಿಟ್ ಪ್ರಕಾರ ಸುಮಾರು ₹ 700 ಕೋಟಿ ಮೌಲ್ಯದ ಆಸ್ತಿಯನ್ನು ಘೋಷಿಸಿದ್ದಾರೆ. ಏಪ್ರಿಲ್ 19 ರಂದು ಕೇಂದ್ರ ರಾಜ್ಯದಲ್ಲಿ ನಡೆಯಲಿರುವ ಮೊದಲ ಹಂತದ ಲೋಕಸಭೆ ಚುನಾವಣೆಗೆ ನಾಮಪತ್ರ ಸಲ್ಲಿಸಿದ 113 ಅಭ್ಯರ್ಥಿಗಳಲ್ಲಿ ನಕುಲ್ ನಾಥ್ ಕೂಡ ಸೇರಿದ್ದಾರೆ. ಈ ಹಂತದ ನಾಮಪತ್ರ ಸಲ್ಲಿಕೆ ಬುಧವಾರ ಮುಕ್ತಾಯವಾಯಿತು. ಅವರ ಅಫಿಡವಿಟ್ ಪ್ರಕಾರ, ಕಳೆದ ಐದು ವರ್ಷಗಳಲ್ಲಿ ನಕುಲ್ ನಾಥ್ ಅವರ ಸಂಪತ್ತು ₹ 40 ಕೋಟಿಗಳಷ್ಟು ಹೆಚ್ಚಾಗಿದೆ.
ನಕುಲ್ ನಾಥ್ ಅವರು ಚುನಾವಣಾ ಆಯೋಗಕ್ಕೆ ಸಲ್ಲಿಸಿದ ಇತ್ತೀಚಿನ ಸಲ್ಲಿಕೆಯಲ್ಲಿ ₹ 649.51 ಕೋಟಿ ಮೌಲ್ಯದ ನಗದು, ಷೇರುಗಳು ಮತ್ತು ಬಾಂಡ್‌ಗಳು ಮತ್ತು ₹ 48.07 ಕೋಟಿ ಸ್ಥಿರಾಸ್ತಿ ಸೇರಿದಂತೆ ಚರ ಆಸ್ತಿಯನ್ನು ಘೋಷಿಸಿದ್ದಾರೆ.
ಅಸೋಸಿಯೇಶನ್ ಆಫ್ ಡೆಮಾಕ್ರಟಿಕ್ ರಿಫಾರ್ಮ್ಸ್ (ಎಡಿಆರ್) ಪ್ರಕಾರ 2019 ರಲ್ಲಿ 475 ಲೋಕಸಭಾ ಕೋಟ್ಯಾಧಿಪತಿ ಸದಸ್ಯರ ಪಟ್ಟಿಯಲ್ಲಿ ಮಾಜಿ ಮುಖ್ಯಮಂತ್ರಿ ಮತ್ತು ಪ್ರಭಾವಿ ಕಾಂಗ್ರೆಸ್ ನಾಯಕ ಕಮಲ್ ನಾಥ್ ಅವರ ಪುತ್ರ ಚಿಂದ್ವಾರದ ಹಾಲಿ ಸಂಸದರು ಅಗ್ರಸ್ಥಾನದಲ್ಲಿದ್ದರು. ಎಡಿಆರ್ ಪ್ರಕಾರ, ವಾಣಿಜ್ಯೋದ್ಯಮಿ, ರಾಜಕಾರಣಿ 2019 ರಲ್ಲಿ ಛಿಂದ್ವಾರಾದಿಂದ ಸ್ಪರ್ಧಿಸಿದಾಗ ₹ 660 ಕೋಟಿ ಮೌಲ್ಯದ ಆಸ್ತಿಯನ್ನು ಘೋಷಿಸಿದ್ದು, ರಾಜ್ಯದಲ್ಲಿ ಕಾಂಗ್ರೆಸ್ ಟಿಕೆಟ್ ನಲ್ಲಿ ಗೆದ್ದ ಏಕೈಕ ಅಭ್ಯರ್ಥಿಯಾಗಿದ್ದರು. ಆ ವರ್ಷ ಮಧ್ಯಪ್ರದೇಶದ 29 ಸ್ಥಾನಗಳಲ್ಲಿ ಬಿಜೆಪಿ 28 ಸ್ಥಾನಗಳನ್ನು ಗೆದ್ದಿತ್ತು.
