Narada case: ಕಲ್ಕತ್ತಾ ಹೈಕೋರ್ಟ್​ನಿಂದ ಟಿಎಂಸಿ ನಾಯಕರಿಗೆ ಮಧ್ಯಂತರ ಜಾಮೀನು

ಕೊಲ್ಕತ್ತಾ: ನಾರದಾ ಪ್ರಕರಣದಲ್ಲಿ ಬಂಧಿಸಲ್ಪಟ್ಟ ನಾಲ್ವರು ಟಿಎಂಸಿ ಮುಖಂಡರಿಗೆ ಕಲ್ಕತ್ತಾ ಹೈಕೋರ್ಟ್ ಶುಕ್ರವಾರ ಮಧ್ಯಂತರ ಜಾಮೀನು ನೀಡಿದೆ. ಎರಡು ಶ್ಯೂರಿಟಿಗಳೊಂದಿಗೆ ತಲಾ ₹ 2 ಲಕ್ಷ ವೈಯಕ್ತಿಕ ಬಾಂಡ್ ಸಲ್ಲಿಸುವಂತೆ ನ್ಯಾಯಾಲಯ ಹೇಳಿದೆ. ವಿಡಿಯೋ ಕಾನ್ಫರೆನ್ಸಿಂಗ್ ಮೂಲಕ ಆರೋಪಿಗಳು ತನಿಖೆಗೆ ಹಾಜರಾಗಲಿದ್ದಾರೆ. ನಾರದ ಪ್ರಕರಣದ ವಿಚಾರಣೆ ಬಾಕಿ ಇರುವ ಕಾರಣ ಇವರು ಪತ್ರಿಕಾಗೋಷ್ಠಿ ನೀಡಬಾರದು ಎಂದು ಹೈಕೋರ್ಟ್ ನ್ಯಾಯಪೀಠ ತಿಳಿಸಿದೆ.

ತೃಣಮೂಲ ಕಾಂಗ್ರೆಸ್ ಮುಖಂಡರು ಮತ್ತು ಸಚಿವರಾದ ಸುಬ್ರತಾ ಮುಖರ್ಜಿ ಮತ್ತು ಪಕ್ಷದ ಶಾಸಕ ಮದನ್ ಮಿತ್ರ ಮತ್ತು ಮಾಜಿ ಟಿಎಂಸಿ ನಾಯಕರಾಗಿರುವ ಮಾಜಿ ಮೇಯರ್ ಸೋವನ್ ಚಟರ್ಜಿ ಅವರು ಹೈಕೋರ್ಟ್ ಆದೇಶದಂತೆ ಗೃಹಬಂಧನದಲ್ಲಿದ್ದರು.

ಮೇ 21 ರ ಹೈಕೋರ್ಟ್‌ನ ಆದೇಶಕ್ಕೆ ಸಂಬಂಧಿಸಿದಂತೆ ಸಿಬಿಐ ಮಂಗಳವಾರ ವಿಶೇಷ ರಜೆ ಅರ್ಜಿಯನ್ನು (ಎಸ್‌ಎಲ್‌ಪಿ) ಸಲ್ಲಿಸಿತ್ತು, ಅದು ತನ್ನ ಹಿಂದಿನ ನ್ಯಾಯಾಂಗ ರಿಮಾಂಡ್ ಆದೇಶವನ್ನು ನಾಲ್ವರ ಗೃಹಬಂಧನಕ್ಕೆ ಮಾರ್ಪಡಿಸಿತು, ಆದರೆ ನಂತರ ಅದನ್ನು ಹಿಂತೆಗೆದುಕೊಂಡಿತು.

ಕಲ್ಕತ್ತಾ ಹೈಕೋರ್ಟ್‌ನ 2017 ರ ಆದೇಶದ ಮೇರೆಗೆ ನಾರದ ಕುಟುಕು ಕಾರ್ಯಾಚರಣೆ ಪ್ರಕರಣದ ತನಿಖೆ ನಡೆಸುತ್ತಿರುವ ಸಿಬಿಐ ಈ ನಾಲ್ವರು ನಾಯಕರನ್ನು ಮೇ 17 ರ ಬೆಳಿಗ್ಗೆ ಬಂಧಿಸಿತ್ತು. ವಿಶೇಷ ಸಿಬಿಐ ನ್ಯಾಯಾಲಯವು ಮೇ 17 ರಂದು ನಾಲ್ವರು ಆರೋಪಿಗಳಿಗೆ ಮಧ್ಯಂತರ ಜಾಮೀನು ನೀಡಿತ್ತು, ಆದರೆ ಆಕ್ಟಿಂಗ್ ಮುಖ್ಯ ನ್ಯಾಯಮೂರ್ತಿ ರಾಜೇಶ್ ಬಿಂದಾಲ್ ಮತ್ತು ನ್ಯಾಯಮೂರ್ತಿ ಅರಿಜಿತ್ ಬ್ಯಾನರ್ಜಿ ಅವರನ್ನೊಳಗೊಂಡ ಹೈಕೋರ್ಟ್‌ನ ವಿಭಾಗೀಯ ಪೀಠವು ಆ ದಿನದ ನಂತರ ತೀರ್ಪನ್ನು ತಡೆಹಿಡಿದಿದೆ. ಅದರ ನಂತರ ನಾಯಕರು ನ್ಯಾಯಾಂಗ ಬಂಧನಕ್ಕೆ ಕಳುಹಿಸಲಾಗಿದೆ.

