ಭದ್ರತಾ ಬೆದರಿಕೆಯಿಂದ ಚೆನ್ನೈಗೆ ತಿರುಗಿದ ಮುಂಬೈ- ಫುಕೆಟ್‌ ಮಾರ್ಗದ ಇಂಡಿಗೋ ವಿಮಾನ

ಚೆನ್ನೈ, ಸೆಪ್ಟೆಂಬರ್ 19: ಥೈಲ್ಯಾಂಡ್‌ನ ಫುಕೆಟ್‌ಗೆ ಹೋಗುತ್ತಿದ್ದ ಇಂಡಿಗೋ ವಿಮಾನದಲ್ಲಿ (IndiGo Flight) ಪ್ರಯಾಣದ ಮಧ್ಯದಲ್ಲಿ ಭದ್ರತಾ ಬೆದರಿಕೆ ಕಾಣಿಸಿಕೊಂಡ ನಂತರ ಇಂದು ಚೆನ್ನೈಗೆ ತಿರುಗಿಸಲಾಯಿತು. 6E 1089 ವಿಮಾನವು ಮುಂಬೈನಿಂದ ಹೊರಟಿತು. ಆದರೆ, ಚೆನ್ನೈಗೆ ಹೋಗುವ ಮಾರ್ಗವನ್ನು ಬದಲಾಯಿಸಿತು. ಅಲ್ಲಿ ಅಧಿಕಾರಿಗಳಿಗೆ ತಿಳಿಸಲಾಯಿತು ಮತ್ತು ವಿಮಾನವನ್ನು ಸಂಪೂರ್ಣ ಭದ್ರತಾ ಪರಿಶೀಲನೆಗೆ ಒಳಪಡಿಸಲಾಯಿತು.

“ಸೆಪ್ಟೆಂಬರ್ 19ರಂದು ಮುಂಬೈನಿಂದ ಫುಕೆಟ್‌ಗೆ ಹಾರಾಟ ನಡೆಸುತ್ತಿದ್ದ ಇಂಡಿಗೋ ವಿಮಾನ 6E 1089 ಅನ್ನು ವಿಮಾನದಲ್ಲಿ ಭದ್ರತಾ ಬೆದರಿಕೆ ಕಂಡುಬಂದ ಕಾರಣದಿಂದ ಚೆನ್ನೈಗೆ ತಿರುಗಿಸಲಾಯಿತು. ಪ್ರೊಟೋಕಾಲ್ ಪ್ರಕಾರ ಸಂಬಂಧಿತ ಅಧಿಕಾರಿಗಳಿಗೆ ತಕ್ಷಣವೇ ತಿಳಿಸಲಾಯಿತು. ಆ ವಿಮಾನವನ್ನು ಚೆನ್ನೈನಲ್ಲಿ ಅಗತ್ಯ ಭದ್ರತಾ ತಪಾಸಣೆಗೆ ಒಳಪಡಿಸಲಾಯಿತು. ಫುಕೆಟ್ ವಿಮಾನ ನಿಲ್ದಾಣದಲ್ಲಿ ರಾತ್ರಿ ಕರ್ಫ್ಯೂ ಇರುವುದರಿಂದ, ಪ್ರಯಾಣದ ಪುನರಾರಂಭವನ್ನು ರಾತ್ರಿಯ ನಂತರ ನಿಗದಿಪಡಿಸಲಾಗುವುದು” ಎಂದು ಇಂಡಿಗೋ ವಿಮಾನಯಾನ ಸಂಸ್ಥೆ ಹೇಳಿಕೆಯಲ್ಲಿ ತಿಳಿಸಿದೆ.

ಇದನ್ನೂ ಓದಿ: ಬಿಹಾರದಲ್ಲಿ ಹೊಸ ವಿಮಾನ ನಿಲ್ದಾಣ ಉದ್ಘಾಟಿಸಿದ ಪ್ರಧಾನಿ ಮೋದಿ; ಏನಿದರ ವಿಶೇಷತೆ?

ಗ್ರಾಹಕರಿಗೆ ಅನಾನುಕೂಲತೆಯನ್ನು ಕಡಿಮೆ ಮಾಡಲು ಎಲ್ಲಾ ಪ್ರಯತ್ನಗಳನ್ನು ಮಾಡಲಾಗಿದೆ. ಅವರಿಗೆ ಉಪಾಹಾರ ನೀಡುವುದು ಮತ್ತು ಅವರಿಗೆ ವಿಮಾನದ ಶೆಡ್ಯೂಲ್ ಕುರಿತ ಅಪ್​ಡೇಟ್ ನೀಡಲಾಗುತ್ತಿದೆ. “ನಮ್ಮ ಗ್ರಾಹಕರು, ಸಿಬ್ಬಂದಿ ಮತ್ತು ವಿಮಾನಗಳ ಸುರಕ್ಷತೆ ನಮ್ಮ ಪ್ರಮುಖ ಆದ್ಯತೆಯಾಗಿದೆ” ಎಂದು ಇಂಡಿಗೋ ಹೇಳಿದೆ.

ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