7 ವರ್ಷದ ಮಗುವನ್ನು ಕಚ್ಚಿ ದಾಳಿ ಮಾಡಿದ ಬೀದಿ ನಾಯಿಗಳು; ಗ್ವಾಲಿಯರ್ನಲ್ಲಿ ಶಾಕಿಂಗ್ ಘಟನೆ
ಮಧ್ಯಪ್ರದೇಶದ ಗ್ವಾಲಿಯರ್ನಲ್ಲಿ ಬೀದಿ ನಾಯಿಗಳ ಗುಂಪೊಂದು 7 ವರ್ಷದ ಮಗುವನ್ನು ಕಚ್ಚಿ ಗಾಯಗೊಳಿಸಿವೆ. ಬೀದಿ ನಾಯಿಗಳು ದಾಳಿ ನಡೆಸಿದಾಗ ಆ ಬಾಲಕ ತಪ್ಪಿಸಿಕೊಳ್ಳಲು ಪ್ರಯತ್ನಿಸಿದ. ಆದರೆ, ಬೀದಿನಾಯಿಗಳು ಅವನ ಮೇಲೆ ಎರಗಿ, ಅವನ ದೇಹದಾದ್ಯಂತ 18 ಬಾರಿ ಕಚ್ಚಿದವು. ಆಶ್ರಮದ ಸಿಬ್ಬಂದಿ ಮಧ್ಯಪ್ರವೇಶಿಸುವ ಹೊತ್ತಿಗೆ ನಾಯಿಗಳ ದಾಳಿಯಿಂದ ಆ ಬಾಲಕ ಸಂಪೂರ್ಣವಾಗಿ ಗಾಯಗೊಂಡಿದ್ದ.
Updated on: Jan 27, 2025 | 7:19 PM
ಗ್ವಾಲಿಯರ್: ಮಧ್ಯಪ್ರದೇಶದ ಗ್ವಾಲಿಯರ್ ಜಿಲ್ಲೆಯಲ್ಲಿ ಬೀದಿ ನಾಯಿಗಳ ಗುಂಪೊಂದು 7 ವರ್ಷದ ಬಾಲಕನ ಮೇಲೆ ಕ್ರೂರವಾಗಿ ದಾಳಿ ಮಾಡಿವೆ. ಇದರಿಂದ ಅವನಿಗೆ ತೀವ್ರ ಗಾಯಗಳಾಗಿವೆ. ಇಂದು ಬೆಳಿಗ್ಗೆ ಗೋವಿಂದಪುರಿ ಪ್ರದೇಶದ ಶಾರದಾ ಬಾಲ ಆಶ್ರಮದಲ್ಲಿ ಮಗು ಆಟವಾಡುತ್ತಿದ್ದಾಗ 4ರಿಂದ 5 ಬೀದಿ ನಾಯಿಗಳು ಅವನನ್ನು ಸುತ್ತುವರೆದಿದ್ದಾಗ ಈ ಘಟನೆ ನಡೆದಿದೆ.
ಆ ಬಾಲಕ ನಾಯಿಗಳಿಂದ ತಪ್ಪಿಸಿಕೊಳ್ಳಲು ಪ್ರಯತ್ನಿಸಿದನು. ಆದರೆ, ನಾಯಿಗಳು ಅವನ ಮೇಲೆ ಎರಗಿ, ಅವನ ದೇಹದಾದ್ಯಂತ 18 ಬಾರಿ ಕಚ್ಚಿದವು. ಆಶ್ರಮದ ಸಿಬ್ಬಂದಿ ಮಧ್ಯಪ್ರವೇಶಿಸುವ ಹೊತ್ತಿಗೆ ಬೀದಿ ನಾಯಿಗಳು ವ್ಯಾಪಕ ಹಾನಿಯನ್ನುಂಟುಮಾಡಿದ್ದವು. ಬಾಲಕನನ್ನು ತಕ್ಷಣ ಆಸ್ಪತ್ರೆಗೆ ಕಳುಹಿಸಲಾಯಿತು. ಅಲ್ಲಿ ಅವನಿಗೆ ಚಿಕಿತ್ಸೆ ನೀಡಲಾಯಿತು.