Calcutta HC grants interim bail to two Bengal ministers, TMC MLA, former Kolkata mayor arrested by CBI in Narada sting tapes case

— Press Trust of India (@PTI_News) May 28, 2021

ತಡೆ ಆದೇಶವನ್ನು ಮರುಪಡೆಯಲು ನಾಲ್ವರು ಆರೋಪಿಗಳು ಸಲ್ಲಿಸಿದ್ದ ಅರ್ಜಿಯಲ್ಲಿ ಭಿನ್ನಾಭಿಪ್ರಾಯ ಹೊಂದಿರುವ ನ್ಯಾಯಮೂರ್ತಿ ಅರಿಜಿತ್ ಬ್ಯಾನರ್ಜಿ ಅವರು ಮೇ 21 ರಂದು ನಾಲ್ವರಿಗೆ ಜಾಮೀನು ನೀಡಲು ಒಲವು ತೋರಿದರು. ಆದರೆ ಅವರನ್ನು ಗೃಹಬಂಧನದಲ್ಲಿ ಕಳುಹಿಸಬೇಕೆಂದು ಆಕ್ಟಿಂಗ್ ಮುಖ್ಯ ನ್ಯಾಯಮೂರ್ತಿ ಬಿಂಡಾಲ್ ಬಯಸಿದ್ದರು.

ನಂತರ ವಿಭಾಗೀಯ ಪೀಠವು ನಾಲ್ವರು ಆರೋಪಿಗಳನ್ನು ಗೃಹಬಂಧನಕ್ಕೆ ಕಳುಹಿಸುವ ಆದೇಶವನ್ನು ಜಾರಿಗೊಳಿಸಿತು. ಆನಂತರ ಹಿಂದಿನ ಆದೇಶವನ್ನು ಮಾರ್ಪಡಿಸಿ ಅವರ ಜಾಮೀನು ತಡೆಹಿಡಿಯಿತು. ಅಭಿಪ್ರಾಯದ ಭಿನ್ನತೆಯನ್ನು ಗಮನದಲ್ಲಿಟ್ಟುಕೊಂಡು, ಈ ವಿಷಯವನ್ನು ಐದು ನ್ಯಾಯಾಧೀಶರ ಪೀಠಕ್ಕೆ ಉಲ್ಲೇಖಿಸಲು ನ್ಯಾಯಪೀಠ ನಿರ್ಧರಿಸಿತು, ಇದು ಮೇ 24 ರಂದು ವಿಚಾರಣೆಯನ್ನು ಕೈಗೆತ್ತಿಕೊಂಡಿತು.

ನಾರದಾ ಕುಟುಕು ಕಾರ್ಯಾಚರಣೆಯನ್ನು ವೆಬ್ ಪೋರ್ಟಲ್ ನಾರದ ನ್ಯೂಸ್ ನ ಪತ್ರಕರ್ತ ಮ್ಯಾಥ್ಯೂ ಸ್ಯಾಮುಯೆಲ್ ಅವರು 2014 ರಲ್ಲಿ ನಡೆಸಿದ್ದರು. ಇದರಲ್ಲಿ ಟಿಎಂಸಿ ಸಚಿವರು ಸಂಸದರು ಮತ್ತು ಶಾಸಕರು ಕಾಲ್ಪನಿಕ ಕಂಪನಿಯ ಪ್ರತಿನಿಧಿಗಳಿಂದ ಹಣವನ್ನು ಪಡೆಯುತ್ತಿರುವುದು ವಿಡಿಯೊದಲ್ಲಿ ಸೆರೆಯಾಗಿತ್ತು ಆ ಸಮಯದಲ್ಲಿ ಬಂಧಿತ ನಾಲ್ವರು ರಾಜಕಾರಣಿಗಳು ಮಮತಾ ಬ್ಯಾನರ್ಜಿ ಸರ್ಕಾರದಲ್ಲಿ ಸಚಿವರಾಗಿದ್ದರು. ಪಶ್ಚಿಮ ಬಂಗಾಳದಲ್ಲಿ 2016 ರ ವಿಧಾನಸಭಾ ಚುನಾವಣೆಗೆ ಮುನ್ನ ಈ ಕುಟುಕು ಕಾರ್ಯಾಚರಣೆಯನ್ನು ಬಹಿರಂಗಪಡಿಸಲಾಗಿತ್ತು.

ಇದನ್ನೂ ಓದಿ: ನಾರದ ಭ್ರಷ್ಟಾಚಾರ ಪ್ರಕರಣ: ಸಿಬಿಐನಿಂದ ನಾಲ್ವರು ಟಿಎಮ್​ಸಿ ನಾಯಕರ ಬಂಧನ

ಇದನ್ನೂ ಓದಿ: Narada Bribery Case ಸುವೇಂದು ಅಧಿಕಾರಿ ವಿರುದ್ಧ ತನಿಖೆ ನಡೆಸಲು ಲೋಕಸಭಾ ಸ್ಪೀಕರ್ ಅನುಮತಿಗಾಗಿ ಕಾಯುತ್ತಿದ್ದೇವೆ: ಸಿಬಿಐ

Published On - 3:21 pm, Fri, 28 May 21