ಎಡಿಆರ್ ಪ್ರಕಾರ, ಛಿಂದ್ವಾರದಿಂದ ಯಶಸ್ವಿಯಾಗಿ ಸ್ಪರ್ಧಿಸಿದ್ದ ಕಮಲ್ ನಾಥ್ ಅವರು ಕಳೆದ ವರ್ಷದ ವಿಧಾನಸಭಾ ಚುನಾವಣೆಗೆ ಮುನ್ನ ತಮ್ಮ ಚುನಾವಣಾ ಅಫಿಡವಿಟ್‌ನಲ್ಲಿ ₹ 134 ಕೋಟಿ ಮೌಲ್ಯದ ಆಸ್ತಿಯನ್ನು ಘೋಷಿಸಿದ್ದರು. ನಕುಲ್ ನಾಥ್ ಅವರು ಆಗಾಗ್ಗೆ ಹೆಲಿಕಾಪ್ಟರ್ ಬಳಸುತ್ತಾರೆ. ಆದರೆ ಅವರ ಅಫಿಡವಿಟ್ ಪ್ರಕಾರ ಕಾರು ಹೊಂದಿಲ್ಲ.
ನಕುಲ್ ನಾಥ್ ವಿರುದ್ಧ ತನ್ನ ಅಭ್ಯರ್ಥಿ ವಿವೇಕ್ ಸಾಹು ಅವರನ್ನು ಕಣಕ್ಕಿಳಿಸಿದ ನಂತರ ಶ್ರೀಮಂತ vsಸಾಮಾನ್ಯನ ನಿರೂಪಣೆಯೊಂದಿಗೆ ಬಿಜೆಪಿ ಕಮಲನಾಥ್ ಅವರ ಆಡಂಬರ ಬದುಕನ್ನು ಟೀಕಿಸುತ್ತಿದೆ.
ಇದನ್ನೂ ಓದಿ: ಒಡಿಶಾದಲ್ಲಿ 6 ಬಾರಿ ಸಂಸದರಾಗಿದ್ದ ಭರ್ತೃಹರಿ ಮಹತಾಬ್ ಬಿಜೆಡಿ ತೊರೆದು ಬಿಜೆಪಿಗೆ ಸೇರ್ಪಡೆ
1952 ರಿಂದ ಛಿಂದ್ವಾರಾ ಲೋಕಸಭಾ ಕ್ಷೇತ್ರದಿಂದ ಗೆಲುವಿನ ನಾಗಾಲೋಟದಲ್ಲಿದ್ದ ಕಾಂಗ್ರೆಸ್, ಕೇವಲ ಒಂದು ಬಾರಿ ಬಿಜೆಪಿ ಎದುರು ಸೋತಿದೆ. ಕಮಲ್ ನಾಥ್ ಅವರು ಒಂಬತ್ತು ಬಾರಿ ಈ ಸ್ಥಾನವನ್ನು ಗೆದ್ದು ದಾಖಲೆ ಬರೆದಿದ್ದರು.ಇತ್ತೀಚೆಗೆ ಸಿದ್ದಿಯಲ್ಲಿ ನಡೆದ ಚುನಾವಣಾ ರ‍್ಯಾಲಿಯಲ್ಲಿ ಮುಖ್ಯಮಂತ್ರಿ ಮೋಹನ್ ಯಾದವ್ ಅವರು, “ಕಾಂಗ್ರೆಸ್‌ನ ದೊಡ್ಡ ನಾಯಕ. ಬಹಳ ದೊಡ್ಡ ನಾಯಕ ತನ್ನ ಮನೆಯಲ್ಲಿ ಒಂದಲ್ಲ ಎರಡಲ್ಲ ಹೆಲಿಕಾಪ್ಟರ್‌ಗಳನ್ನು ಇಟ್ಟುಕೊಂಡಿರುತ್ತಾರೆ. ಅವರು ಹಿಂತಿರುಗಿದಾಗ ಚಾಪರ್ ಅನ್ನು ತನ್ನ ಮನೆಯೊಳಗೆ ಇಳಿಸುತ್ತಾರೆ. ಅವರು ಮಧ್ಯಪ್ರದೇಶದ ಮುಖ್ಯಮಂತ್ರಿಯಾಗಿದ್ದರು ಎಂದಿದ್ದಾರೆ.
ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 8:28 pm, Thu, 28 March 24
