New Parliament Inauguration: ಹೊಸ ಸಂಸತ್ ಭವನ ಉದ್ಘಾಟನೆ ಇಂದು; ಇಲ್ಲಿದೆ ಕಾರ್ಯಕ್ರಮಗಳ ಸಂಪೂರ್ಣ ವೇಳಾಪಟ್ಟಿ, ಎಲ್ಲಿ ಯಾವಾಗ ವೀಕ್ಷಿಸಬಹುದು?

ಇಂದು(ಭಾನುವಾರ) ನೂತನ ಸಂಸತ್ ಭವನದ (New Parliament) ಉದ್ಘಾಟನೆ ಕಾರ್ಯ ನಡೆಯಲಿದ್ದು, ಈ ಕಾರ್ಯಕ್ರಮದಲ್ಲಿ ಸಚಿವರು, ಧಾರ್ಮಿಕ ಮುಖಂಡರು ಮತ್ತು ಗಣ್ಯ ವ್ಯಕ್ತಿಗಳು ಭಾಗವಹಿಸಲಿದ್ದಾರೆ. ನೂತನ ಸಂಸತ್ ಭವನವನ್ನು ಪ್ರಧಾನಿ ನರೇಂದ್ರ ಮೋದಿ (Narendra Modi) ಉದ್ಘಾಟಿಸಲಿದ್ದಾರೆ. ನೂತನ ಸಂಸತ್ ಕಟ್ಟಡ ಉದ್ಘಾಟನಾ ಸಮಾರಂಭವು ಮುಂಜಾನೆ ಹವನ ಮತ್ತು ಸರ್ವಧರ್ಮ ಪ್ರಾರ್ಥನೆಯೊಂದಿಗೆ ಪ್ರಾರಂಭವಾಗುತ್ತದೆ. ನಂತರ ಲೋಕಸಭೆಯಲ್ಲಿ ಪ್ರಧಾನಿ ಮೋದಿ ಔಪಚಾರಿಕ ಉದ್ಘಾಟನೆ ಕಾರ್ಯ ನಿರ್ವಹಿಸಲಿದ್ದಾರೆ. ಹೊಸ ಸಂಸತ್ ಕಟ್ಟಡಕ್ಕೆ ಡಿಸೆಂಬರ್ 2020 ರಲ್ಲಿ ಪ್ರಧಾನಿ ನರೇಂದ್ರ ಮೋದಿ ಶಂಕುಸ್ಥಾಪನೆ ಮಾಡಿದ್ದರು.

ಉದ್ಘಾಟನೆಯ ಉದ್ಘಾಟನಾ ಸಮಾರಂಭವನ್ನು ಎರಡು ವಿಭಾಗಗಳಾಗಿ ವಿಂಗಡಿಸಿ ಒಂದು ದಿನದ ಕಾರ್ಯಕ್ರಮವನ್ನು ಯೋಜಿಸಲಾಗಿದೆ.

ಬೆಳಗ್ಗೆ 7 ಗಂಟೆಗೆ ಹೊಸ ಸಂಸತ್ ಕಟ್ಟಡದ ಹೊರಗೆ ಹವನ ನಡೆಯಲಿದ್ದು, ಅಲ್ಲಿ ಶೈವ ಧರ್ಮದ ಹಿರಿಯ ಅರ್ಚಕರು ಸೆಂಗೋಲ್‌ (ರಾಜದಂಡವನ್ನು) ಮೋದಿಗೆ ಹಸ್ತಾಂತರಿಸಲಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಬೆಳಿಗ್ಗೆ 9 ಗಂಟೆಯವರೆಗೆ ಪೂಜೆಗಳು ನಡೆಯಲಿದ್ದು, ನಂತರ ಉದ್ಘಾಟನಾ ಸಮಾರಂಭವು ಮಧ್ಯಾಹ್ನದ ಸುಮಾರಿಗೆ ಪ್ರಾರಂಭವಾಗಲಿದೆ.

ಪ್ರಧಾನಿ ನರೇಂದ್ರ ಮೋದಿ, ಲೋಕಸಭೆ ಸ್ಪೀಕರ್ ಓಂ ಬಿರ್ಲಾ, ಉಪ ಸಭಾಪತಿ ಹರಿವಂಶ್ ಮತ್ತು ಇತರ ಕೆಲವು ಉನ್ನತ ಅಧಿಕಾರಿಗಳು ಬೆಳಗಿನ ಪೂಜೆಯಲ್ಲಿ ಪಾಲ್ಗೊಳ್ಳುವ ಸಾಧ್ಯತೆಯಿದೆ ಎಂದು ಎಎನ್‌ಐ ವರದಿ ಮಾಡಿದೆ.