ಇದನ್ನೂ ಓದಿ: ಸೂಟ್‌ಕೇಸ್‌ನಲ್ಲಿ ದೆಹಲಿ ಮಹಿಳೆಯ ಸುಟ್ಟ ಶವ ಪತ್ತೆ; ಒಂದೇ ದಿನದಲ್ಲಿ ಕೊಲೆ ರಹಸ್ಯ ಬಯಲಾಗಿದ್ದು ಹೇಗೆ?
ಗಾಯಕ್ಕೊಳಗಾದ ಮಗುವನ್ನು 7 ವರ್ಷದ ರವಿಕಾಂತ್ ಎಂದು ಗುರುತಿಸಲಾಗಿದ್ದು, ಆತ ಶಾರದಾ ಬಾಲ ಆಶ್ರಮದ ಹೊರಗೆ ಆಟವಾಡುತ್ತಿದ್ದಾಗ ಯಾರೂ ಗಮನಿಸಲಿಲ್ಲ. ಎಲ್ಲಿಂದಲೋ ಆರರಿಂದ ಎಂಟು ಬೀದಿ ನಾಯಿಗಳ ಗುಂಪೊಂದು ಅವನನ್ನು ಸುತ್ತುವರೆದು ಕಚ್ಚಲು ಪ್ರಾರಂಭಿಸಿದವು. ಅವು ಅವನ ತಲೆಗೆ ಕಚ್ಚಿ, ಕೂದಲನ್ನು ಕಿತ್ತು, ತಲೆಗೆ ತೀವ್ರವಾಗಿ ಗಾಯಗಳನ್ನು ಮಾಡಿದವು. ಆತ ಸಹಾಯಕ್ಕಾಗಿ ಕಿರುಚುತ್ತಿದ್ದಾಗ ಅವನ ಕುತ್ತಿಗೆಯನ್ನು ಕಚ್ಚಿ ಎಳೆದವು.
ಇದನ್ನೂ ಓದಿ: ಅತ್ಯಾಚಾರವಾದ ಬಳಿಕ ತನ್ನ ಗುಪ್ತಾಂಗದಲ್ಲಿ ತಾನೇ ಬ್ಲೇಡ್ ಇಟ್ಟ ಯುವತಿ
ಅವನ ಕಿರುಚಾಟ ಕೇಳಿ, ಆಶ್ರಮದ ಸಿಬ್ಬಂದಿ ಹೊರಗೆ ಹೊರಗೆ ಓಡಿಬಂದಾಗ ಮಗು ರಕ್ತದ ಮಡುವಿನಲ್ಲಿ ಬಿದ್ದಿರುವುದನ್ನು ನೋಡಿದರು. ರವಿಕಾಂತ್ ಅವರನ್ನು ಜೆಎಹೆಚ್ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆಗೆ ಸಾಗಿಸಲಾಯಿತು. ಅಲ್ಲಿ ವೈದ್ಯರು ತಕ್ಷಣ 2 ಗಂಟೆಗಳ ಶಸ್ತ್ರಚಿಕಿತ್ಸೆಯನ್ನು ಪ್ರಾರಂಭಿಸಿದರು. ಅವನ ದೇಹದಾದ್ಯಂತ ಆಳವಾದ ಗಾಯಗಳು ಆಗಿವೆ. ಗಾಯಗಳಿಗೆ ಚಿಕಿತ್ಸೆ ನೀಡಲು 107 ಹೊಲಿಗೆಗಳು ಬೇಕಾಗಿದ್ದವು. ಅವನ ಸ್ಥಿತಿ ಗಂಭೀರವಾಗಿದೆ. ಪೊಲೀಸರು ಈ ಘಟನೆಯ ಬಗ್ಗೆ ಗಮನ ಹರಿಸಿದ್ದಾರೆ ಮತ್ತು ಈ ವಿಷಯದ ಕುರಿತು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.
ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
