ಭೀಮಾ ಕೋರೆಗಾಂವ್ ಪ್ರಕರಣ: ಬಂಧಿತ ಆರೋಪಿ ರೋನಾ ವಿಲ್ಸನ್ ಲ್ಯಾಪ್ಟಾಪ್ ಹ್ಯಾಕ್ ಮಾಡಿಲ್ಲ ಎಂದ ಎನ್ಐಎ
USA Arsenal Report ಪ್ರಕಾರ ಆರೋಪಿ ರೋನಾ ವಿಲ್ಸನ್ ಬಂಧನಕ್ಕೂ ಮುನ್ನ ಅಂದ್ರೆ 2018ರ ಜೂನ್ 6 ಕ್ಕೂ ಎರಡು ವರ್ಷಗಳ ಮುನ್ನ ಅಂದ್ರೆ 2016ರ ಜೂನ್ 13ರಂದು ಈ-ಮೇಲ್ ಮೂಲಕ ಅವರ ಲ್ಯಾಪ್ಟಾಟ್ ಹ್ಯಾಕ್ ಮಾಡಿ, ಈ ಫೈಲ್ಗಳನ್ನು ತುಂಬಲಾಗಿದೆಯಂತೆ.
Updated on: May 01, 2021 | 2:26 PM
ಮಹಾರಾಷ್ಟ್ರದಲ್ಲಿ 2018ರ ಜನವರಿಯಲ್ಲಿ ಭೀಮಾ ಕೋರೆಗಾಂವ್ 200ನೇ ವಾರ್ಷಿಕಾಚರಣೆ ವೇಳೆ ನಡೆದಿದ್ದ ಹಿಂಸಾಚಾರ ಪ್ರಕರಣದಲ್ಲಿ ಬಂಧನದಲ್ಲಿರುವ ರೋನಾ ವಿಲ್ಸನ್ ಲ್ಯಾಪ್ಟಾಪ್ ಅನ್ನು ಹ್ಯಾಕ್ ಮಾಡಿ 22 ಫೈಲ್ಗಳನ್ನು ಅದರಲ್ಲಿ ಸೇರಿಸಲಾಗಿದೆ ಎಂದು ಅಮೆರಿಕಾದ ಡಿಜಿಟಲ್ ವಿಧಿವಿಜ್ಞಾನ ಪ್ರಯೋಗಾಲಯವೊಂದು ವರದಿಯಲ್ಲಿ ಹೇಳಿತ್ತು. ಆದರೆ ಅಂತಹ ಯಾವುದೇ ಪ್ರಮೇಯ ಉದ್ಭವವಾಗದು. ಆರೋಪಿ ರೋನಾ ವಿಲ್ಸನ್ ಲ್ಯಾಪ್ಟಾಪ್ ಹ್ಯಾಕ್ ಮಾಡಿಲ್ಲ ಎಂದು ರಾಷ್ಟ್ರೀಯ ತನಿಖಾ ದಳ (National Investigation Agency-NIA) ಕೋರ್ಟ್ಗೆ ತಿಳಿಸಿದೆ. ಭೀಮಾ ಕೋರೆಗಾಂವ್ ಪ್ರಕರಣದಲ್ಲಿ ಈ ಫೈಲ್ಗಳೇ ಪ್ರಮುಖ ಸಾಕ್ಷ್ಯಗಳು ಎಂದು ಪುಣೆ ಪೊಲೀಸರು ಆರಂಭದಿಂದಲೂ ಹೇಳುತ್ತಿದ್ದಾರೆ. ಅದನ್ನು ಎನ್ಐಎ ಸಹ ಬಲವಾಗಿ ಸಮರ್ಥಿಸಿಕೊಂಡಿದ್ದು, ಆ ಫೈಲ್ಗಳು ರೋನಾ ವಿಲ್ಸನ್ ಲ್ಯಾಪ್ಟಾಟ್ನಲ್ಲಿಯೇ ಇದ್ದವು. ಅದನ್ನು ಯಾರೂ ಹ್ಯಾಕ್ ಮಾಡಿ, ಕಂಪ್ಯೂಟರ್ ಒಳಗೆ ಸೇರಿಸಿಲ್ಲ ಎಂದು ಹೇಳಿದೆ.