ಸಂಸತ್ತಿನ ಉದ್ಘಾಟನೆಯ ವೇಳಾಪಟ್ಟಿ

1. ಮೇ 28, 2023 ರಂದು ನಡೆಯಲಿರುವ ಸಮಾರಂಭವು ಬೆಳಿಗ್ಗೆ 7.30 ರಿಂದ 8.30 ರವರೆಗೆ ಹವನ ಮತ್ತು ಪೂಜೆಯೊಂದಿಗೆ ಪ್ರಾರಂಭವಾಗುತ್ತದೆ.
2. ಗಾಂಧಿ ವಿಗ್ರಹದ ಬಳಿ ವಿಶೇಷವಾಗಿ ಅಲಂಕರಿಸಿದ ಪೆಂಡಾಲ್​​ನಲ್ಲಿ ಈ ಕಾರ್ಯ ನಡೆಯಲಿದೆ
3. ಪೂಜೆಯ ಸಮಯದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಮತ್ತು ಲೋಕಸಭೆಯ ಸ್ಪೀಕರ್ ಓಂ ಬಿರ್ಲಾ ಸೇರಿದಂತೆ ಹಲವಾರು ಸಚಿವರು ಇರುತ್ತಾರೆ.
4. ಪೂಜೆಯ ನಂತರ, ‘ಸೆಂಗೋಲ್’ ಎಂದು ಕರೆಯಲ್ಪಡುವ ರಾಜದಂಡವನ್ನು ಸ್ಪೀಕರ್ ಕುರ್ಚಿಯ ಬಳಿ ಪ್ರಮುಖವಾಗಿ ಸ್ಥಾಪಿಸಲಾಗುವುದು. ತಮಿಳುನಾಡಿನ ಮಹತ್ವದ ಐತಿಹಾಸಿಕ ಹಿನ್ನೆಲೆಯನ್ನು ಹೊಂದಿರುವ ಸೆಂಗೋಲ್ ರಾಜದಂಡವು ಅಧಿಕಾರದ ವರ್ಗಾವಣೆಯನ್ನು ಸಂಕೇತಿಸುತ್ತದೆ. ಇದರ ಸ್ಥಾಪನೆಯು ಬೆಳಿಗ್ಗೆ 8.30 ರಿಂದ 9.00 ರವರೆಗೆ ನಿಗದಿಪಡಿಸಲಾಗಿದೆ.
5. 9.00 ಗಂಟೆಗೆ ಪೂಜ್ಯ ಶಂಕರಾಚಾರ್ಯರು ಸೇರಿದಂತೆ ಖ್ಯಾತ ವಿದ್ವಾಂಸರು, ಪಂಡಿತರು ಮತ್ತು ಸಂತರ ಉಪಸ್ಥಿತಿಯಿಂದ ಪ್ರಾರ್ಥನಾ ಸಭೆಯು ಪ್ರಾರಂಭವಾಗುತ್ತದೆ.
6. ಮಧ್ಯಾಹ್ನ 12 ಗಂಟೆಗೆ ರಾಷ್ಟ್ರಗೀತೆಯೊಂದಿಗೆ ಎರಡನೇ ಹಂತದ ಸಮಾರಂಭ ಆರಂಭವಾಗಲಿದೆ.
7. ಕಾರ್ಯಕ್ರಮದ ಅಂಗವಾಗಿ, ಈ ಮಹತ್ವದ ಸಂದರ್ಭವನ್ನು ಪ್ರದರ್ಶಿಸುವ ಎರಡು ಕಿರುಚಿತ್ರಗಳನ್ನು ಪ್ರದರ್ಶಿಸಲಾಗುವುದು.
8. ಇದಾದ ನಂತರ ರಾಜ್ಯಸಭೆಯ ಉಪಾಧ್ಯಕ್ಷರು, ಉಪರಾಷ್ಟ್ರಪತಿ ಜಗದೀಪ್ ಧನ್ಖರ್ ಮತ್ತು ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರು ರವಾನಿಸಿದ ಸಂದೇಶಗಳನ್ನು ಓದುತ್ತಾರೆ.
9. ಇದಲ್ಲದೆ, ರಾಷ್ಟ್ರದ ಇತಿಹಾಸದಲ್ಲಿ ಈ ಮೈಲುಗಲ್ಲನ್ನು ನೆನಪಿಸುವ ಸ್ಮರಣಾರ್ಥ ನಾಣ್ಯ ಮತ್ತು ಅಂಚೆಚೀಟಿ ಬಿಡುಗಡೆ ನಡೆಯಲಿದೆ. ಪ್ರಧಾನಿ ನರೇಂದ್ರ ಮೋದಿ ಅವರು ಈ ಸಂದರ್ಭದಲ್ಲಿ ಭಾಷಣ ಮಾಡಲಿದ್ದು, ಭವಿಷ್ಯದ ದೃಷ್ಟಿಕೋನವನ್ನು ವಿವರಿಸಲಿದ್ದಾರೆ.
10. ಕಾರ್ಯಕ್ರಮವು ಸುಮಾರು 2:00 ರಿಂದ 2.30 ಕ್ಕೆ ಮುಕ್ತಾಯಗೊಳ್ಳುವ ನಿರೀಕ್ಷೆಯಿದೆ.

ಇದನ್ನೂ ಓದಿ: ಹೊಸ ಸಂಸತ್ ಕಟ್ಟಡ ಏಕೆ ತ್ರಿಕೋನ ಆಕಾರದಲ್ಲಿದೆ? ಇಲ್ಲಿದೆ ನೂತನ ಭವನದ ವಿಶೇಷಗಳ ಮಾಹಿತಿ

ಉದ್ಘಾಟನಾ ಕಾರ್ಯಕ್ರಮವನ್ನು ಎಲ್ಲಿ ವೀಕ್ಷಿಸಬಹುದು?

ಸಂಸತ್ತಿನ ಉದ್ಘಾಟನೆಯ ನೇರ ಪ್ರಸಾರವನ್ನು ಟಿವಿ9 ವಾಹಿನಿ  ಮತ್ತು ಟಿವಿ9 ಯುಟ್ಯೂಬ್​​ನಲ್ಲಿ ವೀಕ್ಷಿಸಬಹುದು.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 5:30 am, Sun, 28 May 23