ಪ್ರಧಾನ ಮಂತ್ರಿಯನ್ನು ಹತ್ಯೆ ಮಾಡುವ ಪಿತೂರಿ ಮತ್ತು ಸರ್ಕಾರವನ್ನು ಉರುಳಿಸುವ ಪ್ರಯತ್ನವಾಗಿ ನಿಷೇಧಿತ ಮಾವೋವಾದಿ ಸಂಘಟನೆಯ ಸದಸ್ಯರ ನಡುವಣ ಪತ್ರ ವ್ಯವಹಾರ, ಹಣ ವರ್ಗಾವಣೆ, ಸಂಘಟನೆಯಲ್ಲಿ ಮಹಿಳೆಯರ ಪ್ರಾತಿನಿಧ್ಯ ಹೆಚ್ಚಳ, ಸದಸ್ಯರ ನಡುವಣ ಸಂವಹನಕ್ಕೆ ಇರುವ ಕಷ್ಟಗಳು, ಸರಕಾರ ಸಂಘಟನೆಯ ಬಲ ಕುಗ್ಗಿಸಲು ಕೈಗೋಂಡಿರುವ ಕ್ರಮಗಳ ಬಗೆಗಿನ ಚರ್ಚೆಗಳ ಮಾಹಿತಿ ಈ ಕಡತಗಳಲ್ಲಿ ಅಡಕವಾಗಿವೆ. ಆದರೆ ಇದನ್ನೆಲ್ಲಾ ಹ್ಯಾಕ್ ಮಾಡಿ, ಆರೋಪಿ ರೋನಾ ವಿಲ್ಸನ್ ಲ್ಯಾಪ್ಟಾಟ್ನಲ್ಲಿ ತುಂಬಲಾಗಿದೆ ಎಂದು ಅಮೆರಿಕ ಪ್ರಯೋಗಾಲಯ (USA Arsenal Report ) ಹೇಳಿರುವುದು ಸರಿಯಲ್ಲ. ನ್ಯಾಯಾಲಯದಲ್ಲಿ ಇರುವ ಪ್ರಕರಣದಲ್ಲಿ ಅಮೆರಿಕದ ಸಂಸ್ಥೆಯೊಂದು ಮೂಗುತೂರಿಸುವ ಹಾಗಿಲ್ಲ ಎಂದು ವರದಿಯನ್ನು NIA ಅಲ್ಲಗಳೆದಿದೆ.
ಆರೋಪಿ ರೋನಾ ವಿಲ್ಸನ್ ಬಾಂಬೆ ಹೈಕೋರ್ಟ್ನಲ್ಲಿ ಸಲ್ಲಿಸಿರುವ ಮಧ್ಯಂತರ ಜಾಮೀನು ಅರ್ಜಿಯನ್ನು ವಿರೋಧಿಸಿ ಸಲ್ಲಿಸಿದ ಅಫಿಡವಿತ್ನಲ್ಲಿ, NIA ಸ್ಪೆಷಲ್ ಪ್ರಾಸಿಕ್ಯೂಟರ್ ವಿಕ್ರಮ್ ಖಳಾಟೆ ಕೋರ್ಟ್ ಗಮನಕ್ಕೆ ಈ ಮಾಹಿತಿಯನ್ನು ತಂದಿದ್ದಾರೆ.
ಅಸಲಿಗೆ ಹ್ಯಾಕಿಂಗ್ ಆಗಿದೆ ಎನ್ನುವ ಸಮಯದಲ್ಲಿ NIA ಇನ್ನೂ ತನಿಖೆಯನ್ನೇ ಕೈಗೊಂಡಿರಲಿಲ್ಲ. ಅಷ್ಟಕ್ಕೂ ರೋನಾ ವಿಲ್ಸನ್ ಲ್ಯಾಪ್ಟಾಪ್ ಅವರ ಬಳಿಯೇ ಇತ್ತು. ಹಾಗಾಗಿ ಹ್ಯಾಕ್ ಮಾಡುವ ಪ್ರಶ್ನೆಯೇ ಉದ್ಭವಿಸದು ಎಂದು ಎಸ್ಪಿ ವಿಕ್ರಮ್ ಖಳಾಟೆ ಕೋರ್ಟ್ ಗಮನಕ್ಕೆ ತಂದಿದ್ದಾರೆ. ಮಧ್ಯಂತರ ಜಾಮೀನು ಅರ್ಜಿ ವಿಚಾರಣೆಯನ್ನು ಜಸ್ಟೀಸ್ ಎಸ್ ಎಸ್ ಶಿಂಧೆ ಮತ್ತು ಮನೀಶ್ ಪಿಟಾಲೆ ಅವರ ನ್ಯಾಯಪೀಠ ಮೇ 4ರಂದು ಆಲಿಸಲಿದೆ.
USA Arsenal Report ಪ್ರಕಾರ ಆರೋಪಿ ರೋನಾ ವಿಲ್ಸನ್ ಬಂಧನಕ್ಕೂ ಮುನ್ನ ಅಂದ್ರೆ 2018ರ ಜೂನ್ 6 ಕ್ಕೂ ಎರಡು ವರ್ಷಗಳ ಮುನ್ನ ಅಂದ್ರೆ 2016ರ ಜೂನ್ 13ರಂದು ಈ-ಮೇಲ್ ಮೂಲಕ ಅವರ ಲ್ಯಾಪ್ಟಾಟ್ ಹ್ಯಾಕ್ ಮಾಡಿ, ಈ ಫೈಲ್ಗಳನ್ನು ತುಂಬಲಾಗಿದೆಯಂತೆ.
(NIA Denies usa Arsenal Consulting report and Arsenal Consulting Hacking Rona Wilson Laptop In Bhima Koregaon Case)
Also Read ಭೀಮಾ-ಕೋರೆಗಾಂವ್ ಕದನಕ್ಕೆ 203 ವರ್ಷ; ಭಾರತದ ದಲಿತ ಕಥನದಲ್ಲಿ ಈ ಯುದ್ಧಕ್ಕೆ ಏಕಿಷ್ಟು ಪ್ರಾಮುಖ್ಯ?
